Zirlai-11 2024 2nd Quarter Kindergarten Zirlai

ZIRLAI 11-NA June 15, 2024
MIN ZUI RAWH

Chângvawn: “Nangnî hi ka \hiante in ni,” (Johana 15:14, NIV).

INHUHONA: Ka chhûngte leh \hiante chungah hmangaihna ka lantîr.
Chhiâr Tûr: Luka 5:1-11; Johana 1:35 – 42; Chatuan Nghahfâk, pp. 222 – 228.
Thuchah: Isuan a \hiante ni tûrin min ko.
Zìrlai Tùm: Naupangte chuan:
· Isuan amâ \hiante leh \anpuitu atân min duh tih hriain,
· Isuâ \hiana \an leh \anpui duhna thinlung an pû ang a,
· Isuâ tâna mi \angkai nih dân kawngte an zawng ang.

Thu lâwmawm tak in hriat hian, enge in tih \hin? Chutiang chungchâng chu mi dangte in hrilh vê ngai em? I ûnaute hnênah chuan in hrilh châk pawh a ni maithei a, a nih loh leh in \hiante hnêna hrilh pawh in duh maithei bawk e. Chanchin lâwmawm inhrilh hi chu a nuâm \hîn rêng a ni!

Ni khat chu sangha mantu pakhat, Andria hian Isua a tîtîpui a. Isua chu a chanchin a lo hriat tawh Chhandamtu chu a ni ngêi tih hriatna a nei a. Chû thu lâwmtak tak chu mi dangte hnêna hrilh chhâwn a duh a! Chuvâng chuan a ûnaupa Petera a zawng chhuak nghâl vat a.
A hnu ni tam vak lovah, zîng kârah dîl kamah Isuan Petera leh Andria-te ûnau bâkah, an \hian Jakoba leh Johana-te ûnau chu a hmû a. Anni hian zankhuâa an lênte dêngin, tûnah hian an lên chu an siam\ha mêk a. Mi tinin zân hi sangha manna hun \ha ber a ni tih an hre \heuh a ni.
Isua hmu tûrin mipuite chu Dîl kamah an lo kal khâwm a. Isua chuan chûng sangha manna lawnglêngte chu a thlîr a. Vâukam a\anga tui lama tawlh luh deuhna remchâng ber lawngah chuan a chuâng a. Tûnah chuan vâukama awm mipuite chuan amah an hmu theiin, a thusawi pawh an ngaithla thei ta \heuh mai.
Rei vak lo mipuite hnêna thû a sawi hnû chuan, Petera lam a hawi a, a hnênah, “Peter, li thûk lamah i lên dêng la, sanghâ man rawh,” tiin a hrilh a.
Petera chuan mak a ti viau mai a, “Ka pû, zan khuâin lênte kan dêng a, mahse sanghâ kan man rêng rêng lo mai. Mahse i thû ang ngêi chuan lên chu kan dêng a nge,” a ti a.
Tichuan Petera leh a ûnaupa Andria chuan an lên chu an chelh a. Annî hriat dân ang chuan chhûn ên lai hi chu sangha man tûra lên denna hun \hâ a ni ngai lo. Mahse Isua sawi ang chuan an lên chu an han dêng ta ngêi a.
Chutah le, an lênah chuan sanghâ a khat a ni mai a, an phu mum mum mai a, chhiâr sên mai pawh a ni lo! An lên chu sanghâ avânga a rih êm avângin an hnûk chhuak zo lo va! Jakoba leh Johana-te ûnau chu anmahni \anpui tûrin an pun ta hial a. Chutiang zâta sangha tam an hmû chu mak an ti tlâng ngêi mai!
An lên leh sanghâte lawnga an hnuh luh tâk hnû chuan, Isuan chûng mi palîte chu en chungin, “Min zui rawh u, mihring mantûah ka siam ang che u!” a ti a. Isuâ thusawi awmzia chu annî hian mîte hnêna Pathian hmangaihna thû a puânnaah an \anpui \hîn dâwn tihna a ni. Tichuan mite chuan Pathian an zui vê thei ang.
Petera leh Andria te, Jakoba leh Johana-te hian Isua chu \anpui zêl an duh a. Mîte hnêna hê Isuâ chanchin hrilh leh, thilmak a tih chanchin hrilh hi an châk a. Tichuan annî hian an sangha manna lawng leh lên leh sanghâ an mante chu kalsanin Isua chu an \anpui ta a ni.
Petera te, Andria te, Jakoba leh Johana-te hi Isua \anpuitu \ha ber berte an ni ta a. An dam chhûng zawngin Isua chanchin leh a hmangaihna thû chu mîte hnênah an puang zui ta zêl a.
Nangnî pawh Isuâ \hian \ha bîkte in ni vê thei tho mai a, Isuâ tâna \anpuitû \ha takah pawh in \ang vê thei a ni. Isuâ \hian leh \anpuitûa \an chu in duh em?

TÌH TÛR & SAWI TÛR
Sabbath Chàwhnû: In fâte chuan Sabath Sikula lehkha hmanga puân an siam kha entîrin, a chanchin sawi nghâl se la. An silhfên leh inawmlemna thilte fel taka senghawi leha chhûngkaw tâna an \angkai theih dânte sawi tlâng ula. Zaizir hmangin tûn kâr zirlai chângvawn hi sawi ang che u:
Nangni Mi dangte kâwk ula
Keimâ Mahnî inkâwk ula
|hiante Mahnî inkuah emaw, mi dangte kuah emaw
Johana 15:14 Kutphah thlawpa tih kâu leh
Sunday: Sangha khâwina hmun emaw, sangha zawrhna dâwr emaw tlawh ula. A theih phei chuan nangmahnî inah sangha khâwi ang che u. In fâte hnênah sangha chaw pêk dânte zirtîr ula. Isuan sanghâte a siam avângin lâwmthû sawi ang che u.
Thàwh\annî: Johana 15:14 kêu ula. In chhiar laiin a thumal tin chu in fâte kawhtîr ang che u. Sawi tûr: “Hêng hi kan hnêna Isua sawite an ni. Keinî hi a \hiante chu kan ni.” Sawi nawn leh \hîn ang che u.
Thàwhlehnî: Naupangte chu an thawmhnâw leh inawmlemna thílte a hmuna dah fel tûra tiin mahnî in\anpuitîr ang che u. Zirtâwp tlâi zanriah eipui atân in hmêl hriat lutuk lòh, in fâte rual ang fanei chu sâwm ang che u.
Nílâinî: In fâte chuan an \hian neih zât chhiar nân lung tê emaw, pawisa nâwi emaw hmangin tihtîr ang che u. In\hianna lam hlâ in hriat apiang saho ula, chutah \hian in neih avângin Isuâ hnênah lâwmthû sawi ang che u.
Níngãnî: Sangha tak en tûr in neih leh en ula, in neih loh chuan a lem pawh in en mai dâwn nia. Lêna sangha man tawh emaw, lensuah chhunga tui la hleuh zer zer angin in fâte chu lem in chantîr dâwn nia. Isuan a \hiante chu ‘Mihring mantûah ka siam ang che u,” a tih kha eng a tihna nge ni?

Zìrtâwpnî: In chhûngkaw worship neihnaah, in zirlai Bible thawnthû hi lemchanah hmang ula. Chaw-eipui tûra in sâwmte kha an lo kal chuan anni pawh chang vê tûrin sâwm nghâl ang che u. In fâte chu mahnîa chângvawn sawi tûrin ti ula. In\hianna lam hlâ in hriatte sa ho ulang. |hian in neih avângin Isuâ hnênah lâwmthû in sawi dâwn nia.