Pum |ha lo(Acid Peptic Disorder)

Acid Peptic Disease kan tih hian heng pum lam harsatna te hi a huam thei ang – Pumpui pan, Rilfang lawng, Rilfang pan, irh benvawn leh a dangte a huam a. Ayurvedic chuan Amlapitta tih a ni. Amla – thur, pitta- kan pum pai tawihna tanpuitu. Kan pum pai tawihna puitu (Enzymes) te an nih tur aia an thur emaw eng emaw avanga an hnathawh tur ang an thawh loh khan Amlapitta kan ti \hin.

A awm chhante:
Chaw ei mumal loh, Chaw hun lo a ei, Zuk leh hmuam tih nasat te, Caffeine lampang tamna ei/in, thil um leh uih lampang ei nasat, na chhawkna lam heng NSAIDs, etc, ei tam te, stress nasat lutuk, inthiar hun bi neih loh, etc.

A inven dan:
Natna thlentu – Zuk leh hmuam ti mi tan tan insum a ngai. Sa lam thil rep, uih lampang insum. Zan mut hma leh zing thawh hma, tui in tam te hi damdawi ei ai pawhin an pawimawh zawk a ni. Thingpui paw thlum leh coffee in nasat te, thil sa lutuk leh thak lutuk te insum a ngai a, alcohol (zu lampang) insum a ngai bawk.

Thei (fruits) leh thlai lam: Sunhlu, Theibuhfai, Grape ro, Nimbu, Sawhthing, Hruivankai(Tinospora), Tawkte, Samtawk, Aloe vera te hi ei tam a pawimawh.

Breathing exercise:

Thawk exercise hi \ha hle a, mihring hi kan thawk muan poh leh Oxygen hi kan thaw lut \ha a, chu chuan kan thisen a tifai a, stress a tihniam thei a, chu chuan indirect-in kan pumpui lawng a tidam a, hriselna atan pawh a pawimawh a ni. Thawk muan a, dam diaia awm hi lo zir ve chhin teh.

Hriat tur pawimawhte:

Tui lum pip pep in tam a tha.

Pumpui tihfai dan tha pakhat chu zing thawh hlimah tui lum pip pep chi al in la, i in theih tawk thleng chumi zawhah i inkawm luak dawn nia. Hei hian pumpui thur te a tifai a ni. Chumi zawhah chuan chaw nem lam leh thak leh sa lutuk ei nghal mai lo la, pumpui hah chawlhtir ve tur a ni.

Kan taksa khawl te hi hna an thawk reng a, mahse khawl an ni ve a, engtik lai pawh a thil kan ei \euh \euh chuan an hah ve thei a, kar khatah vawi khat tal chaw nghei (fasting) a nih loh pawn chaw zangkhai lam (Light diet) ei hi tih ve zeuh zeuh a \ha. Mahse, zuk leh hmuam ti nasa, kuhva ei nasa tan insum theih loh chuan a tih chi kher lo a ni.

Aloe vera juice, Sunhlu (Amla) tui, Nimbu thar lam sawr chawp zel in zing karah pumruah laia in \hin hian pumpui lawng tan an \ha hle.