Zirlai-4 2024 2nd Quarter Primary Zirlai

ZIRLAI 4 APRIL 27, 2024
A NUNG!

CHÂNGVAWN: “An hnênah chuan, ‘Khawvêl zawng zawngah kal ula, thilsiam zawng zawng hnênah
chachin tha hi hril rawh u,’ a ti a.” (Marka 16:15, KNJV).
Chhiar Tur: Matthaia 27:57-61; 28:1-10, 16-20; Chatuan Nghahfâk, pp. 769-794, 818-828.
A Thu Zirtîr: Isua chanchin midangte hnena kan hrilh hian Pathian rawng kan bawl a ni.
Thu lawmawm deuh midangte hnena sawi chawk zawng tak i nei tawh ngai em? Mi tuemaw tal
hrilh hlan i nghakhlel viau ang chu ti raw! Isua Thawhlehnî thu hre hmasaber tute zingah Mari Magdalini
chu a tel ve a. Mi zawng zawng hrilh hlan a nghakhlel hle mai!


ISUA ziritîrte nun tawna an Sabbath ni lungchhiat thlakber ral hnua Sunday tuk zing hmasaber a ni a. Zìrtâwpnîni nitlak hma darkar rei vak lovah Isua hnuk a chat a. Josefa AriMatthaia thlanah A zirtîr lunghnur tak, rilru chiai takte chuan hmanhmawh takin an phum a. Sabbath ni serh turin hmanhmawh takin inah an haw leh thuai a.
Kross bula awm ve hmeichhe ho chuan Isua ruang chu duat taka bawihsawm an duh a. An zui zel a, thlana
an zalh lai chu an thlir ve reng a. Thlan kawngka chhin nana lunglianpuia an chhilh laite pawh chu an thlir reng a. Anni pawh chu Sabbath ni chuan an hahchawl ve a. Mahse Sunday zing khua a lo var rual chuan thlan lam panin hmanhmawh takin an kal leh a. Ruang hnawih chi rimtui an kente chu Isua ruanga chulh tur a ni a. Thlan bul vel an va thlen chuan, “Lung lianpui hi tuin nge min lumsawn sak ta ang?” tiin an ngaihtuah a. Thlanah chuan vantirhkoh a lo awm reng tawh tih an hre lo. Lîr nasa taka ti nghîngin thlan lung chu a lum sawn a. Pa Pathian hmingin Isua chu a kaitho leh tawh bawk a.

Thlan lung kawngkhar lo inhawng an hmuh chuan hmeichhe ho chu hlauvin an khur hial a. Mahse inti pachangin thlan chhûng chu an va bih a. Van ropuina enga inthuam vantirhkoh a chhungah chuan a lo \hu reng mai a. Vantirhkoh chuan, “Hlau suh u, Isua in zawng tih ka hria, mahse ani chu hetah a zawm tawh lo. A lo sawi lawk tawh ang ngei khan thihna ata a tho leh tawh. Hmanhmawh takin a zirtîrte va hrilh rawh u. Isua chu Galilee panin a kal mekah, chulai hmunah chuan amah chu in va hmu thei ang,” a lo ti a.
Mak an tih tur zia mai chu in hre thiam thei mai em? Ni reilote kal taa thil thleng zawng zawngte ngaihtuahin, hmeichhe ho chuan hetiang thil hi an ngaihtuah chang lo. Bible chuan hlau chung leh lawmna nasa tak nen midang hrilh turin an tlan chhuak a a ti.
An rimtui ken an thlauh vel thleh thluah tur chu in suangtuah thiam em? An theih tawpa chaka khaw
chhûng pana an tlan tur vel chu in mitthla thiam em? Thahrui an ngah in ring em? Thahrui chu an ngah khawp ang le! An phur in ring bawk em? Rinhlelh rual lovin an phur ngei ngei ang! Eng mahin a dang zo lo! An thu hriatte chu midang an hrilh ve ngei ngei a ngai a ni tawp mai! Isua chu thihna ata a lo tho leh ta a nih chu!
Khawvel mîte hnênah chu thu tho chu hrilh lehna hun hlu tak kan nei. Vana lawn tura lei a chhuahsan hma
khan, Isuan Amah zuitute chu thu a chah a. “Kal ula hnam tin ami zirtîrah siam ula, Pa leh Fapa leh Thlarau
Thianglim hmingin baptis rawh u,” a ti a.
Isua thu lawmawm tak hi khawvel mîte hnena hrilh turin i inpeih em?

TIHTÛRTE
Sabbath

  • In zirlai ah thawnthu awm kha in chhûngte nen chhiar ho ula, Isua in hmuh hun ah in awmdan tur in sawi bawk dâwn nia.
  • Hemi hmang hian in chhûngte In chângvawn izirtîr dâwn nia: phek 19-na en bawk ang che
    An hnênah ti hian a sawi vanlam kâwk rawh
    Kal hmalam kâwk rawh
    A chhungah khawvel lem
    Khawvelah i ban in siam rawh
    Sawi rawh i kut \ang khan midang kawk la
    Chanchin \ha mi pakhat thil i hrilh ang in.
    Mitin hnênah i ban kha phar rawh u.
    Mark 16:15 i kut pahnih kha dah dun la chuan, thlah leh rawh u.
    Sunday
  • Matthaia 27:57-66 hi chhiar in sawi ho teh u. He Josepha hi tu nge? Pilata bulah tu nge kal? Eng vang
    nge? Engtik ni ah? Eng thu nge Pilata khan a lo pawm ve?
  • Puitling tu emaw nen khan pop corn kang ula, engthil nge thleng? A kan loh nen khan khaikhin teh u. Isua thawh leh na nen enge in an na a neih? I pop corn kan kha in chhûngte ei tir ve ula, Isua a thawh leh avangin lawmthu i sawi dâwn nia.
    Thawh\annî
  • Matthaia 28:1-10 hi in chhûngte nen chiar in sawi ho teh u. Vantirhkoh awmdan sawi ula, hmeichhiah ho in thlan an kalsan khan tu nge an hmuh? Eng nge a sawi?
  • Tunkar sabbath school a midang nen a artui kawr lem in dâwn kha in chhûngte entir ve rawh u. Isua thih leh thawh lehna chanchin kha i hrilh dâwn nia.
  • Kan kohran website kha han thlîthlai teh u. Adventist Development and Relief Agency, ADRA. org. ah
    naupangho pual kha enchhin ula, chuan Adventist Frontier Missions frontline.org-i en bawk dâwn nia.
    Thawhlehnî
  • Matthaia 28:2-4 leh châng 11:15 hi chhiar in sawi ho teh u. Vêngtu sipai ho khan puithiam lalber kha enge an hrilh? Eng nge a tih tak? Eng vang nge?
  • Chhûng inkhawm hma khan in awmkhawmna pindan ah puk lem siam ula, mi pakhat i bihruk tir dâwn nia. In chhûngte hnênah khan khawvel ah thu lawmawm ber i neih thu hrilh rawh u. Ring takin, a nung e tih sawi ula, chuan puk a mi in a lo hriat velah rang tak in a lo chhuak dâwn nia.
    Nilâinî
  • Chhûng inkhawm laiin, a nung tih hla emaw lalpa ani, tih hla sa rawh u.
  • In chhûngte han tih tir chhin teh: An ke \ang in bang si se, an banrek leh kut \angin na takin bang nem bawk se. Chutianga pakhat a\anga sangkhat, pahnih a\anga sankhat vawi sawmthum an tih tling chuan lo hawi tir tawh teh u. An ban kham avangin, an ban te chu a thlawk chho emaw an ti ngei ang. Chu chuan eng nge a hriat chhuah tir zawt rawh u.
    Ningânî
  • Matthaia 28:1-12 leh châng 36-53 hi chhiar in sawi ho teh u. Isua a zirtîr te kha enge ti tur a, a duh? Eng thu nge a tiam? Chu chu kei ni tan vawi hian a la ni em?
  • Second sawmthum chhûng kan Pathian ropui leh makzia hi sawi teh u. I \hian te school a mi te i hrlh ve dâwn nia.
  • Khawvel map emaw globe en ula, khawi hmun ah nge Isua chanchin i hrilh chak ve? Tukverh kha hawi chhuak ula, kawt thler emaw in inah khan pathian chanchin hrilh tur an awm em?
  • Midang hnênah Pathian chanchin i hrilh lai mek khan, tih tur leh sawi tur te i hriat theih nan \anpuina Pathian dil ang che u.
    Zìrtâwpnî
  • Chung inkhawm laiin, Luka 24:1-12 leh châng 36-53 hi chhiar in sawi ho rawh u. Hmeichhia ho in zirtîrte hnênah thu an thlen khan engtin nge an awm? Isua an hmuh phei chuan engtin nge an awm tak? Nih leh an biak hnu ah in? Tunah hiankhawiah nge a awm? Enge i ngaihdan?
  • Puitling tu emaw hnênah khan Isua chanchin midang hnênah an sawi lai in hrilhtir teh u. Eng thil nge lo thleng?