Zirlai-3 2024 2nd Quarter Primary Zirlai

ZIRLAI 3-NA APRIL 20, 2024

ISUA THIH NÎ

CHÂNGVAWN: “Pathianin khawvêl a hmangaih êm êm a, chutichuan a Fapa mal neih chhun a pe a, Amah chu tupawh a ring apiang an boral lohva chatuana nunna an neih zâwk nân.” (Johana 3:16, NIV).

Chhiar Tur: Matthaia 27:34-56; Marka 15:21-39; Luka 23:26-49; Johana 19:16-30; Chatuan Nghahfâk, pp. 741-764.

A Thu Zirtîr: A hmangaihna chungchang midang kan hrilh ve hian Pathian rawng kan bawl a ni.

An tân engpawh tih inhuam khawpa mi hmangaih i nei em? Pathianin min hmangaih êm avangin min chhandam nan a Fapa mal neihchhun min pe a. Tichuan Isua pawhin kan tan thih chu a inhuam bawk a ni.

ISUAN an diriamna leh kut an thlakna zan rapthlak tak chu a ral ta a. Rom sipaite chuan amah leh rukru dang pahnihte chu kulh pawnah khaihlum turin an hruai a. An khenbehna hmun thlengin Simona chuan Isua kross a put sak a. Thil \ihbaiawm tak chu tih a ni thuai dâwn ta.

Bible chuan, “an khengbet,” a ti satliah mai a. Chanchin |ha Bu ziah hunlaia chengte chuan chu thu awmzia dik tak chu an hre tlang vek a. Khenbeh an nih chuan zawimuangin, na lutuk tuarin an thih tih an hria. Mipui tamtakin mi tangte chu khenbeh an nihna hmun thleng, kawng tluana au nawmnahin an zui \hin tih pawh an hre vek a.Sipaiten mitangte kut leh ke chu kross-ah perekin an kilh bet \hin tih pawh an hre bawk. Sipaiten kross chu a phunna tur khuarah an sawh phun chawrh dâwn tih pawh an hre vek a. Thih dan a zanga rapthlak ber a ni tih an hre vek a ni.

Chutiang zawng zawng chu Isua chungah chuan a thleng ta vek a. Sipaiten kross-ah kilhbetin, rukruk pahnih inkarah a kross chu an dah a. Khawpui a\ang rawn zui chhuaktu mipuite chuan an kil tuau tuau a. Zankhuaa an auh nawmnah na bawk kha an chhungzawm leh a.

“Pathian fa i nih takzet chuan kross a\ang khan lo chhuk ta che!” tiin pakhat chuan a han au el a.

“Midangte a chhandam thei a, mahse Amah leh a mah a inchhandam ve theih lo,” tiin pakhatin a lo chhunzawm zat a.

Midang lehin hmusit tih hriat tak hian, “kross a\ang khan lo chhuk la kan ring ang che,” a han ti leh a.

Midang leh chuan, “Pathian duhlai a nih chuan, Pathian chuan chhanhim ang hmiang, Pathian Fapa ka ni e a ti a ni lawm ni kha?” tiin a lo nuihsawh leh bawk a. Chutiang chuan an ti luai luai a. Krossa a ruala an khenbeh rukrupa pakhat pawh chuan a rawn auel vel ve bawk a.

A na tawrh leh midangin an tielna aurawl chu a tan na thawkhat hle tawh mahse, chu aia la rapthlak zawk chu Isua chungah chuan a la thleng ta cheu va. Kan tana thi tura khawvela a lo kal khan, Isua chuan kan sual zawng zawngte ama chungah belin a phur a. Krossa khaikana a awm khan, khawvela mihring lola awm tur zawng zawngte sualna lam chu a chungah nghah a ni a. Chung a sual phurhte chu a rapthlak em avang chuan Pathianin chatuan atan a hawisan ta hmiah niin a hria a. Chutia a Pa ngeiin a hlamchhiah ta nia a inhriatna avang chuan, “Ka Pathian, Ka Pathian! Engah nge mi kalsan?” tiin a \ap chhuak hawm hawm a. A Pa chu chatuan atan a hmu tawh dâwn lova a inngai chung pawh chuan, I tan leh ka tana tawrh chu Isua chuan a thlang ta fan a.

Mahse Pa Pathian chuan Isua chu a kalsan lo. Pathian leh van angel rual zawng zawngte chuan an lo thlir reng a, an lo tawrhpui ve reng zawk a ni. Lei pawhin a tawrhna chu a tuarpui ve a. Darkar thum chhungzet chulai hmun chu thimin a khuh a, Isua hnuk a chah rual chaih chuan, “Lei hi a khur a, lungpuite an khichat,” a ni. (Matthaia 27:51, NIV).

Midangte tana rapthlak taka thih ngam khawpin tuemaw I hmangaih ve tawh em? Chutiang khawp chuan a lawm Isuan a hmangaih che. A hmangaih em avang chein nangmah chhandamna tur a nih phawt chuan engmah tih hreh a nei lo. Chatuana A kianga I chen ve reng theihna turin thihna zawnga rapthlakberin a thi a ni. Chu hmangaihna chu Kristianna hnukpui a ni a. Kan hla sak zawng zawng kan sak chhan, kan \awng\aina zawng zawng chhan, leh engkim kan tih chhan chu chu ngei chu a ni.

Chu hmangaihna thuchah chu a ni midangte hnena hrilh chhawng ve tura min tih chu. Chutiang khawp chuan min hmangaih a ni tih hriat mamawh lo an awm dâwn em ni? An mahni chhandam nana engkim tak meuh meuh tih huamtu Pathian chu tuin nge hmangaih let ve lovang ni? I mi hriat zawngte han hrilh ve teh!

TIHTÛRTE

Sabbath

• Chhûng inkhawm laiin Matthaia 27:34-44 hi chhiarin sawiho teh u. Isua thuamhnawte kha engtin nge an tih? Isua nuihzattute zingah khan tute nge tel? Eng thute nge an sawi? Engvang a sawi nge an nih?

• In chângvawn kha in chhûngte zirtîr ve ula chuan Isua i tana a thih avangin lawmthu sawi ang che u.

Sunday

• Matthaia 27:45-56 hi chhûng inkhawm laiin chhiar in sawi ho teh u. Isua a thih khan eng thil nge thleng? Kross bula hmeichhia ho zingah khan tute nge awm?

• Isua kha i tan thi lo ta se i nun danglam tur zia ngaihtuah teh u. Vanram thlakhlelh nachhan tur i nei ang em? Isua hnena ngaihdam i dilin i sualte kha ngaihdam ani tih i hre thei ang em? Isua hmangaihna leh thlamuanna i thinlungah i nei ang em?

Thawh\annî

• Chhûng inkhawmnaah Johana 19:23-27 hi chhiar in sawi ho teh u. Isua nu Mari chungah khan enge thleng? Eng vang nge?

• In chângvawn Johana 3:16 kha hlain han sa teh u.

• Thing \ang pahnih kilh belhbawmin kross lem te reuh te siam ula, tunkar chhungin Pathian hmangaihna i hriat nawn theih nan i pindanah tar rawh u.

Thawhlehnî

• Tuemaw hnênah Pathian hmangaihna hrilh ula, sabbath niah i kross lem ziah kha pe rawh u. Anih loh vek pawhin “Isuan min hmangaih” tih hla kha zaizir telin han sa teh, a hnuaia mi ang hian:

• Isuan: I kutphah veilam kha i kut dinglam kutzung saipirin khawih ula, chumi hnuah i kutphah dinglam kha i kutveila kutzung saipiriin i khawih leh dâwn nia.

• Min: Nangmah kha han inkâwk va ula.

• Hmangaih: I kut kha i âwm zâwnah a kawkalhin dah rawh u.

Nilâinî

• “A saw raltiang tlangah” tih hla an ngaihthalka an rilru awmdan i pi leh pu emaw chutiang chi ho chu han zawt teh u. I sak rual a sa turin sawm ang che u.

• I pindanah khan kal kual ula, midang tana rawngbawl nana i hman \angkai theih tur thil han zawng teh u. Tunkar chhungin eng thil nge midang i sem ve theih? In chhûngte chu chhûng inkhawm laiin i ruahmanna kha hrilh ve rawh u.

Ningânî

• Vawiin chhûng inkhawm atan chuan Matthaia 27:50-54 leh Luka 23:39-43 hi chhiar in sawi ho teh u. Rom sipai ho khan Isua thih hnu khan eng thu nge an sawi? Rukru pa khan eng nge a sawi ve thung?

• Rom sipaiho leh rukrupa khan Isua kha Pathian Fapa a nih an ring em? Engtin nge i hriat? Eng in nge Isua rinna kawngah pui che?

Zìrtâwpnî

• In nu leh pa hnênah khan an na tawrh tawh zawnga hreawm ber zawt teh u. Isua kha krossa a thihlai mek khan eng na nge a tawrh ve? Taksa natna chauh em ni a tawrh?

• In chhûngte’n i tana an tawrh nasatzia ngaihtuah ula, ziak chhuak in chhûng inkhawm hunah sawi chhuak ang che u. I lâwmzia entir nan lawmthu sawi pah in kuah vek hlawm ang che u. Isuan kan tana krossa a tawrhna kha sawi ho ula, chuan Pathian hnênah a Fapa min pek avangin lawmthusawi ang che u.