Zirlai-13 2024 2nd Quarter Kindergarten Zirlai

ZIRLAI 13-NA June 29, 2024
mipa naupang thil phal

Chângvawn: “Mi dangte hnêna thil sem hi theihnghilh suh u,” (Hebrai 13:16, NIV).

INHUHONA: Ka chhûngte leh \hiante chungah hmangaihna ka lantîr.
Chhiâr Tûr: Matthaia 14:13-21; Marka 6:32-44; Luka 9:10-17; Johana 6:1-13; Chatuan Nghahfâk, pp. 349 – 356.
Thuchah: |hian chuan mi dangte a sem vê \hîn.
Zìrlai Tùm: Naupangte chuan:
· An ril\âm laiin Pathianin a ngaihsak reng tih hriain,
· Mîten eitûr khawp kham an neih lòhin pawi an tihpui ang.
· An chhehvêla eitûr tlachhamte an \anpui zêl \hîn ang.

Khawi lai hmun hla takah emawte, eitûr nei lovin i awm tawh ngai em? Ni khat chu mipui tam tak hi an in a\anga hmun hla tak, eitûr awm lohna hmunah an awm a. Mahse Isuan an beisei loh takin eitûr tam tak a pe ta mai a nih chû!

Mipa naupang pakhat dîl kama a kal lai chuan, dîl tuiah chuan ni thlâ hi a lang tle siâr
siâr mai a. Mahnî chauha kal a ni bîk lo va. Isua hmuh tumin mipui tam tak chuan
tlâng pang an pan a.
Mipa naupang hian fîmkhur takin mipui awmna hma lam chu a pan a. Isuan Pathian hmangaihna thû a sawi chu ngaihnawm ti takin a ngaithlâ a. Isuan damlo a tidam laite pawh a hmu nuâl bawk a.
Chû nî chu a hlimawm êm avângin an hriat mang loh laiin, khuâ a lo tlai lam hman reng mai a! Chû mipa naupang tê reuh pawh chuan Isuâ thusawi ngaihnawm a tih êm avângin a chhûn chaw pai pawh chu ei nachang a hre bîk chuang lo va. A chhûn châw atân tiin a nû chuan barli chhang hlâwm pangâ leh leh nghatê pahnìh a paitîr a, mahse khawih pawh a la khawih lo.
Zanriah ei hun a ni lek lek tawh a. Isuâ \hiante chuan a hnênah, “Hêng mipuite hi hâwntîr tawh a \ha lo maw? Khuâ a tlâi a, an ril a \âm bawk sî?” an ti a.
Chû mipa naupang tê chuan Isuan mipuite chu ril\âm chunga kal botîr a duh lo tih a hria a. A zirtîrte lam chu hawii, “Thil eng emaw, eitûr sem hlawm teh u,” a ti a. Isuan anni hi eitûr a pe dâwn a ni!
Zirtîrte chuan a ngaihna an hre lo hlê mai a. Hetiang mipui zo zâite eitûr pêk dâwn chuan sum sên a ngai hnem hlê ang. Isuâ zirtîrte zîng pakhat Andria chuan mipa naupang chu nuih var var chungin, heti hian a zâwt a, “I ipah khân enge i pâi?” a ti a.
Mipa naupang tê chuan, “Chhang hlâwm tê tê pangâ leh nghatê pahnìh. A tam vak lo nâa, mahse Isuan a duh phawt chu ka pe phal,” a ti a.
Chutah Isuan a zirtîrte hnêna, “Ei tûr engzât nge in neih?” tia a zâwt chu a lo hria a.
Andria chuan a lû a lo thing a. “Eng mah kan nei lo. Mahse helai mipa naupang tê hian a chaw chhûn atâna a pai chu a pe phal a—chhangpêr pangâ leh nghate pahnih a ni a. Mahse chû lek chu mi hetiang zât laite hrâi puâr nân chuan a tlêm lutuk sî a,” a ti a.
Isua chuan chû mipa naupang chu a nuih var var a. A hnênah chuan, “I chaw pai min sem i phal avângin ka lâwm hlê mai,” a ti a.
A zirtîrte hnênah chuan Isuan, “Mipuite hi \huttîr rawh u,” a ti a.
A hmasain Isua chu mipa naupang chaw fûn avângin chuan lâwmthu sawiin a \awng\ai a. Chutah barli chhang leh nghatê chu a zirtîrte hnênah chuan a sem ta zêl a, annî chuan mipuite hnênah an sem vê leh chhâwng ta zêl a. Mipa naupang chhang leh nghate pai chu an la chhuak ta zêl a. Mipui te chuan an ei mum mum a. Mipa naupang chuan a thil hmuh chu mak a ti lutuk a, a âwih lo deuh hial zâwk a.
Tichuan hmeichhia leh naupangte pawh chhiar tel lovin, patling 5,000 lai chuan puar takin an ei \heuh a. An ei zawh chuan Isuan an hnênah, “Ei bâng zawng pawh kha i la khâwm leh vek ang u,” a ti a. Zirtîrten bâwm 12 lai an la khâwm lai a hmuh chuan mipa naupang chuan mak a ti ngêi mai!
Mipa naupang te tak tê tân pawh puâr tak tak tham mang loh tûr kha a ni a. Mahse chuti chungin mi dangte hnêna sem a phal a. Chû chaw pai tlêm tê hmang chuan Isuan mipui khati zo zâi kha a hrâi puâr ta mai a ni. Nangnî mi dangte hnêna thil sem vê in phal a ngem?

Tìh Tûr & Sawi Tûr
Sabbath Chàwhnû: Zirlai chhiar ula, chutah chângvawn ennawn nân heta kawhhmùhna ang hian kut zaizirin in ti dâwn nia:
Theihnghilh suh Lû her mât mât tûr
Thil sem vê Kuta âwm dawm a, kâwng thlenga phar chhuah leh
Mi dangte hnênah Mi hrang hrangte kawh tûr
Hebrai 13:16 Kutphah thlawpa tih kâu leh
In fâte/nauten thil chi hrang hrang, bean chî angte pawh 10 thleng a chhiar a, dah thliah tûrin tihpui ula. Chutiang tih paha sawi tûr: ‘Isuan mipa naupang thilphal chaw pai hmangin hêng âia tam mipui a hrâi puâr.’
Sunday: Sabbath sikula mi dangte thil sem vê tûr in siam ip kha an \hian(te) hnênah pê ula. Chu mi pah chuan in fâte hnênah Pathian chhûngte chuan mi dangte hi thil an sem \hîn tih in hrilh dâwn nia. |awng\aina in hlan hmâin, mi dangte thil sem vê tûr tih lam hlâ sakpui ang che u.
Thàwh\annî: In khua/vêngah mi chanhai leh rethei zâwkte chhawmdâwltu pâwl an awm chuan, an thil sem tûr atâna pêk tûr thilte in thil dah khâwmna a\angin lâk khâwmpui tûr che uin naupangte chu hmang ula. A remchân chuan vawiinah pe nghâl ang che u. In chhûngkuain chaw ei tûr tuihnâi tak in neih avângin Pathian hnênah lâwmthû sawi ang che u.
Thàwhlehnî: Johana 6:1-13 chhiar ho ula. In chhiar lai chuan in fâte chu Bible chu lo chelh vê tûrin sâwm ula. Hê zawhna hi zâwt ula: Mipa naupang thilphal tak khân engang châw nge a pâi? Tû siamsak nge? Tû hnênah nge a sem vê khâ? In fâte chuan nangmahnî hnêna an pêk vê tûr che u eitûr eng emaw buatsaih vê se la. Mîte hnêna thil sem tûr in neih avângin Pathian hnênah lâwmthû sawi ang che u.
Nílâinî: In zirlai thawnthû hi (\awngkâ ni lo) zaizira chang tûrin in fâte chu tihtîr ula. [Entîr nân, Isua tih nân chunglam kawh tûr, ril\âm tih nân mahnî pum zût ni ta se.] Zirtâwp tlai zanriah kîlpui tûrin mî tû emaw sâwm ula. Chaw ei khama ei zui tûr chu enge ni ang tih in fâte chuan rawt thung se.
Níngãnî: Châw leh eitûr hrisêl chungchâng in fâte nên sawi ho ula. Chutiang chu siam/buatsaih ula, a \hen chu Zirtâwp tlâia ei atân in khêk rih dâwn nia. In fâte an \han \hat theih nâna eitûr hrisêl in neih avângin Pathian hnênah lâwmthû sawi ang che u.
Zìrtâwpnî: Vawiin tlâi in zanriah kîl tûr buatsaihnaah in fâte chu nangmahnî tihpui tûrin sâwm ula. Chaw-ei siamnaah pawh an tih theih vê ang apiang thu in tihtîr vê dâwn nia. In chhûngkaw worship neihnaah zirlai thawnthû hi lemchanah hmang ula. In mi sâwmin a hriat tûra chângvawn sawi kawngin in fâte chu \anpui ula. Mi dangte thil sem vê chungchâng hlâ in hriat apiang sa ho ula. Thil pêk tûr in neih avângin Pathian hnênah lâwmthû sawi ang che u.