SUNDAY NI SERHNA HI ENGTIN NGE SAKAWLHCHHINCHHIAHNA TI-A KOHHRANIN KAN SAWITHEIH ZAWK! BIBLE |ANCHHAN A AWM EM?

-LT Ralte

Sabbath emaw Sunday emaw hi Thupuan bûah a ngial a ngana inziak hmuh tûr a awm si lo va, engtin nge sakawlh chhinchhiahna leh Sunday serhna hian inlaichinna an neih theih ang ti-a zawhna hi Thupuan chhiara chiktute rilru-ah a awm ve fo ka ring. Kei pawhin zawhna ka nei \hin a, mahse, Thupuanah vek hian chiang takin a chhanna hmuh tur a awm a ni.

“Sakawlh chhinchhiahna” tih \awngkam hi thupuanah vawi sarih hmuh tur a awm a (13:16, 17; 14:9, 11; 16:2; 19:20; 20: 4). Heng zinga palite hi Johana’n a inlarna dawn zinga a laimu berte kan ti thei ang (Thup 12-14), tin, he inlarna laipui ber hi a intanna kan chhui let chuan van biak buka thuthlung bawm chhunga thusawm pek lo lannaah khan a ni (Thup 11:19).

Pathian mi a la bangte chu “a thupek leh Isua hriattirna thu neitute,” tiha hriat an ni a (Thup12:17). Hemi hnu chiahah hian, Johana chuan kohhran tiduhdahtu tur sakawlh pahnih a sawi nghal a: (1) “tui atanga lo chhuak sakawlh,”a ni a (Thup 13:1). (2) “lei atanga lo chhuak sakawlh dang,” a ni (Thup 13:11). Sakawlh hmasa zawk chuan chibai bukna dik lo nei turin thupek a chhuah a, Daniela bung 7-a “ki tê tak tê” zia ang chiah –“hun te leh dânte thlâk tumtu,” (Dan 7:25) leh ni 1260 chhûng Pathian mite tiduhdahtu chêtna ang chiah kha a rawn nei ve a. Daniela hrilhlawkna nen kan suihfin hian chibai bûkna dik lo chuan Pathian “hun” leh a thupêkte thlâk tumna a kengtel tih a hmuh theih ta a ni. Tichuan, thusawm pek zingah hun chungchang ziahna awm chhun chu thupek palina a ni –thianghlim taka Sabbath serhna chu.

Hun kal tawh kan chhui let chuan chibai bûkna ni thlak tumna kan hmuh theih chu, Rom kohhranin Bible-a Sabbath ni aia Sunday serha chawlhna ni atana a hmanna hi a ni a. Tin, Thupuan bung 13-a sakawlh dang (America) hian sakawlh hmasa ang thuneihna nei a, sakawlh hmasa zawk nen chibai bukna dik lo kenkawh luihna kawnga an thawh ho dawn avangin (Thup 13:12), “a thupek zawma Isua rinna neitu,” (Thup 14:12) Pathian mite ang lo takin Sunday hi sakawlh leh a lim chibai buk turte chhinchhiahna pawimawhte zinga mi a ni thei tlat a ni. “Lei leh van te, tuifinriat te leh tui hna te Siamtu chibai bûk” (Thup 14:7; Exod 20:11) tûra kohna chu an lo bengkhawn avang hian Pathian mite thuawihnaah hian ni sarih ni serh thianghlimna pawh a tel a ni.

Heng mite hian Pathian chhinchhiahna (seal) chu an dawng ang a (Thup 7:4; 14:1), a kohna chhang lova, sakawlh thuneihna lanchhuahna, Sunday serh luitute chu Babulon mite zinga mi angin Thupuan chuan a sawi a, sakawlh chhinchhiahna dawng turte han ni (Thup 14: 8-11). Fiahna hnuhnung ber chu chibai bukna dik leh dik lo chungchang a ni ang a, Pathian dân (Sabbath serhna telin) leh mihring siam chawp chawlhni Sunday serhna chungchang a ni ang.

A Ziaktu: LT Ralte hi Pathian thu thiam tak a ni a. Tunah hian Andrews University, USA ah Doctor in Theology a zir \an mek a ni.