Zirlai-13 -2024 2nd Quarter

Zirlai 13                                                 June 22-28, 2024

pathian hmangaihna dinchanna chu

Chângvawn: “Lal\hutphah a\angin aw ring takin, ‘Ngai teh, Pathian bâwktê chu mihring zîngah a lo awm ta, Ani chu an hnênah a awm ang a, anni chu A mîte an ni ang a, Pathian ngêi chu an hnênah a awm ang a, an Pathian a ni bawk ang; an mit atâ mittui zawng zawng a hrufai ang a; thihna a awm leh thei tawh lo vang a, lungngaih te, \ah te, nat te pawh a awm leh tawh hek lo vang; thil hmasâte chu a ral ta,’ a tih ka hria a,” (Thupuan 21:3, 4).

Sabbath Chawhnû                         June 22

 Chhiar tûr: Sâm 91:1-11; Jeremia 25:33; 30:5-7; Thupuan 20:11-15; 21:2; 22:11, 12.

Keini hian beiseinaa khat thinlung pu chungin hmalam hun kan hmachhawn thei a. Hun harsâte chu lo thlengin, tawrhna te, harsatna te, lungngaihna eng pawh lo thleng dâwn mah se, ni \ha zâwk a lo la her chhuak dâwn tih beiseina kan neih phawt chuan, kan tûn hun hi awmzenei, tumnei leh hlim takin kan hmang thei dâwn a ni. Franklin D. Roosevelt kha kum 1933 a\anga 1945 thlenga United States president a ni a; United States chanchina hun khirh ber laia president a ni. Amah lah kha zeng hri vei vânga \anpui chauha kal thei a ni.

|um khat chu heti hian thû a ziak a, “Kan hmalam hunah nun duhawm zâwk, khawvêl \ha zâwk, kâwlkil piah lama mî chu a awm tih beiseina, rinna nghet tak chu kan nei a ni,” tiin.

Khawvêla mi fing ber berte zînga mi, Albert Einstein khân heti hian a ziak a, “Nimin a\ang khân zir la, vawiin atân nung la, naktûk atân beisei rawh,” tiin.

Sâp pachal thu phuah thiam lâr tak, Alfred Lord Tennyson, Lalnu Victoria rorêl chhûnga mî khân heti hian a ziak, “Beiseina chuan kum lo kal tûr kawngkâ a\angin a lo nui a, ‘hun hlimawm zâwk a ni ang’ tiin a phun ser ser a ni,” tiin.

Tûn kuartar zirlai hnuhnung berah hian, lei leh vân chanchina hun hlimawm ber chhûnga Kristâ hmangaihna ding nghet chu kan hmu dâwn a. Sual leh \ha kâra indona ropuia hnehna pum hlûm A chan pawh kan hmu bawk ang. Bible bu hnuhnung ber, Thupuan hian vawiin, naktûk leh chatuan atân beiseina min pê a ni.

Sunday                                          June 23

Buaina Huna Beiseina

Chhiar tûr: Thupuan 22:11, 12; Daniela 12:1, 2; Jeremia 30:5-7. Isuâ lo kal leh hmâ chiaha thilthleng tûr chu engte nge ni?

Mihring enfiahna hun tâwpna chu buaina hun “hnam awm tirh atâ chumi hun thleng pawha la awm ngai lo” chuan a zui nghâl a. Thupuan 16 chuan hremna hripui pasarih, mi sualte khawvêl chunga leih buâk tûr chu a sawi a. Mahse, Aigupta chunga hripui lêng ang khân, Pathian mîte erawh chu humhim an ni ang. Daniela-a thutiam hi chhinchhiah ang che: “Chu mi hunah chuan i mîte chu chhanchhuahin an awm ang, mi tin lehkhabua hming chuâng apiangte chu” (Dan. 12:1). Hei hian “Nunna Bû” a sawi ni ngêi tûr a ni (en tûr, Filipi 4:3; Thupuan 13:8; 20:12, 15; 22:19). Isuâ chunga kan rinawm zêl phawt chuan, kan hmingte chu Nunna Bû a\anga thâi bo a ni lo vang (Thupuan 3:5).

Chhiar tûr: 1 Johana 3:1-3; Johana 8:29; 14:30. Buaina hun lo thleng tûr atâna inbuatsaihna tling awm chhun chu eng nge ni?

Buaina hunah chuan, Pathian mîten Isua nêna inlaichînna thûk tak, tihdanglam mai mai theih loh chu an nei dâwn a. An thinlung duhna ril ber pawh chu kawng engkima Amâ lâwmzâwng nih zêl a ni dâwn a, tichuan Thlarau Thianghlim hnathawh zârah, Amâ thianghlim angin an thianghlim vê ang. Setana bumnate chhân duhna ang chî eng mah Kristâ thinlungah a awm vê lo. Chutiang nungchang chu keini pawhin kan pu vê thei a ni.

Chhiar tûr: Sâm 27:5; 91:1-11; Thupuan 3:10-12. Buaina hun atân Pathianin eng thutiâm thlamuân puiawm tak nge min pêk?

Buaina huna sawipuitu tel lova nun chungchâng hi mi \henkhat chuan an manthiam lo va. Amah an pawm dâwn nge an hnar zâwk dâwn tihah mi tinin thutlûkna an siam hunah, Vân biak bûka sawipuina hnâ chu Isuan a chawlhsan dâwn a. Mahse, hetih hunah hian mahnî chakna rinchhan ngawtin kan awm dâwn tihna a ni lo. Isuan min awmpui zêl tûr thû min tiâm a (Matt. 28:20). Rinna chuan hmuhtheih loh lai pawha rinchhan tlatin, min hual vêltu khawvêl a chim lai pawhin kan ring reng tho. Buaina hun chhûng pawhin, kan rinna chak zêlin, chatuan nghahhlelhna a zual zêl a, chatuana Isua nêna chên hlân kan nghâkhlel tiâl tiâl zâwk dâwn a ni.

Thawh|annî                                  June 24

Isuâ Lo Kal Leh Thuâina Tûra Beiseina

Chhiar tûr: Johana 14:1-3; Tita 2:11-14. Hmalam huna chonate leh buaina lo thleng tûr êngah, engati nge hêng chângte hi phûr puiawm tak a nih?

Isuâ thusawi, “In thinlung mangang suh se,” tih kha Ani chuan min kalsanin min hlamchhiah dâwn lo va, min hruai hâw tûrin A lo kal leh ngêi dâwn tih thutiam a ni.  Hê khawvêl hi kan in a ni lo. Hun \ha zâwk a lo la thleng dâwn. Thuthlung Thara châng 25-a châng khat zêl hian Lalpâ lo kal leh tûr thû a sawi a. Hun harsâ leh buaithlâk a lo thlen a, kohhran-sorkar thuneihnain kan nun a tihderthâwn lai pawhin, Kristâ lo kal lehna tûr thutiâm chuan kan thinlungah beiseina min neihtîr a. Hei hi “beiseina lâwmawm,” chhuân tina Pathian mi rinawmte chawkphûr \hîntu chu a ni.

Chhiar tûr: Thupuan 6:15-17; Isaia 25:8, 9. Hêng chângten an târ lan chhandamte leh bote rilru sûkthlêk danglamna chu khâikhin la. Rilru sûkthlêk inan loh dân eng nge a sawifiah?

Mi felten khawngaihna thilpêk mak tak an pawm laiin, mi suaksualte erawh chuan sual nghawng râpthlâkzia an hre thung a. Pathian laka helna chuan hlauhna, thiamlo intihna, thiamloh chantîrna leh chatuana boral tûr nih inhriatna a thlen a. A khawngaihnaa chhandamna kan chhân lêtna chuan ngaihdamna, muânna leh ropui taka a lo kîr leh huna chantuan lâwmna chu a thlen dâwn a ni.

Chhiar tûr: Thupuan 15:3, 4; 19:7. Kristâ zâra a thlâwna chhandamna ropui siamsak an nihna chu engtin nge tlanten an chhân lêt dâwn?

“Tlante tân chuan chatuanin Kristâ kraws chu an zir tûr leh an hlâ a ni ang a. Tihropuia awm Krista-ah chuan, Krista khehbeha chu an hmû ang. . . . Khawvêl zawng zawng Siamtu, engkim tâwpna tûr Rêltuin, mihringte A hmangaih avânga mahni inhnûk hniamin, A ropuina zawng zawng A han hlîp thla vek mai hi, vân leh khawvêl chuan mak an tiin an châwimâwi kumkhua ang.”—Ellen G. White, Indona Ropui, pp. 651, 652.

Chhiar tûr: Thupuan 12:17; 17:13, 14; 19:11-16. Fîmkhur takin hêng chânga hmasâwn dân chu chhinchhiah la. Hêng chângtea hmasâwnna hian hê leia indona leh a tâwpa Kristâ dinchanna chungchâng eng nge an sawi?

Thawhlehnî                                   June 25

Leia Kum Sâng Khat Chu

Thupuan 19 tâwpna chu thilthleng ropui tak, Isuâ lo kîr lehna leh mi suaksualte tihboralna thû a ni. A thû erawh a la tâwp mai lo. Thupuan 20 chuan kum 1,000 chhûng ‘kum sâng rorêl’ kan tih mai chu min hriattîr a ni.

Chhiar tûr: Thupuan 20:1-3. Isuâ lo kîr leha Setana tâwpna chu eng nge ni dâwn?

Thupuan 20:1-3 thû hi entîr nei a ni a. Setana chu a tak taka khâidiâta khuarkhuruma phuâr hlâwm tûr ni lo. Kum 1,000 chhûng chu hê kan lei tihchhiat, chêng pawh awm lo bâk che chhuak thei lova awmtîr a ni ang. 2 Petera 2:4-ah chuan, Setana leh a vântirhkohte chu hrem tûra “khuarkhurum thimah” khung an ni tih kan chhiar. Setana chu hê leiah bâk che sawn thei lo tûra khuahkhirh tlat a ni ang a, tû mah a bum thei tawh lo vang. Kum 1,000 chhûng chu a chawhchhuah helna vânga chhiatna, tihramna leh suâsamna thleng hi a thlîr vêl dâwn a ni.

“Khuarkhurum mawng nei lo” tih hi Greek \awng a\anga lâk, English-a abyss tih a ni a. Hê \awngkam tho hi Greek \awng Thuthlung Hlui Bible, Septuagint-ah pawh Thilsiam dâwn laia lei dinhmun sawi nân hman a ni. “Lei kha chhia leh ruâk (pianhmang mûmal nei lo leh ruâk ngawt) a ni a; tui thûk tak chung chu a thim mup” (Gen. 1:2).

Septuagint-ah chuan, heta “thûk” sawina hi Greek \awnga abyssos, a ni a. Chû chuan lei dinhmun chhe tak chungchâng a sawi. “Khuarkhurum mawng nei lo” tih hi khawvêl khawi lai emawa pûk leh lei kaw thûk leh zâu sawina ang chî a ni lo.  Isuâ Lo Kal Leh hmâ lawka Setanan sual leh tihchhiat hnâ a thawh leh buaina namên lo chhuak chuan khawvêl siam dâwn dinhmun chhe râpthlâk tak, thim bawk sîah a awmtîr leh dâwn a ni.

Chhiar tûr: Jeremia 4:23-26; 25:33; Isaia 24:1, 3, 5. Engtin nge hê thilthleng chungchâng hi zâwlneiten an lo sawi?

Kristâ lo kal leh huna chhiatna râpthlâk thleng chu zâwlneiten uâr takin an sawi a; hê kum-sâng khat chhûng hian leiah mi nungdam rêng an awm dâwn lo a ni. Setana leh a vântirhkoh sualte chu an helna vânga chhiatna râpthlâk thleng ngaihtuah zui tûra hnutchhiah an ni ang. Vân lam khawvêl zâu chenin, sual man chu thihna a ni tih an hre \heuh tawh ang a. Sual chu a chhuah nawn leh tawh lohna tûrin Pathianin A chingfel vek dâwn a ni (Nah. 1:9). Heta tân hian Pathianin thil kawng thum A tih tûr chu: Pakhatnaah, A hmangaihna chin nei lo, thinlung taka A duhna leh mihring zawng zawngte chhandamna tûra \hahnemngai taka A beihzia chu A târ lang ang. Pahnihnaah, A rêldikna, hleihneihlohzia leh felna chu A târ lang ang. Pathumnaah, sual leh helna nghawng \ha lo takte chu khawvêl zâu chena an hmuh A phalsak dâwn a ni.

Nilâinî                                           June 26

Kum Sâng Chhûnga Rorêlna

Chhiar tûr: Thupuan 20:4-6. Kum 1,000 chhûngin mi felten eng nge an tih dâwn a, engati nge a pawimawh?

Kum sâng rorêl chhûngin, mifelten Pathian rêldikna leh hmangaihna, sual vânga harsatna A chinfel dân chiang taka hre tûra remchânna an nei tawh ang. Pathian hnêna zawhna chi hrang hrang zawh châk lo tu nge awm ang le? Vâna kum sâng rorêl chhûngin, tlante chuan hêng zawhnate hi an zâwt pawh a ni mahnâ. An hmangaihte leh \hian \hâte vâna an awm vê loh chuan, chhandamten chumi chungchânga Pathianin thutlûkna A siam hriatthiam theihna remchâng an nei ang. A hmâ zawng âia nasa zâwk fêin, Pathianin mî zawng zawngte chhandam an nih theih nâna A lo beihsak nasatzia an manthiam tawh ang a. Vâna awm vê ta lo zawng zawngte chuan mimal taka Krista an hnar vânga awm vê ta lo an lo ni zâwk tih chiang takin an hre dâwn a. Chumi hnûah chauh chuan Pathian rorêlna hnuhnung—thih hnihna, chatuana boralna chu mi sualte chunga thlentîr a ni ang.

Chhiar tûr: Thupuan 20:7-9. Engtin nge kum 1,000 chu khâr a nih? Setana leh a hnungzuitûte tâwpna chu eng nge ni?

Kum 1,000 chhûng, Setanan thlêm leh bum tûr tû mah a nei lo va. Ani leh a vântirhkohte chu sualna nghawng râpthlâk tak thlîr lêtna nei tûra hnutchhiah kha an ni a. Kum sâng rorêl tâwpah, mi suaksual thi tâte chu rorêlna hmachhawn tûra kaihthawh an ni ang a, an lâwmman hnuhnung chu an dawng ang (Thupuan 20:5).

Chutih hunah chuan Setanan a hnungzuitu sipai ruâl tam namên lo a nei ang a. Indona Ropuiah Setana chu hneh a lo ni tawh nâin, a hnungzuitute tamzia chu a hmuhin a phûr thar leh a. A helna tihtâwp zâi rêl ta mai lo chuan, ‘hnamte’ bum tûrin a che chhuak leh a. Pathian paihthlâ a anmahni lalram din zâwk tûra theihtâwp han chhuah leh tûrin Setanan anni chu a fuihpawrh a. Heta “Goga leh Magoga” tih hi amah Setana leh khawvêla chhandam loh zawng zawngte entîrna a ni. Setana leh a hnungzuitûte chuan “mi thianghlimte riah hmun leh khaw duhawm tak chu an hual a,” (Thupuan 20:9).

Kum sâng rorêl khârnaah chuan mi suaksual zawng zawngte kaihthawh an nih bâkah, Khawpui Thianghlim, Jerusalem Thar chu vân a\angin leiah a lo chhuak bawk dâwn (Thupuan 21:2)! Mi thianghlimte kha kum sâng chhûng khân Krista nên Jerusalem Thar-ah an chêng a. Tûna kum sâng a lo tâwpah hian khawpui chu Pathian nên, Isua leh vântirhkohte leh tlante zawng zawng nên leiah an lo chhuk a. Indona Ropuia inbeihna hnuhnung hmachhawn tûrin mi tinte chu an awm a. Sualna chu chatuan atân nuai bo hlen a ni dâwn ta a ni!!

Rorêlna hnuhnung hun (ruâtnain) Pathian nungchang chungchâng eng nge a târ lan?

Ningânî                                         June 27

Chatuan |huâng Hnihte

Chhiar tûr: 2 Korin 5:10; Rome 14:10, 11; Thupuan 20:11-15. Nung leh tûra mi suaksualte kaihthawh an nih chhan chungchâng eng nge an sawi?

Sual vânga harsatna chinfel a nih theih nân thil \ha lo a lo chhuak leh tawh tûr a ni lo va, mi tinin Pathian chu A thil tih dân kawng tin rêngah dik leh fel a ni tih an pawm tlâng tûr a ni. Chutah, khûp tin rêng chu \hing\hîin, Indona Ropuia Pathian rêldikna chu an pawmpui a; Setana leh a vântirhkoh sualte meuh pawhin Pathian chunga an helnaah \anchhan tûr rêng an nei tawh lo vang. Ellen G. White thusawi bengvâr thlâk tak hi chhinchhiah ang che:  “Chhinchhiahna bûte kêu a nih a, Isua’n mi tin mi suaksualte an han en vêleh chuan, an thiltih sual zawng zawng chu an hre chhuak leh ta uâr uâr mai a. Thianghlimna leh faina kawng atâ an kê an pên chhuahtîrna lai chiah te, Pathian dân bawhchhiatnaa chapona leh helnain a hruai luh thûkzia te an inhmu fai kêlh a. Sual tih dawklak vânga sual tûra thlêmna an punluntîrzia te, malsâwmna an hman khawloh te, Pathian zualkote an hmuhsitna te, inrâlrinna thuchah an hnar tawh te, sim duh lova zahngaihna tuifâwn an lo hnâwl kîr leh tâkzia te, a vaiin, mei hawrawpa ziak ang maiin a lo lang ta a. . . .

“Khawvêl mi suaksual zawng zawngte chu Pathian rorêlna hmâah chuan, vân ram sorkâr laka helna avânga pawi khawih an nih avângin, khin an ni a. Dîlpuitu rêng rêng an nei lo; chhuanlam siam tûr an nei bawk hek lo; chatuan thihna tuâr tûra ruat an ni ta.”—Indona Ropui, pp. 666, 668.

Chhiar tûr: Thupuan 20:9; Sâm 37:20; Malakia 4:1, 2. Sual leh mi sualte tih boralna tûr leh mi felte hnêna lâwmman pêkna chungchâng eng nge hêng chângte hian min hriattîr?

Thu lâwmawm tak chu Setana leh a vântirhkoh sual hote chu mei dîla tihboral an ni tûr chu a ni. Sual leh mi sualte chu tihboral an ni ang. Thupuan 20:9 sawi dânin, anni chu chatuana nghaisak zui reng ni lo vin, kan ral, tihboral an ni ang. A châng dawt lehin a sawi dân chu, “chatuan chatuanin” tih a ni. A thu \obul azirin ‘chatuan’ tih hian ‘tâwp nei lo’ tih a kâwk vek kher lo va, thil eng emaw chu a nih dân tûr ang tak a nih thleng sawina pawh a ni thei. (En tûr: Exodus 21:6; 1 Samuela 1:22, 28; Juda 7; 2 Petera 2:4-6.) Mi sualte pawh tiboral an ni dâwn a, a tihboralna erawh kha chu chatuana kal reng tûr a ni lo. Pathian chu chatuana mi hrem zui reng tûr a ni lo.

Tâwpna hunah chuan, chatuan hun pahniha a khawi emaw zâwk chuan min lo nghâk \heuh dâwn a ni. Mi bote chuan, vânduai thlâk takin, an hlawh chhuah, chatuan thihna chu an dawng ang. Chuti chu, kan phû rêng thihna chu kan chan loh theih nân, engati nge Isuâ felna rinchhanna chu kan beiseina awm chhun a nih?

Zirtâwpnî                                      June 28

Zir Zâuna: “Phai zâwl cham pût maiahte chuan mual pâwng mâwi tak takte hi a awm a, chutah chuan Pathian tlâng lian pui pui, sâng tak tak leh ropui tak takte an awm bawk a. Chû ram nuâm tak, tui nung luânna ram chu, Pathian mi, hun rei tak chhûng vâkvai tawhte leh, khualzin lo ni tawhte chuan, anmahni tân chênna tûr in an nei tawh ang. . . .

“Chutah chuan rilru thi thei lote chuan, Siamtu thiltihtheihna leh tlanna hmangaihna thurûkte chu lâwmna chuai ngai lo neiin an ngaihtuah ang a. Hmêlma nunrâwng, bum hmang tak, Pathian theihnghilhtîr tûra thlêmtu chu a awm tawh lo vang. Taksa leh rilru chakna zawng zawng chu a \hang puitling tawh ang a, thiltihtheihna tinrêng chu a pung tawh ang. Hriatna nei tûra zirna chuan rilrû a

tichâu lo vang a, chaknate a tichâu hek lo vang. Chutah chuan thil ropui ber chu tih zui zêl a ni ang a, suangtuahna tlin phâk tâwk chu thlen a ni tawh bawk ang a, duhthusâm chu hlen a ni tawh ang; chutichung chuan lâwn sân zêlna tûr thil tharte a lo awm zêl ang a, ennawm mak thar te, thutak thar hriat chhuah tûr te, taksa leh rilru thiltihtheihna hman \ûlna chî thil tharte a lo awm zêl ang.”—Ellen G. White, Indona Ropui, pp. 675, 677.

“Lâwmna sawi sên loh changin, lei mihringte chu suala tlu ngai lote lâwmnaah leh finnaah chuan an lût tawh ang. Pathian kut chhuak ngaihtuahna a\anga hriatna leh hriat thiam theihna ro hlû, kumkhaw tlaitluâna lo khâwl tawh sâ chu, an han \âwm vê ang a. Thilsiam ropuina—nî leh arsî leh an her vêl dân te, anmahni kawng \heuh zawha Pathian lal\hutphah an vêl mup mup laite chu, mit kham tih rêng nei lovin an thlîr ang. Thil tê ber a\anga a lian ber thlengin, engkim chungah hian Siamtû hming chu a chuâng a, engkim maiah hian A thiltihtheihna ngahzia chu târlan a ni sî a.”—Indona Ropui, pp. 677, 678.

“Indona ropui chu a tâwp ta. Sual leh mi sualte an awm tawh lo va, thil siam zawng zawng chu tihthianghlim vek a ni ta. Thukhat vuâa lungruâlna leh lâwmna chuan vân leh khawvêl chu a khat ta. Engkim Siamtu hnên a\angin, lalram zâuzia tâwp nei lo chu fang chhuak dap khawpin, nunna leh ênna leh lâwmna chu tuilian angin a lo luâng chhuak a. Atom tê ber a\anga khawvêl lian ber thlengin, engkim mai chuan, thil nung leh nung lote pawhin an mâwina khuh loh an lâwmna famkim nên ‘Pathian chu hmangaihna a ni’ tih an puâng ta a ni.”—Indona Ropui, p. 678.

Sawi Ho Tûr:

ŒHei leh chen sualna a kal zêl Pathianin A phal chhan chu eng vâng ni tûrin nge i ngaih? Chutih ruâlin, hê khawvêlah hi chuan an nun chhûng bâka tuâr tû mah an awm lo. Sualna kum sâng tam chhûng awm nêna khâikhinin, mihring dam chhûng hi a tâwi êm! Engtin nge heti zâwnga thlîrna hian sual vânga harsatna chungchâng manthiam tûra min \anpui ang?

Engtin nge kum-sâng khat ‘kum sâng rorêl’ tih hi chhandamna ruâhmanah a tel? Khawvêl tâwpa, rorêlna hnuhnunga mi sualte chunga hremna hnuhnung thlentîr a nih hmâ loha Pathian hmangaihna te, rêldikna leh fel taka rorêlna chungchâng tlante meuh pawhin an hriat thiam mai loh lo thleng tûr chu ngaihtuah ang che.