Montemorelos University team chuan national competition ah lawmman pakhatna an la
Montemorelos University a\anga Enactus Team member-te chuan; kumin June 24-25 chhunga Mexico City, Mexico-a neih Enactus national competition-a an project-submit in lawman pakhatna aN dawn thu an hriat chuan an lawm em em mai a, an \e chel chûl mai a ni.
Montemorelos enactus team-te hian next gen leaders huangchhunga lawman pakhatna an lak vawikhatna a ni a.He lawmman hian, khawtlang tana hmasawnna tur project liantham tak a keng tel a. He lawmman hmang hian an khawtlang chuan nasa takin hma a sawn phah thei dawn a ni.
“He hnehna hi zirlai-te talent leh inpêkna avang chauh ni lovin, an project thar siam hian khawtlang boruak-ah nghawng thûk tak leh \ha tak a neih dawn avangin, a \ha em em a ni,” tiin Montemorelos team-a academic advisor Isaac Flores chuan a sawi.
Team hian NAMOCA project hi kum 2023-2024 chhunga zirlaiten an siam a ni a. Mexico khawpui Nuevo León-a Linares bula awm, La Estrella khawtlang in ka chhung lampang hrisel na nasa zawk an nei theih nan leh plastic pollution tih ziaawm dan tur a thlur bing a ni.
World Health Organization (WHO) in a sawi danin, kum 2020 khân khawvel mipui zaa 45 chuan, ka chhûng hriselna lamah harsatna an tawk tih a târlang a. Ha nget hi a hluar ber a. Mexico mipui hmalam hun tur nen pawh a inang hle. Epidemiological Surveillance System chhinchhiah dan chuan naupang leh tleirawl sawm zinga pasarih chuan ha nget an nei a; puitling sawm zinga pasarih chuan periodontal disease an nei a. Tin, kum upa zingah sawm zela pali-te chuan ka chhûng lam harsatna vang hian chaw ei leh \awng an harsat hle a ni.