PASTOR ORDINATION NEIH A NI

Mizo Conference hnuaia hnathawktu, mi parukte chu; Pastor atan January 25, 2025 khan nemngheh an ni. Nemnghehna inkhawm hi Seventh-day tlang kohhran biak in-ah neih a ni a. Heng mite hi ordain tharte an ni:-

1. Pastor Lalmuansanga Khiangte

2. Pastor R. Lalchhanhima

3. Pastor H. Lalthanmawia

4. Pastor Laldanmawia Ralte

5. Pstor Lalhriatpuia

6. Pastor Lallianmawia Pachuau

Northeast India Union of Seventh-day Adventist Ministerial Secretary Pastor Tawkthanga, President ni bawk chuan nemngheh inkhawmah hian thuchah sawiin, rawngbawltute chu Pathian tana huai taka ke pen zel tur leh chhel turin a fuih a. Chhiahhlawh rawngbawltu ni a, inngaihtlawmna nena rawngbawl turin a fuih a. Ordained Pastor awm zawng zawngten an lu chungah kut nghatin, tawng\aina urhsun nen hriak thihna neih a ni. Adventist Choir-ten fakna hla “Ka zui zel ang che” tih hmangin fakna hla mawi takin an sa a ni.

Mizo Conference President Pastor R. Biakzidinga chuan pastor tharte chu rawngbawl tura tirh chhuahna (charge hlanna) hun a hmang a. Pastor Rohlua Fanai, Director Sabbath School, Mizo Conference chuan pastor chhungkuaa lawm luhna a nei a. Tin, Pi Lalsangpuii Renthlei, Shepherdess Co-Coordinator chuan pastor nupuite lawm luhna hun a hmang bawk. Pastor Malsawma Tochhawng chuan tawpna \awng\ai hun hmangin inkhawmte a \in ta a ni.