Zirlai-12 2024 2nd Quarter Primary Zirlai

ZIRLAI 12                                                                                                        JUNE 22, 2024

VAWN RENG TÛR THÛTE

CHÂNGVAWN: “LALPA i Pathian chu hmangaih la . . . i thinlung zawng zawngin a rawng bâwl rawh u.” (Deuteronomi 11:13, NIV).

Chhiar Tûr: Deuteronomi 4:6, 28; Thlahtubulte leh Zâwlneite, pp. 462-468.

A Thu Zirtîr: A thu awih tura duhthlanna kan siam hian Pathian chibai kan bûk a ni.

In nu leh pa ten, “bawlhhlawh paih theihnghilh miah suh,” an ti ngai tawh che em? A nih leh, “Ui chaw pek theihnghilh suh,” an ti tawh ngai che em? Thu awih turin an chah che tihna anih chua. Israel fate chuan Mosia tel lovin Ramtiam chu an lut dâwn \ep tawh a. An hnênah chuan eng thu nge a chah ang le?

MOSIA chuan Jordan Lui rala Ramtiam chu a thlîr vawng vawng a. Tah chuan a luh ve dâwn loh avangin a hrehawm a ti hle a. Mipuite rual luh ve chu Pathian hnênah a dil ngial a. Mahse Pathian chuan Mosia hnênah, “Hemi chungchang hi sawi tawh ngai suh. Chu ram chu I thlir thei anga, mahse lu erawh chu i lut thei lovang,” a ti bur mai a.

Tichuan Mosia chuan a dil leh ngai tawh lova. Pathian finna leh duhdan chu a pawm hmiah mai a ni. Mahse Mosia chuan Israel fate chu a ngaihtuah hle a. Ani a luh ve theih dâwn loh chuan tuin nge kaihruai ta ang? An ni chu tuin nge enkawl ta ang? Hruaitu \hatak pe turin Pathian hnênah chuan \awng\aiin a dîlsak a.

Joshuan Israel fate a hruaitur thu Pathianin Mosia hnênah chuan a hrilh a. Aarona thihhnu khan Joshua chuan Mosia chu a \ulna apiangah a pui \hin a. Joshua chu mi fing tak leh rinna ngah tak a ni tih Mosia chuana hria a. Pathian ruhmannaah chuan Mosia chu a hlim hle.

Pathianin Mosia tan tihtur pakhat a la tuksak a. Sinai Tlânga Thusawm Pek Israel mîten an ngaihthlak hmasakber \um kha kum rei tak a lo ni ta reng mai a. Tuna puitling tamtak hi khatih hunlaia naupang te te kha an ni a. (A \hen phei chu an la piang lovang). Sinai Tlânga thil thleng kha a awmzia tak tak an hre thiam lo a ni. Tlem azawngte chuan a awmzia an hre thiam chauh a nga. Tichuan Pathian chuan Mosia hnênah chu Thupek Sawm chu sawi nawn leh turin a ti a. A mîten ram thar an va luah a, an in benbel hunah a dante hi zawm se Pathian chuan a duh a ni.

Tichuan Mosia chuan mipuite chu a han ko khawm a. Mosia hmel chu Pathian ropuina eng chuan a kap eng sur a. A dar la khauh \ha tak maiah chuan a sam \uak vau tawh chu a in vawthla siau va. A hmaa ding mi sangtam tak te chu a mit fiah leh finhmel tak chuan a han en kual hlawm a. Hengte hi a thuchah hnuhnungte chu an ni.

Lungleng tih hriat takin an chanchin chu a tirte a\angin a han sawi chhuak chho dap a. Aigupta rama an sal tanna a\angin Pathianin a hruai chhuak a. An tana Pathianin thilmal ropui tak tak a tihsak tawhte pawh a hriat nawn tir leh a. Tuipui Sen an kan dante a hrilh a. An khualzin chhûng zawngin Pathianin eitur leh intur a pe a. Chhum ding leh meialh dingin a hruai \hin a. An pi leh pu te sualna chi hrang hrang, an phunnawina te, an helna te, leh milem an biak chungchang te a sawi chhuak bawk a.

Kanaan ram an luh hmaa kum sawmli zet thlalera an zin chungchangte a hrilh hlawm bawk a. Pathianin an chunga a dawhtheihna leh hmangaihna a ngahzia te, a ngaihdamna leh khawngaihte pawh a hrilh hlawm a.

An inkaihhruaina dan Pathianin a pek chu ram dang mîte dan zawng zawnga aiin a \ha zawk tih te a hrilh bawk a. Anni chu Pathian finna lan chhuah tirtu turte an ni. Ram dang mîte pawh ngaihsak tur an ni a. Kanaan ram an luh huna thil \ha tak tak an tawn turte pawh hriattir an ni bawk a.

Tichuan ngunthluk takin Mosia chuan Pathian dan chungchang a zirpui leh a. Pathian theihnghilhin an vahbosan leh mai ang tih a la hlauhpui cheu a ni. Chuvang chuan Pathian thu an awih avanga malsawmna an dâwn tur tam tak a hrilh nawn leh bawk a. Hausakna leh hmuingilna an chantur te pawh a hrilh a. Pathian chuan an tan cha \ha tinreng te, hruaitu \ha te, leh hmelma laka hum te a tiam tlat a ni.

Mahse thu an awih lohva an ram Pathianin anchhia a lawh dantur pawh a hrilh vek a. Thlamuanna leh himna an nei ngai dâwn lova ni. Lungngaihna leh hlauhna hlirin an khat anga, natna te an tuar bawk ang.

Tichuan Mosia chuan a thusawi chu hlain a khar a. Chu hla chu Deuteronomi 32-naah in hmu thei ang. Hun liam tawh hnua Pathianin a hmangaihna ropui tak taka a lantîr dante a sawi a. Hun lola kal tur chungchang leh hnehna vawr tawp Isua lokal lehna chungchang pawh a sawi tel bawk. Mosia chuan, “Heng dan thute zawm tur hian in fate thu pe ang che u. Heng hi thu ho mai mai an ni lova – In nunna tur a ni. Heng thu ang thlap thlap hian tunah leh hun lo la awm zel turah in nung dâwn nia,” a ti a.

Chu hla chu mipuite chuan an vawng ve vek tur a ni a, an fate pawh an thiamtir ngei ngei tur a ni bawk. Engtiklai pawhin an hre reng tur a ni a. An tana Pathianin thil a tihsak tawh zawng zawngte a hrilhchhuah tir \hin dâwn a ni. Chumi zawh chuan Mosia chuan Moab rama Nebo Tlâng-ah chuan a lawn chho va. Chuta \ang chuan Ramtiam chu a thlir leh a. “Tichuan LALPA chhiahhlawh Mosia chu, LALPA lo sawi tawh ang chuan, Moab ramah chuan a thi ta a,” (Deuteronomi 34:5, NIV).

“Mahse thlanah chuan rei tak awm tur a ni lova. Isua ngei chu, Mosia phumtu vantirhkohte nen chuan mithianghlim Mosia mu kaitho turin van a\angin an lo chhuk a, . . . Tih ropuia awmin Mosia chu thlan a\angin a lo thova, amah Chhanchhuaktu nen chuan Pathian Khawpuiah chuan an chho ta a,” (Thlahtubulte leh Zâwlneite, pp. 575, 576).

TIHTÛRTE

Sabbath

• In chhûngte nen hmun reh nuam tak zawng ula, Deuteronomi 4:1-14 hi chhiar ho teh u. Tu nge thusawi? Tu bulah? Eng thu nge a saw?

• Sabbath schoolah thinlung lem i siam kha tu emaw entir teh u. (emaw paper senah thinlung lem chepthla ula, in chângvawn ziak rawh u.) Mosia leh Israelte in biak hnuhnungber kha in hrilh bawk dâwn nia. In ti tak tak a nih chuan, mi tu emaw hnênah i thinlung Isua in pek duhthu leh, a thupekte in zawm duhthu in sawi dâwn nia. Tah hian in hming ziak rawh u.________________________________________________

Sunday

• Deuteronomi 4:15-31 hi vawiin chhûng inkhawm laiin chhiarin sawi ho teh u. Tu nge thusawi? Israelte kha eng thunge a pek? Hei hi tunlaiah Pathian mîte tan ani ve em?

• “Famous Last Words” tih khan infiam uula. Thu mal pahnih inbelh khawma awmze dang nei thei thu ngaihtuah ula, entirnan ni-eng. A thumal hmasa zawk khi han sawi ula. Midangin chumi nena belhbawm a thu awmze nei siam thei tur thumal an lo ngaihtuah ve thung ang. (Thumal pakhat chauh aia tam pawh a rem phian mai thei.)

• |awng chi hrang hrang min petu Pathian hnênah lawmthu sawi rawh u.

Thawh\annî

• In chhûngte nen Deuteronomi 4:32-40 hi chhiar in sawi ho ula, chuan chang 33 hi ennawn leh teh u. Mosia hian engthil thleng nge a sawi? Engvanga mipuite kha tiang thil hi hmuh nge? (châng 35 en rawh) Pathian in tunlai hian tiangte hi hre turin min la duh em? Engtin nge in hriat?

• Ui enkawl findan han zir teh u. (encyclopedia emaw library en rawh) Ui khawifin dan hi, in nû leh pâte zirtîr dan che nen enge a in an?

Thawhlehnî

• Deuteronomi 6 hi in chhûngte nen chhiarin sawi ho teh u. Nû leh pâte chuan enge an tih \hin tur? Miin’ Pathian an theihnghilh’ hian enge lo thleng?

• ‘Ring la awih rawh’ tih hla sa ula, chuan in chhungkuain Pathianin hriat reng nen \awng\ai rawh u.

Nilâinî

• Deuteronomi 28:1-14 hi in chhungin chhiar hi teh u. Pathian thuawih avanga malsawmna lo kal kan dâwn tur panga te kha sawi ula, tunlai mîte tan hian chu malsawmna chu a ni ve em?

• In chhûngte hnênah khan vawiin ah Pathian thu an awihdan zawt teh u. In nundan ah Pathian rawng inbawl theih dan kawngte ziak chhuak rawh u.

• In ti tak tak a nih chuan, ‘Isua zui ka tum tawh’a ni tih hla sa ula, chuan amah in hriat reng theih nan \awng\ai ang che u.

Ningânî

• Vawiin chhûng inkhawm atan chuan Deuteronomi 28:15-20 hi chhiarin sawi ho teh u. Eng mosia thil sawi te kha nge Israelte chungah thleng thei? Eng vangin nge a thlen ang?

• In chhûng khan infiam teh u, mi pakhat in midang thil zawt se, a tih avangin lawmman pe rawh se(lawmman badam ang te). Thuawih ran a awlzia in sawi ho dâwn nia.

Zìrtâwpnî

• Deuteronomi 34:1-8 hi in chhûngte nen chhiarin sawi ho teh u. Hetih hunlai hian Mosia kha kum engzat nge? In zirlai thawnthua paragraph hnuhnungber pahnih kha ennawn leh ula, tunah Mosia kha khawi nge a awm? In hmuh hunah enge in zawh ang? In zawhduh ho kha ziak chhuak ula, in chhûngte hmuh ve rawh u.

• Mosia hla Deuteronomi 32-a mi kha chhiar rawh u.

• In chhûng kha Mosia leh Isua vanranah hmu vetu in nih theih nân \awng\ai ang che u.