Zirlai-10 2024 2nd Quarter Kindergarten Zirlai

ZIRLAI 10-NA June 08, 2024
INTIHHLIMNAAH ISUA A TELPUI

Chângvawn: “Hlimna hlâte sâin âu chhuak phut rawh u,” (Isaia 52:9, NIV).

INHUHONA: Ka chhûngte leh \hiante chungah hmangaihna ka lantîr.
Chhiâr Tûr: Johana 2:1 – 11; Chatuan Nghahfâk, pp. 127 – 136.
Thuchah: Kan chhûngte leh \hiante nên hun hlimawm tak kan hmang ho \hîn.
Zìrlai Tùm: Naupangte chuan:
· Mi tinte an hlim duhsakin Isuan inneihnaah thilmak a ti tih hriain,
· An chhûngte leh \hiante nêna hun hlimawm nei tûra Isuan a duhsakna chungah lâwmin,
· An chhûngte leh \hiante nêna hlim tlânna kawng an zawng ang.

Intihhlimnaa tel hi nuâm i ti em? Chhûngte leh \hiante nêna infiam ho leh ei tûr tuihnâi tak tak eihote hi nuam i tihzâwng a ni em? Isua pawh khân ìntihhlim hi a duhzâwng a ni vê a. A chhûngte leh \hiante tlawh chhuahte hi nuâm a tihzâwng tak a ni.

Isua leh a \hiante chu ìntihhlimna hmunah an kal a. Mahse ‘piancham lawmna’ hmun
chu a ni sî lo. Isuâ chênna lamah chuan, mîten nupui pasal an inneih hian intihhlim nân
ni eng emaw zât lai an hmang \hîn a. Ei tûr leh in tûr pawh a tam thei hlê a ni.
Isuâ chhûngte zînga \henkhat chu hê inneihnaah hian an tel vê a. Inneihna ruai leh in tûr vêl buaipuitûte zîngah Isuâ nû Mari pawh a tel a. Isuâ \hian \ha tak takte pawh an tel bawk.
Mi tinin nuâm an ti tlâng êm êm a. Mahse ruâi leh in tûr buaipuitûte chu an buai ru deuh tlat mai thung a. Chhiahhlawh pakhat chu Mari hnêna lo kalin, “In tûr a zo vek tawh. Engtin nge kan tih tâk ang? Intihhlimna hi a hlawhchham vek ang. Mo leh moneitute pawh an rilru a buaiin, an zak hlê ang?” tin a rawn hrilh ta mai a.
Isua nû Mari chuan, Ka rei lê! Eng tin nge kan tih tâk ang?” tiin a mangang hlê mai a.
Mari chu a hawi a, Isua a hmû a. A rûktêin a hnênah chuan, “Thil intûr a zo dêr mai!” tiin a hrilh sap a.
Isua chu a’n hawi vêl a. Tuibêl lian pui pui awm chu a hmû a. Chhiahhlawh hote hnênah chuan, “Hêng tuibêlte hi tui chhûng khat vek rawh u,” tiin a rûkin a hrilh a.
Anni chuan an rilrûin, ‘Chû chu enge maw a sâwtna tûr le?’ an ti a. Tuibêlah chuan tui chu an chhûng khat ta tho va.
Tuibêlte an chhûn khah hnû chuan, Isuan chhiahhlawhte hnênah chuan, “Tui tlêm hi thâl la, inneihna ruai fatu hotû hnênah va temtîr teh,” a ti a.
Tlêm chu novah an bun chhuak a, mahse tui satliah mai a ni ta hauh lo mai! Theitui tui tak a ni ta reng mai! Grêp tui thlum \ha tak a nìh hî! Tûnah chuan inneih lawmpuitûten duh tâwka an in \heuh daih tûr theitui tui tak a awm ta a ni.
Chhiahhlawhte chuan fatu hotû hnênah chuan kengin, an temtîr a. Anî chuan, “Mmmmm, a va tui ve lê!” tiin moneitupa chu a fak a. “Mi tam zâwk chuan a tîrah grêp tui thlum \ha deuh an sem a, a hnûah a thlum \ha vak lote an sem \hîn kha a ni a. Nang chuan tûn thlengin a thlum \hâ sem tûr i la nei thei reng mai a!” a ti a.
Chhiahhlawh hote chu an phûr tlâng hlê mai a, Isuâ nû Mari leh a \hiante ho pawh an hlim tlâng hlê mai! Mo leh moneitute pawh an hlim tlâng hlê a ni.
Isuâ \hianteho chuan grêp tui thlum \ha tak chungchâng chu an sawi nak nak a. Hei hi Isuâ thilmak tih hmasa ber a ni a, a thiltihtheihna mak tak an hre \an ta a ni. Nakin lamah eng tak chu la hmu zui leh ang maw lê?
Isuan mo leh moneitu chungah a hmangaihna a lantîr a, amâ nû leh a \hiante chungah pawh a lantîr tho bawk. Kan chhûngte leh \hiante nêna hun hlimawm tak kan hman ho ang hi Isua pawhin a ngaihlu hlê a ni. Kan chhûngte leh \hiante nêna hun hlimawm kan hmanpui hian an chungah hmangaihna kan lantîr tihna a ni. Vawiin hian tûte nên nge hun hlimawm in hman ang le?

TÌH TÛR & SAWI TÛR
Sabbath Chàwhnû: In fâte chu chângvawn ennawn nâna taksa chêtna hmang tûrin ti la (chhuata bawh phêka chutah bân phara zuân emaw te). Tûn kar zirlai thawnthû in chhiar laiin, thei tui emawte inho ula. Eng thilten nge Isua ti hlim riâu sawiho ula. Hlim taka nuihtîrtû che u pawh sawiho teh u.
Sunday: In zirlai thawhthû chhiar ula. In fâte hnênah in inneih thlalâk entîr teh u. In fâte chu thei tui chi hrang hming sawitîr ula, a khawi chu nge in an châk ber? Lâwmthu sawina hlâ sa ho ula, chutah theitui in neih avângin Isuâ hnênah lâwmthû sawi ang che u. Sabbath Sikula kawngkhâr chelhna in siam kha tû emaw hnêna pe tûrin in fâte chu in \anpui dâwn nia.
Thàwh\annî: A huhovin Johana 2:1-11 chhiar ula. Hei hi zâwt teh u: Engati nge Isua khân thei tui kha a siam belh? Engati nge a thlum tui zâwk? Naupangte chu maimitchhîntîr la, chutah tui pângngai leh theitui temtîr vê vê ang che. Hei hi zâwt la: An danglamna in sawi thei em? |awng\aia in khâr hmâin, chhûngkaw hlim hlâ sâ ang che u.
Thàwhlehnî: Zirtâwp tlâi zanriah kîlpui tûra Isua in sâwmna tûr naupangte siampui la. In chhûngkua leh \hiante nêna hun hlimawm hmanpui che u Isuan a châk tih hrereng ang che u. In fâten eng hun nge hlimawm tia an hriat reng sawi tlâng ula. Chhûngkaw hlim hlâ saho leh ula, chutah in chhûngkua avângin Isuâ hnênah lâwmthû sawi ang che u.
Nílâinî: In chhûngkaw worship neihnaa chhiar tûrin Chatuan Nghahfâk bung 15—Kana Khuaa Inneihna Ruai Kîlnaah’ tih bunga paragraf hnih vêl chhiar ula. Zirtâwp tlâi zanriah kîlpui atân in fâte chu an \hian tû emaw sâwmtîr teh u. Dârthlalanga inen \hâm chungin in chângvawn kha sawi ho ula, hlim hmêl put tum hrâm ang che u.
Níngãnî: In fâte nên Zirtâwpni zanriaha in thil siam tûr ruâhman tlâng ula. Thil chi hrang eng zât nge in mamawh ang? Tuisik theituia chantîr kha lemchanah hmangin, tui pângngai kha rawng dangah chantîr ula. A lo thlum tui sawt em? Tui pângngai theitui thlum tui taka chantîr theitu awm chhun chu tunge ni?
Zìrtâwpnî: Zanriah eipui tûr sâwmna tûrin in fâte chu card siampui ula. ‘Nu’ leh ‘Pa’ bakah Isua tân pawh card pakhat chu in siam kêp dâwn nia. Bible thawnthû kha lemchanah hmang ula. Hlimna lam hlâ saho ula, hun hlimawm tak in neih avângin Isuâ hnênah lâwmthû sawi ang che u.