Zirlai-1 2024 2nd Quarter Junior Zirlai

ZIRLAI 1-NA APRIL 6, 2024

KAN KOHHRAN CHHÛNGZÎNGAH

CHÂNGVAWN: “Chutichuan remchâng hun kan neihzia ang zêlin mi zawng zawng chungah thil \hâ i ti ang u, rinna chhûngte zînga mi chungah i ti deuh ber ang u,” (Galatia 6:10).

Chhiar Tûr: Tirhkohte 4:32-37; Tirhkohte Thiltih, bung 7, pp. 70, 71; The Bible Story (1994), vol. 10, pp. 26-30; Our Beliefs nos. 14, 12, 17.

Chàkna Thû: Kan kohhran hi ringtu chhûngkua inngaihsak tlâng \hînte hi a ni.

Zírlaite Puâl: Thil huaihawt nuâm i tiin mipuite hi i ngainâ em? Chutiang tih theih chu thilpêk a ni. Pentekos hnû khân zirtîrte chuan hna thawh tûr a ngah hlê mai a, an rinna avânga in leh lo leh eizawnna chânte chu an buaipui nasa hlê a ni. Mahse an \ang tlâng a, mi tinin ei leh bâr leh silh leh fên tûr bâkah, khawsakna tûr an nei thei a. Ringtu inpâwl hote chhûnga chêt dân hmang chu mitthlâ tum chhin ang che. P ENTEKOS hnûah khân ringtûte chu an pung zêl a. Mi tinin zirtîrten thilmak an tihte chu mak an ti thei hlê mai a. An zirtîrna pawh ngaihnawm ti takin an ngaithlâ a. |awng\ai, Pathian fak leh Thu zir ho nân hun tam tak an hmang a. Hun tam zâwk inkawm ho nân an hman \hin avângin châwte pawh an in hrang hrangah te an ei \hîn a. An thil neih hralh theite chuan an mamawh phuhrûk nân an sumte an rawn thawh a. An \hiante leh chhûngte zînga chutiang tak danglamna lo thleng ta chu ringlote pawhin mak an ti hial a. Ringtûte chu inhmangaihin, an khawsa tlâng diâl diâl a. Chuti chungin, puithiam te, upa te leh sâkhaw hruaituten ringtûte chu an tiduhdah a. Kristâ hnungzui chu a harsa ta hlê mai. Zirtîrte chuan thil eng emaw tak tih a ngai tih an hre ta a ni. Zirtîrte zînga pakhat chuan, “Peter, harsatna kan nei tlat mai,” tiin an nî tin thil ruâhman inkhâwmnaah a sawi chhuak a. “Ring thar tam tak chu an chênna leh chhûngkaw zîng a\anga hnawhchhuah an ni a, kalna tûr chuâng pawh an nei lo,” a ti a. Johana pawh chuan, “Niâ, chû chu a dik. |henkhat chuan an eizawnna hnâ an chân a. An chhûngkuate pawh an châwm thei ta lo,” a ti a. Petera chuan, “Anmahni \anpui dân kawng eng emaw chu ka zawn a ngai a nih chu,” a ti a. Matthia chuan, “Mipui zîngah thupuan siam ila a \ha âwm mang e,” a ti vê bawk a. “Ei tûr leh silhfên leh chênna mûmal nei lote \anpui nân mahnî tih theih ang apiang chu ti tûrin mi tinte chu kan ngên thei ang.” Petera chuan, “In zînga tûte emaw chuan pâwlah in lo insiam thei dâwn lo’m ni? Eng thilte nge an rawn thawh a, kan sem chhuah theih ang tih kan hre thei dâwn nia,” a ti a. Ni rei lote chhûngin zirtîrten ringtu dangte chu hmûin an berâwn a. Mipuite tân thil tam tak an la khâwm thei ta mai a, mahse an hnêna sem chhuah dân tûrah \anpuitu an mamawh ta a ni. Tichuan an thil neihte sempui tûrin ringtûte chu an sâwm a. Kâr lohah mi inpête chuan hnâ thawk \an tûrin an inpeih ta a. |henkhat chuan ei tûr an hmuh theihna a nih dâwn avângin \anpuitu nih vê an duh a. |henkhat chuan Pathian leh A mîte an hmangaih avângin \anpui an duh bawk a. Mahnî chhûngkaw châwm kawnga harsatna neite pawhin Krista zuitûte hnên a\angin an mamawh: ei tûr te, silhfên leh chênna tûrte an dawng ta thuai a. Chutianga hêng mamawhte phuhrûk an nih tâkah chuan, ringtu lo ni tharte pawhin mi dangte hnêna chanchin \ha hrilh theihna tûr hun thâwl an nei thei ta a ni. Ringtu \henkhatte chuan an thil neihte hralhin, chuta an sum hmuh chu ringtûte tân an rawn thawh hlawm a. Mi dang tam takte pawhin chutianga tih vê dân tûr ruâhmanna an nei hlawm a. Mi pakhat, ram dang mî, Barnaba chuan a ram neih chu hralhin, Jerusalem-a lo zinin zirtîrte hnênah sum chu a thawh a. Matthia chuan, “Keimahni kan inngaihsak a, kan inenkawl ang hian kan \henawmte pawh ngaihsak tûrin Isuan thû min pê a ni tih ka hre ta,” a ti a. Tirhkohte leh ringtu dangte chu an hlimin, hmangaihna sûrtîr a nih avâng chuan an lâwm hlê a ni. Chumi zârah chuan Pathian hmangaih leh A rawngbâwl a, anmahni ngêi pawh rawng inbâwlsak an duhzual a. Tirhkohte bûah Lukan Kristian kohhran hmasa chungchâng a lo sawi a, chû chu keini huna khawsak dân tûra entawn tûr \ha tak a ni: “A ring apiang chuan engkim an in\âwm hlawm a, an rote, an sumte an hralh a, an châkkhai daih lek \heuhvin an zâa hnênah chuan an sem \hîn a. Tin, nî tin rilru hmun khatin Pathian biak inah chuan \hahnemngai takin an awm \hîn a, an in lamahte pawh chhang an phel a, hlim tak leh lungâwi takin an châw an ei \hîn a, Pathian an fak a, mi zawng zawng lâwmzâwngin an awm \hîn. Tin, a chhandam mêk apiangte chu LALPA-in nî tin an hnênah a teltîr zêl \hîn,” (Tirhkohte 2:44-47).