Zirlai-3 2024 2nd Quarter Kindergarten Zirlai

ZIRLAI 3-NA April 20, 2024
Tuichhunchhuaha hmeichhia

Chângvawn: “Pathianin thil A tihsak che ropuizia hi va hrilh rawh,” (Luka 8:39).

RAWNGBÂWLNA: Rawngbâwlna chu mi dangte \anpui hi a ni.
Chhiâr Tûr: Johana 4:1-42; Chatuan Nghahfâk, pp. 165 – 177.
Thuchah: Mîte hnêna Isuâ chanchin kan hrilh hian anmahni kan \anpui a ni.
Zìrlai Tùm: Naupangte chuan:
· Isuan mi tinte a \anpui anga \anpui vê tûrin min duh tih hriain,
· A mi tawh apiangte chunga ngilneihna lantîr duhna neiin,
· Mi danglam deuh bîkte chungah lam pawh ngilneihna an lantîr zêl ang.

Tuihâl, tui in châk takin in awm tawh ngai em? Tuihâla i chauh tawh êm avângin tui awmna, tuikhur lam pawh i pan peih lo hiâl a ni. Ni khat chu zin kawnga an kal laiin, Isua chu A tui a hâl hlê mai a. Tûten emaw tui in tûr an rawn lâksak a ngem lê?

Chhûn lai takah Isua chu tuichhunchhuah bulah a \hû a. A tui a hâl hlê mai. A ril pawh
a \âm bawk. A zirtîrte chu ei tûr vêl lei tûrin khaw chhûngah an kal a. Mahse Isua
erawh chuan chû tuichhunchhuah kianga lo \hut hahchawlh chu a thlang zâwk a. Tuichhunchhuahah chuan tui vâwt tui tak chu a awm a, mahse a thûk sî a, khâichhuahna tûr hrui leh bucket pawh a nei bawk sî lo. Engtikah emaw chuan tui châwi tûrin mî tûte emaw an lo kal ang a, tui in tûr pawh an pe mah nâ.
Chhûn lai takah chuan hmeichhe pakhat hi tuichhunchhuahah a lo kal a. Anî chuan tuibêl hi a keng a! Tui a châwi dâwn a ni ngêi ang. Isua chuan a lo en reng a. A hmêl a\ang chuan Samari hmeichhia a ni tih a hre nghâl a. Hêng Samari mîte hian Juda mîte hi an ngaithei lo êm êm a. Juda mîte pawhin Samari mîte hi an ngaithei lo hlê bawk a. Isua kha

Juda mî chu a ni nâin hêng Samari mîte hi a ngaina êm êm thung a. Isua chuan ram tina mîte hi A hmangaih vek a ni!
Isua chuan chû Samari hmeichhia chu a rawn be mai dâwn lo tih a hre nghâl a. Hêng mite hian Juda mîte hi an be ngai lo. Isua chuan hmeichhe hnênah chuan, “Khawngaih takin i tui kha min intîr rawh,” tiin a ngên a.
Chû hmeichhia chuan Isua thusawi chu mak a ti deuh viau mai a. “Nang Juda mi i ni sî a. Ka hnênah thûte i sawi dâwn em ni, kei chu Samari mî ka ni sî a?” tiin a zâwt deuh hâ mai a.
Nui var var chungin Isuan, “Ni khawp mai!” tiin a chhâng a. Tichuan thukhawchâng a sawipui ta zêl a. Isua thusawi chu ngaihnawm ti taka a ngaihthlâk tâk avâng chuan tui intîr tûra Isua dîlna kha theihnghilhin, tui intîr nachâng pawh a hre ta lo hiâl a! Hê hmeichhia hian harsatna a nei tih Isuan a hre nghâl a. Mîten an hmusitin, an ngaithei vak lo bawk a. Mahse Isuan chutiang chu a ngai pawimawh vê lêm lo. Anî chuan mi tin hi a hmangaih vek a ni.
Isua kha ril\âm leh tuihâl tak chu a ni nâin, hê hmeichhia hian Pathian hmangaihna hriat a mamawh a ni tih a hria a. Amâ tuihâlna âi chuan khâ hmeichhia \anpui a duhna kha a ngai pawimawh zâwk a. Chutianga Isua nêna an tîtînaah chuan, Pathianin Chhandamtu rawn tirh a tiâmsak thûte leh, Ani chu a lo kal hunah chiang zâwka Pathian hriatna nei tûrin a la \anpui dâwn a ni tihte a sawi a.
Chutah tak chuan Isuan chû hmeichhe thil hriat châk tak mai chu a hrilh ta a ni. Hmeichhe hnênah chuan, “Chû Chhandamtu lo kal tûr chu keimah ni ka ni!” tiin a hrilh a.
Tichuan hmeichhia chu a hlimin a phûr ta khawp mai a. Isua chu Chhandamtu leh a \hian a lo ni reng mai! A tuibêl chu a nghat lawk a, an khaw lamah chuan a tlân kîr leh ta vang vang a. Mîte hnêna Isuâ chanchin hrilh thuai thuai a châk a ni.
Chû khaw mipuite chu kâr lohah tuichhunchhuah kiangah chuan an lo pung khâwm ta hmur mai a. Isua chanchin kha hmeichhia khân a hrilh vânga lo tlân khâwm an ni. Isua thusawi chu ngaihnawm ti takin an ngaithlâ a; an ngaihthlâk kham loh êm avângin an khuaa châm tûrin an sâwm ta hial a. Chû khuaah chuan Isua leh A zirtîrte chu ni hnih an châm a, Pathian hmangaihna thûte an zirtîr a.
Isua chuan mi zawng zawng hi hmangaihin, a \anpui zêl \hîn a. Khawi lam mî nge an nih a, eng ang hmêlpû nge an nih lam a ngaihtuah lo. Mi tinin Isua chanchin hriat an mamawh \heuh a. Nangnî pawhin Isuâ chanchin hi in hrilh vê thei a ni. Isua anga mi duhawm, mîte hnêna Pathian hmangaihna leh ngilneihna lantîrtu in ni thei bawk.

TÌH TÛR & SAWI TÛR
Sabbath Chàwhnû: Bible thawnthû in zirlaia mi hi chhiar ho ula. In \henawm vêla mîte hming tlêm târlang ula, tichuan in fâte hnênah chuan hei hi zâwt ang che u: “Hêng mîte hi Isuan A hmangaih vê em?” “Isuan min hmangaih ka hria” ti hlâ kha khûr takin sa tlâng ula. Chângvawn sawi nâna tihdân tûr Sabbath nîa in zir kha, chângvawn zir nân in hmang ziah dâwn nia.
Sunday: Zirlai thawnthû hi hrilh tûr che uin in fâte chu ti vê thung ula. Kut zaizír hmangin “Isuan min hmangaih ka hria,” tih kha Sabbath sikula an zir anga ti tûrin sakpui ang che u. In fâte chu tui in tûr tû hnênah emaw in pêktîr dâwn nia. Isuan in fâte a hmangaih avângin lâwmthû sawi ang che u.
Thàwh\annî: In fâte nên eng thei emaw ei tûra buatsaihin, bowl-ah in chhawptîr dâwn nia. Chûbâkah, a theih chuan fruit salad pawh in siampui bawk dâwn nia. Thei nge îtawm fruit salad zâwk chu han sawitîr teh u. Enge a chhan? Mi chi hrang hrang kan awm a, mi bîk kan nih theih dân chu in sawi ho dâwn nia.
Thàwhlehnî: Hê zirlai Bible thawnthû: Johana 4:6-9, 25, 26, 28-30, 39-41 thû chhiar ho ula. Pathianin mî zawng zawng a hmangaih chungchâng sawi la. Pâwnah lêng chhuakin, lung emaw, hnah emaw, pangpâr emaw chu chi hrang hrang la khâwm ula. In fâte hnênah chuan chûng thilte chu bîk nihna nei \heuh an ni tih hrilhfiah ula. Hei hi ring takin sawitîr ang che: Mi tinin bîk nihna nei \heuh a, Isuan a hmangaih \heuh a ni.”
Nílâinî: Ransa chi hrang hrangte kal dân zirsak tûrin in fâte chu tî ula, an hrâm dân hrang hrangte chu zír nghâl tûrin in ti bawk dâwn nia. An kal dân te, an hrâm dânte a inang lo vek tih târlansak ang che u. Pathianin thil chi hrang hrang a ngaina \heuh tih sawi leh ang che u.
Níngãnî: In fâte chuan hnam dang tûte chungah emaw duhsakna an lantîr theih nân \anpui ula. In chhûngkaw ei ho atân