Zirlai-5 2024 2nd Quarter Junior Zirlai

ZIRLAI 5-na                                                                                                           May 4, 2024

KAN ZÎNGAH RAM DANG MÎTE

CHÂNGVAWN: “Anmahni rin ang bawk hian, keini pawhin LALPA Isuá khawngaihna vânga chhandam tûr niin kan inring sî a,” (Tirhkohte 15:11).

Chhiâr Tûr: Tirhkohte 15:1-19; Tirhkohte Thiltih, pp. 188- 200; Kan Thurin Bulpuite, No. 5, 12, 14.

Chakna Thû: Amah anga mi dangte hmangaih leh pawmnain Pathian rawng kan bâwl.

Zirlâite Puâl: Thil chhinchhiah zêlna bu i nei em? Luka chuan chutiang chu nei thlap niâwmin an ngâi. Chanchinbu mi fel tak ang deuhin, mi tamtak hnênah zawhnate a zâwt \hîn a. Vawiin pawh hian Paula rawngbâwlpui pakhat kâ a\anga Luka thil hriât kan ngaithla leh dâwn a ni.

ENGTIZIA nge an inhniâl luâi luâi \heuh chhan pawh ka hre vê lo. Mi tinte hian Isua chu pawmin an zui thei \heuh a ni lâwm ni ka ti deuh a. Paula chhiahhlawh pawh chuan chutiang deuh chu Paula ngaihdân pawh a ni a, rorêltute pawh chutiang kawngah chuan hmin a tum deuh a ni tih min hrilh a. A sawidân chuan Judate hian piângtharte rêng rêng hi Juda mi an ni zet anga, chutah an hnam dân pawh an zui tûr a ni an ti tlat a ni.

An thusawi ngaihthlâk chu ka ning hman hlê a. A tâwpah chuan an inrem tlâng thei ta deuh niâwm tak a ni.

Pakhat hian, “Paula leh Barnaba-te hi Jerusalem-ah kalin apostolte han berâwn selang, an ngaihdânte pawh ngâichâng ila a \ha lo’m ni?” tiin rawtna a’n siam a.

“Chû chu \ha khawpin ka ring a, amaherawhchu kan tuâlchhûng upate pawh kal tel vêse \hâin ka hriâ. An thutlûkna chu dik taka lo hriât ka duh a ni,” tiin pakhat chuan a’n sawi bawk a.

Paula chuan, “Chû chu rem kan ti tlâng thei \heuh em?” a’n ti lâng lâng a.

Mi tinte chuan, “Remti tlâng e,” tiin an chhâng a.

“Chutichu remchâng hmasa berah kan chhuâk nghâl dâwn nia, hê thil hi kan chinfel vat a ngâi a ni,” tiin Paula chuan a sawi a.

Paulan kalkawng dunga Kristian awmte a fuih theihna tûrin Foiniki leh Samaria ram kan paltlang a. Jerusalem-ah chuan ringtuten kawtchhuahah min lo hmuâk a. Kan tlawh chhante Paulan a hrilh a, an zâ chuan rorêl inkhâwmpui koh chu rem an ti tlâng a. A hnû deuh eng nî emaw chu chutiang atân chuan an ruât ta nghâl a.

Paula leh Barnaba-te thusawi ngaithla tûra an lo pungkhâwm tup tup mai kha mak ka ti ngawt zâwk mai. Mahse an zîngah chuan Jentailte zînga Krista pawmtute chunga mahni ngaihdân nei deuh tlatte pawh an awm tih pawh ka hre mai. Chûng mîte chuan rorêl inkhâwmah chuan an ngaihdân sawi an duh ngêi dâwn a ni.

Inkhâwm \an nân Paula leh Barnaba chuan rawngbâwla an zinchhuah vawikhatna report kimchang tak an pê a. Anmahni hmanga Pathianin thilmak ropui tak tak A tihziâte pawh an sawi a. Lustra khuaa lunga an dena a thi tâ emaw an tih vânga an hnutchhiah thûte pawh a sawi a. A thilsawi tûr pawimawh ber erawhchu a hnuhnung lama sawi atân a khêk khal deuh a, chû chu—Jentail tamtakin Isuá thihna leh thuchah an pawm thû a ni.

Paula chuan, “Jerusalem a\anga lo thawkten Antiokei khuaah harsatna an rawn siâm a. Kan Jentail unâute hi Juda mi an ni phawt a ngâi an rawn ti tlat a, chû chu dikin ka hre sî lo a ni,” tiin a’n report a.

Ka lo rinlâwk deuh ang ngêiin chuta awmte chu an phun deuh ta nuk nuk hlawm a.

Hruâitûte zînga pakhat chuan, “Engtin nge chutiang ngaihdân chu i neih deuh tlat theih nachhan? Hêng Jentailte hian Isua an zui theih nân Juda mi nihna an pawmin, Mosia dânte pawh zawm an intiâm hmasa zet tûr a ni dâwn lo’m ni?” a ti a.

Mi dang engemaw zâtte pawhin, “Chû chu a dik chiah rêng a ni,” tiin an lo thlâwp bawk a.

|henkhat dangte chuan, “Kan pawm lo. Pathianin A Fapa pawmtu tawh phawt chu A pawm vek zâwk a ni. Thil pawimawh chu Jentailten Isuá thuchah an hriât a, an pawm hi a ni mai,” tiin an \ang thung a.

Hun rei tak chhûng chu an ngaihdân \an zâwngin an sawi an sawi a. A tâwpah apostol zinga pakhat, Petera chu lo dingchhuâkin, midangte chu a thusawi ngaihthlâksak tûrin a’n ngên a.

“Ûnâute u, kum 10 vêl kal tâah khân chanchin \hâ chu Jentail mi, Kornelia leh a chhûngte hnênah ka sawi a. Ringtu an lo ni tâ a, Pathianin anni chu A pawm tih lantîr nân Thlarâu Thianghlim pawh Pentekos ang khân A rawn leih a. Pathian tân tûte nge an nih engmah a lêm chuang lo, hnam tin a\angin A pawm thei vek a ni. Chutiang a nih avâng chuan hnam thil chîn angte hi chu dahbo a ngâi a ni tih A lantîr a. Israel hnam dânte pawm tûrin A ngiât lo tlat mai. Kan hnam dân zui vânga chhandam ni tûr anga ngâiin, tamtakin thlamuânna dik lo an neihphah tih kha hrereng rawh u. Isuá thihna zâra chhandam kan ni tih kan hre sî a, hnamdangte tân pawh chutiang tho chu a ni,” tiin a sawi a.

Peteran thû a sawi zawh chuan, tûmahin sawi leh tûr an nei ta lo. Paula leh Barnaba chuan an sawi zawm leh ta thung a, rawngbâwla an zin chhuah chhûnga Pathianin Jentailte tâna thil mak tak tak leh hlimawm tak tak A tihsak chanchinte chu an sawi a.

A tâwpah Jakoba chu thusawi tûrin a lo ding chhuâk a. Hê rorêl inkhâwma an puipâ ber (chairman) a nih hmêl hlê.

“Ûnâute u, ka thusawi hi lo ngaithla teh u,” tiin bul a’n \an a. “Petera khân Pathianin A lalrama lût tûrin Judate chauh ni lovin, Jentailte pawh A thlang a ni tih thû a sawi tawh a. A nihna takah, chutiang chuan A la ti dâwn tih Pathianin A Lehkhathianghlimah A lo sawilâwk a. Chuvângin ka thu khâikhâwmna chu hetiang hi a ni tâ e: ‘Jentailte zînga Pathian lam hawite chungah harsatna engmah i siamsak lovang u’ tih hi,” a ti a.

Inhniâlna a tâwp a. Thlarâu Thianghlimin mi tinte chungah inremna A thlen a. Chuta an thil tih leh tâk chu, Jentail ringtûte hnêna an thurêl \ha tak hrilh tûra mifel tak thlang tûra thutlûkna siam a ni.

TIH TÛR

Sabbath Chawhnu: Puzzle 5-na ti nghâl ang che. Sunday: ‘Kan Zîngah Ramdang Mîte’ tih kha chhiâr la. Chângvawn vawng tûrin zir \an la. Inang lo \heuha min siam vângin Pathian hnênah lâwmthu sawi ang che.

Thawh\anni: I chângvawn sawi chu tape-in record la, i mut dâwnah play leh ang che. Recorder in neih loh chuan i mut dâwnah ring takin chhiar lauh lauh mai ang che. Tirhkohte 15:1, 2 chhiâr la. I \hiânten an tih ang khera ti tûra an nawrna i tawng tawh em? Engangin nge i ngaih? Engtinnge i chhân? Midangte hnêna in thurin i hrilh hunah dam thlapa i sawi theih nân Pathian \anpuina dîl ang che.

Thawhlehni: Tirhkohte 15:3-5 chhiâr la. Thil tikhawlo deuh fo hriât i nei em? Chutiang mî chu enge i vuah? Engtin nge Farisai member-ten chutianga tih an lo tum \hin? I note buah chutiang buâina chinfel dân tûr kawng thum chu ziâk teh. Mi khirhkhân deuhte enkawl dân i thiâm theih nâna finna pe tûr chein Pathian hnênah dîl ang che.

Nilâini: Tirhkohte 15:6-9 chhiâr la. Hnam dang mi ngaihtuah theih i nei em? Engtin nge i chhawnchhaih \hin? Engtin nge in vêla mîten an en \hin? Piân leh mûrna dang deuh neite i tlawhchhuah theih âwmte biakna remchâng i neih theih nân puitling lam berâwn lang. Hlen nghâl thuâi tûrin \an lâ ang che. Vawiin zirlaia tû hi nge nih i duh deuh a, eng vâng nge? Mi dangten dik lo taka an tihte thlavâng hauhsak thei tûra huâisenna pe tûr chein Pathian hnênah \awng\âi ang che.

Ningâni: Tirhkohte 17:26, 27 chhiâr la. Pathianin mi chitinte min pawmzia eng thû nge hêng chângte hian an sawi? Ram dang mî pen pal emaw Internet pal emaw neih theih dân kawng dap ang che. Pathianin mi tinte hmangaiha A pawm vek anga keini pawhin kan tihnaa A rawng kan bâwlsak theih avângin Pathian hnênah lâwmthu sawi ang che.

Zirtâwpni: Thupuan 5:9, 10; 7:9; 14:6 chhiâr la. Pathianin A mîte tâna A ruâhman chungchâng enge hêng chângte hian an târlan? Encyclopedia-ah emaw Internet-ah emaw, kan chênna khawvêla \awng hrang, hnam leh mihring awmzât enin hriât theih tum hrâm teh! Leia awm zawng zawngte hi vâna lâwn tûra sâwm kan nih vek avângin Pathian hnênah lâwmthu sawi ang che