Zirlai-5 2024 2nd Quarter Primary Zirlai
ZIRLAI 5 MAY 4, 2024
MIN HMANGAIH EM?
CHÂNGVAWN: “Isua chuan, . . . ‘Min hmangaih takzet em? . . . Ka beramte enkawl rawh,’ a ti leh a.”
(Johana 21:16, NIV).
Chhiar Tur: Johana 21:1-17; Chatuan Nghahfâk, pp. 809-815.
A Thu Zirtîr: Midang kan enkawl hian Pathian rawng kan bâwl a ni.
Miin zawhna ngai hlir an zawt nawn an zawt nawn ngai tawh che em? ‘Ka chhanna hmasaber kha
an hre ve lo emaw ni?’ tiin i ngaihtuah rum rum mai thei. Isuan Petera hnênah zawhna ngai chiah vawi
thum a zawt nawn a.
PETERA chu a awm hle hle thei tawh lo. Zirtîr dangte hnênah chuan, “Sangha manin ka kal teh ang,” a ti
a. Sangha a man chuan thil eng emaw tal a ti dâwn tihna a ni. Isua an khenbehna chin kha hun eng emaw
chen a liam tawh a. A Thawhlehnî hnuah \um hnih lai an hnênah a rawn inlar tawh a. Amah han hmuh
leh a, a nung leh tak tak a ni tih hmuh chu a ropui hle.
Petera’n \um thum zet a phat chungchang kha Isuan a la sawi lang miah lova. Kha thilthleng avanga Petera zahna pawh kha a la reh lo. A thiltihte a thlir letin a inzahpui ngawih ngawih a ni. Pathian hnênah ngaihdam a dil tawh a. Mahse Isuan erawh chuan a ring leh tawh ngai lovang a ti tein a ngaihtuah mai thei. Zirtîr dang tu tuin nge a thiltih kha hre ve ang aw? Ti tein a ngaihtuah mai thei bawk. A inchhir ziate hi an hriatpui a ngem le?
Zirtîr \henkhatte chuan Petera ruala sangha man ve mai zai an rel a. Tichuan ni tlak rualin Petera
lawnglengah chuan an lawnkai hlawm a. Thli chuan kar lovah tui chungah chuan a len kal ta duai duai a.
Zankhuain lêng an dênga, mahse pakhat mah an man lo. Petera chuan chu zan chu kan va hah thlâwn tak
êm, a ti ngei ang.
Atûk zîngah, ni chhuah rual chuan kutruakin vaukam lam chu an pan ta a. An lawnglengin vaukam a hnaih telh telh chuan, \iau phova mipakhat ding hi an va hmu a. Chupa chuan, “Sangha in man mial lo maw?” tiin a lo au va.
Zirtîrte chuan, “Man lo, pakhat mah kan man lo,” tiin an chhang a.
Chupa bawk chuan, “lawng dinglamah khan in lente kha han deng leh teh u. Eng emaw zat in man
mai ang,” a ti a.
Chupa tih lawmnan chauh pawh chuan a ni mahna. Anih loh vek leh, han tih leh hram chu an duh ve hrim
hrim te pawh a ni ang. Engvang pawh chu ni se, chupa sawi ang chuan an han ti leh a. An lente chu sanghain a khat ta thuai mai! An lente chu lawnglengah chuan an hnuk kai zo lo ta hial a!
Johana chuan chupa chu tunge anih a hre chhuak ta thut a, Petera hnênah chuan, “Lalpa a ni ngei mai,”
tiin a hrilh a.
Isua hmel a han hmu leh chu Petera chu a lawm hle mai! Isua chuan a lo nghak reng a! Lawngleng chuan vaukam a hnaih ta hle bawk a, Petera chuan a nghak zo ta lo. Lawngleng a\ang chuan a zuang thla a, Isua lamah chuan theih tawpa chakin a phei a.
Midangte chuan lawngin an rawn zui a. Vankam an va thlen chuan Isuan mei a lo chhem hluah tawh a. An
tuk\huan ei atan sangha a lo rawh hminsak diam bawk a. Chang tlem nen sangha chu tui ti takin an ei ta a.
Tuk\huan an eikham hnu chuan Isua chuan Petera lam a hawi phei a. “Hengte ai hian min hmangaih takzet em? Tiin a zawt a.
Petera chuan rang takin, “Aw, Lalpa, Ka hmangaih zia che I hria a lawm,” tiin a chhang a. Isua chuan Petera mitah tak en chungin, zawite hian, “Ka beram note te chawm rawh,” a ti a.
Isua chuan Petera hnênah, “Peter, min hmangaih tak tak em?” a ti leh a.
Petera chuan, “Aw, LALPA, Ka hmangaihzia che chu I hria a lawm,” tiin a chhang leh a.
A vawithumna atan Isua chuan, “Peter, min hmangaih em?” tiin a zawt leh a.
Petera chuan a ngaihna a hre ta lo. Isua chuan a ring zo tawh lo a niang a, ti tein a ngaihtuah ngei ang.
Engvangin nge vawi thum lai a zawh nawn le? Peteran vawi thum lai a phatsan vang kha a ni thei angem?
Vawithum lai Isuan thu ngai hlir a zawh nawn avangin Petera rilru chu a na hle mai a. Rilru hrehawm tak chung hian Petera chuan, “LALPA, Nangin engkim I hria a law; Ka hmangaih che tih pawh I hria e,” tiin a
chhang a.
Isuan, “Ka beramte chawm rawh,” a ti a.
A tawpah chuan Isuan Petera hnênah, “Mi zui rawh,” a ti a.
Tichuan Isuan a ngaihdam thlap tawh tih Petera chuan a hre ta a. Isua chuan amah zui turin Petera chu
a la duh tlat a.
Engvangin nge zirtîr dangte awmlaiin khang zawhna kha Petera a zawh? Petera a ngaidam thlap
tawh tih an hriat theih nan a ni.
Tin, Petera hnênah dawhtheihna te, lainatna te, leh ngaihdamna te zirtîr a duh bawk a. Chung zawng
zawng chu hun lola kal turah Petera chuan a mamawh dâwn a ni. Isua tan hna tam tak thawh tur a nei a. A
thih hma zawng Isua ringtu mithar tam tak hruai a a enkawl a la ngai dâwn a ni.
Isua pawhin thil pawimawh bik deuh hre ve turin min duh. Amah zui a a rawng bawl turin tihtur pakhat
chiah kan nei – thinlung zawng zawnga Amah hmangaih a ni. Chutiang taka kan hmangaih phawt chuan,
midangte kan ngaih chakna kan nei ang.
TIHTÛRTE
Sabbath
- In chhûngte nen In zirlai ah thawnthu awn hi chhiar ho ula, midang i ngaihsak theih dante in sawi bawk dâwn
nia. - In chângvawn kha in chhûngte zirtîr ula, group hnihah in \hen ula:
- Group khatin ti hian sawi se: Isuan ti hian a ti leh a. . . . . . . . . . . . . min hmangaih tak tak em?
- Group dang leh in : Ka beram te enkawl rawh u. Johana 21:16.
Sunday - Johana 21:1-14 hi chhiar in sawi ho teh u. Isuan engtin nge a beramte a enkawl?
- In chhungin infiam teh u: Ball te tek te ngaihtuah teh u. Mi pakhat khan ransa hming sawi se, chu mi chu ball pass rawh u. A dawt leh ami khan a ei duh zawng sawi leh se chuan pass leh rawh u, chutiang a in tih pah chuan in ti rang tawlh tawlh dâwn nia.
Thawh\annî - Johana 21:15-17 hi chhiar in sawi ho teh u. Vawi engzat ngr Isuan Peter a bulah min hmangaih em tih a zawh? Ti nge chutiang a tam chu a zawh?
- Sabbath school ah beram lem i siam kha mi pakhat tal tunkar hian entir teh u. Isua leh peter a chanchin hrilh ula, chuan midang puih i tum na kawngah i in \anpui tir dâwn nia.
Thawhlehnî - Sâm 23 hi in chhûngte nen chhiar teh u. Beram vengtu \ha isua khan kan tan enge min tih sak? Midang beram leh kel te venpui turin engte nge kan tih theih?
- Ransa i enkawl chak zawng awmna bu ngaihtuah teh u. Chu ransa chuan enge a ei? A vun leh a hmul te kha a bik ah enkawl an ngai em? Khawi ah nge awm an gnaih \hin? Eng nge a dang a tan i tih sak?
Nilâinî - Chhûng inkhawm laiin, Isua an ka duh tih emaw Isua hnênah i thinlung pe rawh tih emaw Isua zui ka tum tawh tih hla sa ho rawh u. iIn chhûngte khan , an hla sak kha an ti tak tak em?
- In zirlai ah thawnthu awm kha han chang chhuak ho teh u.
- |awng\ai hma in In chângvawn kha in ennawn leh dâwn nia.
Ningânî - Isuan ti rawh u a tih te kha ngaihtuah chhuak ho teh u. Engzat a tam nge hmaih miah lo ah i tih \hin? A chang chang in? leh tih ngai miah loh te?
- 1Korin 13:1-3 hi chhiar ho teh u. Hmangaihni tel lova midang thil tihsak chu . . . . . . . . . . ang a ni.
Milem i ngaihmat zawng tak zial rawh u. Midang tan hmangaihna tel in nge tel lovin thil i tih sak \hin?
Zìrtâwpnî - In chhûngte nen Johana 1:29 leh Thupuan 5:12, 13 hi chhiar in sawi ho teh u. Helai chang ah beram hian tu nge a entir? Beram chuan in chhûngkua tan eng thilte nge a tihsak tawh? Beram chu tunah khawiah nge a awm a, chu hmunah chuan enge a tih?
- Pathian fakna hla sa ula, chuan beram kan ta ah thi tur a, rawn tîrtu Pathian hnênah lawmthu sawi rawh u. A nung leh a min enkawl tak avangin lawmthu sawi bawk ang che u.