Zirlai-6 2024 2nd Quarter Primary Zirlai

ZIRLAI 6 MAY 11, 2024
NOVA’N LAWNG A SÂ

CHÂNGVAWN: “I duhzâwng tih mi zirtîr rawh, a Pathian i ni si a.” (Sâm 143:10, NIV).
Chhiar Tûr: Genesis 6; Thlahtubulte leh Zâwlneite, pp. 90-96.
A Thu Zirtîr: Pathian chhungkaw zinga mîte chuan A duhzawng tih an duh.
I nu leh paten thil ti tura an tih chein, i tih chhan tur zawt buai lovin i ti mai \hin em? An mahni i
hmangaih vanga ti i ni em? Nova chu Pathianin lawng lianpui tuk turin a ti a. Ka duh love a, pawh a
ti thei. Engtin nge a tih i rin?

PATHIAN ngaihsak mi hmuhtur an van viau lai khan, Nova erawh chu Pathian ngaihsak mi tak a ni a. He
khawvel leilung hi a la naupang hle a. Khawvel siam anih a\angin chhuan sawm chiah an la ral a. Mahse
mihringte suahsualna chu a nasat em avangin Pathian chuan thil engkim dinthar leh vek a duh ta rum rum
a. Mifel chhungkaw khat chauh he khawvelah hian an bang tawh a ni. Chumîte chhûng hmang chuan Pathianin mihring hnam zawng zawng leh thilsiam dangte chu a chhanchhuak dâwn a ni. Chumîte chhungkuaah chuan Nova leh, a nupui leh, a fapate pathum an awm a.

Nova hnênah chuan Pathianin khawvel tuileta tih chhiat vek a tum thu a hrilh a. Nova hnênah chuan lawng tuk turin a hrilh bawk a. Chu lawng chuan Nova, a chhûngte leh ransa chi zawng zawng te tuilet chhungin him takin a phur dâwn a ni. Nova lawng tuk tur chu lawng namai lo tak a ni dâwn a. Lian tak a ni! Football khelmual lian tawk pakhat leh a chanve tiata lian a ni a! Inchhawng chhawng li aia sang zawk ani bawk! Pathianin a sak dantur kim chang takin a hrilh thlap a, Nova chuan hna chu a \an ta.

Chutiang lawng lian sak chu a hna a hautak êm êm mai a. Reiloteah an chhungkaw hnapuiber a ni ta thuai mai. Nova Construction Company tih ruahmanna chu an chhungkaw ti ti hun rei tak a ni tawh a. Nova pu Enoka chu mithianghlim a ni a. Thihna a tem ve lohna turin Pathianin vanah a hruai chho daih a. Enoka hnênah chuan khawvel tuileta tih chhiat vek a tum chungchang hi Pathianin a lo hrilh daih tawh a ni.

Enoka chuan Pathian a ngaihsakna a chhungkaw thlah teah a chhawm nuntir zel a. A fapa Mathusela hnênah tuilet lo thleng tur chungchanga vaukhannate pawh a lo pe tawh a ni. Mathusela chuan chu vaulawkna thuchah chu a fapate hnênah leh a tupa Nova hnênah chuan a hlan chhawng ve leh a.

Nova chuan fapa pathum–Sema, Hama, leh Japheta te a nei a. Tichuan chhungkaw thianghlim pakhat, Pathian ngaihsak mi tlemte chu khawvelah an la awm ve \ang \ang a. Lawnglian tak sa turin Nova chu
theih tawp chhuahin an pui \hin a ni. Chu lawng chuan lei mihring hnamte leh Pathianin nungcha chi rang hrang a siamte hi a chhanhim dâwn a ni. Chu mawhphurhna chu a va han pawimawh tak em!

Nova leh a fate, a putea leh a pu te chu mihring ve mai an ni a. Kum 120 chhûng rim taka an thawh ho chhûng khan thu inhmuh loh fe fe chang an ngah ve ngawtin a rinawm. Mahse tihtur pawimawh tak an nei tlat a. Hmachhawp lianpui hlen chhuah ngei ngei tur an nei. Pathian ruahmanna zuia an thawh ho zel a \ul si. Pathian duhzawng ti turin an in remlohnate an theih nghilh a ngai \hin. Lawng an sak zawh hmain Pathianin Enoka chu vanah a hruai chho ta daih a. Nova chhûng dangte pawh chu an thi zo tawh a. Nova leh a chhûngte chauh chu an bang ta.

Lawng lianpui sa turin tih i ni ve ngai lovang. Tuilet lo awm leh tur atana nungchate chhan chhuak tura tih pawh i ni ngai hek lovang. Mahse Pathianin a mîte chu ti tura a tih ti turin a la ti fo va. A duhthusamte tih puitlina nih theih nan mîte chu lungrual taka thawk ho turin a la duh fo. Hna dang, midang nena lungrual taka thawh ho ngai chi hna thawk turte pawhin a ti ang che u. Lawng tuk tura thawhhona \ha mamawh ang zeta thawh hona \ha mamawh hna pawh a ni mai thei. Pathian duh zawng tih hi kan tana Pathian ruahmanna a la ni reng tho va. Nova Construction Company tan chuan Pathian ngaihchan leh A tana thawh kha a pawimawh êm êm. Keini tan pawh vawiin ni thleng hian a la pawimawh ve reng a ni.

TIHTÛRTE
Sabbath

  • A remchan chuan pawn hmun reh reih rawih ngaihtuah ula, chu lai hmun ah chuan In zirlai thawnthu kha in chhûngte i hrilh ve dâwn nia.
  • In chângvawn lam kha sawi ho ula, chuan in chhûngte zirtir ve rawh u. Zawh tur: Pathain in kan chhûngkaw tanah ruahman engtin nge kan hriat theih ang?
    Sunday
  • Genesis 6:1-8 hi chhûng inkhawm atan chhiar in sawi ho teh u. Tui let hma ah mihring chengho kha han sawi teh. Mihring sualzia Pathian in a hmuh khan engtin nge a tih a i rin? Noah kha engtin nge a ngaih ve thung?
  • Sabbath school ah hmanrua i cheh thlak kha mi tu emaw tunkar hian entir teh u. Noah lawng chanchin kha hrilh bawk rawh u.
    Thawh\annî
  • Genesis 6:9-22 hi chhûng inkhawm laiin chhiar in sawi ho teh u. Noah kha eng ang mi nge anih? Tu te nge a fate hming? Eng thing a\angin nge lawng kha an siam? Khawiah nge kawngka an dah?
  • Puitling hnênah khan Pathainin an thil hriatthiam vak loh ti tura a duh tlat \um nia an in hriat lai han zawt teh u. Emaw Pathain duh zawng ti tura nasa taka tur ni a, an in hriat \um zawt bawk rawh u.
    Thawhlehnî
  • Noah leh amah \anpuitu ten lawng an tuk lai ah an hnathawh hmingte sawi rawh u. Tunlai hian engtin nge thingtum an siam a, noaha keh a fate khan engtin nge an siam ve?
  • Pathian in a duh zawng ti tura a kaihhruai dan che tûnkâr chhûng hian thlir teh u. I tih tur (i nu thleng sil pui te, sawi ngai lo a i room tihfai te, in school-ah zirlai kal tharte \anpui). Eng te hi nge vawiin hian i tih ang?
    Nilâinî
  • Lawng kha chhawng thum a nei a-chhawng khatna, chhawng hnihna leh chhaawng thumna te an ni (Genesis 6:16). Noah leh a chhûngte kha a chhawng hnuai ber a\ang khan engtin nge a chung ber kha an kal? Lawng chung awm dan tur lem ziak teh le.
  • Noah an mipui ho \anpui tura a sawm a, an chhandan ho kha sawifiah emaw chang chhuak teh u.
    Ningânî
  • In chhûngte inkhawm laiin. Chutiang chu nih ka duh tih hla emaw Aw Lalpa min zirtîr rawh tih hla in sa dâwn nia
  • Lawng siam tur in i chhngte in puihtir teh u. Hmawlhte, chanchinbute, bawmte, hlum leh – thildang inah i hmuh theih hmangin siam rawh u.
    Zìrtâwpnî
  • In chhûng zingah tu emaw nen lawng lem siam dan kha chang chhuak teh u. Midang in thil tih kha in rinsiak tîr dâwn nia.
  • Zawhtur: Pathian duhdan chu kan chhûngkua tan a ni tih hi enge i ngaihdan ?
  • Pathian duhdan nitin ah thatho tak a i tih theih nan \anpuina dîl ang che u.