TUI IN TAM RAWH

Hriselna Huang

Nipui kan hmachhawn leh ta, tui in tam pawimawhna i’n sawi leh dawn teh ang.

  1. Taksa Vawng Dai leh Hnawng Turin (Hydration): Khaw lumah kan thlan a chhuak hnem em em a, chu chuan kan taksa chhunga tui awm kha a tikiam \hin. Tui kan in tlem chuan taksa a tui awm loh avangin kan lo chau (dehydration) a, chu chuan lu na, lu hai, leh taksa zawi nghulhna a thlen thei.
  2. Taksa Lum leh Vawt In-balance Nan: Mihring taksa hian lum leh vawt (temperature) dik taka vawn rengna turin tui in tam a pawimawh hle a. Tui kan in tam hian heat stroke (lum uap vanga nikhaw hre lova tlukna) lakah min veng thei a ni.
  3. Kal (Kidney) leh Pum Hrisel Nan: Nipui laia tui kan in tlem hian zun a tlem a, zun thip leh zun kawng hnai leh vung (UTI) a awm duh hle. Chu bakah Kala lung (kidney stone) insiam a awl a. Tui in tam hian kan kawchhung bawlhhlawh a tifai a, ek khal lutuk tur lakah min veng bawk.
  4. Vun Leh Hmel\hat Nan: Nipui ni sa hian vun a tiro duhin a tichuar hma bik a. Cosmetic man to tak tak hman aiin, tui tam tawk in hian vun a tinovin a tihmel\ha zawk daih a ni.

Engtin nge tui kan in tam theih ang?

• Khawiah pawh kal la, tui bottle pai zel hi chin \hanah nei la tui in tam a awl • Thei tui siam zir rawh: Tui pangngai in a ninawm changin thei chi a hrang hrang, dawnfawh, ser leh fanghma, leh thei tui dangte siama in tam tur.

Chini Tel Lo: Drinks thlum lutuk leh caffeine (coffee/thingpui) hian taksa a tiro (dehydrate) zawk \hin avangin tui thianghlim hi thlang zawk fo rawh.