Zirlai-7 2024 2nd Quarter Craddle Roll

ZIRLAI 7-NA
TAN IN KAWNGKHAR INHAWG

Changvawn: “Vantirhkohin tan in kawngkharte a hawng a.” Tirhkohte 5:19.

Bible Chang: Tirhkohte 5:12-32.
ZIRLAI TUM: Isuan min hmangaih avangin min ngaihsaka, kan \awng\aina pawh A chhang zel ang.

NU & PATE TAN: I fate tan an khawih leh khawih loh turah ri i kham fel tawh mai thei a. I thu chu zuk leh thuai thuai lovin, thuawih lova a khawih luih chuan an kuta bensakte a \ul mai theia, chu ai chuan an rilru lakpensak mai kha a \ha zawk dawn a ni. Thinrim mai lovin, inngaihtlawmna, dawhtheihna leh \awng\aina nen ti zel ang che.
Mahni an inngaihhniamna tur zawng chuan ti lo la, “E khai hetiang chu naupang khawih chi a ni love, hawh i ball kha i pet dun zawk ang” tih leh tihawm dange hmangin i ti \hin dawn nia! I tihdan phung leh thil ngiatte thlak zung zung lovin, rilru nghet tak pu la. Thil \ha an tihin fak la, an thil \ha tih takah khan fak tum ang che. Hmangaihna leh fakna nen thil\ha ti turin i chawktho \hin dawn nia!

TIH TUR: Pathianin A awmpui reng \hin tih hrilh fo la. In chunga thil thleng leh an thil hriatthiam awlsam hmangin hrilh ang che.
1) Zanmut dawnah, Isuan vengin A awmpui \hin tih hrilh la.
2) Khawi hmunah pawh Isuan A awmpuiin a veng zel tih hriattir nan milemte entir la.
3) Anmahni vengtu vantirhkohte tihdan niawm takte zirin, anmahni pawh tihtir la.
4) In mamawh tinreng Isuan A pek theihzia lantir nan chutiang thil chu \awng\aia dilin, anni pawh telh ve \hin ang che.

BIBLE THAWNTHU: Petera chu a hma khan sangha mantu leh Isua \hian a ni tih kan sawi tawh kha. Tunah chuan Pastor ang hi a lo ni ta a, Pathian thute sawiin, Isua chanchin chu mite hnenah a hrilh \hin a ni. Isuan mi zawng zawng A hmangaihzia te, A \anpui leh, tihdam chanchin te a hrilh chhawng \hin a ni.

A thusawi ngaithlatu tamtak chuan Isua ringin, an hmangaih ve ta a. Isua chanchin hriat belh zel an chak a, Petera leh Isua zirtirte chu Isua chanchin sawi zel turin an ngen \hin a. Ngaihnawm an ti hle mai \hin a ni.
Mahselang mi \henkhat chuan an thusawi chu an awih ve duh lova, Isua pawh an hmangaih ve duh lo a ni. “Isua chanchin hi sawi sawi suh u” titein an hauva, sawi lo turin an khap tlat mai a ni. Mahse Petera chuan an thupek chu a awih duh lo. Isua chanchin chu a sawi zel thova. Chutia Isua chanchin a sawi zel avang chuan misualte chu an thin a rim hle mai a. Khap beh hmiah dan tur kawng an dap ta a ni.
Ni khat chu chutianga Peteran thu a sawi lai chuan misualte chu an lo kal khawm thut maia, an rawn man ta mai a ni. Lung In lamah an hruaia, an tantir ta tlat mai a ni. Petera \hianteho chu an lungngai em em maia. Isua hnenah \anpuina dilin an \awng\ai ta tliar tliar mai a ni. Misualte chuan a banah te, keah te kawl an buntira, an thlung tlat maia, tan in chhung ril deuh maia sipai nena thlun zawmin an kalhhnan tlat mai a ni. An tum dan chuan a tuka tihhlum an tum a ni.
Petera \hiante chuan tihdan tur an ngaihtuah ta a. Isua hi Pathian thiltithei tak A ni si a, a hnenah \awng\ai ilang, vantirhkoh rawn tira, Petera chhanchhuak turin ngen ila a \ha ang an ti a. Tichuan an vai chuan lungrual takin Petera tan an \awng\ai ta sup sup maia. Zingahte, chhunahte, tlaiah te, zanah te an \awng\ai zela, a chawl duh mai lo a ni. Isuan vantirhkoh A rawn tirha, Petera a rawn chhanchhuah hma chuan an \awng\ai ngar ngar mai a ni.
Ringtute \awng\aina chu Isua chuan A lo ngaithla renga, Petera pawh chu A khwngaih ve em ema, a hun takah a chhanchhuahtir dawn a ni.
Misualte chuan, “Naktuk chu Petera kan tihlum dawn nia” an ti a. Mahse chumi zan chuan Petera \hiante chu an \awng\ai nasa em ema, Isua chuan vantirhkoh pakhat hnenah chuan, “zuk kal la, tan ina Petera tang khu zu chhanchhuak rawh,” A ti a. Vantirhkoh chuan tan in hawnna tur chabi pawh a keng miah lova, mahse a lo thlen chuan tanin an kalh bur chu a inhawng ta nghal zel maia. Petera chu a hruaichhuak ta daih mai a ni. Petera tanaah chuan tangvengtu te pawh an awma, mahse Petera chhuahlai chu an hre miah lo a ni.
Vantirhkohin a chhanchhuah hnu chuan a kalsan leh ta a. Petera chu a \hiante \awng\aina hmun lamah chuan a kal nghal a. A \hianten Petera lochhuak an hmuh chuan an lawm em em mai a. An bengchheng deuh chel chul mai a ni. Mahse an thawm kha misualten an hria ang tih an hlauh avangin thawm dim turin an inhrilh a. Isuan Petera A chhanchhuahtir avangin an lawm em em a ni. Pathian hnenah lawmthu an sawi leh ta a ni.
Pathian thuawih miten \hahnemgnai taka Pathian hnena an dil phawt chuan Pathianin A tihsak zel dawn a ni. Nangni pawh in bulah Pathian Vantirhkohte an awm renga, an vengin an \anpui \hin che u a ni. Isua hnenah \awng\aia, \anpuina in dil chuan, A chhang zel dawn che u a ni.
Isua hnenah in \awng\ai \hin ang em le?