SIAHA CIRCLE

– Pastor Daniel Ralte

• January 23-25, 2026 khan Siaha Bial Danial Pawl Chhantu inkhawmpui vawi thumna Sangauah neih a ni a. He inkhawmpuiah hian khaw hrang hrang sawm pariat atangin palai mi 135 vel kal khawmin, thlarau ruai hlim taka kil ho a ni. Inkhawmpui lehna hmun atan Tisi ruat a ni bawk. Mizo Conference atangin Pastor Rodingliana (President, Mizo Conference) leh Pu Vanlalhmangaiha te lo kalin, Zoram Danial Pawl Chhantu atangin Pu KM Lianzuala leh Dr C. Vanneihthanga ten min rawn ho thei bawk. An hnen atang hian thuchah nung tak leh pawimawh tak tak kan ngaithla bawk a ni.
• January 25, 2026 khan Kum 2026 – 2028 Siaha Bial Danial Pawl Chhantu hruaitu tur inthlanna neih niin, heng a hnuaia mite hi lungrual taka thlan tlin an ni:
  • Chairman: Lalchhanhima Pautu
  • Vice Chairman: S. Siko
  • Secretary: F. Lalhmingsanga
  • Asst Secretary: Lalthlangliana
  • Treasurer: C. Lalthawmmawia
  • Fin. Secretary: Dolin Lalduatsanga
  • Recorder: Lily Parmawii Sailo
• January 31, 2026 khan Circle Leader Pastor Daniel Ralte leh a thiannu Pi VL Hmangaihi Hmar te chuan Cheural Kohhran tlawhin, chawlhni hlim takin an hmang ho a ni.
• January 21, 2026 atang khan Cheural Kohhrante chuan Bible ralchhan (VOP) hmangin rawngbawlna an tan a. Mi thahnem takin Bible ralchhan (VOP) an chhang mek a. He rawngbawlna hi kalpui zel tum a ni bawk.
• January 31, 2026 khan Sangau Kohhran chuan Thaltlang Kohhran an tlawh a. Commissioned Pastor Lalduhkima Hrangchalin Lalpa zanriah kilpuiin, hun hlimawm tak an hmang.
• January 17, 2026 Chawlhni chawhnû khan Evangelist Lalthlangliana leh Adventist English Academy (School Tipa) Principal leh a staff te bakah hosteller naupangte chuan Tipa ‘V’ ah Pathian thuziak hrang hrang (Sabbath & Sunday, Mihring siam a nih dan, Kristian Thurin te) an sem a. A vaiin copy 150 an sem chhuak a ni.
• January 19, 2026 atang khan Commissioned Pastor Israel Ramtharnghaka leh Siahatla Kohhran member-te chuan Pu Kaphranga te chhungkua chu Bible study an neihpui a, neih chhunzawm mek a ni. Rah duhawm tak a chhuah beisei a ni.
• January 17, 2026 khan Bualpui ‘Ng’ Kohhran ten Lungzarhtum Kohhran te tlawhin, Commissioned Pastor Lalruatsanga Ralte-in Lalpa zanriah a kilpui bawk.