Zirlai-10 2024 2nd Quarter Primary Zirlai

ZIRLAI 10                                                                                                             JUNE 8, 2024

ENG NGE NI?

CHÂNGVAWN: “Sabbath nî chu hlimawm i tih chuan, . . . LALPAah chuan i lâwm ang,” (Isaia 58:13, 14, NIV).

Chhiar Tûr: Exodus 16; Thlahtubulte leh Zâwlneite, pp. 292-297.

A Thu Zirtîr: Nuam ti taka Sabbath ni kan hman hian Pathian chibai kan bûk a ni.

Thlaler awmdan i hria em? Chhunah a sa êm êm a, zanah a vawt leh êm êm thung \hin. Vaivut hlîrin a khata, thing/hnim tlemte chauh a \o loh vek pawhin, engmah a \o lo tawp \hin. Thlaler hmunah engting nge eitur i neih theih ang? Israel ho chu thlalerah an zina – chaw eitur an tlachham lek lek tawh a! Engtin nge an ti a i rin?

PATHIAN chuan Israel ho chu a enkawl \ha hle a. Chhunah nisa lutukin a em hrehawm loh nan chhum hlim nuam tak a siamsak a. Zanah an riahbuk chhun eng kulh turin meialh ding a pe bawk a. Aigupta rama an bawih tanna a\angin a chhanchhuak a, an hmelmate lah Tuipui Senah a ti thlum vek a. Tichuan an thang rei tawh em avangin an eitur ken ang angte chu an ei zo dâwn \ep tawh a. “Aigupta ramah kha chuan eitur tinreng kan hnianghnar a. Mahse he thlaler hmunah hi chuan ril\amin kan thi dâwn ta a nih hi,” tiin an phunnawi a. Mosia hnênah chuan lungawilo zetin an va lei kova.

Pathian chuan ril\âma thih tîr mai mai chu a tum hauh lo. Pathianin Mosia hnênah chuan, “van a\angin chhang ka rawn sur tir ang a. Zîngkârah chhar tur a lo awm mai ang. Mipuite chuan tuktin omer khat \heuh an chhar \hin tur a ni. (Omer chu litre hnih emaw vel hu a ni). Mahse a tûk atan engmah an khêk tur a ni lo. Tichuan mipuite chuan ka thupekte an awih chiah nge awih chiah lo ka fiah nghal bawk ang,” a ti a.

A sawi ang chiah chuan, a tuakzing khua a lo var chuan lei chung zawng zawng chu thil var pan thlirthler hian a lo bawh khat luk a. Mipuite chuan mak an ti ngei mai. “Hei eng nge ni?” tiin an in zawt kual vel a. Dai khalin lei chung a dâp vek ni mai hian a lang a. Mosia chuan an hnênah, “Hei hi Pathianin chhang pek a tiam che u chu a ni e. Chhar ula, vawiinah in ei zo nghâl vek dâwn nia. Naktuk a ei atan engmah khêk suh ang che u. A eitlak tawh chuang lovang,” a ti a.

Tichuan a hmingah “manna” (eng nge ni) tiin an vuah a. Tichuan an chhar khawm a, an han ei chhin a. Khawizu ang maia thlum tui a ni a.Mi zawng zawng khamkhawp a awm a. Mahse ni a lo chhuah chuan, manna an chhar bang leia la awm ho chu a tuiral ta vek a.

|henkhat chuan an chhar hnêm êm em a. Mahse buknaa an han buk chuan, omer khat chiah chiah a chhuak a. |henkhat chuan tlemte chauh an chhar khawm a. Chung ho pawh chuan an han buk ve a, omer khat hu tho a lo ni a.

Pathian khan, “Atuk zing ami tur engmah dah bang suh u,” a ti kha a ni a. |henkhat chuan an zawm duh lova. A tûk zînga an han thova, an manna dah \hat an va en chuan, a lo lung nuaih nuaih a, a rim lah chu a chhe êm êm bawk a.

Zìrtâwpnînia an thiltih dan tur chu a dang hlek a. Mosia chuan, “vawiin chuan nidanga in chhar let hnih zel in chhar tur a ni. Naktuk hi Pathian tan Sabbath ni a ni a, chawlh hahdamna ni a ni. Naktuk zingah chuan leiah manna chhar tur reng reng in hmu lovang. Vawiinah naktuaka in eikhawp tur chhar ula, in ur loh pawhin chhum hmin ula, mahse naktuka eitur khek ngei ngei ang che u,” a ti a.

Nidanga an chhar let hnih, Sabbath nia eitura an chhar khawlte chu a lung ve dâwn lo a nih chu! Mahse engtin nge chutiang anih in hrethiam lovang! Zìrtâwpnîni chuan \henkhat chuan nidanga an chhar let a tam an chhar duh lova. Sabbath zingah manna chhar turin an chhuak ta chhek chhek mai leh. Zirlai khiarh khan tak mai chu, nileng a ril\am tura an zir chhuak a ngai ta! Chumi Sabbath zing chuan manna chhar tur chu a awm reng a! Sabbath nidang reng rengah pawh chhar tur a awm ngai lo. Pathian chuan Mosia hnênah chuan, “Engtia rei nge ka thupek hi an awih duh loh dâwn le?” tiin a vui hial a.

Manna thawnthu a\ang hian zirlai pahnih kan zir thei ang. Pakhatna chu, Israel mîte ang bawk khan, Pathian thu kan awih hian Amah kan chawimawi a ni.Kaihhruaina min pek ang thlap thlapa kan tih hian amah chibai kan buk tihna a ni.

Tin, Pathianin thil a hre ber tih kan zir chhuak thei bawk. Kan tana ruahmanna a siamte chu kan \hatna tur vek a ni a. A thupekte zawm mai hi kan tana hlimna kawng awmchhun a ni.

Israel mîte tan Pathian thu zawm pawimawh zia hre turin hun eng emaw chen a duh. A tawpah chuan an man thiam ta hram a. Chu chu an tan thil \ha tak a ni, a chhan chu thlalera kum sawmli zet an thang chhunga Pathianin eitur a pekdan a ni si a.

Pathianin Sabbath a ngaih pawimawhzia pawh an zir chhuak a. Israel mîte leh, keini pawhin, Sabbath ni hi kan tana ni hlubik a ni tur a ni. Sabbath ni uluk taka an vawn a, manna chhar hna an thawh loh khan Pathian an hmangaihna an lantîr a, an thu an awih bawk a ni. Tichuan Pathian chibai tih tak zetin an bûk ta a

TIHTÛRTE

Sabbath

• Exodus 16:1-2 hi in chhûngte in chhiarpui tir teh u. He chang hi enge awmzia? Khawi a\angin nge in chaw te hi an lo kal?

• In chângvawn kha ennawn ula, zirtîr ve rawh u. Hlaah siam ula, chuan in sa ho dâwn nia.

• Sabbath school ah manna in siam kha tu emaw han entir ve teh u. Pathian in Israelte hnênah manna a pek thu kha i hrilh bawk rawh u.

Sunday

• In chhûngte nen Exodus 16:13-36 hi chhiar in sawi ho teh u. Nitin manna kha engzat ah chhar tur nge an nih? Engtia rei nge manna an dâwn? Pathian khan mosia leh arona hnênah manna khawi ah nge dah tur a, a tih?

• Thei zeilep kha thlengah dah in zan han riah ula, zingah en rawh u. In ei leh duh ang em? Eng vang nge?

Thawh\annî

• Exodus 16:16-20 hi in chhûngte nen chhiar in sawi ho leh teh u. Zânah pangang thei bawmtu kha ek lung an ni mai thei. Êk lung chanchin hi hriat belh tum rawh u. Chu tiang manna chu tu nge ei ang? Engvang nge?

• In chhûng zingah tu emaw ber kha a ril\am viau lai sawi tir teh u. Engtin nge a tih? Nangni in ril\am in engtin nge in tih ve?

• Chaw \ha tak min petu Pathian hnênah lawmthu sawi rawh u.

Thawhlehnî

• Exodus 16-31 hi chhiar ho teh u. Manna ei a awmdan tur sawi bawk ula.

• A remchân chuan tunkar chhungin tuk\huan ah be ei nghal chi ei ang che u. A thlum loh chuan khawizu hmeh ula, emaw chhang emaw thil kan ro nen i ei dâwn nia. Engtin nge awm? In chhûngkuain chaw tui in tih zawng tak petu che u Pathian hnênah lawmthu sawi rawh u.

Nilâinî

• Chhûng inkhawm atan Exodus 16:1-4 hi chhiar in sawi ho teh u. Thlaler chanchin sawi ula, engtin nge chu lai hmunah chaw in hmuh theih ang? Ni leh tui te? Chu lai hmun ah ransa awm ten engtin nge tui leh eitur an neih?

• Exodus 16:31 hi chhiar ho leh teh u. Dhania chi in neih chuan puitling tu emaw kha in hmuh tîr ula, emaw thlai dawrah in kal leh velah in en dâwn nia.

Ningânî

• Nî tina thil in tih \hin sawi ho teh u. In vai khan in thil ngeinat zawng emaw ngeinat loh zawng in zawt vek ula, chuan hun bîk ah in tih \hin in sawi bawk dâwn nia. Kâr khatah hian eng ni hi nge in chhungkua tan pawimawh ber? Eng vang nge?

• Pathian chibai in buk theih dan kawng hrang hrang te ziak rawh u. Hriattur: Pathian biak hi biak inah kher tih a ngai lo. Nidangah engtin nge in biak \hin?

Zìrtâwpnî

• Vawi in chhûng inkhawm chu 1 Johana 2:3-6 hi chhiar in sawi ho teh u. Hei hian engtia nung turin nge min tih?

• Pathian chawlhni chu thil eitur tui tak tak leh zai chungin hmang teh u. In dawhkan chu thei, thlai leh eitur chi hrang tui tak tak in dah khat ula, chuan in tur tui tak pawh in dah tel dâwn nia. Khâwnvâr pawh in chhi tel bawk rawh u.

• In \awng\ai hmain “Aw LALPA ka ngaisâng che” tih emaw, “God Is So Good!” tih hla leh a dangte sa ang che u.