Zirlai-1 -2024 2nd Quarter

Zirlai 1                                        March 30–April 5, 2024

INDONA ZAWNG ZAWNG PHêNA iNDONA CHU

Chângvawn: “Vânah chuan indona a lo awm a; Mikaela leh a vântirhkohte chuan dragon chu an do va; dragon leh a vântirhkohte pawh chuan an do vê a; nimahsela, an hneh ta lo va, an hmun chu vânah a awm ta bawk hek lo,” (Thupuan 12:7, 8).

Sabbath Chawhnû                         March 30

 Chhiar tûr: Genesis 3:15; Isaia 14:12–14; Ezekiela 28:12–15; Johana 17:24–26; Thupuan 12:7–9.

Pathian chu a \ha viâu a nih sî chuan, engati nge khawvêl hi a chhiat viâu sî le? Engtin nge hmangaihna Pathian chuan thil \ha lo tam tak hi a awm A phal sî ni ang? Engati nge mi \hâte chungah pawh thil duhawm loh takte a thlen \hin? Tûn kâr zirlaiah hian, kum khâ leh chen chhûnga sual leh \ha indona chungchâng kan bih zui dâwn a. Vâna Lucifer-a helna a\anga \anin, thil \ha lo lo chhuahna \obul leh, sual vânga harsatna chingfel tûra Pathian dawhtheihzia pawh kan zir tel bawk ang.

Pathian chu namên lova hmangaihtu Pathian a ni a. A nihphung hrim hrim pawh chu hmangaihna a ni (1 Johana 4:7, 8). A thiltih zawng zawngte pawh hmangaihnaa tih vek a ni (Jer. 31:3). Tharum leh barhluihna emaw, dân hmang emawa inhmangaihtîr ngawt theih a ni ngai lo. Ellen G. White-in chiang takin heti hian a lo sawi, “Hmangaihna chauhin hmangaihna a kai harh thei.”—Chatuan Nghahfâk, p. 14.

Duhthlan theihna chhuhsak chu hmangaih theihna tihchhiatsak tihna niin, hmangaih theihna tihchhiatsak chu hlimna dik tak neih theihna nuâibosak tihna a ni bawk ang. A hmangaihna hmangin Pathianin Amâ chunga rinawm tûrin min hneh a. Lei leh vâna sual a chhuah nawn leh tawh lohna tûr zâwngin, sual leh \ha inkâra indona ropui chu A kalpui a. Pathian thil ruâhman dân chu, A thilsiamte tuipui dân ber tûr zâwngin A che zêl \hîn a ni tih lei leh vân pum pui hmâa târ lan a ni. Pathian hmangaihna entlang hmang leh, sual leh \ha inkâra indona ropui ênga khawvêl kan thlîr chuan, dikna hian thil dik lo chu chatuanin a la hneh dâwn tih rinngamna kan nei thei dâwn a ni.

Sunday                                          March 31

Vâna Indona

Chhiar tûr: Thupuan 12:7–9. Hê thû hian vâna zalênna awm leh thil \ha lo \obul chungchâng eng nge a târ lan? Lucifer-a a hel khân, Pathianin engtiang kawngtea chhâng lêt thei nge a nih?

Hêng chângte hian lei leh vân huâpa sual leh \ha inbeihna an sawi a. Setana leh a vântirhkohten Krista an do rawn a; vân a\anga hnawhchhuah an ni zui a. Duhthusâma \hâ vân hmuna indona a chhuak ta mai chu a mak thlâwt a ni. Engati nge a lo thlen sî? Hê indona chawk chhuak tûr hian Pathianin ramhuai sual A lo siam em ni? A hel phahna tûrin hê vântirhkohah hian thil fel lo tak a lo awm em ni zâwk? Bible hian chiang takin thil \ha-lo \obul chu a sawi a. Hê sual leh \ha inbeihna (hliahtu) puân zâr chu min kaih hlîmsak a ni.

Khaikhin tûr: Ezekiela 28:12–15 leh Isaia 14:12–14. Hê vântirhkoh, Lucifer-a an tih rilrûa helna thlentu chu eng nge ni?

Pathianin ramhuai-sual A siam lo va, ropui taka êng tle sût mai, ‘Lucifer-a’ an tih chu A siam zâwk a. Hê vântirhkoh hi duhthusâma \hâa siam a ni. A \hatfamkimnaah chuan duhthlang tûra zalênna neia siam a ni a, hêi tak hi Pathian sorkarna laipui ziâ, tihluihna ni lo, hmangaihnaa kalpui zêl chu a ni. Sualna \obul chu vâna amah Lucifer-a ngêi kha a ni. Hê vântirhkoh \hafamkim thinlung a\anga chapona leh îtsîkna lo chhuak a, amah Siamtu laka hel duh khawpa a lo \hang lian ta mai kha sawi fiah zawh ruâl a ni lo.

Thilsiam zînga pakhat, Lucifer-an Siamtu chauhin a chan tûr, chibaibûk nih châkna a nei ta a. Pathian thuneihna chungah zawhna siam a, Pathian lal\hutthlêng chu chhuhsak a tum a. A helna chuan vânah indona a chawk chhuak ta a ni.

Hun rei tak chhûng Pathianin Lucifer-a kha A dawh hrâm hrâm nâin, a helna hmanga vân a tihchhiat chu A phal thei lo a ni.

“Vâna rorêltûte chuan Lucifer-a chu sual kawng zawh lo hrâm tûrin an ngên chiam a. Pathian Fapa ngei pawhin Siamtu rêldikna te, \hatna te, ropuina te leh A dân thianghlim danglam ngai lo chu Lucifera hmâah a târlang a. Pathian ngeiin vânram dân chu A din a, chu dân a\anga a intihhran chuan, Lucifera chuan a Siamtu a timualpho chauh pawh ni lovin, amâ chungah ngêi pawh chhiatna a thlentîr dâwn tihna a ni. Nimahsela hmangaihna leh zahngaihna teh sên loh nêna ngenna leh, zilhna zawng zawng chuan dodâlna rilrû a chawk tho ta hlauh zâwk a. Tichuan, Lucifer-a chuan Krista a îtsîkna chu a \hanlentîr ta zêl a, a tum a tiruh sauh sauh bawk a.”—Ellen G. White, Indona Ropui, pp. 494, 495.

Sual chin felna kawnga Pathian nungchang eng zirlaite nge heta \ang hian i lâk chhuah theih ang?

Thawh|annî                                  April 1

Lucifer-a’n a Bum: Krista A Dingchang

Hê vântirhkoh \hafamkim, Lucifer-an a thinlunga chapona leh îtsîkna awmtîr a phal a, amah Siamtû laka a hel tâk hiâl chhan hi hrilh fiah theih a ni lo. Setana chapona chu uâl-âu taka helnaah a chang a. Pathian chu fel lo leh rêl dik lo tiin a sawisêl a. A rinhlelhna leh sawisêlna chuan vântirhkohte pawh a kângkâi ta a ni.

Chhiar tûr: Thupuan 12:4. Setanan mî a bum theihzia chungchâng eng nge hei hian a târ lan? Pathian chungchânga a dâwt sawi kha vântirhkoh eng zâtin nge tlûkpui?

Vâna indona a chhuah tâkah chuan, vântirhkohten Isua an zui dâwn nge Setana an zui zâwk dâwn tihah duhthlanna an siam a ngai ta a. Vâna hê indona chhuak ta hi eng nge a nihphung rêng ni le? Lang thei lama inbeihna nge, ngaihdân hmanga indona? Nge a ni kawp vê vê zâwk? A chîn chhuakin kan hre lo; mahse, Setana leh a vântirhkohte kha ‘hnawh chhuah’ an nih a, an tân ‘vâna hmun a awm vê tâk loh’ (Thupuan 12:8, 9, NKJV) avângin, inbeihna kha a taka thleng a ni ngêi ang. Eng emaw chen chu tîsâ taka inbeihna a tel ang tih a chiang mai âwm e.

Vâna indona chungchângah thil chiang tak pakhat chu a awm. Vântirhkoh tinte khân Krista an \an dâwn nge an do zâwk dâwn tih duhthlanna an siam \heuh tûr a ni. Tû zâwk chu nge an zui ang? Tû âw nge an ngaihthlâk ang? Vântirhkoh rinawmte chuan hmangaihnaa Kristâ thupêkte chu an zâwm a, chutih laiin, vântirhkoh hmun-thuma-\hena-hmun-khatte erawh chuan Lucifer-a thusawi chu zâwmin, Pathian thû an âwih lo va, vân pawh an chânphah ta a. Keini pawh hian, kan khawvêl chanchin tâwpna hun pawimawh takah hian Krista kan \an dâwn nge, Setana kan pawm zâwk dâwn thutlûkna kan siam a ngai  a ni.

Chhiar tûr: Genesis 2:15–17; Exodus 32:26; Joshua 24:15; 1 Lalte 18:20, 21; Thupuan 22:17. Hêng chângte hian Indona Ropui chungchâng thu bul eng nge min zirtîr?

Pathianin mihring A siam khân, kan thluâkah hian ngaihtuah theihna, chhût theihna leh duhthlan theihna chu A dah nghet nghâl tlat a. Mihring kan nihna hi fing taka duhthlan theihna kan neihna hi a ni. Khâwl thluâk nei (robot) ang lek kan ni vê lo. Pathian anna neia siam kan ni a, ransa dangte laka danglamna tak nei, chhia leh \ha thliâr hrang a, chatuan thlarau lam thilahte pawh duhthlang thei kan ni. Vâna Lucifer-a a hel a\ang khân, Pathianin A mîte chu A hmangaihna chu chhâng lêt a, Amâ rawngbâwlna hmanga A thupêkte zâwm tûrin A ko reng a ni.

Vâna indona, hê leia sual nêna mimal taka inbeihna kan neih nêna inzûl tak a\ang hian eng zirlaite nge kan zir theih ang? Hêng mi felte hi Setanan a bum thei a nih sî chuan, chu chuan keini pawh sual tûra min bum a tum chungchâng eng nge a sawi?
Thawhlehnî                                                                                                           April 2

Lei Arsî A Kângkâi

Pathianin khawvêl A siam khân, \hafamkimin A siam a. Bible chuan “Pathianin a thil siam tin rêng chu a en a, ngai teh, \hâ a ti êm êm a,” (Gen. 1:31) tiin a sawi. Khawiah mah sual leh thil \ha lo hnûhmâ rêng a awm lo. Mahse, Lucifer-a hnêna A pêk ang duhthlan tûra zalênna chu Adama leh Evi-te hnênah A pê a. Vâna khâwl-thluâk nei A duh lo ang tho khân leia awm tûr pawhin A duh chuâng lo.

Dik takin, hê zalênna hi tichiang tûrin A tih ngai loh angin a kal a. Huanah chuan thing pakhat ‘Chhia-leh-\ha-hriatna Thing’ chu A phun a. Duhthlan tûr an nei tih an hriat nân chumi chungchâng chu chiang taka an hriat a duh a ni.

Setana chu thingah chuan lo kalin, chuta lo awm Evi hnênah chuan,  “ ‘In thi hauh lo vang. In ei nî apang chuan in mit a lo vâr ang a, a chhia leh \hâ hriain, Pathian ang in lo ni dâwn tih Pathianin a hre reng a nih chû,’ a ti a,” (Gen. 3:4, 5, NKJV). Hê thing rah hi in ei chuan, nihphung tharah in lût dâwn a ni. Tûnhma lama in la hriat ngai loh nawmna in nei ang. Evi, Pathian hian in laka zêp a nei a ni. Hei, thei khap hi lâ la, ei teh.

Evi leh Adama pawhin, thutlûkna an siam khân, chatuana Pathianin an laka khâr khip a duh lamah kawng an hawng a. Chû chu sualna kawng, tawrhna, thinlung-natna, damlohna leh thihna kawng chu a ni.

Chhiar tûr: Genesis 3:1–3 leh Rome 3:23; 5:12 nên. Hêng chângte hian eng thil thuhmun nge an sawi? Mihringte min chîm buâitu sual nghawng \ha lo chungchâng târ lang teh.

A nihna takah chuan sual hi Pathian laka helna a ni. Pathian laka inlâk hranna a thlen a. Pathian chu nunna hnâr a ni sî a, Amâ laka inlâkhranna chuan thihna a thlen \hîn. Chû bâkah, lungkhamna te, hlauhthâwnna te, natna te leh hri veinate a thlen bawk. Kan khawvêla tawrhna hi sual suâsam hnû lei-arsîa kan khawsaknain a nghawng chhuah a ni. Chutih laiin, kan tawrhna emaw, bawrhsâwmna emaw apiang hi kan sual vâng chu a ni kher lo. Sual-suâsam hnû lei-arsîa chêng \heuh kan ni tihna a ni zâwk.

Chhiar tûr: Genesis 3:15; Leviticus 5:5, 6; Johana 1:29. Eden Huâna Adama leh Evi-ten thil sual an tih hnû khân an bawhchhiat leh beidawnna a\anga beiseina neihtîr tûrin Pathianin eng thuthiâm nge a pêk? Sual vânga harsatna chinfelna tûr eng entîrnei-rawngbâwlna nge Eden Huân a\anga kum za tam tak tih chhunzawm tûr A kawhhmuh tâk?

Nilâinî                                           April 3

Hmangaihnain Kawng a Siâl

Adama leh Evi-te an sual a, Pathianin an huan in chu chhuahsan tûrin A hrilh a. Tûna chinah chuan, thawhrimna leh tawrhna chu an chanvo rêng a ni tawh ang. Beiseina rêng nei lo va tuârin, a tâwpah an thi mai dâwn em ni ang? Thihna hi engkim tâwpna tûr em ni?

Chutah chiah chuan Pathianin Genesis 3:15-a chuâng thutiâm hi A pe ta a ni. Rûlpui, Setana en rân chungin Pathianin: “ ‘Nang leh hmeichhe inkârah inhmêlmâkna Ka dah ang a, i thlahte leh a Thlah kârah pawh. Ani chuan i lû A la tithitling ang a, nangin A lû i la tithitlung ang,’ A ti a.” (NKJV). Khatih lai kha chuan chû thu awmze dik tak chu an la manthiam rih loh pawh a ni mai thei e; mahse, beiseina an nei leh thei tih chu an inhria a ni. Eng emawti zâwng chuan, “hmeichhe Thlah” zârah anmahni tlanna chu a lo la thleng dâwn a ni.

“Hmeichhe Thlah” chu tû dang ni lo vin, Isua Krista a ni (Gal. 3:16). Kraws chungah Setanan A kê chu a tihthitlinsak a. Mahse, Isuâ hnehna khân rûl lû chu tihkeh a la ni dâwn tih kan tâna nemnghehna a ni. Adama leh Evi-ten tawrhna leh thihna kawng an lo hawn tawh pawh chu engtikah emaw chuan khâr a la ni leh dâwn a ni.

Chhiar tûr: Hebrai 2:9; Galatia 3:13; 2 Korin 5:21. Hêng chângte hian kraws chunga Kristâ inhlanna namên lohzia chungchâng eng nge min hrilh?

Pathianin A hmangaih tak tak che tih hi mak tih chângte i nei \hîn em? Kraws kha thlîr la; hlîng lukhum te, A kut leh kêa khenna thîrkilh kha han thlîr teh. Kalvari-a Isuâ thisen far tin hmang khân Pathian chuan, ‘Ka hmangaih che. Nangmah tel lo va vâna awm ka duh lo. Ni e, sual chu i ti ngêi a, mahnî ngêi hmêlma kutah chuan i inhralh a ni; nî, nangmah leh nangmah ngawt kha chuan chatuan nunna chang tlâk chu i ni lo. Mahse, nangmah nei lêt leh tûr che hian tlanna man ka pe tawh a ni!” A tî a ni. Kraws lam i thlîr a hmangaihna dawng i nih hunin, maktiin (ringhlelin) awm leh tawh ngai suh ang che.

Bible hian hê khawvêla lo kal a, mihring dang zawngte ang bawk a thinlung natna te, beidawnna te leh natna tuârtu, Isuâ chanchin hi a sawi a. Keini tawrh ang thlêmnate hmachhawntu Krista chu a târ lang a—Ani chuan A nunna leh kan za vâia tân kraws chunga A thihna hmanga lalnate leh hremhmun thiltihtheihna chungah hnehna A chang ta a ni.

Ngaihtuah teh: Vân lam khawvêl zâu chena Siamtu (Johana 1:3), Isua chu vân a\anga lo chhuk a, hê khawvêl tlu taa lo kal mai ni lo vin, kan zâa tawrh dân tûr âia nasa zâwk fêin A tuâr (Isa. 53:1–5) zu niâ! Chû chu kan zâa min hmangaih \heuh vânga tî a ni. Chû chu beiseina neih chhan tling a va ni tehlul êm!

Engtin nge Kristan kraws chungah khân Setana hêknate chu A chhân? Sual leh \ha indona ropui êngah, A thihna khân eng thil nge a lo hlen chhuah?

Ningânî                                         April 4

Kan Puithiam Lalber

Isuan kraws chunga min tawrhsakna zârah, vâna min dîlsaktu A nih theihphah a. Tholeh kan Lalpa chu kan Puithiam Lal ropui chu, chhandam kan nih theih nân leh, chatuana Pathian lalrama kan chên theih nâna engkim min tihsaktu chu a ni.

Chhiar tûr: Hebrai 4:15, 16; 7:25. Engtin nge hêng chângte hian thlêmna, tawrhna, natna leh thihna khawvêlah hian rinngamna min neihtîr?

Bible chuan Ani chu “kawng tin rênga thlêmna tâwk tawh, sual erawh chu sual lo,” (Heb. 4:15) tiin a sawi a. Heti hian a sawi zawm bawk, “Chutichuan, zahngaihna kan hmuh theihna tûr leh, puih kan ngaih huna \anpuina khawngaihna kan hmuh theihna tûrin, khawngaihna lal\hutphah chu huai takin i hnaih ang u,” (Heb. 4:16) tiin.

Tluângtlam deuh zâwka sawi dâwn chuan, Isuan A felnaa thuâm, A thihna zâra chhandam, Amâ thisena tlan angin vân lam khawvêl zâu hmâah chuan min târ lang a. Keini nihna tûr ang zawng zawng chu A lo ni ta zâwk a. Krista-ah chuan kan nun hlui suala thiam loh chantîrna rêng a awm lo. Krista-ah chuan kan bawhchhiatna a bo va, A mi dîlsakna thiltithei tak zârah kan nun sual phuârna chu a chat ta! Kan mit tideltu khâidiatte chu phelh a ni a, kan zalên ta a ni.

Chhiar tûr: Johana 17:24–26. Sual leh \ha kâra indona ropuia Kristâ thil duh tak chu eng nge ni?

“Inthâwina ropui tak chu hlan a nih hnû chuan, A dîlna: “Ka Pa, nangin kei mi pêkte hi ka awmnaa ka hnêna awmah ka duh,” Johana 17:24 tih hi

Pâ hnên a thlenpui zet hmâ chuan, vântirhkohte chawimawina pawh hnar rihin, chung lamah khian a chho ta a. Chutah hmangaihna leh thiltihtheihna sawi sên rual loh nên chhânna chu Pâ lal\hutphah a\ang chuan a lo chhuak a: ‘Pathian vântirhkohte zawng zawng pawhin Amah chibai bûk rawh se,’ Hebrai 1:6 tiin. Isuan sual kaidum chhetê pawh a nei lo. A tlâwm nîte a kin ta a, A inhlanna a kim ta bawk a, hming dang zawng âia hming chungnung ber A hnênah pêk a ni ta a ni.”—Ellen G. White, Indona Ropui, pp. 501, 502.

Isuan thil dang zawng âia A duh zâwk chu, vâna Amah nêna kan chên a ni. A thihna leh dîlsakna avânga A thinlung duhsâm chu min chhandam a ni. Nangmâ nunah khân thil mamawh eng emaw bîk i nei em? Isuâ hnênah hrilh ang che. Lungngaihna hmunah thlamuânna A thlen \hîn a. Hlauhna hmunah muânna A thlen a. Bawhchhiatna hmunah ngaihdamna A thlen a. Chaklohna awmna hmunah chakna A thlen bawk \hîn!

Kan tâna Krista Mahnî ngêi A inhlan chhan kha eng vâng nge nia i rin? Amâ tâna kan hlut viâu chhan chu eng nge ni?

Zirtâwpnî                                      April 5

Zir Zâuna: “Vân a\anga Setana hnawh chhuah a nih khân Pathian chuan A dikna chu a puâng a, A lal\hutthlêng ropuina pawh a vawng zui zêl

a. Nimahsela hê vântirhkoh kal sual bumna avânga mihringte an lo tlûk khân, suala tlûte chhandamna tûra A Fapa mal neih chhun rawn pein, A hmangaihna chu A rawn târlang ta a, chu tlannaah chuan Pathian nungchang chu a lang chiang a ni. Kraws ropuina leh thiltihtheihna hian, Pathian sorkâr kalha Lucifera hêkna chu thutaka innghat a nih lohzia, lei leh vâna mî zawng zawngte hnênah chiang takin a lantîr a ni.”—Ellen G. White, Indona Ropui, pp. 500, 501.

“Kalvari kraws hian, dân danglam theih lohzia a puan bâkah, sual man thihna a nihzia khawvêl zawng zawng hnênah a puang bawk a. Kraws lêra Chhandamtu hnuk chah dâwn a, ‘A kin ta,’ a tih khân Setana thihna dâr chu a ri vê nghâl a. Chumi ruâl chuan inhniâlna ropui lo kal zêl tâwpna tûr pawh rêl fel a ni nghâl a, sual tihbo hlenna tûr pawh tihfel chian a ni ta bawk. Pathian Fapa chuan thihna kawngkhâr chu a pal tlang ta, ‘Thihnain thihna thuneitu (chu chu Diabola a ni) a tihboral theihna tûrin,’ Hebrai 2:14.”—Ellen G. White, Indona Ropui, p. 503.

Sawi Ho Tûr:

ŒPathianin Lucifer-a kha a hel dâwn tih A hre lâwk a nih sî chuan, engati nge duhthlan theihna kha A pêk nghâl sî ni ang? Emaw, Lucifer-a a hel khân, engati nge Pathianin A tihboral nghâl mai loh? Pathianin Lucifer-a kha tiboral nghâl ta mai se, suala tlu vê lo vân lam khawvêl zâuva chêngten engtin nge an lo dawnsawn theih ang? Engati nge chhandamna ruâhmanah hian, indona ropui chungchânga thil hriatthiam tûr pawimawh êm êm, lei leh vân pum pui hlâwkna tûr hi ngaihtuah tel a nih (1 Pet. 1:12; Thup. 5:13; 16:7)?

Krawsa Kristâ thih chhan/chhante eng nge i ngaihtuah theih? Pathian nungchang târ lang tûr maiin em ni? Sual man tlâk tûr hrim hrimin em ni? Chuti ni ta se, tû hnênah nge tlanna man chu pêk a nih? I ngaih dân sawi la, Bible châng \anchhante pe bawk ang che.

Ž“Indona Ropui” tih \awngkam kan hman hi, eng kan tihna nge ni? Indona Ropui nihphung hrang hrangte sawi ho ula, tûn kâr zirlai nangmâ nuna bel dân tûr sawi bawk la. Indona Ropui hi a taka thleng ngêi a ni tih Bible châng eng nge \anchhan tûr i neih? (en tûr, Joba 1, 2; Efesi  6:12.)Engtin nge Kristian kohhran dangte laka Seventh-day Adventist-te thil hriatthiam dân hi a danglam bîk? Indona Ropui thupuiah hian Adventist-te danglamna thlentu eng thil nge awm?