SERCHHIP CIRCLE
– Pastor Challiandinga Hnamte
- January 17, 2026 khan Pastor Lallianmawia Pachuau chuan hun eng emaw chen Bible Study a lo pek tawh chu Biate Kohhrana lawi turin baptisma a chantir.
- January 18, 2026 khan Serchhip Circle Children’s Ministries te leh Serchhip bial Danial pawl chhantute chuan committee an nei a, kumin chhunga rawngbawl dan tur an sawi ho a ni.
- January 22, 2026 khan Tv. Lalremsiam leh Nl. Lalremsangi te chu Biate Kohhranah dan thianghlimin an innei a. Pastor Lallianmawia Pachuauin a inkutsuihtir a ni. Tv. Lalremsiama Renthlei hi Serchhip AYF Executive Committee member ni lai a ni.
- January 25, 2026 khan kumin atana Serchhip Circle Board Committee hmasa ber neih a ni a. Project 30,000 thlir hona neih a ni a. He project a hlawhtlin theih nan ruahmanna hrang hrang siam ho a ni.
- January 31, 2026 Sabbath ni khan Circle Leader Pastor Challiandinga Hnamte chuan Baktawng Kohhranah naute pakhat Pathian hnenah a hlan a, Communion Service a neihpui bawk. Hemi rual hian Deacon pakhat leh Deaconess pakhat nemnghehna hun a hmang a. Hemi ni vek hian Pastor Lallianmawia Pachuau chuan Sailulak khuaa Adventist Kohhran member awm chhun Pu Rochhawna chu Communion Service a neihpui a ni.