Zirlai-4 2024 2nd Quarter Kindergarten Zirlai

ZIRLAI 4-NA April 27, 2024
ISUA HOVA TÛK|HUAN KÎL

Chângvawn: “[Isuan] ‘In tâna ka tihsak che u ang hian in ti vê tûr a ni,’ a ti a” (Johana 13:15, NIV).

RAWNGBÂWLNA: Rawngbâwlna chu mi dangte \anpui hi a ni.
Chhiâr Tûr: Johana 21:1-14; Chatuan Nghahfâk, pp. 790-797.
Thuchah: Isua ang nih kan duh avângin mi dangte kan \anpui \hîn.
Zìrlai Tùm: Naupangte chuan:
· Isuan mîte \anpui a duh \hîn tih hriain,
· Isuan a ngaihsak \hinna chungah an lâwm ang a,
· Isuâ tihdân angin mi dangte an \anpui \hîn ang.

Beisei loh leh hriat lâwk loha thil \hâ eng emaw tihsak nih hi nuâm i tihzâwng a ni em? Chhûngte nêna la hriat ngai loh hmun tlawh te? A nih loh leh, eitûr tuihnâi takte pawh? Hetiang ang beisei lâwk loh thil duhawm tak in tihsak hi mi tinin an lâwm \heuh mai. Isua pawh kha chutiang chu a ni vê tho. Vawiina kan zirlaiah hian Isuan A zirtîrte chu an beisei loh thil duhawm tak pahnih a tihsak dâwn a ni.

Zân lam khaw vâwt deuh ruihah chuan arsîte an de sep sep a. Dîl tui pawh nasa vak
lova fâwnin, vaukam lam a fawk rîte chu a hriat theih a. Zìrtîr \henkhat chu dîl
kamah chuan an kal vêl a. Petera chuan a \hiante hnênah chuan, “Zanin chu sangha man tûrin i chhuak teh ang u hmiâng,” tiin a sâwm a.
Zirtîr dangte pawh chuan an châkzâwng tak a nìh avângin rem an ti nghâl a. Rang takin an sangha manna lawnglêng chuan an chhuak nghâl a. Isuâ thilmak tìhte chu sawi a, hlim taka tîtî bawrh bawrh chungin an chhuak a. Nuam an tih êm avângin hun pawh kal chak hlêin an hria a. Mahse an lênah chuan sanghâ a âwk thei dêr lo mai a. Zankhuaa an lên chu vêngin, a tîtî zankhua chu a ni ta dêr mai.
Zîng khua a lo êng \an riâi riâi a, mahse sanghâ pakhat tê mah an la man bawk sî lo! An châuvin an rilte pawh a \âm fû tawh mai a. Chuvâng chuan beidawnga vaukam lama kîr an tum ta a ni.
Dîl kam an thlen dâwn chuan mi pakhat hian a rawn âu va, “Sanghâ in man em?” tiin a zâwt a.
“Man lo, pakhat mah kan man lo mai!” tiin âu lâng lâng chungin an chhâng a. A rawn âutu chuan, “Man tumin han bei leh ula. Lawng dìnna sîr dinglamah khân in lên dêng teh u!” a ti a.
Chû pâ thusawi avâng chuan an lên vawi khat han den leh chu \hâin an hria a. A sawi ang chuan an lên chu an han dêng leh ta ngêi a. Thíl awmzia pawh an hriat hmâin, an lênah chuan sanghâ a khat a, an phu ta mur mur mai!
Chutah tak chuan Johana chuan vâukam a\anga rawn âutu kha tunge a nih a hre ta nghâl a. Petera hnênah chuan, “En teh, Lalpa Isua a ni reng mai!” a ti a. Petera chu a hlim hlê mai a. Tûnah chuan sanghâ lam pawh a ngaihtuah tawh lo. Tuiah chuan a zuâng thlâ a, rang takin vaukam lam chu a pan ta nghâl a. Isua bula awm a châk vâng a ni.
Lên sanghâa khat tuia hnuh hi a hautak êm êm a. Tichuan mi dangte chuan theihpa tâwpin an lên chu an hnûk laih laih a, vaukam chu an hnûk thleng thei ta hrâm a. Sanghâ chu a tam ngêi mai!
Isuan a \hiante chu nui var var chungin a lo thlîr reng a. Khatianga an beisei loh tak thil \hâ eng emaw han tihsak kha chu a nuâm duh fû rêng a ni!
Zirtîrte beisei loh eng thil emaw tak tihsak tûr Isuan a la nei a. Chû chu tûk\huan chaw ei tûr la lum vat vat, ei châkawm tak a ni! Annî kha zankhuaa lên dêng an nih avângin an châuvin an ril pawh a \âm tawh hlê a ni.
Zirtîrte hnênah chuan, “Hawh u, lo kal ula, tûk\huan hi lo ei rih rawh u,” tiin a sâwm a. Chutianga châw an ei lai chuan hlim takin an tîtî bawrh bawrh a.
Zirtîrte lêna sanghâ a tihkhahsak khân Isuan thil ropui tak a tihsak a, tûk\huan ei tûr a pêk erawh kha chuan thil lian tham vak lo a tihsak a ni. A eng zâwk zâwk pawh chu ni se, mi dang kan \anpui a nih phawt hi chuan a \ha vê vê. Nangnî pawhin mi dangte in \anpui vê lai Isuan hmuh a châk êm êm a. Mi dangte in \anpui hi chuan, Isuâ tihdân ang kha in ti vê a ni. Vawiin hian mi dangte \anpui tûrin enge in tihsak ang le?

TÌH TÛR & SAWI TÛR
Sabbath Chàwhnû: A remchân theih chuan, mîten sanghâ an manna hmun lamah lêng chhuakin, chutah chuan in zirlai Bible thawnthû hi chhiar ang che u. Tûnlaia mîten sanghâ an man dân hrang hrangte sawi ula. Chângvawn vawng tûra zirhoin, vawiin zîng lama in chaw ei avâng khân Isuâ hnênah lâwmthû in sawi dâwn nia.
Sunday: Zirlai thawnthû ennawn leh hlek ula. In fâten ‘|anpuitu \hâ’ ni tûra in lama thil an tih/siam thei tûr thil hrang hrang târlang ula. An \anpui che u hunah, mi hlim tak hmêl landân lem ziahtîr ula, an hnênah chuan lâwmthû sawi theihnghilh suh ang che u
Thàwh\annî: Thil ei theih (apple, sêrthlum emaw balhlâ emaw) hmangin lawnglêng lem siam ula. A puanzâr atân thil ei theih dang (carrot, celery kuang emaw, thil dang remchâng ang ang) hmang ula). In lawnglêng chu chhûn châw-ah in hmang dâwn nia.
Thàwhlehnî: In chhûngkaw worship neih nân, Johana 21:1-14 chhiar ho ang che u. Zawhna zawh tûr: Tû nge Isua hmuh châk kha? A \hian zirtîrte \anpui nân Isuan enge a tih? Naktûk zînga in chhûngkaw chaw ei tûr ruâhmanna siam tûrin in fâte sâwm ula. Mi dangte \anpui lam thû hlâin sâ ula, chutah \awng\ainain in khâr dâwn nia.
Nílâinî: Nimin lama vawiin zîng chaw ei tûr in ruâhman tawh kha in fâte nên buatsaih ho ula. Mi dangte \anpui lam hlâ sa ho leh ula. Chaw in ei dâwnah in fâte chu lâwmthû sawi leh malsâwmna dîl \awng\aina hlân tûrin in sâwm dâwn nia. Chaw ei khamah pawh thlêng seng leh hmunphiah vêlah in in\anpui diâl diâl dâwn nia.
Níngãnî: Bible thawnthû kha sawi nawn leh ula. Lawnglêng lêm siam angah inngaihruat ula. Chutah in bottle chanvê thleng tui tikhat ula, bean chî emaw thil ro emaw chungah in fartîr dâwn nia. A chhûngah sangha tê tak tê thun tûr in neih chuan thun ula, bottle chu dah khampheiin sanghâ chuan hleuh zer zer sela. Chutah sanghâ chu man tûrin tui chu in bunchhuak leh dâwn nia. Tui in neih avângin Pathian hnênah lâwmthû sawi ang che u.
Zìrtâwpnî: In chhûngkaw worship neih laiin, Sunday nîa in siam ‘|anpuitu |hâ’ chart kha ennawn leh ula. Tûn kâr chhûnga in fâte chu \anpuitu an nih dân sawi tlâng ula. An hnênah chuan, “Engati nge tûn kâr chhûng hian \anpuitu \ha tak in lo nih theih dân?” tiin zâwt ang che u. An chhânna chungah in lâwm chuan thil ei theih lawnglên ang kha in siamtîr dâwn nia.