Zirlai-11 2024 2nd Quarter Craddle Roll

ZIRLAI 11-NA

SIMEONA LEH ANNA-I LAWMTHU SAWINA THUTE

Changvawn: “Lalpa hnenah lawmthute hrilh rawh u,” Sam 136:1.

Bible Chang: Luka 2:22-39.
ZIRLAI TUM: In fate hnena in thilpek theih hlu ber chu HUN a ni.

Nu & Pate Tan: In in chhung thil dangte chu lo hlamchhiah deuh pawh ni ta ula, in fate chu in hlamchhiah thei lovang. Eirel leh in chhung tihfai te leh tih neuh neuh tur dang a tam viau an ni thei e, chung chuan i fate tana hun i pekna tur chu an dal chuang tur a ni lo.
Hei hian i fa kum 2 kum 3 mi kha i chhaih nileng \hak \hak tur tihna lam chu a kawk lo. A theih chen chenah chuan anmahni hlimna tur ang anga thlah zal a \hat changte pawh a awm thei a, an mamawh hun huna \anpui thei tur erawh chuan in inring sa fo tur a ni.
Ranungte pawh hmuhnawm a ti viau theia, tin, thilsiam dangte pawh ennawm a ti thei bawk. Hetianga khawvela thil awmte han hriat chian lehzual a chak viau theia, chutiang hunah chuan a thil hmuhte enpui leh a chanchin sawipui turin inpeih fo ang che.
In chhung hna i thawh pawhin puih che a tumin, a lo ti ve sauh sauh fo mai theia, a theih chen chenah chuan tihtir ve zel \hin ang che; thil \angkai tur zawng tihdan zirtirin hman \angkai tum hram zel ang che.
Pathian ang tura mihring inzirchhuahtir tur hian hun a duh hle \hin a, mahselang hei aia hna pawimawh dang a awm si lo. “Nu hna hi hna dang engmahin a tluk thei lo… Nu hna chu, Pathian \anpuinaa mihring nunna Pathian anna siam\hat leh hi a ni.” (AH 237)

TIH TUR: Tuk tin hian Pathianna lawmna thar nen i lo tho chhuak \hin em? Harsatna tawh niah pawh hian lawmna tur chu a awm zel tho a sin. I lawmthiamna chuan i fa chu nasa takin a \anpui ngei ang.

  1. Isuan thil tamtak min pek a chunga kan lawmthusawi hi ngaihnawm a ti. Isua hnena lawmthu sawina chhan turte kawhhmuh zel teh le.
  2. I fa kha len chhuahpui la, Isua hnena lawmthu sawina tur thil hrang hrang han kawhhmuh pah teh le.
  3. In in chhung leh in kiang vela thil in hmuh mai theih a\anga Isua hnena lawmthusawina tur thil kawhhmuh bawk teh.
  4. Isua hlan a nih thu i zirtir pahin i fa pawh Pathian hnena hlan a lo nih tawh chanchin kha hrilh nawn ve leh teh. Isua tana mi duhawm taka \hanglian turin fuih sauh sauh bawk ang che.

BIBLE THAWNTHU: Mari leh Josefa chuan naute hmel\ha deuh mai an neih avangin an lawm em ema, khawvela naute duhawm ber a ni hial mai thei a ni. A hmingah chuan ISUA an sa a.
Isua chu hmanah chuan vanah A awm tawha, mahse nausenah A lo changa, nangmahni ang maiin A lo piang ve a ni. Pathian min hmangaih em em vangin keimahni angin mihringah A chantir a ni. A lo len deuh hlek hnu chuan a nu leh pate a \anpui \hina, a fel em em a, thute A awih thei em em a, nakin hnuah chuan vanah a lawn leh ta a. Tunah pawh vanah A la awm renga. A lo kal leh hunah chuan kan vai hian Vanah min hruai dawn a ni.
Isua chu A senlai chuan nausen danglam deuh mai a ni a. A nu leh pate chu Pathian thuawih mi an ni a, Pathian sawi angin fapa an neih hi Pathian hnenah an hlan zel \hin a ni.
Mari leh Josefa-te pawh chuan Isua chu Biak Inah an kalpuia, Pathianin Fapa duhawm deuh a pek avangin lawmthu an sawia, lawmna thawhlawmte an thawh a, nangni pawhin chawlhni apianga thawhlawm inthawh ang hian anni pawhin an thawh ve a nih chu. Mahse anni chuan pawisa nawi hi an thawh ve lova, an thawh ve tur chu parva a ni. Parva var pahnih an kenga, chutiang chu miretheiin an fate an hlanna an ken \hin chu a ni.
Biak Ina rawngbawltu puithiamte chuan an thawhlawm (parva) chu an lo laa, naute chu pawmin Pathian hnenah an \awng\aisak ta a ni. Tichuan naute hming chu lehkhabuah an ziaka, a hming chu Isua a ni. (Nangni pawh in tetlai khan in nu leh paten Biak inah an hruai che u a, thusawina hmun dawhkanah an kalpui che u a, tah chuan pastor-in a pawm che u a, a \awng\aisak che u a ni.
Isua an hlanna Biak Inah chuan Pathian thuawih deuh mai putar pakhat hi a awm a, a hming chu Simeona a ni. Naute an hlan lai chu a hmua, naute danglam Pathian fapa a ni tih a hre nghal maia, a pawma, Pathian hnenah lawmthu a sawi a, a \awng\aisaka, “LALPA, nausen Isua hi min pek avangin kan lawm e,” a ti a. Lawm takin a pawma, a hlim em em a ni. Isua chu a hmangaih em em bawk a. A hnu deuhah chuan nausen chu a nu Mari hnenah a pekir leh ta a ni.
Chumi zawh veleh chuan Biak Inah chuan Pathian thuawih deuh mai pitar pakhat hi a lo awm bawka, a hming chu ANNA-i a ni. Ani pawh chuan Isua hmel a hmuh veleh chuan nausen danglam tak, Pathian fa a ni tih a hre ve nghal maia, chutiang hmu thei tura Patianin mal A sawm avang chuan a lawm em ema, Pathian hnenah chuan, “AW LALPA, I fapa Isua chu min hmuhtir avangin lawmthu ka sawi e,” tiin Pathian hnenah lawmthu a sawi bawk a ni.
Nangni pawh in lo pian khan in nu leh pate leh chhungte chu an lawm em em a, an duh em em em che u a ni. Puan lum \ha ber berin an tuam che u a, powder rimtui tak takte an hnawih che u a, duat em emin an pawm hle hle che u a ni. Tlema in lo len deuh hlek hnu chuan BiakInah an hruai che u a, Pathian hnenah an hlan che u a ni. Pathian hnena hlan tawh in nih avangin Pathian ta in nih chu maw?
Pathian hnena hlan tawh, Pathian ta in nih avangin Pathian thu in awih \ha tlat tur a ni. Tunah hian Pathian chuan in nu leh pate hnenah, “Hei ka fate hi \ha takin lo enkal la, nakinah vanah ka hruai theih nan awmdan \hate, nungchang mawite, vanrama awmdan turte lo zirtir ang che u,” a ti a ni. Chuvangin in nu leh pate thute awih ulang. Isua A lokal hunah in nu leh pate nen in vaiin vanah Isuan A hruai dawn che u a nih chu!
Pathianin in mamawh tinreng a pek che u avangin lawmthu in hrilh \hin anga, nu leh pate in neih avangin lawmthu in hrilh ve bawk anga, chaw ei turte, kawrmawi leh pheikhawk te, tui in turte in neih avangin Isua hnenah lawmthu in hrilh \hin dawn nia. Tichuan Isua chu A lawm em em dawn a ni.