PATHFINDER DAY VAWI 74-NA HMAN A NI

Khawvel ram hrang hrangah, Youth Ministries Department chuan Pathfinder Day vawi 74-na chu vawiin September 21, 2024 khan an hmang. Mizoramah pawh he hun hi Youth Department kaihhruainain hman a ni a. Pathfinder Club dinna kohhranten urhsun takin an hmang a ni.

Pathfinder Day vawi 74-na-ah hian thupui atan “Isua chu in zingah a camp ve a sin” (Jesus Camps With You) tih chu hman a ni a. Vesper inkhawm atanga tanin AY Inkhawm thlengin program hrang hrang hmanho a ni a. Naupang ten an thiam thil hrang hrangte an entir bakah Pathian fak leh chawiimawiin he hun hi hman a ni.

Aizawl khawchhunga kohhrante chuan a huhoin 7th-day Tlang Biak In-ah he hun hi an hmang a. Tin, Lunglei khawchhunga kohhrante pawhin Lunglei Chanmari Biak Inah hun an hmang bawk. Tin, an ni bakah hian AYF leh AYM ten he hun pual hian anmahni Biak in theuhah hun an hmang a. Mizo Conference hnuaia Pathfinder Club-te hian Sabbath ni a hun an hman mai bakah an awmna khua theuhah khawtlang thatna tur lam hawiin hna an thawk a. Thlanmual tih fai, khawlai leh luidung thianfai tein hun an hmang a ni.

Pathfinder Club hi Youth Ministries Department hnuaia naupang leh tleirawlte enkawlna pawl a ni a. Scout & Guide anga inkaihruaina hi duan a ni a. Tin, heng adventure activities bakah hian Pathian thu lama inkaihruaina program a awm bawk a ni. Khawvel pumah hian Pathfinder Club member hi maktaduai hnih chuang an awm a. Mizoramah hian Club 14 awmin Club member a inziak lut hi 500 bawr vel an awm a ni. Pastor R. Lalramnghaka leh Pu Lalmuansanga Khiangte-te kaihruaina hnuaiah awmin, kohhranggv ve chu vv inkaihruaina hrang hrang bakah themthiam zirna kawng hrang hrang leh life skills chi hrang hrangte zirtir an ni thin a. Annual Camp bakah camporee leh night out camp-te an nei fo thin a. Pathfinder Club enkawl tur hian thalai ten Master Guide an zawh a ngai thin a ni.