Zirlai-11 -2024 2nd Quarter

Zirlai 11                                                 June 8–14, 2024

indona thleng |êp chu

Chângvawn: “Anni chu thutakin tithianghlim rawh. I thû chu thutak a ni,” (Johana 17:17).

Sabbath Chawhnû                         June 8

 Chhiar tûr: Thupuan 4:11; 12:3–5, 17; 13:1, 2, 11–18; 14:7, 9, 12.

Tihdamna hmanraw thar \angkai tak pakhat ‘Biochip emaw Veri chip’ an tih emaw chu a awm a, buh-fang tiât vêl lek, mihring taksa chhûnga phûm theih a ni. Biochip-ah hian damlo nat dân chungchâng hriatna a awm a, chumi hmang chuan Biochip/Veri chip phûmna lai vêl pâwn lam a\anga han scan khân a hriat mai theih \hîn a ni.

Kristian \henkhat chuan chû chu ‘Sakawlh Chhinchhiahna’ atâna la hman tûr anga ngaiin an ngaithei lo tlat mai a. Mi \henkhat dangte lahin ‘Sakawlh Chhinchhiahna’ chu thil eitûr thunna \în vêla chhinchhiahna (bar code) an dah hi ni thei tûrah an ngai a; a nih loh vêk leh USA pawisa note-a nambar rûk an dah, han belhkhâwma 666 tling thei chu ni tûrah an ngai bawk a. Tûte emaw chuan United Nations leh UN helicopter-a Masonic order, Illuminati awmte pawh chu ni tûrah an ngai zêl mai a ni.

Tûn kâr zirlaiin a tum ber chu, chibaibûkna chungchânga inbeihna lo awm tûr târ lan chu a ni. Setanan Pathian dân phiarrûkna hmangin Pathian thuneihna a la cho zui zêl dâwn a. A bîk takin Sabbath hi, chibaibûkna chungchânga khawvêl pum huâpa inbeihna a la ni dâwn a ni. Setanan Sabbath a huât chhan chu Siamtu a huât êm vâng a ni ber a. Kristâ hnêna kan intiamna min tihchhiatsak tumin tihluihna te, nawrna te leh tharum thawhnate a la hmang dâwn a. Chibaibûkna ni dik leh dik lo chungchângah thurin hi a la insu buai hlê dâwn a. Pathian min ngenna hnuhnung chu, tihduhdahna, ei leh bâr, sum leh pâi thûa hrêkna, tântîr leh tihhlumna thupêk chhuah kârah pawh Kristâ chunga rinawm tlat tûrin a ni.

Tûn kâr zirlai hian hê leilunga buaina hnuhnung min hruai tlang tûra Isuâ chakna chu a sawi uâr dâwn a ni.

Sunday                                          June 9

Thupuan-a Inbeihna Hnuhnung

Thupuan thuchah hi thil entîrnei, ramsa mak pui pui leh lim maksak tak tak bâk thil a ni. Chhuân hnuhnung berte hnênah hmangaih Pathianin chatuan thutakte a târ lang a. Krista leh Setana inkâra inbeihna in\anna chu chibaibûkna thû-ah a ni a, chibaibûkna thûa a vâwrtâwp chu a lo la thleng dâwn a ni.

Khaikhin tûr: Thupuan 14:7, 9 leh Thupuan 4:11. Thupuan thupui, sual leh \ha inkâra lei leh vân huâpa indona a lo zuâl zêl chu eng nge ni?

Thupuan pum puiah hian, chibaibûkna leh thilsiamna thû hi thil inzawm nghet tlat a ni a. Thupuan 14:7 chuan thilsiam zawng zawngte Lalpa chu chibaibûk tûrin min ko va. Kum zabi hnih chhûng chu ‘zâwng thlah kan ni’ tih zirtîrna dik lo hian kan khawvêl a tuâm ta chungin, Sabbath hi chatuana kan nihna dik tak min hriat nawntîr rengtu a ni. Keini hi Pathian siam kan ni a, Siamtu chu chibai kan bûk tûr chu niin, A chunga rinawm tlat tûr kan ni tih Sabbath hian min hriat nawntîr reng a. Hei vâng tak hian Setana chuan Sabbath hi a ngaithei lo êm êm a ni.

Chhiar tûr: Thupuan 12:17; 14:12. Engtin nge Siamtu chibaibûkna chu a tâwpah lantîr a nih?

Pathian thupêkte zawmna hmanga Siamtu chibaibûkna hi sakawlh chibaibûkna kalhin a ding reng a. Khawvêl chanchina dodâlna leh tihduhdahna tawrhhlelhawm ber chu a lo la chhuak dâwn nâin, tâwpna-hunah hian Pathianin Amâ chunga mi rinawm tlatte A nei reng dâwn a ni.

“Sabbath suâk, Sunday chu sorkâr dân siam anga zâwm a, Chawlhni dik lo serh chu, Pathian thupêk kalhtu thuneihna chunga rinawmna a ni a. Chawlhni dik serhna, Pathian dân zawmna chu, Siamtu laka rinawmna chhinchhiahna a ni.”—Ellen G. White, Indona Ropui, p. 606.

Thupuan 14:12 chuan hêng Chhandamtû hnungzuitu mi inpezo takte hian “Isuâ rinna” an nei tih a sawi a. Isuâ rinna tih chu rinna thûk tak, thil hmuh theih loh lai pawha rinchhan tlat rinna ang chî a ni. Thil a hriatthiam loh lai pawhin a tuâr a chhel tlat reng a. Hei hi thilthlâwnpêk Isuâ hnên a\anga lo chhuak, rinna lo dawn niin, chû chuan inbeihna lo awm tûr pawh a paltlangtîr thei dâwn a ni.

Ni-sarihna Sabbath hi, Pathian chu Siamtu a nihna lungphûm niin, Eden Huân min thlîr kîrtîr a. Tichuan, Rome-in a tih (Dan. 7:25) tâk anga luahlan dân kawng zawn chu a bul\hut a\anga Pathian thuneihna luahlan tumna a ni ang. Engtin nge hê thutak hian tâwpna hunah chuan hê thil hi inhniâlna thu inchuh ber a la ni dâwn tih manthiam tûra min \anpui?

Thawh|annî                                  June 10

Harsatna Lo Thleng Tûr Chu

Thupuan 13-a sakawlh chhinchhiahna hrilh lâwkna chuan Setanan diâu lo tak leh a chhe thei ang bera Pathian a beih tûr thû min hrilh a. Kraws-a Isua A thih chinah khân, hmêlmapa chuan hneh a ni tawh tih a inhria a; mahse, kan zînga mî a tam thei ang ber hi hneh a tum ruh hlê a ni. A hmalâk dân hmasa ber chu bumna hmangin a bei a. Bumna chu a tlawlh a nih erawh chuan tharum a hmang zui \hîn. Sakawlh chibaibûk emaw, a lim chhinchhiahna dawng duh lo emawte tihlum hiâl tûra thupêk chhuahna phênah chuan ani chu a awm zêl a ni.

Sâkhaw tihduhdahna hi thil thar pawh a ni lo. Abelan Pathian thupêk a âwih vânga Kainan a thah a\ang tawh khân a la awm reng a ni.

Chhiar tûr: Johana 16:2; Matthaia 10:22; 2 Timothea 3:12; 1 Petera 4:12. Thuthlung Thar kohhran nuntawng kha eng nge ni a, engtin nge chû chu tâwpna huna Kristâ kohhranah pawh bel a nih?

Kristian chanchin pum puiah, tihduhdahna kha a thleng châmchî a. Pagan Rome hnuaiah a thleng a, Hun Laitâ kohhran pawh khân Bible-ringtu Kristiante chu râpthlâk takin a tihduhdah bawk a. Sakawlh chhinchhiahna leh hê thil tawrhhlelhawm tak hi a inthlun zawm a. Hmânlai huna tihduhdahna ang kha, thurin leh chibaibûk kawnga an tih dân zuitîr tûra mi tin nawrluih nân hman leh tûra ruâhman a ni.

Hrilh lâwknain a târ lan dânin, tihduhdahna chu ei leh bâr, sum leh pâi thûa bul\an a ni dâwn a: Sakawlh chhinchhiahna neitûte chauh lo chuan tû mahin an hralh leh an lei theih loh nân. Tû pawh chû chhinchhiahna dawng duh lotû chu tihhlumna thupêk hnuaia dah a ni ang (Thupuan 13:15, 17).

Setana chuan Kristiana inchhâlte chu sakawlh chhinchhiahna dawng tûrin a buatsaih lâwk diâm tawh a. Fiahna hnuhnung a lo thlen hunah chuan an nun chu inhnûkhniâm tûrin a fuih a. Chû chu a lo inlâr hun chuan khawvêl pum puiin ani chu maktî leh ngâisâng tak chungin an zui a (Thupuan 13:3); kâr lohah thil a inthlâk danglam thut a, hrilh lâwkna chuan Pathian mîte lam chu a hawi a. Thupuan 14:12 chuan hê thil chungchâng hi min hrilh a. “Heta hi Pathian thupêkte zâwm a, Isuâ rinna vawngtûte chu an awm e,” tiin.

Pathian mîte chuan Pathian ngaihsaka thuâwihna nunin an nung a. A khawngaihna zârah, an kiang vêl thil engkim a nghîn vek laiin, anni chu nghet takin an ding a. Khawvêl pum puiin sakawlh chu an zui laiin, anni hi chuan “Berâmno chu A kalna apiangah an zui zêl” thung a (Thupuan 14:4). Kristâ thiltihtheihna zârah, anmahni dotu hremhmun thiltihtheihna chungah hnehna an chang a. Zirlai 9-naa kan hmuh tâk ang khân, sual leh \ha inkâra inbeihna thu inchuh ber chu ‘chibaibûkna’ thû-ah a ni. Sakawlh chuan bumna a hmang a, chû chu a tlawlh erawh chuan tharum leh tihluihna a hmang \hîn a ni.

I Sabbath serhnaa inhnûkhniâm tûrin engtin nge tûnah hian sum leh pâi dinhmun ngaihtuahna chu nei nghâl thuai \hîn i nih?

Thawhlehnî                                   June 11

Sakawlh Hriat Theihna: |hen 1

Chhiar tûr: Thupuan 13:1, 2. Hê sakawlh hi khawi a\anga lo chhuak nge ni a, a hnêna thuneihna petu chu tu nge ni?

Thupuan bûin dragon chu Setana a ni ber tih a sawi a. Thupuan 12:3–5 chuan dragon-in ‘Fapa chu’ a pian vêleh tihboral tumin a bei tih a sawi a; a hnûah Ani chu ‘Pathian hnênah leh a lal\hutphahah chuan lâk chhoh a ni ta a.” Khâ kha pagan Rome hmanga thawktu Diabola chu niin, Krista kha tihboral tumin a bei a (Matt. 2:16–18). Pathian leh mihringte hmêlma chimawm chuan sorkar leh sâkhaw thuneihnate hmangin a thil ruâhman hlen tumin a che \hîn a ni.

Hê sakawlh thuneihna chungchângah hetiang hian hrilh kan ni: “Sakawlh chuan a thuneihna te, a lal\hutthlêng leh thuneihna nasa tak chu a pê a” (Thupuan 13:2) tiin. Hê hrilh lâwkna hi a hnû kum za eng emawtiah a lo thleng famkim a, Roman Emperor Constantine-an a khawpui chu Rome a\angin Constantinople, tûnlaia Turkey rama ‘Istanbul’ an tih tâkh khân a sawn a. Chû chuan Rome khawpuia Kaisara lalna hmun chu a kiân a.  Chutiang chuan pagan Rome chuan khawpui chu sakawlh \huthmun atân a pe ta a ni.

Isaac Backus-a sawi dân chu, “Constantinople lama lalram \huthmun sawnna hmangin, . . . Constantine-an lei chunga mihring zawng zawngte chungah leh, Vân Pathian chunga inchâwisâng tûrin Rome bishop tân hmun a kiân ta a ni,” tih a ni—The Infinite Importance of the Obedience of Faith, and of Separation from the World, p. 16 (quoted in Le Roy Edwin Froom, The Prophetic Faith of Our Fathers, vol. 3, p. 213).

Thomas Hobbes sawi dân chu, “Pope thuneihna kha, Roman lalram tlâwm ta thlarau, a thlân chunga lallukhum khuma \hû bâk eng dang a ni lo,” tih a ni.—Leviathan (New York: Oxford University Press, 1996), p. 386.

Thupuan 13-a tuipui-sakawlh chungchâng fîmkhur taka zirnain a târ lan chu, sâkhaw thuneihna kalsual, Rome a\anga lo chhuak, khawvêl pum huâpa chibaibûk dân kalhmang lo ni ta chu a ni (Thupuan 13:3, 4). Hê sakawlh hi mihring mimal ni lo vin, sâkhaw pâwl, Pathian Thûa thutak âia mihring thupêkte hmang zâwktu chu a ni.

Chhiar tûr: Thupuan 13:1, 6. Sakawlh thuneihna târ lan nân eng thu pawimawh nge a hman?

Bible-in Johana 10:33 leh Luka 5:21-a Pathian sawichhia a hrilhfiah dân entîrna pahnih chu: 1) mihringin Pathian-ah a inchhâl emaw, lem a chang emaw a ni a, 2) mihringin sualte ngaidam tûra thuneihna neiah a inchhâl emaw a ni bawk. Hêng thilte hmanga Isua an sawisêlna pahnihte hi a dik lo, Isua kha Pathian dik tak a ni sî a; chuvângin sualte ngaihdam theihna A nei a ni. Roman pope thuneihna chuan Bible-in pathian sawichhiatna a tih kawng hnihte kha a nei a. An puithiamten sualte ngaidam tûra thuneihna neia inchhâlin, pope chuan lei chunga Pathian dinhmunte neiin a inchhâl bawk a ni.

Nilâinî                                           June 12

Sakawlh Hriat Theihna: |hen 2

Pathian mîte chuan sakawlh chibaibûk lo va, Amah chibaibûknaah chuan hlimna ropui ber leh lâwmna sâng ber chu an hmu \hîn a. An thuâwihna pawh chu hmangaihna thinlung a\anga lo chhuak a ni. Ani chu an tân a inhlân tih hriain, anni pawh Amâ chungah an rinawm tlat bawk.

Chhiar tûr: Thupuan 13:5. Sakawlh nihna a sawi chu ziak chhuak ang che.

Zirlai 4-naah khân, Pathianin hrilh lâwkna hun hriatthiam theihna chabî min pê a—ni khatin kum khat a tluk tih kan hre tawh a (Num. 14:34; Ezek. 4:6). Thupuan 13:5-a ‘thla 42’ hun hi, Hebrai thla chhiar dân anga thla khatah ni 30 awm zêl anga kan chhût chuan, hrilh lâwkna nîte emaw, kum tak taka 1,260 nên a intluk a ni.

Pope thuneihna chuan a thiltihtheihna ropui tak chu a.d. 538 a\anga a.d. 1798 thlengin a hmang a. Kum 1798 khân Napoleon-a general, Berthier-a chuan pope chu manin, hrêngah a tântîr a; chutiang chuan hrilh lâwknaa pope thuneihna chungnun hun chu, Thupuan-a hrilh lâwk angin a lo tâwp ta a ni. “Tû pawh sala tântîr tûr chu sala tântîrin an awm ang” (Thupuan 13:10). Pope thuneihna chunga thilthleng kha a na hlê chungin, thih hlenna erawh chu a ni lo thung. Thupuan 13:12 sawi dânin, thihpui khawp hiâla a hliâm chu a dam leh dâwn a ni. Pope-in mî hnehtheihna a neihzia chu khawvêl pum puiin an la hre leh dâwn a ni.

Tûnah hian, khawvêl hruaitûte chuan Pope chu Rome kohhran palai anga lâwmin, Vatican khawpuiah an tlawh âwl lo a ni. Khawvêl râlmuâng lo leh inlumlet thut thut rengna hmunah hian, Roman Pope chu khawvêl hruaitu lû ber, mipuite \huikhâwm thei bertu angin a inchhâl a.

Kum 2012 June 6-a Rome-a Saint Peter’s Square-a mipui sîng khat leh sâng ngâ laite hmâa a thusawiah Pope Benedict XVI chuan, “Sunday hi Lalpâ ni thianghlim a ni a, a hmei a pâte tân, mi tin an zalênna nî, chhûngkaw tân leh Pathian tâna zalênna nî a ni tûr a ni. Sunday kan humhimna hi mihring zalênna kan humhimna a ni,” tiin a sawi.—https://www.vatican.va/content/benedict-xvi/en/audiences/2012/documents/hf_ben-xvi_aud_20120 606.html.

Indona Ropui chuan hetianga chêtnain khawi lamah nge a hruai zêl dâwn tih chu chiang takin a târ lang:

“Bible Sabbath châwimâwitute chu dân leh thupêk hawtute, khawtlâng nun tikhaw lotûte, khawlohna leh dân mûmal awm lohna rawn thlentute leh, lei chunga Pathian hremna ko thlatute anga sawichhiat an ni ang a. Khermei taka an nun leh khawsak dânte chu, luhlulna leh kawhmawh bâwlna leh rorêltute zah lohnaah sawi a ni hlauh vang. Sorkâr ngai pawimawh lotuah puh an ni bawk ang. Pastor \henkhat, ‘Pathian dân zawm kher a ngai lo’ titute chuan, sorkâr thû ang zêla awm tûra inpêk chu, Pathian ruat rêng angin pulpit a\angtein an puang ang a. Dân siam pâwl inkhâwmnaah te leh rorêlna hmunah te chuan thupêk vawngtute chu dik lo taka hêk an ni ang a, thiam loh chantîr an la ni ang. An thu sawite chu an ngai kawi ang a, a chhe thei ang ber tih tum anga lantîr an ni ang.”—Ellen G. White, Indona Ropui, p. 592.

Hetiang thil hi a thlen dân tûr hmuh thiam mai a har deuh chungin, kan khawvêl inthlâk danglam awlsamzia ngaihtuah la. Hêng danglamna hian tâwpna-huna kan chunga thil thleng inthlâk danglam hmâ theih tûrzia eng nge min hrilh?

Ningânî                                         June 13

Lei A\anga Lo Chhuak Sakawlh Chu

Chhiar tûr: Thupuan 13:11–18. Engtin nge hê sakawlh pahnihna hi Thupuan 13-a sakawlh hmasa lakah a danglam?

Sakawlh hmasa zâwk kha tuipui a\anga lo chhuak a ni a, a pahnihna erawh chu “lei a\anga lo chhuak” a ni thung (Thupuan 13:11). Tuipui hian “mipui te, pungkhâwm te, hnamte leh \awngte” a entîr a (Thupuan 17:15). ‘Lei’ erawh chuan khawvêla mihring chêng tam vak lohna a entîr thung. Hê sakawlh pahnihna hi, sakawlh hmasa zâwkin a thuneihna a la hman lai, hrilh lâwkna hun tâwp dâwn hnâia lo chhuak tûr a ni (Thupuan 13:5). Chû chu, kum a.d. 1798 vêla lo lang sâr chho a ni tûr a ni.

Hetianga sawina hi United States nên a inhmeh thlap mai. Independent a puân kha a.d. 1776-ah niin, ram dânpui an pawm kha a.d. 1789-ah a ni bawk a, kum zabi 19-na tâwp dâwnah khawvêl thuneitu pakhat anga pawm a ni bawk.

Johanan heti hian a sawi zawm a, “Berâmno kî ang ki pahnih a nei a, dragon \awngin a \awng a” (Thupuan 13:11) tiin. Bible hrilh lâwknain “kîte” a sawi hi ‘thuneihna’ sawina a ni. Sakawlh hmasa zâwk ang lo takin, hê sakawlh hian lallukhum a khum vê lo va, chû chuan lal nei ram a ni lo tih a kâwk a. A ki pahnihte hian an ram inawpnaa thil pawimawh pahnih a entîr a, chû chu United States chak leh hlawhtlinna hnâr—sorkar leh sâkhaw zalênna chu a ni.

Chhiar tûr: Thupuan 13:11, 12. Hê sakawlhah hian eng danglamna nge i hmuh a, engtin nge thû a sawi?

Hê berâmno anga hnam nunnêm hian sakawlh angin thû a la sawi dâwn. “Sakawlh hmasa thuneihna zawng zawng” (Thupuan 13:12) chu hmangin, sâkhaw zalênna thupui hi a la bânsan dâwn bawk a, “lei leh chuta chêngte chu sakawlh hmasâ chibai a bûktîr” (Thupuan 13:12) dâwn a ni. United States hian leia mi tinte chu sakawlh hmasa zâwk chu thlarau lam leh sorkar thuneitu ber anga pawm tûrin a la hruai dâwn a ni. Hê hrilh lâwknain a sawi angin, United States hian sakawlh lim a la siam dâwn a, chû chu—kohhran (sâkhua) leh sorkar \anruâltîrna niin, hê sakawlh lim hi chibaibûk tûrin mi tin a la ngiat tlat dâwn a ni.

Thil ngaihnawm deuh mai chu, hê sakawlh thiltihtheihna târ lan a nih \an laite kha chuan, United States hi chutianga sipai leh ram sum dinhmun lama hausa tawntâw a nih tâk ang hi chu a la hlat hlê a ni.

Tûnlai huna America rama ram rorêlna ngheh lohzia chungchâng hi ngaihtuah la. Engtin nge chû chuan hê hrilh lâwkna thlen famkim theih dân tûr chu an entîr?

Zirtâwpnî                                      June 14

Zir Zâuna: Sakawlh leh a lem chibaibûk tûra tihna hian, Daniela 3-a Babulon lalin Sadraka te, Mesaka te leh Abednegoa-te rangkachak milim hmâa kûn tûra thupêk an nih a, an kûn duh loh chuan rawhtuina meipuia paih tûra vau an nihna kha min hriattîr a. Hmânlai Babulon, tûnlai Babulon—thupui chu chibaibûkna thû a ni. Chibaibûkna dik chu Pathian Thu zirtîrna rilrû, A hmangaihnain a siam\hat nun, A Thlarauva khat thinlung a\anga lo chhuak a ni. Chutiang a nih chuan ‘hê khawvêl awm dân anga awm’ kan ni lo vang a; A Thûa chuâng, Pathian ruâhman angin kan nung zâwk ang. Chû chauh chu kan tân himna awm chhun a nî!

“Pathianin mi duhthlan theihna leh chhia leh \ha hriatna hi a chhuh lui ngai lo va, Setana erawh chuan, kawng danga a thlêm thlûk theih lohte chu a thuhnuaia a dah theih nân, râwng taka lâk luih a hmang thung a ni. Tih\haihin emaw, tihluihnain emaw mi chhia leh \ha hriatna awp beh leh, a hnêna intukluhtîr a tum tlat a. A hlawhtlin theih nân sorkâr leh kohhran hruaitute hmangin hnâ a thawk a, Pathian dân hmusita mihring dân siam hman luihtîr tûrin a fuihpawrh \hîn a ni.”—Ellen G. White, Indona Ropui, p. 591.

“An hmâa fiahna lo thleng tûrah chuan an din zawh theih nân, Pathian duhzâwng, A thûa târlante hi an hre thiam tûr a ni a; A mîzia te, sorkarna te leh A thil tumte an hriat dik a, chumi nêna inrema thil an tih chauhvin Amah an châwimâwi thei. Bible thutak, kulh bang atâna hmangte chauh lo chu inbeihna hnuhnung ber râpthlâk takah chuan tû mah an ding zo lo vang.”—Ellen G. White, Indona Ropui, p. 593.

“Nimahsela Pathian chuan lei chungah hian, thurin zawng zawng tehfung atân leh, \hatna zawng zawng rinchhan atâna Bible, Bible chauh hmangtu mîte a nei a. Lehkha thiamho ngaih dân te, khawvêl finna te, kohhran hrang hrang inrem mang sî lo tam tak an awm ang bawka kohhran inkhâwmpui thu rêl leh thurin te, a tam lam apiang thû tih te – hêng zînga a pakhat chauh hi emaw, a zavai emaw pawh hi, thurin pawm tûr emaw, pawm loh tûr emaw atâna fiahna an tling lo. Thurin leh zirtîrnate chu pawm hmâin, ‘Lalpan a ti,’ tihin a thlâwp leh thlâwp loh enfiah hmasak ziah tûr a ni.”—Ellen G. White, Indona Ropui, p. 595.

Sawi Ho Tûr:

ŒEngtin nge Kristâ lo kal lehna beisei chunga râl khêl sî lo va chû beiseina chu a taka kan nunpui theih ang?

Chibai bûkna chungchângah chêng zui lawk la. Kan nî tin nun, kan thil tih \hinte hian tû leh eng chu nge chibai kan bûk tih a târ lan?

ŽEngtin nge keini leh mi dangte pawh chu hlauhna ni lo, rinngamna nêna hmalam hun hmachhawn tûra kan \anpui theih ang?Tâwpna-huna thilthleng tûrte hriatthiamna hian tûna kan nî tin nunah eng danglamna nge a taka a thlen \hin?