2024 4th Quarter Craddle Roll Zirlai 1-na

ISUAN A |HIANTE CHAW A PE

Bible Châng: Johana 21:1-13.

Zirlai Tum: Isuan A mi ngaihsaknain A hmangaihna A târlang.

Nu & Pate Tân: Kan fanâute hi taksa, rilru leh thlarau hrisêlna \ha tak neiin lo \hang puitling se kan ti \hin. Mahse anni kan endân leh kaihhruai dân a dik loh \hin avângin, kan hlawhchham leh mai \hîn. Sakawrte pawh hi an chhawr zawi dâwn chuan tihdân kalhmang nei takin an ti \hîn. Nu leh pâ dinhmun leh mawhphurhna hre hawt lova fa neih ve mai kan chîng ta a, hei vâng hian fa enkawlna lamah kan hlawhtling lo fo \hîn a ni.

Nu leh pa hlawhtling tak ni tûr chuan dân zawm tûr a awm nual a ni, chutiang chu zuiin kan lo hlawhtling anga, kan bawhchhiat chuan kan buai laih mai ang.

Pakhatnaah chuan, i fa chu i hmangaih tih hriattir ang che. A lo pian chhuah vê hrim hrim avâng pawhin hlutna nei a ni tih thûin hmin la. A tihsual i ngaimawh chungin i hmangaih tho tih hria se. An nungchang chher/thunun tum vânga thil pêk sûm deuh emaw, hmangaihna lantîr loh deuh emaw chîng kan awm \hîn. Hetiang deuha ngaihtheih tûra ti i hre \hîn em? Hetiang hi i ei chuan ka hmangaih/duat ang che” emaw, “I tih leh nâ chuan ka hmangaih tawh miah lovang che,” tih te,chu âia la duhawm lo leh fo chu, “I thil kha midang i khalhtîr ve chuan Isuan A hmangaih ang che,” tih angte hi. Hetiang rilru hi an leikân thlengin an pu zui ang. Nu pakhat chuan an fânu College kallai hnênah tihian a ti a nih chu: “I awmdân mawi loh vânga hnawhchhuah i tawha, i nu hi rilru hreawm taka i siam chuan kan hmangaih zui tho nâng chea, mahselang tûnhmâ ang chu a ni thei tawh lovang,” a ti a nih chu. He an fanu hian harsatna chu a nei ngei zawng a nih hi le!

Hmangaihna hi inbiakrem ngai thil a ni loa, nungchang \hata lei leh thleng chî a ni lo. Tiamkam leh phût nei râna hmangaihna hi hmangaihna ni lovin, inthamna a ni zâwk!

      BIBLE THAWNTHU
Jerusalem khâwmpui hmangin zirtirte chu an han kal a.  Inkhâwmpui zawh chuan Petera te, Johana leh zirtir dangte chu an hâwng ho leh ta \hâm \hâm maia, an chhûngte hmêl hmuh an châk tawh hlê mai a ni.  Jerusalem a\anga an hâwn kawng chu a thui êm êma, an hah tawh hlê mai.  Chutia an hâwn pah chuan thil eng eng emaw sawiin an tîtî nak naka, \henkhatin Isua chanchinte an sawi a, a \hen chuan mahni chhûngkaw chanchinte an sawi bawk a.  Nakinah chuan an khua chu an thleng dâwn ta a ni.

An khaw kiangah chuan Dîl lianpui mai hi a awm a, chutah chuan Petera te, Johana leh zirtîr dangte hian lêndêngin sangha an lo man tawh \hîna, nuam an ti thei êm êm mai a ni.  Sangha man tûr hian lawngah te an chuanga, sangha han man tal bulh bulhte hi nuam an ti thei hlê \hîn a ni.

In an thlen hnu chuan Petera chuan, "Sangha manin ka kal dâwn e," a ti a.  A \hiante chuan, "Kan lo kal ve ang e," an ti a.

Lawngah chuan chuangin, dîl lai lam pan chuan an innawr phei ta a, sanghâte chu man an tum taa, nuam an ti hlê mai.  Boruak a thiang nuamin, thlifîm a thaw heuh heuh maia, sangha man \euh an beisei a.  Mahselang an man mai thei ta hauh lo maia, an lênah chuan sangha a tâng thei reng reng lo maia, an rilru a nuam lo \an ta hlê a ni.  Nidangah sangha an man thei hlê si a, tûn \um zet chu ni dang  angin an man thei lo hlê a,  Petera leh a \hiante chuan a ngaihna an hre lo hlê mai a ni.

Chutiang chuan lên chu zankhuain an dênga, mahselang an man ta rêng rêng lo a.  Zîng ni chhuah thleng pawhin an dênga, an man ta chuang si lo, hrehawm an ti ngei mai.  Dîl lai a\ang chuan vaukam lam panin an lawng an kar phei ta delh delha, an phûr vak lo hlê a ni.

Vaukam a\ang chuan mipakhat hian, "Sangha in man em?" a rawn ti a.  Anni chuan, "Sangngha man kan nei hauh lo mai," an ti a.  Chumi chuan thupe âw deuh tak hian, "Lâwng sir lamah khân dêng leh rawh u," a ti a.  Chu pa thu ang chuan an han dêng leha, chutah chuan le!  Sanghâ chu lên chhûngah chuan an phu ta lui lui mai a.  An khuh hnem ngei mai!  A tam sî! A rit sî!  Lawng chu a pil lek lek ta maia, an \hiante lawng danga chuangte chu anmahni pui tûrin an sâwma, an rawn pui ta a.  Lawng pahnih chu a pil lek lek a nih chu.

Vaukam a\anga lên dêng tûra rawn hrilhtu kha tunge tih an hre mai lova, sangha tamtak an man tâkah chuan an hre ta  a nih chu!  Isua a lo ni reng mai le!  Chuvêleh Petera chu tuiah a zuangthlâa, vaukam lan pan chuan a hleuh phei ta nghâl a.  Isua a hmu leh ta chu an lâwm êm êm mai a.  Isuan an ril a \âm hlawm hlê tih a hria a, an chaw-ei tûr a lo buatsaih sak diam a.  Isua chaw siam sa chu an han ei tak tak mai chu an puar hlawm teh a sîn!  Petera phei chu a puar hlê ang!  Sangha man tûrin a \anpui tawha, chaw-ei tûr a lo siamsak leh bawk a, an lâwm hlê a ni.

Isuan nangni pawh A hmangaih êm êm che u a, chuvang chuan A \anpui zêl dâwn che u a ni.  Isua chuan i nu leh pate hnênah eitûr A pe \hîna, chaw-ei tûr tuihnâi tak an siamsak \hin che u a ni.  Vêng tûr che uin Vantirhkohte A rawn tîr \hîna, an vêng zêl dâwn che u a ni.  In nuam tak te, mutna hmun nuam leh puan lum nuam takte nên A pe zêl che u a ni.  Hlim taka awm tûrin A duh che u a, Isua hnênah chuan "LALPA, ka lawm e," in ti \hîn tûr a ni.  Bible chuan "Lalpa hnêna lâwmthu sawi hi a \ha  a ni" a ti.