Zirlai-6 2024 2nd Quarter Kindergarten Zirlai

ZIRLAI 6-NA May 11, 2024
BIAK INAH ISUAN LEHKHA A CHHIâR

Chângvawn: “Hawh u, Lalpâ inah i kal ang u,” (Sâm 122:1, NIV).

CHIBAIBÛKNA: Kan thiltih hmangin Pathian chibai kan bûk \hîn.
Chhiâr Tûr: Luka 4:16 – 22; Chatuan Nghahfâk, pp. 214 – 221.
Thuchah: Sabbath Sikulah leh Biak Inah Pathian chibai kan bûk \hîn.
Zìrlai Tùm: Naupangte chuan:
· Isuan inkhâwm leh Pathian Thú zìr a ngai pawimawh tih hriain,
· Mi dangte nêna inkhâwm leh Pathian chibai bûk nuam an ti ang a,
· Sabbath Sikul leh inkhâwm dangah phûr takin an tel \hîn ang.

Sabbath Sikul leh Biak Ina nuâm i tihzâwng chu eng thil nge ni le? Hla sakhote nuâm i ti em? Thawnthu ngaithlâk em ni zâwk? |hiante nêna ìnkhâwmhote hi nuâm i ti êm? Isua pawh khân Sabbath nîa inkhâwm hi nuâm a ti thei hlê \hîn a ni.

Kâr tluanin Isua chu mistiriten thil an siamna hmunah hian hnâ a thawk \hîn a. A buai
vê thei khawp mai! Mahse Sabbath nî a lo thlen tawh hi chuan, hnâ a thawk tawh
ngai lo. Zirtâwpni tlâia a hnathawk a bân vêleh hian, thil rêng rêng hi a senghawi fel vek a. A hnathawhna hmun chu fel fai takin a kalsan \hîn a ni.
Sabbath nî a nih tawh chuan, a chhûngte leh \hiante nên Isua chu an inkhâwm ziah a. Biak Inah chuan mîten Pathian Lehkha bu ziâla Pathian thû an chhiar chu an ngaithlâ a. Chutianga thawnthûte chu ngaithlâin, an sawi hoin, \awng\ai honate pawh an nei bawk a. Isua pawh khân an khuâ Nazareth Biak Ina inkhâwm kha nuâm a ti thei hlê \hîn a ni.
A lo puitlin hnû khân, Isuan an khuâ a chhuahsan a. Tûnah chuan khaw dang mîte a \anpui a hun vê tawh a ni. A kalna hmun apiangah, Biak Inah a inkhâwmin, Pathian hmangaihna thûte a zirtîr zêl a.
Chutianga khaw danga a zin kuâl hnû chuan, anmahnî khuaah a hâwng leh a, chuta a chhûngte leh \hiante chu a tlawh a. An khuaa mîte a hmu leh chu nuâm pawh a ti khawp mai! Nazareth khuaa mîte hian khaw danga a thil tih leh thusawite chu mî sawi an lo hre vê a. Damlo a tihdam thûte pawh an hria a. Mi tam tak a \anpui chanchinte pawh an lo hre bawk a.
Tichuan Sabbath nî chu a lo thleng thuai a. An khaw Biak Ina Pathian chibaibûk chu nuam a ti êm êm a. Mîten amah an hmu leh pawh chu an hlim tlâng hlawm hlê bawk a. Pathian Lehkhabu zial chu chhiar tûrin an ngên a.
Isua chuan Pathian Lehkhabu zial chhiar chu nuâm a tìhzâwng tak a ni a, Biak Ina mîte \anpuite chu a châkzâwng a ni bawk.
Biak Ina rawngbâwltu chuan Lehkhabu zial chu Isuâ chhiar atân a phawrh a, zâwlnei Isaia bû a lo ni a. Lehkhabu chu lek kângin a chhiar \an ta a ni. A âw lah chu a ngaihnawmin, a fiah \ha hlê mai bawk a. A chhiar zawh chuan lehkhabu chu rawngbâwltu hnênah a pê a. A \hû a, a thu chhiar tâk chungchâng chu a sawifiah zui nghâl a.
Keinî pawhin Sabbath nîa inkhâwm kan châkin, nuam ka ti \hîn a ni. Kan chhûngte leh \hiante nêna Pathian chibaibûk chu nuâm kan tihzâwng a ni bawk a. Pathian fakna hlâte phûr taka sâin, chutiang chuan Pathian hnênah, “Ka hmangaih che,” tih kan hrilh a lo ni bawk a. Thawnthu sawite kan ngaithlâk bâkah, kan \awng\ai a, Isuâ tihdân ang khân Pathian kan bia tihna a nih chu! Sabbath nî hi hlimna nî a ni!
Sabbath nîa inkhâwm a, Sabbath Sikula in kâite hian, Isuâ hnênah, “Ka hmangaih che,” in tihna a ni tih hria ula. Taima taka inkhâwmin, fel taka awm in tum zêl dâwn nia.

Thàwh\annî: In fâte chu Luka 4:16-22 kêusak la. |henkhat lai chhiarin, a \ûl dân angin sawifiah hlek hlek la. Isuâ chungchâng enge an lo hriat tâk zâwt hlawm ang che.

Thàwhlehnî: Hmanraw awm remchâng ang ang hmangin, biak in lem siam tûrin \anpui la. A chhûnga inkhâwm ni âwm takin eng eng emawte chu in ti vêl dâwn nia. Sawi tûr: Sabbath Sikulah leh Biak Ina chanvo kan lâk hian Pathian chibai kan bûk a ni.”

Nílâinî: In fâte chu Biak In lem siam/ziahtîr ula, a bang hmâiah chuan chângvawn in ziahtîr dâwn nia. Mi dangte hmuh theihna tûr hmun remchâng laiah khâi/târ ula. In \awng\ai ho hmâin ‘Biak In” lam hlâ in hriat ang ang in saho dâwn nia.

Níngãnî: In biak in lem leh mipui lem siam kha hmang \angkai leh ula. Chutah inkhâwmnaa thil tih âwm tûra in ngaih hlâ phuah chawp pawhin in saho dâwn nia: ‘This is a way we walk to church’ te, ‘This is the way we pray to God, pray to God, pray to God. This is the way we pray to God in church on Sabbath morning,’ tih angte pawh.

Zìrtâwpnî: In chhûngkaw worship neihnaah, in fâten an chângvawn an zirtîr theihna tûr che uin \anpui ula. Sabbath nî atâna in lo ìnbuatsaih lâwk dânte sawi ho ula. Pathian hnêna lâwmthu sawina lam hlâte sâin, Sabbath nî atâna A malsâwmna dîlin \awng\ai ang che u.