Zirlai-5 2024 2nd Quarter Kindergarten Zirlai

ZIRLAI 5-NA May 04, 2024
ENG LAI PAWHIN, KHAWIAH PAWH

Chângvawn: “Ka hnênah \awng\ai ula, keiin ka lo ngaithlâ ang,” (Jeremia 29:12, NIV).

CHIBAIBÛKNA: Kan thiltih hmangin Pathian chibai kan bûk \hîn.
Chhiâr Tûr: Marka 1:35–38; Chatuan Nghahfâk, pp. 237 – 241.
Thuchah: Eng hunah pawh, khawi hmunah pawh Isua kan be thei reng.
Zìrlai Tùm: Naupangte chuan:
· |awng\aina hmanga Isua biak a pawimawh tih hria a,
· Khawi hmun leh eng hunah pawh \awng\ainain Isua kan be thei reng tih hriain,
· Eng hun leh hmunah pawh Isua biak duhna an nei reng ang.

Khawilai hmun nge fianrial deuh bera in hriat le? Pâwnlama kal in châkna hmun em ni? Thil in ngaihtuah vang vangna hmun reh tak a ni em? Isua pawh khân hmun reh nuam tak kal fona hmun a nei a ni.

Zân thim a ni a, a thim khawp mai. Zân lama hrâm \hîn savâte an hrâm a, khâute
pawh an hrâm chiah chiah bawk a. Mi tam zâwkte erawh chu tui takin an mu thung
a. Zîng lam thawh hun hmâ deuh a la nih avângin tui takin an la mu hlawm a. Keinî chuan ‘A la hmâ êm mai, zan lai a la ni a, thawh hun pawh a la ni lo!’ kan ti maithei a. Mahse mi tû emaw chu a tho tawh a, an khaw kawtthlêr kal tlangin khawi hmun emaw a pan mêk a ni. Mî ìnte chu kal pêl zêlin, khaw pâwn lam dâi chu a thleng a, tichuan tlâng lama \awng\aina tûr hmun fianriâl a pan zêl a. Chû hmun a thlen chuan a \hing\hi ta rap mai a ni.
Chû mi chu tunge in hria em? Isua a ni. Tûk tin hian Isua chu hmâ tâwk takah a tho \hîn a, tû mahin an thawh khalh ngai lo a ni ber mai. Chutiang hunah chuan bengchheng leh thâwm hriat tûr a la awm loh avângin nuâm a ti riâu va. Pathian nêna inkawmna hun atân hlim takin a hmang \hîn a ni.
Chhûn lamah hi chuan mipuite chu a hnêna lo kal khâwmin, a thusawi ngaihthlâkte an châk a, zawhnate pawh an zâwt bawk \hîn a. |henkhat phei chuan a tihdam tûrin damlote an rawn hruai a. Nangnî ang rual naupangte hian a thawnthu sawite ngaihnawm an tih êm avângin thawnthu sawi tûrten an ngên bawk a.
Isua khân thawnthu sawi a thiamin, nuâm a ti êm êm bawk a. Mahse chutiang mipuite nêna hun a hman hmâ chuan vâna A Pâ nên chauha inbiakna hun hman ngêi a duh \hîn a ni.
Isua chuan A Pâ hnênah a hmangaih thûte a hrilh a. A kiang vêla thil sual leh duhawm lo a hmuh chângte hian a rilrû a na \hîn tihte pawh A Pâ hnênah chuan a hrilh a. Mipui zînga damlo leh \anpui ngâite chungchâng pawh a hrilh bawk a. A châng chuan Amâ \hian bîk, a zirtîrte chanchinte pawh a hrilh a. A Pâ hnênah chuan chûng mîte chu a \anpui theih nâna chakna pe tûrin a dîl bawk a.
Isuâ \awng\aina chu Pathianin a chhânsak zêl a. Isua chu him tak leh rilru thlamuâng taka awm thei tûrin a \anpui bawk a. Chutianga Isua chu a \awng\ai zawh chuan, a thinlung chu hmangaihnain a khat liâm a. Mipuite rawng bâwlsak tûrin a lo ìnpeih diâm \hîn a ni.
Zîng hmâ takah hiah Pathian nên an ìnbe \hîn a. Chhûn lama damlote tidam a, mîte a \anpui leh zirtîrna a pêk laite pawh chuan, a rûk tê hian Pathian hnênah rilru \awng\aina a hlân \hîn a. Damlote tidam a, thawnthu inhmeh takte a sawi theih a, mipuite chunga hmangaihna leh ngilneihna a lantîr theih nân Pathian \anpuina a dîl \hîn a ni. Ni lêng hian A Pâ vâna mî nên chuan an ìnbe reng a ni mai.
Nangni pawh, Isua hi in be thei reng a ni. In lungngaih châng te, hlauhna in tawh châng te, in hlim viau laite pawhin in be thei reng. In awmna hmun apiangah, sikul in kal lai te, motora in chuân lai te, \hian in kawm laite pawhin Isua hnênah thil in hrilh thei. Mahse Isua ang khân urhsûn deuha Isua in biak theihna tûr hmun remchâng bîk, hmun fianriâlte in zawng thei a. Chûng hmunah chuan kalin Isua chu be \hîn ang che u. Anî chuan in thusawi chu \ha takin a lo ngaihthlâksak ang che u a, hmangaih leh duhsak takin thil a tihsak dâwn che u a ni!

Sunday: In fâten Sabbath sikula an siam ‘praying hands’ an sem paha chângvawn sawi tûrin \anpui la. Bible thawnthû ennawn ula. In chhûngkua in \awng\ai theihna hun leh hmun sawi ho ula [Eng hunah leh khawi hmunah pawh a ni vek.] In \awng\ai ho hmâin ‘|awng\aina’ lam hlâ sa ho ang che u.
Thàwh\annî: A theih chuan, zîng hmâ deuh takah, in zirlai Bible châng Marka 1:35-38 chhiar ho ula. Zîng hmâ tak chungchâng hi in fâte nên sawi ho ula. ‘Zîng’ tih lam hlâ in hriat apiang sa ho ula, zîng êng avângin Pathian hnênah lâwmthû sawi ang che u.
Thàwhlehnî: In fâte chu tui chhêm puârtîr ula. An chhêm puâr leh dâwn apiangin Isuâ hnêna lâwmthu sawina chhan tûr ngaihtuah zêl tûrin in ti dâwn nia. In chhêm puâr chu eng zât nge chhiar ula, \awng\ainain in khâr dâwn nia.
Nílâinî: Sava hrâm rî ngaithlâ ula. Hrâm dân chi hrang engzât nge in hriat theih? Zawh tûr: “Zînga Isua a thawh khân eng thâwm nge a hriat in rin? Eng thíl dîlin nge a \awng\ai in rin? Pâwna in la awm laiin, savâte avângin Isuâ hnênah lâwmthû sawi ang che u.
Níngãnî: In fâte chu \awng\aina hmun remchâng bîk thlang tûrin ti ula. Chutiang hmuna \awng\ai lai lem entîr tûr che uin ngên ula. |awng\aina lam hlâ saho ula, chutah khawi hmun leh englai pawha in chhûngkaw \awng\aina a ngaihthlâksak che u avângin Isuâ hnênah lâwmthû sawi ang che u.
Zìrtâwpnî: In chûngkaw worship neihnaah, in Bible thawnthû hi lemchana hmang tûrin in fâte chu \anpui ula. Heta ‘|awng\ai Kaihhruaina’ hi zuiin, \awng\aina hun in hmanpui dâwn nia: Adoration (Fakna); Confession (Inpuânna); Thanksgiving (Lâwmthu sawina); Supplication (Dîlna). Zaizir hmanga chângvawn i sawihona chu in fâte inkaihhruaitîr ula. Fakna hlâ saho ula, chutah \awng\ainain in khâr dâwn nia.