Zirlai-2 2024 2nd Quarter Kindergarten Zirlai

ZIRLAI 2-NA April 13, 2024
THLIPUI NA TAK LO THAWK

Chângvawn: Lalpa chu ka hnênah a awm a, ka hlâu lo vang,” (Sâm 118:6).

RAWNGBÂWLNA: Rawngbâwlna chu mi dangte \anpui hi a ni.
Chhiâr Tûr: Luka 8:22-25; Marka 4:35-42; Chatuan Nghahfâk, pp. 315-319.
Thuchah: An him theihna tûrin mi dangte kan \anpui thei.
Zìrlai Tùm: Naupangte chuan:
· Isuan naupangte hi him tûrin a duhsak vek tih hriain,
· Zìrtîrte a hmangaih angin anni pawh a hmangaih tih inhriatna neiin,
· Mi dangte himna tûr kawngte pawh an ngaihtuahpui \hîn ang.
Thil hlauh deuhna hunte i tawng vê tawh ngai em? Ui pa lian deuh maiin a rawn hnîm dû dû che emaw, bazara in kalnaah i nû nên in inhloh pawh a ni thei. Mi tin hian thil hlauh zâwng tawn châng chu kan nei \heuh tawh ang. Thlamuâng taka i awm theih nân tûin nge \anpui che?

Isuan mipuite hnênah thawnthu ngaihnawm tak tak sawiin, nilêngin A lo \anpui tawh a.
Lungngai tak chunga Amah rawn pantûte chu hlim takin an hâwng leh \hîn a ni. Dam-
lote pawh an lo kal a, dam \ha takin an hâwng leh zêl bawk a.
Isua chuan nui var var chungin, “Tûnah chuan in lama in hâwn a hun dâwn ta,” tiin mipuite chu a hrilh a. Mipuite hian Isuâ bula awm reng an châk hlê a, mahse khuâ a lo tlâi tawh mai dâwn sî a ni. Tichuan mipuite chu zâwi muângin an \în darh ta a ni.
Khâ mi nî kha an buâi nî tak a ni a, mi tin mai kha mahnî tâwkin an châu viau hlawm a. Isua leh a zirtîrte pawh chu lawngah an chuâng a. “Dîl râl leh lamah sâwn i kâi ang u. Tichuan kan châwl hahdam thei dâwn nia,” tiin zirtîrte chu a hrilh a.
A tîrah chuan thlifîm a lo thaw heuh heuh a, chû chuan an chuânna lawnglêng chu a lên delh delh a. Tuifâwnah chuan lawnglêng chu a su zâuh zâuh a. Isua pawh chu a chauh vê deuh avânga mutchhuak takin a hâm bâi bâi a; sangha manna lên tiânkhâwm nghênga a \hû chu a lo muhîl vê ta mai a.
Nî pawh chu a tlâ a, kâr lohah khuâ pawh a thim zui ta mai a. Zirtîrte hian zân thiang nuam taka lawnglênga lên vêl hi nuâm an tihzâwng tak mai a ni \hîn a. Thlifîm inchhêmtîrte hi nuâm an ti hlê a. Tui chunga lawng a lên delh delh laia han tîtî vêlte pawh chu an tih \han, nuâm an tihzâwng tak a ni bawk.
Vawi lehkhatah thlipui na zet mai, vâwt bawk sî chu a lo thawk ta thut mai a. Chû thlipui lo thawk chuan dîl tui pawh chu nasa takin a chhêm fâwn a, a ko ta bûr bûr mai a. Chuvâng chuan an chuânna lawng pawh khalh hleih thei a ni ta lo hiâl a.
Zirtîrte chuan an hlâu êm êm mai a! Chutianga thlipui lo thawk chuan an chuânna lawng chu a chhêm khaikhup thei tih an hria a. Kâwl a phe zuai zuai a, chutiang kâwlphe êngah chuan lawng chhûnga Isua tui tak maia lo mû chu an hmû a. “Isu, Isu, min chhanhim rawh!” tiin an âu ta chêlchûl mai a.
Rang takin Isua chu a lo \hu chhuak nghâl a. Tuifâwnin lawng a rawn khuh hlup hlupte chu a hmu a. Zâm leh hlâu hmêlpu tak maia zirtîrte lo ding khûr zawih zawihte pawh chu a hmu tel tho bawk a. Lo ding chhuakin, thlipui leh tuifâwn hnênah chuan, “Bâng tawh rawh u!” a ti a. Chûvêleh thlipui thaw hum hum chu a reh nghâl hmiah a. Tui chunga lawng

invawrh lêng lawp lawp pawh chu a reh nghâl mai bawk a. Zân chu a reh hian a reh vawng vawng a, thâwm hriat tûr pawh a awm tawh mang lo zâwk a ni.
Zirtîrte hnênah chuan Isuan, “Engati nge in hlauh va? In hlauh a ngai hlei nêm, ka awmpui reng sî che u a!” a ti a.
Zirtîrte chuan an bula Isua a awm avâng chuan an himin, râlmuâng takin an awm tih an inhre ta a ni.
Nangnî pawh hlauhna in tawh chângte pawhin, Isua hnênah, “Lalpa, zirtîrte ang khân keini pawh min \anpui rawh,” tiin ngên \hîn ang che u.
Engtik hunah emaw chuan tûte emaw hlauh neia zâm êm êmte pawh in la hmu maithei a ni. Isuâ \anpuina dîl \hîn tûrin in fuih phûr thei a. A nih loh pawhin anni chu han kuah emaw, an kut han chelhsak emaw ta ulang, an hlauhna chu a kiâng vê mai ang. Hlauh in neih châng rêng rêngin Isuan a chhanchhuak thei che u tih hrereng ang che u. Chutiangin mi dangte pawh Isua avânga thil hlâu tawh lo tûrin in fuih vê bawk dâwn nia.

TÌH TÛR & SAWI TÛR
Sabbath Chàwhnû: Lawng lêng in hmuh theihna tûr a awm chuan, chutah chuan lêng ula. Isua leh zirtîrten thlipui an tuâr lai lem Sabbath nîa in siam tâk kha hmangin, mi dangte thlamuâng taka awmtîr tûra \anpui dân tûr sawi ula. In fâte chuan hê thawnthû hi naupang dangte hnêna an hrilh vê duhna tûrin fuih ang che u. Nî tinin chângvawn hi in sawi ziah \hîn dâwn nia.
Sunday: In fâte chu calendar siamtîrin, kâr tina ni sarih awm zêlin, a ni hming pawh in ziahtîr bawk dâwn nia. Ni lo thleng zêlah, chu mi ni khaw awm dân lem heta entîrna lem ang hian: ni êng te, chhûm leh ruah sûr lemte chu a ni awm dân mil zêlin in ziak, bel dâwn nia
Thàwh\annî: Hla sak nuâm leh hlimawm tak tak: Isuan min hmangaih ka hria tih te, God is so good leh a dang dang zirtîrin, sakpui ula. Chûng chu thil hlauh an tawn chânga sa/chham \hîn tûrin in fuih dâwn nia. Chutah Isuan in chhûngkua a vên reng che u avângin lâwmthû in sawi dâwn nia.
Thàwhlehnî: In fâte hnênah chuan an hlauhzâwng, an rilrû tizâm thei thilte sawitîr ula. Chutah Marka 4:35-39 hi ring takin chhiar ho ula, tichuan Isua leh zirtîrten thlipui na tak an tuâr chanchin in hre thei ang. Isuan in chhûngkua a vênhimna chungah lâwmthu in sawi dâwn nia.
Nílâinî: Plastic bottle lian tak pakhat chu verh kaw deuh thliah ula. Pâwnah kengin, tui thun khatin, in fâte chu ruah sûr ang tûrin lek kântîr teh u. Ruah \angkaina chungchâng, thlâi a châwm dânte sawi ula. Ruah lo sûr \hîn avângin Isuâ hnênah lâwmthû sawi ang che u.
Níngãnî: Lawng lem emaw, thil dang tuia lâng thei dang emaw pawh hmangin, tûn kâr Bible zirlai thawnthû sawi entîr nân in hmang dâwn nia. Chawhtawlhah tui bunin lawnglêng lem chu tilâng ula, tuite pawh in tifâwn ang a, thlipui lo thawk angtein in ti vêl dâwn nia. Isuan zirtîrte a vênhim dân leh keinî pawh min vênhim zêl thûte in hrilh bawk dâwn nia.
Zìrtâwpnî: In chhûngkaw worship neihnaah, a huhova Luka 8:22-25 chhiarin, in Bible thawnthû hi lemchanah in hmang ho dâwn nia. Sunday nî-a in calendar siam kha târlang ula. In fâte chu kâr khat chhûng ni indawt hming sawitîr ula. Khaw awmdân târlang thei hlâte saho ula, chutah nî tina Pathianin in chhûngkua a vênhim che u avângin lâwmthu sawi ang che u.