Zirlai-13 2024 2nd Quarter Primary Zirlai

ZIRLAI 13                                                                                                        JUNE 29, 2024

BALAAMA LEH SABENGTUNG |AWNGTHEI

CHÂNGVAWN: “Tupawhin min hmangaih chuan, ka thu zirtîr a zâwm ang,” (Johana 14:23, NIV).

Chhiar Tûr: Nambar 22-24; Thlahtubulte leh Zâwlneite, pp. 438-452.

A Thu Zirtîr: Ti tur anga min tih kan tihin Pathian chibai kan bûk a ni.

Ui fing tak thil mak deuh deuh an tihtir lai i hmu tawh em? Ui \henkhat chu an in bingbiletin an \hutung thei bawk a. Kan thawnthu ngaihthlak turah chuan, mipakhatin sabengtung \awng, a tak taka \awng, a hria a! Eng thu nge a sawi ang le?

ISRAEL mîte chuan Ramtiam chu an thleng \êp tawh a. Mahse a chhehvel ramte chuan lo tihbuai a, Israel mîte chu indopui an lo tum tlat hlawm a. Mahse Pathian chu an lamah a \ang tlat a, an hnehna chan reng reng chu a thang darh chak hle a.

Moab lal Balaka chuan chutianga chak hneh turin beiseina reng a nei lo. Mahse Balaama chanchin a lo hriat tawh kha a hre chhuak leh ta zawk a. |henkhat chuan Balaaman mal a sawm tawh phawt chu malsawmin an awm tak tak \hin an ti a. Ânchhia a lawh apiang chungah anchhia a awm \hin an ti bawk a. Balaka chuan Balaama chu Israel mîte anchhia lawh tura a hmin theih hlauh chuan a sipaite tan hnehna kawng a inhawng dâwn a. Tichuan Balaama hruai turin mi a tir ta a. Chutih hun laia pawisa atana an hman rangkachak tam tak an keng bawk a.

Balaama chuan Pathian a ring a. Zâwlnei pawh a lo ni tawh \hin a. Mahse a lo duhawm tak avangin Pathian rawngbawl chu a chawlhsan ta a. Chuti chung chuan, chutia lal mitirhte an va thlen takah chuan, Pathian hnênah kaihhruaina a dîl leh a. A chhanna chu a lo thleng a, “Anni chu zui suh khai. Heng mîte hi ânchhia i lawh tur a ni lo, a chhan chu malsawmin an awm a ni,” tiin.

Tichuan Balaama chuan lal mitirhte chu a haw tir leh ta a. Mahse Balaka chuan mi tam zawk, rangkachak a aia tam zawk daih kengin a tir leh a.

Pathianin kal lo turin a duh a ni tih Balaama chuan a hria a. An hnênah chuan, “Lal Balaka chuan a lal in khat rangkachak pawh min pe dâwn mahse ka kal thei lo a ni,” a ti a. Mahse chung lal mitirhte chu thawn haw mai ta lovin a ina zan riak turin a sawm ta hlawm a.

Chumi zan chuan Pathianin Balaama hnênah chuan, “Heng mîte hian an hnena kal turin an sawm dâwn che a. Kal ang che u. Mahse ti tura ka tih chauh I ti tur a ni,” a ti a. Tichuan Balaama chuan a sabengtung chu a buatsaih a, lal mitirhte rual chuan a kal ta a.

Balaama chuan a kawng dala vantirhkoh lo ding chu a hmu lo va. Mahse a sabengtung chuan a hmu tlat si a, a hlauva, ramhnuai lamah chuan a tlan ta chiam mai a. Kawnga kirtir leh tumin Balaama chuan a sabengtung chu a vaw hrep hrep a.

Vantirhkoh chu a lo inlar nawn leh a. Sabengtung chu kopang lamah chuan a tawlh chho va, Balaama ke chu kopangah chuan a nek bet a. Balaama chuan a vaw leh ta hrep mai a. Vantirhkoh a lo inlar vawi thumnaah chuan sabengtung tan tlan ngaihna a awm ta ngang lova, kawngah chuan a bawk ta tlat mai a.

Chutia sabengtungin vawithum zet vuak a tawrh tak hnu chuan LALPA chuan sabengtung chu a \awng chhuah tir ta . “Eng nge maw ka tih a, vawi thum lai mai mi vuak tak hrep chu le?” tiin Balaama chu a zawt ta a. (Nambar 22:28-30 en rawh).

Balaama chu a thinrim em avang chuan ngaihtuah chiang lo chuan a chhang ta a. “Mi I bawlzan vel mai mai atin nih kha,” a ti a.

“Kum tam tak ka phur kual tawh che a, hetiang hian ka tih i hre tawh ngai em ni?” tiin sabengtung chuan a chhang leh a.

Tichuan Balaama chuan vantirhkoh chu a hmu ve ta chiah a. “I sabengtung kha kal peng lo se la chuan ka thah tawh ngei ang che,” tiin vantirhkoh chuan a lo sawi a. Balaama nunna chua sabengtungin a lo chhanhim reng a nih chu!

“Thil ka va tisual nasa em, ka ti diklo anih chuan, ka kir leh ang nge,” tiin Ballama chuan a chhang a.

Vantirhkoh chuan, “Kîr love. Kal rawh, mahse LALPAN sawi tura a tih chauh lo chu I sawi thei lovang,” tiin a chhang a.

A tawpah Balaaman Balaka a va hmuh chuan, a vau va. “Pathianin sawi tura min tih chauh lo chu ka sawi thei lo,” tiin.

Chumi ni chuan hmun hrang \hiau hmun thumah, Balaka chuan Israel mîte anchhia lawh turin Balaama chu a hruai a. Mahse Balaaman a ka a an apiangin Israel mîte malsawmna hlir a sawi chhuak a.

Chutianga vawithum lai a tih tak hnu chuan, Balaka chu a thinur ta a. “Va haw tawh! Ka hmelmate anchhia lawh turin ka ko che a. Mahse vawi thum lai mal i sawm tak hi!” tiin thu a pe a.

Balaama chuan, “LALPA thu kalh zawngin engmah ka ti thei lo tih ka hrilh tawh che a ni lawm ni?” tiin a chhâng a. “Mahse ka kal hmain heng mîte hian i mîte chungah engtin nge an tih dâwn ka han hrilh teh ang che,” tiin Balaama chuan hrilhlâwkna thu a sawi a. “Israel hnam a\angin awptu a lo la chhuak anga. Moab ho lu chu a ti sawp vek ang . . . Khawpuia la bang ho zawng zawng chu Israel ho chuan an ti chimit vek ang,” a ti a.

Balaama hnênah chuan Pathianin amah chibaibukna chuan a thiltih engkim a huap vek tih a ziritir a. Nun pumpui hian Pathian a ti lawm \hîn. Pathian chibai bukna chu A awn ngaihthak a, a thupekte zawm hi a ni. Kan aw te, kan \angkam te, leh an chetze hmanga Pathian chawimawina hi Amah chibai bukna a ni.

TIHTÛRTE

Sabbath

• In chhûngte nen khan hmun fianrial tak, In zirlai chhiar ho na tur zawng teh u. Balaama kha engvanga thu kengtu zuiduh tlat nge a nih? Sabengtung kha a \awng tak takin in ring em? Engtin nge i hriat?

• In chhûngte kha in chângvawn kha zirtîr ve ula, chuan an mahni ah enge awmzia a neih in zawt dâwn nia.

• In \awng\ai hmain Pathian fakna hla san ang che u.

Sunday

• Vawiin ni engtik emaw ah, in chhûngte cake a siamdan ang thlap kher lo in siam dîl teh u. A tui tura an rin te telh tir ve \heuh bawk ula, ur ula, chuan tem teh u. A nihdan tur anga tih chuan enge a danglam bîkna? Khawi a\angin nge Pathian duhdante kan hmuh ve theih ang?

• Biblea Pathian duhdan lam hla sa ula, chuan a chungah lawmthu sawi rawh u.

Thawh\annî

• Chhûng inkhawm atan Nambar 22:1-20 hi chhiarin sawi ho ula, châng 18 hi en chiang rawh u. Balaama’n kha tiang kha a sawi a nih si chuan, ti nge lal Balaka thukengtu kha a zui?

• In kut leh ke kha paperah chhui ula, chumi hual chuan in nu leh pate in hmangaih a ni tih in hrilh theihdan a lemin ziak rawh u. I nu leh pate chu kuah chungin i pe dâwn nia.

• In hla duh deuh, Pathian thuawihna lam hla sa rawh u. Thuawih tak tak in duh chuan, tah hian in hming ziak rawh u:————————

Thawhlehnî

• Nambars 22:21-41 hi chhûng inkhawm laiin chhiarin sawi ho teh u. Sabengtung leh Balaama hmaah khan tinge vantirhkoh kha a lo in lar? Balaama kha Sabengtungin a biak khan engtin nge a awm a i rin? Ti nge a sabengtung kha a chhan? Balaama kha ding takin engin nge ngaihtuah tir thei lo?

• Sabengtung chanchin hriatbelh tum teh u. (encyclopedia emaw lehkahbu dang en rawh) A lem pakhat tal chu ziak ang che u.

• Ransa lam hla sa ula, chuan ransa \hian\ha tak takte avangin lawmthu sawi rawh u.

Nilâinî

• Nambars 23 hi vawiin chhûng inkhawm atan chhiar ula, hemi bunga thil pahnih in ziak \hate kha in sawi ho dâwn nia. Engvanga Balaama kha Pathian hnênah halral thil hlan hlân nge a nih in rin? (Thlahtubulte leh Zâwlneite, p. 444 en rawh)

• Ran eng emaw in vulh chuan, vawiin hian a bulah hun i seng dâwn nia. Emaw, ran in neih duh zawng lem ziak ang che u. Ransate i enkawldan ngaihtuah bawk teh u.

• Ransate enkawldan in hriathteih nan Pathian hnênah \anpuina dîl rawh u.

Ningânî

• Nambars 24 hi vawiin chhûng inkhawm laiin chhiarin sawi ho teh u. Balaama malsawmna pathumna kha en ho ula, (châng 3-9) ti nge a malsawmna te khan lal Balaka kha a tih thinrim? Engte nge ti tura, a hrilh? Balaama chanchin hmasa lama Pathian hnênah a thu dâwn hnuhnungber kha ennawn rawh u (châng 10-19). Israelte chanchin engte nge a sawi? Châng 17 hi chhiar nawn leh teh u. Tu nge Israelte a\anga lo chhuak tur chu?

Zìrtâwpnî

• In zirlai thawnthu kha chhûng inkhawm atan chang chhuak ho teh u. Tu nge sabengtungahte, Pathian aw ah te chang ang? Thawnthu a\ang khan enge an zir chhuah zawt \heuh rawh u. Mîte malsawmna pêk nge \ha a, ânchhe lawh? Engvang nge?

• Bible chanchin hla sa ula, chuan Pathianin midangte malsawmna tura, a hman \angkai nan che \awng\ai rawh u. Tunkar chhunga in lawmna deuh deuh te in hrilh ve dâwn nia.