THENZAWL CIRCLE

– Commissioned Pastor F. Lalnienga

• January 4, 2026 khan Pastor Jonathan Lalthansanga chuan Bualpui ‘V’ Kohhranah mi pakhat baptisma a chantir.
• January 18, 2026 khan AYF Thenzawl Circle Executive Committee chu Sialsuk biak inah neih a ni a. Kumin atana hmalak dan tur pawimawh tak tak rel niin, agenda-17 rel fel a ni.
• January 19, 2026 atang khan Commissioned Pastor Lalawmpuia Tlau leh Evangelist Isaac Vanlalpekhlua te chuan Zote South khuaah rawngbawlna an tan.
• January 21, 2026 atang khan Evangelist Lallawmawma chuan Thenzawla chhungkaw khat hnenah Bible study a pe tan.
• January 24, 2026 khan Pastor Lalfakzuala Renthlei chuan Samlukhai Kohhrante communion service a hmanpui hnuin, January 31, 2026 khan Chawilung Kohhranah nau hlanna neih pahin communion service a hmanpui bawk.
• January 24, 2026 khan Thenzawl Kohhran upate Bible study pek atangin mi 10-in Pastor Jonathan Lalthansanga kutah baptisma an chang a, an zinga pakhat hi kohhran dang atanga rawn lût a ni.
• Nurture & Retention rawngbawlna bawhzuina ni fawmin kumin atana a vawi khat nan Pastor Jonathan Lalthansanga leh Commissioned Pastor F. Lalnienga te chuan Thenzawl kohhran in tinte an tlawh chhuak a, titi hona hun an neihpui a. Member ten tha an ti hle.