Zirlai-1 2024 2nd Quarter Kindergarten Zirlai

ZIRLAI 1-NA APRIL 06, 2024
Midangte Kiânin

CHÂNGVAWN: “ISUAN ‘Mî tû pawhin hmasaber nih a duh chuan, a hnuhnung ber a
ni tûr a ni,’ A ti a” (Marka 9:35, NIV).

RAWNGBÂWLNA: Rawngbâwlna chu mi dangte \anpui hi a ni.
Chhiâr Tûr: Marka 9:33-35; 10:35-39, 41, 43-45; Chatuan Nghahfâk, pp. 420-423, 525-528.
Thuchah: Mi dangte kan hmasaktîr hian an rawng kan bâwlsak tihna a ni.
Zìrlai Tùm: Naupangte chuan:
· Mi dangte hmangaih leh rawngbâwlsak tûrin Isua a lo kal tih hriain,
· Mi dangte hmasaktîr duhna an nei ang a,
· Tûn kâr chhûng hian mi dangte hmasaktîr tawh tûrin duhthlanna an siam ang.

Tûte nên emaw in intlânsiak tawh ngai em? Pîpûa uai hmasaber emaw, in inawmlemna thil khâl hmasaber nihte in chuh tawh ngai em? Kan zâ hian hmasaber nih kan duh \heuh \hîn! Hmânlai hunah khân Isuan hmasaber nih chungchâng a sawi a. Eng nge a sawi nia in rin le?

Isua leh A \hian-zirtîrte chu Jerusalem khawpui lam panin an zin ho va. Chutianga Isuâ
hova an zin pah chuan thu ngaihnawm tak tak an ngaithla \hîn a. Tùn \um phei chu ni
dang zawng âiin an hlimin, an phûr zual a, a chhan chu Isua kha an ram lalber ni thuai tawh tûra an beisei vâng a ni. Mi tam takte chua Isua kha an ram lal ni thuai thuai tûrin an nghâkhlel êm êm a ni! An beisei dân chuan, Isua chu an ram lalber a nih chuan thil awmdân engkim mai hi fel vek tûrin an ngai a ni.
Isua zirtîrte chuan an hotupa chu lalber a nih chuan, a hnuaiah dinhmun sâng leh pawimawh tak takte an chang vê thei ang tihte an beisei a. Anmahnî zîngah phei chuan tûin nge dinhmun sâng ber luah ang tihte an inrinsiak a.
Jakoba leh Johana-te ûnau phei chuan Isua lalrama Isua dawttû nih an dîl hiâl a ni. Heti hian an ti a ni, “Isu, lalber nihna i chan hunah chuan, Nangmâ kiang hnâi, i dinglam leh vei lama \hut kan duh a nia!” tiin an ngên a.

Chutianga mahnî hmasial tak maia, annî ûnauvin Isuâ lalrama A kiang hnâi bera \hut an dîl thû chu zirtîr dangten an lo hriat chuan, an thin a rim tlâng hlê mai! “Nangnî ang thovin Isuâ kiang hnâia \hu tlâk kan ni vê tho. Keinî pawin hmasaber nih kan duh vê tho a sîn!” tiin thinrim takin an \awng chhuak a.
Isua chuan A \hiante chuan thil awmzia an hrethiam lo va, A hnêna hmasaber nih awmzia an hre lo tih a hria a. Anni chu a kiang hnâia ko khâwmin, thil a hrilhfiah ta a ni. “Mî tûte emaw chuan hmasaber an nih hian, midangte âia ropui leh pawimawh bîkah an inngai \hîn a. Mahse ka ngaihdân erawh chu chutiang a ni vê lo tlat mai! Ka ngaihdân chuan mi ropui ber berte chu mahnî aia midang ngaipawimawh a, dahlal thiam zâwkte hi an ni! Ka lalrama mi pawimawh leh hmasaber nih in duh dâwn chuan, midangte hi in dah hmasa zâwk zêl tûr a ni ang. Chû chu hmasaber nih dân kawng chu a ni ang,” tiin a hrilh a.
Isuâ thusawi chu zirtîrte chuan ngâwi rengin an ngaithla rân mai a. Isuan midangte A lo \anpui tawh \hin dânte chu an la hrereng a. Mîte rilru nawmna tûr leh hlimna tûrte A ngaituahpui a. Mitdel A tihdamte pawh an hmu bawk a. Keibâi leh kal thei lo A tihdam a, kêa A kaltîrte pawh an hmu tawh bawk a. Hmangaih leh duât tak maia naupang a pawm leh kuahte pawh an hmu tho bawk a. Mîte hnêna thu ngilnei tak tak A sawi rîte pawh an ngaithla tawh \hîn a ni. Chuvâng chuan hetianga an ti mai hi an zak ru angreng viau mai a.
Chutah Isua chu hlim takin a lo nui var var a. Zirtîrte hnênah chuan, “Hê khawvêlah hian mîten rawng min bâwlsak atâna lo kal ka ni lo. Anmahni \anpui tûra lo kal ka ni zâwk. Chutiang chuan nangnî pawhin ti vê ula ka duh hlê mai,” a ti a.
Nangnî pawh hi Isua chuan chutianga ti vê tûr chuan A duh \heuh che u a. Amah \anpuitûah in \ang thei \heuh a ni. Isuâ tih dân ang khân hmasaberah in \ang vê thei tho. Midangte hlim taka siam dân kawngte pawh in zawng thei a! Isuâ sawi anga hmasaber nih hi nun hlimna kawng a ni tih kan hrereng dâwn nia!

TÌH TÛR & SAWI TÛR
Sabbath Chàwhnû: In fâte hnênah Sabbath Sikula in finger puppets siam dân kha hrilh ula, chutah ‘Midangte Kiân’ dân thawnthû hi in hrilh nghâl dâwn nia. Nî tina chângvawn ennawn nân, Sabbath Sikula tihdân in zìrte kha hmang ang che u. Midangte kian zâwk tûra Isuâ tihdân chungchângte kha sawi ho ang che u.
Sunday: In fâte chuan Sabbath sikula thil lem an siamte kha naupang dangte khalhtîr an phal vêna tûrin fuih ula. ‘Mi dangte dàh hmasak’ dân kawngte kawhhmuh ula. Marka 10:35-39, 41, 43-45 behchhan Bible thawnthû hi chhiarin in sawipui bawk dâwn nia. Isuâ sawi anga ‘hmasaber’ nih dân chu enge a awmzia tak ni le?

Thàwh\annî: Lêng chhuak ula, kawngkâ in chhuahsan a\anga kal kawnga mî in tawhte chu ‘hmasaktîr dân’ tûr atakin tichhin nghâl zêl ang che u. Mî engzah nge in tawh chhiar zêl ula. ‘Hmasa zâwka’ in \antîr khân enge an sawi \hin?
Thàwhlehnî: A theih chuan, in fâte \hiannu/\hianpa chu lêngah sâwm ula. Mi dangte hnêna thil sem vê or, Thilphalna lam hlâ in hriat ang ang saho ang che u. In fâte nautelem bâwma thil awmte chu an hming phuah ula. Mi dangte khalhtîr/sem vê tûr thil in neih avângin Isuâ hnênah lâwmthû in sawi dâwn nia.
Nílâinî: Zanriah kîlna dawhkânah, in chaw khawrh leh chawhmeh suah vêlah, mi dangte chu in hmasaktîr/duhsakna lantîr chungchâng sawi ho ula. In chângvawn kha in sawi ruâl dâwn nia.
Níngãnî: In fâte chuan naupang dangte an kawmnaah ‘hmasaktîr’ nachâng an hriat leh, mahnî thawh hun lo thlen vê hun nghâk \hîn tûrin in fuih dâwn nia. Zân mut dâwnah in fâten chhûn lama mi dangte kiâna, an hmasaktîr chungchâng in sawitîr ang a. Mi dangte hmasaktîr zêl thei tûra Isuâ \anpuina in dîlsak dâwn nia.
Zìrtâwpnî: Sabbath nî atâna ei tûr buatsaih kawngah in fâte chu in\anpuitîr ula. Chaw-einaa mi dangte hmasaktîr dân kawngte hrilh ang che u. Mi dangte hnêna sem tûr ei leh bâr in neih avângin Isuâ hnênah lâwmthû in sawi dâwn nia.