Zirlai-12 -2024 2nd Quarter

Zirlai 12                                                June 15–21, 2024

Khawvêl tâwpnaa thilthlengte

Chângvawn: “Thu dik chu lei la, hralh leh tawh suh; finna te, zirtîrna te, hriat thiamnate nên,” (Thufingte 23:23).

Sabbath Chawhnû                         June 15

 Chhiar tûr: Ezekiela 20:12, 20; Hosea 6:3; Joela 2:21–24; Johana 8:32; Jakoba 5:7, 8; Thupuan 7:1, 2; 14:1; 18:1–4.

Tûnah i fanû tleirâwl kha an college a\anga nipui chawlh hmang tûra in lam pana rawn inkhalh hâw mêk angin suangtuah teh. A lo thleng tûr in lo nghah mêk laiin hlâuthâwng deuh takin khawchin report i’n thlîr a. Khaw awm dânin a zir loh leh thut avângin i lungkham hlê mai a. Kâwlkilah thlipui lo thawk tûrin chhûm dum a rawn inziâl mup mup a. Thlî lah chu a na zêk mai lehnghâl a. Vânte inhawngin ruahpui vân-âwn a sûr a. Thingbukte len thlûk a ni a. Kâr lohah kawngpui pawh kal tlang theih a ni lo zui a.

Chutah in \henawm hnên a\angin kawng dang zawh theih a nih thû i hre hlauh mai a. Car chuan thing zâr tla \henkhat chu a hêl thei a. Inbiakpawh chu a harsa hlê chungin, i fanu hnênah chuan thû i thawn thei a, him taka a rawn hâw thlen theih dân tûr chu fîmkhur takin i hrilh ta a ni.

Thil dang zawng âia Isuan min duhsak zâwk chu kan nuna thlipui lo thawk kan paltlang a, him taka in kan hâw thlen chu a ni. EG White-in heti hian a ziak: “Thlipui a lo thawk dâwn a, a thawk na hlê dâwn. Lo hmachhawn tûrin i inpeih tawh em?”—Testimonies for the Church, vol, 8, p. 315.

Kristâ nun, thihna leh thawhlehna, vân biak bûka rawngbâwlnain a tum chu ina kan hâwn theih nân a ni. Daniela leh Thupuan hrilh lâwkna thuchahte hi tâwpna huna mîte tân bîka vân lam chhuak  kawhhmuhna niin, chû chu nuna thlipui lo thawk paltlang a, Chhandamtûin hmangaih taka A lo kuah nih nawmna kan chan theih nân a ni.

Tûn kâr chhûng zirlaiin a tum chu khawvêl hun tâwpa thil thleng tûr Thû hmanga hrilh lâwkte târ lang leh, lei chanchin tâwpna huna inbeihna kal tlang thei tûra Kristaa chakna chang thar a, in kan thlen ngêi theih nân a ni.

Sunday                                          June 16

Pathian leh A Thu Chunga Rinawmna

Chhiar tûr: Thufingte 23:23; Johana 8:32; Johana 17:17. Hêng chângahte hian eng thu thuhmun nge chuâng hlawm?

Kum khâ leh chen chhûng khân, Indona Ropui chu thutak leh thu dik lo kâra inbeihna a lo ni tawh a. Setana chu dâwt sawi hmang leh dâwtpa a ni (Johana 8:44). Thutak zawng zawng \obul chu Isua a ni thung. Ani chuan, “ ‘Kei hi kawng leh thutak leh nunna chu ka ni,” (Johana 14:6) a ti a.Setana bumnate laka min chhuah zalên theitu Thutak chu Pathian Thû-ah a chuâng a. Bible-in Setana chêt dân târ langin, Pathian ruâhmanna a puâng bawk a.  Pathian Thû hi kan kê atân khâwnvâr a ni (Sâm 119:105). Sâm-phuahtu chuan, “I thu lo luhna chuan mîte a ti-êng \hîn a; mi mâwlte chu a hriat thiamtîr \hîn” (Sâm 119:130) tiin a puâng a. Heti hian a sawi zawm, “I thu infinkhâwm chu thutak a ni,” (Sâm 119:160) tiin.

Chhiar tûr: 2 Petera 1:16–21. Hrilh lâwkna chungchângah tirhkoh hian eng rinngamna thû nge min pêk? Pathian hrilh lâwkna Thu pawimawhzia entîr nân eng entîrna nge a hman?

Keini hian ‘fing vervêk taka thawnthu phuahchawpte’ kan zui vê lo. Pathian Thûa hrilh lâwknaten hmalam kawng an chhun-êng a. Thutak leh dâwt thliâr hrang tûrin min \anpui \hîn. Bible tel lo chuan, mihring ngaih dân hmanga awlsam taka bum kan ni mai ang. “Zirtîrtu derte leh thimna thlarau bumna laka an him theih nân, Pathian Lehkha thu hmanga zui tûrin Pathian mîte chu hrilh an ni a. Bible chhûnga thu fiah takte hian Setana bumna chu a târlansak vek avângin, mîten Bible thutak an hriatna dâl tûrin Setana chuan thiam tinrêng a thawh a ni. . . .

“Bumna hnuhnûng ber chu a lo thleng \êp a ni. Krista dodâltu chuan kan mithmuhah thilmakte chu a ti dâwn a. A lem chuan a tak chu a an dâwn êm avângin, Pathian Lehkha Thianghlim hmang chauh lo phei chuan thliar hran rual a ni dâwn lo. . . .

“Bible thutak, kulh bang atâna hmangte chauh lo chu inbeihna hnuhnung ber râpthlâk takah chuan tû mah an ding zo lo vang. ‘Mihring thû nge kan zawm zâwk dâwn Pathian thû?’ tih zawhna hian mi tin a la rawn fiah dâwn a, thu tihtlûkna hun chu tûnah pawh a lo thleng \an ta. Pathian thu danglam ngai lo lungpui chungah chuan kan ding em? Pathian thupêkte leh Isuâ rinna hum tûrin kan inbuatsaih tawh em?”—Ellen G. White, Indona Ropui, p. 593.

A chunga thu lâk chhâwna zawhnate hi ngaihtuah la. Tâwpna huna buaina huna ding nghet tûrin engin nge min \anpui ang? Pathian Thû kan zirna laka kan rilrû la pêngtu chu eng nge ni? Engtin nge mahnî nawmsakna ûm vânga thutak chu kan hnuhhniâm theih ang?

Thawh|annî                                  June 17

Vân Tâna Chhinchhiah Tawh

Chibaibûkna chungchânga buaina lo thleng tûrah, Pathian mi rinawmte chu khawvêl nawrnaah an tlâwm mai lo vang (Thupuan 14:12). Anni chu Thlarau Thianghlimin a chhinchhiah ang a (Efesi 4:30) sâwi nghîn theih an ni lo vang. Hmânlai hunah khân chhinchhiahna khân lehkha pawimawhte rintlâk nihna a tichiang \hîn a. Chhinchhiahna hrang, mimal puâl bîkte a ni hlawm a. Tâwpna huna inbeihna chu A dânin a târ lan anga Pathian chibaibûkna leh A thuneihna chungchâng a nih avângin, Pathian chhinchhiahna tûr chu A dâna inphûm nghet a ni ang tih kan beisei thei a ni (Isa. 8:16).

Chhiar tûr: Exodus 20:8–11. Sabbath thupêk-ah hian eng thil chhinchhiahnate nge tel?

Chhinchhiahna rintlâk nihna kawng thum chu hetiang hi a ni: 1) Chhinchhiahna neitû hming a chuâng a, chû chu “Lalpa i Pathian,” tih a ni.  2) A nihna, thil siamtu—Siamtu chu.  3) Lalram, “vân te, lei te, tuifinriat leh a chhûnga awm zawng zawngte.” Chhinchhiahna chu eng emaw châng chuan Bible-a chhinchhiahna tih a ni (Rom. 4:11). Thu pahnihte chu hman tawn theih a ni. Pathian chhinchhiahna chu Pathian dân lâi taka awm, Sabbath chu chibaibûkna chungchânga thu inchuh ber chu a ni (Ezek. 20:12, 20; Thupuan 12:17).

Khaikhin tûr: Thupuan 7:1, 2; 14:1 leh Thupuan 13:16, 17. Khawiah nge Pathian chhinchhiahna leh Sakawlh chhinchhiahna chu dawn a nih dâwn? A danglamna chhan tak chu eng ni tûrin nge i ngaih?

Pathian chhinchhiahna chu chalah a chuâng a. Chal chu rilrû entîrna niin, chhia-leh-\ha hriatna fîma thutlûkna siamna a ni.

Sakawlh chhinchhiahna chu chalah emaw, kutphahah emaw dawn a ni a, chû chuan mîten rilrû takin Setana dâwt sawite an pawm tihna emaw, tihhlum nih pumpelh nân chibaibûkna dik lo chu an pawm vê ta mai tihna emaw a ni.

 Diabola chuan Pathian thuâwihte chu a haw êm êm a. Indona Ropuiin a vâwrtâwp a thlen hun tûr chu sakawlhin (Setanan) ringtu la bâng, Pathian thupêkte leh Isuâ rinna neitûte a do hunah a lo thleng ang (Thupuan 14:12,). Anni chu Kristâ chunga rinawm tlatte an ni.

Buaina hun hnuhnung a lo thlen hun atân engati nge nî tina Lalpâ chunga rinawm chhoh zêlna chu thil pawimawh a nih?

Thawhlehnî                                   June 18

Tu Nge Chibai Kan Bûk?

Hun hnuhnungah chuan Indona Ropui hi chibaibûkna chungchângah a takin a lo thleng dâwn a. Siamtu chu chibai kan bûk nge, sakawlh leh a lim chu chibai kan bûk zâwk? Tûilairap a awm theih dâwn loh. Thupuan 14-a vântirhkoh pakhatnain a hmei a pâte chu, “Vân te, lei te, tuifinriat leh tuihnâte Siamtu chu chibai bûk” tûrin a ti a (Thupuan 14:7).

Vân lam ngenna chu rawn thlâwpin, vântirhkoh pathumna chuan sakawlh chibaibûk nghawng râpthlâk takte chu a rawn puâng zui a: “Chu mîte ngêi chuan Pathian thinurna uain, a thinurna nova eng mah pawlh lova siam chu an in ang a, vântirhkoh thianghlimte mithmuh leh Berâmno mithmuhah chuan mei leh kâta nghaisakin an awm ang” (Thupuan 14:10) tiin. A lehlamah, Siamtu chibaibûktûte erawh chu, “Pathian thupêkte zâwma, Isuâ rinna neitûte” (Thupuan 14:12) tia sawi an ni vê thung.

Thilsiamna kha chibaibûkna dik behchhan chu a ni (Thupuan 4:11). Pathian chu “Isua Krista hmanga thil zawng zawngte siamtu” (Efesi 3:9) a nih avângin, Setanan Siamtu chu a haw tlat a, chuvângin leia thuneitûte hmanga Sabbath, Thilsiam hriat rengna chu thlâk danglam tumin a bei ta a ni  (Dan. 7:25).

Pathian dân chungchânga buaina lo thleng tûr thupui chu thuneihna chungchângah a ni. Setanan Sabbath-a chibaibûkna a nuaibo theih phawt chuan, a thuneihna chu Pathian thuneihna âiin a ropui zâwk tih a puang thei dâwn a ni. Chû thil hlen tûr chuan, Setanan khawvêl pum pui hi Sabbath suâk pawmtîr tumin thlêmna emaw, tharum emaw a hmang dâwn a ni.

Tûnah rih chuan hêng thilte lo thleng hi hmuh thiam a har rih deuh nâin, kan hriat tâk ang khân, khawvêl hi nasa takin a inthlâk danglam mêk a. COVID-19 buaina khân a târ lang chiang hlê, zan khat thil thû lekah khawvêl chu a inher danglam thut a ni ber mai. Sakawlh chhinchhiahna thlentîrtu tûr chu a chîn chhuakin kan la hre chiah lo nâin, suângtuah lâwk thiam phâk loh chu a ni chuâng lo. Khawvêl dinhmun hi a nghet lo êm êm a, tûnlai thiamna changkâng lo awm ta bawk nên, Bible thu hmanga vaulâwkna thûte hi kan ngaihruât âia ranga thleng thei a ni.

Chhiar tûr: Thupuan 13:13–17. Sakawlh chhinchhiahna dawng lote chunga hremna bîk a thlentîr chu engte nge ni?

Sakawlh leh a lim chungah ni lo, Kristâ chunga rinawmte chuan, sum leh pâi thûa hremnate leh tihhlum tûra vauna an la hmachhawn dâwn a.  Mihring nihphung hi: hlemhlê, lal châka-tuihâl leh tharum thawh hmang a lo ni reng tawh \hîn a. Tâwpna hunah eng ang takin nge a hluâr chhoh dâwn kan hre phâk lo; mahse, tâwpna huna tihduhdahna chu suângtuah thiam harsa vak a ni lo. Thu dang behchhana sawi chu a ni nâin, hêng thûte hi Johanan a lo sawi vek tawh a. Isuâ chungchâng sawiin, Johanan heti hian a ziak: “Mihring thû tû mâ hrilhfiah a ngai lo; amahin mihring chhûnga awm apiang chu a hre sî a,” (Johana 2:25).

Mihringte hlemhlêtna leh mihringte suahsuâl theihzia chungchâng ngaihtuah la. Engtin nge hei hian tâwpna huna thilthlengte inthlâk danglam awlsam theih tûrzia a entîr? Chû âia pawimawh zâwk chu, hê thutak duhawm lo tak hian kan thinlungte kan vên \hat chungchâng eng nge min zirtîr?

Nilâinî                                           June 19

Ruah Hmasâ leh Ruah Hnuhnung Chu

Chhiar tûr: Joela 2:21–24; Tirhkohte 2:1–4, 41–47. Kum zabi khatnaah khân eng hrilh lâwkna nge thleng famkim? Eng nghawng nge a neih?

Pentekos-a Thlarau Thianghlim leih buâk zârah Kristian kohhran a lo ding \an a. Ni khatah mi sâng thum lai an lo piangthar a. Tirhkohte bûa chhinchhiah dânin, Pathian khawngaihna hmanga siam\hatna thilmak a thleng a: “thu ngaithlatûte zînga mi tam takin an ring a; chûng chu mi sâng ngâ vêl zet an ni” (Tirhkohte 4:4).Ringtu mi 120 chauh kha \awng\ai tûrin an kal khâwm a, mahse \awng\aina chuan danglamna namên lo a thlen a. Rang takin ringtute chu sâng têla belhchhah an ni ta a ni. “Puithiamte zîngah pawh mi tam takin rinna chu an âwih ta a,” (Tirhkohte 6:7).

Zirtîrte chu Jerusalem-a nasa taka tihduhdah an nih khân, “a darhte chu khaw tinah an kal a, thû chu an hril zêl” a ni (Tirhkohte 8:4). Kohhran chu Judai, Samaria leh Galili ram pum puiah din a ni ta a (Tirhkohte 9:31).

A lo pianthar hnûin, tirhkoh Paulan Mediterranean (tuipui) kam vêl zawng zawngah Kristâ thû chu a puâng a. Thesalonika-ah, Juda \henkhatten chanchin \hâ chu dodâlin thu mak tak an sawi a, chû chu “Khawvêl chawk buâitûte kha hetah pawh an lo kal,” (Tirhkohte 17:6) tih a ni. Thlarau Thianghlim chakna zârah, zirtîrten khatih laia hriat theih chin khawvêl chu hun rei lo tê chhûngin an tuâm chhuak a. Joela hrilh lâwkna chu Pentekos-ah khân a lo thleng famkim a. Chuti chungin ruah hnuhnung chu khawvêl tâwp buhsengna tûrin thiltihtheihna nasa zâwk nên a lo thleng leh dâwn a ni.

Chhiar tûr: Zakaria 4:6; 10:1; Hosea 6:3; Jakoba 5:7, 8. Hêng chângten an sawi dânin, engtin nge hê leia Pathian hnâ chu thawh zawh a nih dâwn?

Ruah “hmasâ” leh “hnuhnung” tih hi Israelte thlâi chîn leh rahseng dân hmang zuia sawi a ni. Ruah hmasâ chu thlâi chî nan \iâk tûrin ‘Favâng’ hunah a lo sûr \hîn a. Ruah hnuhnung erawh chu rah seng tûra thlâi tihmin tûrin \hâl laiin a lo sûr \hîn. . . . Hei hian chanchin \ha puân nâna Thlarau Thianghlim hna thawh dân chungchâng a sawi a. “Chû hnâ chuan Penticost nîa mi kha a ang hlê ang. ‘Ruah hmasâ’ chu Chanchin |ha in\annaah, Thlarau Thianghlim leih buaknain, chi hlu takte ti\iâk tûrin pêk a ni a, chutiang bawkin ‘ruah hnuhnung’ chu buh tihmin tûrin, a tâwpah pêk a ni ang.

“Chanchin |ha hna ropui tak chu, a in\annaa Pathian thiltihtheihna tihlan âia nêpa tâwp tûr a ni lo. Chanchin |ha in\annaa Thlarau Thianghlim leih buaka hril hlâwkna famkim tâte vêk kha, a khârna ruah hnuhnungah chuan an lo thleng leh ang.”—Ellen G. White, Indona Ropui, pp. 611, 612.

Ningânî                                         June 20

Ring Taka Âuna Chu

Chhiar tûr: Thupuan 18:1–4; Habakkuka 2:14; Matthaia 24:14. Engtin nge hêng chângte hian hê leia Pathian hnâ zawh a nih dân tûr an sawi?

Babulon tlâwm thu puangtu vântirhkoh khân ‘thuneihna nasa tak’ a nei a.  Thupuan 14-a vântirhkohte ang khân, hê vântirhkoh pawh hian thuchah kengtu mihringte a entîr a. Hê vântirhkoh hian lei pum pui ên chhuahtîr khawpin Pathian ropuina chu a târ lang a. Thuthlung Thara Greek \awnga ‘thuneihna’ emaw ‘thiltihtheihna’ emaw sawina hi exousia a ni a. Kristan hremhmun thiltihtheihnate leh thuneitûte chunga hnehna a chan sawi nân hman a ni \hîn.

Rawngbâwl tûra A zirtîrte A thawnchhuah nêna inremin, Isuan hê thû hi chanchin \ha Matthaia-ah khân a lo hmang a. Matthaia 10:1-ah Isuan A zirtîrte hnênah lalnate leh hremhmun thuneihna chunga thuneihna A pê a. Sual leh \ha inkâra indonaa hnehna chang tûrin chunglam thiltihtheihna nên A thuâm a. Matthaia 28-ah, “Lei leh vâna thuneihna zawng zawng nên A tîr chhuak leh a, chû chu “hnam zawng zawngte chu zirtîrahte siam tûra kal tûrin a ni,” (Matt. 28:18, 19).

Thlarau Thianghlim thiltihtheihna nêna khatin, Krista nung thuneihna nên an kal chhuak a. Ani chu a nun leh thihnaah pawh lalnate leh hremhmun thuneihna chunga hnehna chang a ni. Thuthlung Thar kohhran chuan Pathian ropuina nên lei a ti-êng ta a ni. Kum tlêm te chhûngin, zirtîrten chanchin \hâ chu khatih laia hriat chin khawvêlah an puâng ta a ni (Kolosa 1:23).

Tâwpna hunah chuan, Thlarau Thianghlim chu thiltihtheihna namên lo nêna sûrtîr niin, chanchin \hâ chu rang takin kâwlkil thlenga theh darh a ni ang. Mi sâng têlte chu ni khata piangtharin, Pathian khawngaihna leh thutak bâkah beiseina a hlui chu khawvêl pum puia puan darh a ni ang.

“Chanchin |ha hna ropui tak chu, a in\annaa Pathian thiltihtheihna

tihlan âia nêpa tâwp tûr a ni lo. Chanchin |ha in\annaa Thlarau Thianghlim leih buâka hrilh lâwkna famkim tâte vêk kha, a khârna ruah hnuhnungah chuan an lo thleng leh ang. . . .

“Pathian chhiahhlawhte chu inserh thianghlimnaa an hmêlte lo êngin, hmun tinrêng a\angin vân lam chanchin chu puâng tûrin an hmanhmawh hlê ang. Lei hmun tinah, aw sâng tam takin vaukhânna thû chu an puâng ang a. Thilmakte tih a ni ang a, damlote tihdam an ni ang a, chhinchhiahna te leh thilmakten ringtute chu a zui zêl ang.”—Ellen G. White, Indona Ropui, pp. 611, 612.

Thlarau Thianghlim sûrtîrna te, ruah hnuhnung leh ring taka âuna dâltu chu eng nge ni? Mi mala kan pawimawhna chu tê tham tê pawh ni se, Thlarau Thianghlim sûrtîrna tûra mi inhawng leh lo dawng duh ni tûrin eng pawimawhna nge kan neih theih ang?

Zirtâwpnî                                      June 21

Zir Zâuna: Kum1851-ah khân, Adventist sûlsutûten Thupuan 13:11–17-a sakawlh pahnihna chu United States of America a ni tih a lo sawi tawh a. Mahse, khatih lai hun kha chuan United States chu sakawlh hmasa zâwk (Thupuan 13:12) chibaibûk tûra khawvêl nawrtu tûr anga ngaih chu thil harsa tak a ni. Kum 1880 chhoah meuh pawh United States Navy neih chhun chu lawng hlui tak 48 emaw lek a la ni.

Mahse, khawthlang leh khawchhak inhmêlmâkna (Cold War) a lo tâwp tâkah khân, United States sipai chakna han têr phâk rêng an awm ta lo. America mîte hian zalênna mak tak chên mêk mah se, hun lo khirh chho zêlin, zalênna chu rah beh emaw nuai bo emaw a la ni mai ang tih hi hmuh thiam a harsa lo Mi tam tak phei chuan tûnah ngêi pawh hei hi lo thleng \an tawhah an ngai hiâl a ni.

“Dân zâwm duh lo (chawlhni dik lo serh duh lotû) zawng zawngte chu, sorkar hremna dân hmanga hrem an la ni ang a, a tâwpah chuan thi tlâka ngaih an la ni ang. A leh lamah chuan, Siamtû Chawlhnî, khauh taka pêk, Pathian dân chuan thuâwihna a ngiat a, a zirtîrna bawhchhetute chu thinurnain vaukhân an ni bawk.”—Ellen G. White, Indona Ropui, p. 605.

“Buaina thlipui chu a lo hnaih chuan, vântirhkoh pathumna thuchah pawm inti tam tak, thutak âwih kawnga tihthianghlim lohte chuan, an dinhmun kalsanin dodâltu pâwl chu an zâwm a. Khawvêl nên inzawmin a thlarau an chang a, khawvêl êng a\ang chuan thil chu an thlîr a; fiahna chu a lo thlenin kawng awlsam leh langsâr chu thlang tûrin an inbuatsaih a.

“Mi thilpêk dawng \hâ leh mi hîp thei tak te, hmâna thutak lâwm \hîntute chuan, an theihna chu mîte buma hruai bo nân an hmang a. An \hian hluite tân hmêlma lian ber an lo ni ta zâwk a. Chawlhni serhtute chu an rinna sawifiah tûra rorêlna hmâa hruai an nih hunin, hêng kal sualhote hi anmahni bei tûra Setana mi hman \angkai berte lo niin, chanchin dik lo sawi leh thil dik lo ngaihtuah rûa puhin, rorêltûten kut an lek theih nân an la hêk ang.”—Ellen G. White, Indona Ropui, pp. 608, 609.

Sawi Ho Tûr:

ŒEngati nge kan hmâa buaina lo thleng tûr atân hun hnuhnunga thilthlengte chungchâng hriatthiam hi a pawimawh viâu? Engtin nge Bible thû hi bumna laka kan himna tûr a nih?

Kum za eng emawti chhûng chu sâkhaw zalênna thupui hi mipui rorêlna khawvêl hian a châwivâwng a. Engtin nge chû chu rang taka danglam thut thei a nih?

ŽA chunga Ellen G. White-i thusawi hi en leh la. Nakina Kristâ lo kal lehna nghâktûa inchhâlte zînga i tel ngêi theih nân tûnah hian eng duhthlannate nge tûnah hian i siam ang?

Engtin nge vântirhkoh pahnihna thuchah chu ring taka âuna hunah a lo danglam a, hê leia Pathian hna thawk zo tûra ruah hnuhnung dawng tûra mimal taka inbuatsaihna kan neih ang?