Zirlai-6 2024 2nd Quarter Craddle Roll

ZIRLAI 6–NA
ISUAN A |HIANTE A |ANPUI

Changvawn: “LALPA chu mi \anpuitu a ni, ka hlau lo vang,” Hebrai 13:6.

Bible Chang: Luka 5:1-11.
ZIRLAI TUM: Isuan min hmangaih avangin min enkawl \hina, buaina hunah pawh min \anpuiin, tihdan tur min hrilh zel ang.

NU & PATE TAN: Fate taksa lam \hanlen chhohna leh nungchang \hanlenna hi thil kal dun a ni. “Taksa hriselna lama thil \angkaite hi nungchang inchawih tawk leh, rilru chak neihna turin an \angkai em em a ni …………… chuvangin nungchang ang bawkin, hriselna pawh hi vawn\hat tlat tur a ni.” Indona Ropui, pp.360,361.
I fate an hrisel \hatna turin eng thil nge i tih theih ang le? 1) Chaw-inchawih an eiin, thilthlum ei leh, chaw ei kar laka thil ei an pumpelh tur a ni. 2) Chhun nilengin tui an in tam tawk tur a ni. 3) Nitin thil ei leh in, mut leh chawlh hun chenin hunbi mumal tak an nei tur a ni. 4) Zanah hma taka mut leh, hun hman dan thlak thut thut loh tur. 5) Inbualfai fo leh, thawmhnaw fai inbel \hin. 6) Boruak \ha leh thengthaw hmunah infiamtir \hina, a tam thei ang ber an tihrawl leh fukete hmantir \hin tur. 7) Rilru sosang phut leh thinrim thut ang chi hi pumpelh turin \anpui la, rilru dam taka thil an tih theihna turin \anpuia, TV entir lam aiin Pathian thilsiam enpui \hin tur.

TIH TUR: Isuan i fa A enkawl dan kawng khat chu taksa chak A pe kha a ni. An kut leh kete leh an thahruite midangte \anpui nana an hman theih nan zirtir la, fuihin fak fo bawk ang che. Nuihzat ngai suh. Lemziak lamte an thiam theih nan, kut lemte ziahpuiin, mi \anpui nana hmang turin zirtir la, chutiangin ke lemte pawh. Hetanga an kut leh kete midangte \anpui nana an hman hian Isua chu A lawm a ni tih pawh hrilh ang che.

BIBLE THAWNTHU: Petera te, Johana te, Jakoba-te hi sangha mantu an ni a. Nitin hian len dengin sangha an man \hin a ni. Isua \hiante an ni a, Isua kalnaahte an kal ve \hin. A chang chuan Isua pawhin an hna-thawhnaahte pawh A \anpui ve \hin. An inkawmngeih em ema, thil an ti ho dial dial \hin a ni.
Anni pathum hian lawng lianpui an neia, tuiah hian an kara, an khalh kal ruau ruau \hina. Tui thuk lamahte khalhin, lente an denga, sangha mante hi an thiam viau mai a ni.
|umkhat chu sangha an man hlei thei hauh lo maia, beisei deuhin an han deng leh \hin, an man thei chuang si lo. Zankhuain an beia, mahse an hlawhchham der mai a ni.
“Khawnge sanghate hi an tawmbo zawh niang aw? Engatinge kan man theih miah loh niang aw? Ka va ning deuh tawh tak em? Mahse tlem tal kan man loh chuan a \ha lovang” te an ti a. Sangha tamtak mana, lawnga han phurh thur thur maite an chak hle a. mahse an man thei bawk si lo. “Hetia sangha kan man theih loh chuan Pawisa pawh kan nei thei dawn lo a nih hi” te an ti a. An beidawng hle tawh a ni. Khua a lo vara, khawmual lam panin an lawng an kara, an len chhe laite siam\hat an tum hman tawh a ni.
Isuan A \hianten sangha an man thei lo tih A hriat chuan A khawngaih em em a. “Khawnge ka \hiante hi an beidawng em mai, ka’n \anpui teh ang,” a ti a. Petera hnenah chuan, “I len kha han deng leh teh, sangha tamtak i man dawn nia.” A ti a. Zankhuaa beidawng taka lo deng tawh kha an ni a, len han den leh pawh chu a phur vak tawh lo a ni.
Petera chuan, “LALPA i thuawihin ka’n deng leh ang e, nizan lam kha chuan kan man thei reng reng lo a ni,” a ti a. Len chu li thuk lamah chuan a’n vawrh lut leh ta chhak mai a. Aman angem le? Petera chuan man pawh a inring lutuk lova, a len chu han hnuhchhuah leh mai a tuma, mahse a hnuk chhuak thei ta lo, a \ang tlat mai a ni! A len chu a che luih luih maia, len chhungah chuan sangha hi a lo tam em em maia, chuvang chuan Petera chuan a hnukchhuak zo lo a ni. A len chu a chat deuh pheuh pheuh ta maia, a \hiante \anpui a ngai hial a ni.
Tunah chuan an \hianho chu an hlim tlang ta hle mai, an nui var var tawh mai a ni. Bazara zawrh tur sangha tamtak an nei ta a. Pawisa pawh tamtak an nei thei dawn ta ni. Peterate chuan lawng danga an \hiante chu anmahni \anpui turin an kova, “Min lo \anpui rawh u, hei sangha kan man hnem khawp maia, kan lawngah pawh a leng dawn lo, a pil mai dawn,” an ti a.
A \hiante chu an lo kal thuaia, khawmual lamah chuan zawimuangin an chhuahpui thei ta hram a ni.
Tuman chutiang zozaia tam sangha chu an la man ngia reng reng lo a, mak an ti hle mai a ni. Isuan A mantir a nih kha maw? Petera chuan “LALPA, sangha tamtak min mantir avangin ka lawm em em e,” tiin lawmthu a sawi a. Petera te, Johana te, Jakoba leh an \hiante chuan Isua hnung an zui ta zel a ni. An hmangaih em ema, a thu pawh an awih a ni.
Nangni pawh \anpui in ngaih hun apiangah Isua hnena \anpu in dil chuan A \anpui dawn che u a ni.
Isua chuan kan vai hian min hmangaih \heuha, kan nu leh paten min hmangaih aia nasain min hmangaih a ni. Midangten min \anpui theih loh lai pawhin Isua chuan min \anpui thei renga. A hnenah \awng\aia, “Min \anpui hram ang che” tia kan ngen phawt chuan A vantirhkohte A rawn tir anga, min \anpui zel mai dawn a ni. Chutiang chuan Isua chu in au ve angem le?
In damloh emaw, hlauhna hmunah in awm emaw, \anpui in ngaih reng rengin, Isua hnenah \anpui tur che uin han ngen ulang, A \anpui zel mai ang che u. Changvawn emaw Bible thu hriat mai theihloh chang in neih pawhin, Isua hnenah vawn theihna emaw hriatreng theihna emaw in dil \hin anga. Ani chuan hriat theihnate A pe mai dawn che u a ni.
Chutianga Isuan a \anpui che u chuan A hnenah, “LALPA Isu, min \anpui vangin ka lawm e,” tiin A hnenah lawmthu sawi leh zel tur a ni.
Isua hnena lawmthu sawi tum zawng chu in ban han phar teh u! Chutianga in tih \hin chuan Isuan fel a ti hle ang che u.