Zirlai-8 2024 2nd Quarter Junior Zirlai

ZIRLAI 8–NA MAY 25, 2024

MI TÂNG LUNGÂWI

CHÂNGVAWN: “Engang pawhin awm ila lungâwi ka zir tawh sî a. . . . Min tichaktû zârah chuan thil engkim ka tithei a ni,” (Filipi 4:11-13).

Chhiâr Tûr: Tirhkohte 28:16-31; Tirhkohte Thiltih, pp. 447- 460; Kan Thurin Bulpuite, No. 17, 11, 12.

Chakna Thû: Harsat berna hnuâiah pawh Pathian rawngbâwl zêl kan thlang thei.

Zirlâite Puâl: Thil a kal sual theih dân êm êm hi i ngaihtuah vê tawh ngâi em? |ha thei ang bera ti leh mai tûrin thutlûkna i siam a. Harsatna hnuâi a\ang pawhin Pathian chêtna i hmu thei em? Mi tâng ni chung pawha Paulan Pathian rawngbâwl zêl a tum dân leh a rahchhuah Luka ziak hi chhiâr zawm zêl ang che.

Rome Khawpui A Lo Thlenin

Rome sipai zahotu Julius khân min vêng ni tâin ka hriâ a, ani chuan Paula hnênah a thû chu nise a chhuah zalên nghâl daih ang tih a hrilh a. Paula chuan Rome khawpuiah hian Pathian hnâ thawh tûr a neih avângin a chhuahsan chuâng lovang tih a hrilh thung a. Chutiang a nih avâng chuan a lâwm tho a ni tih a hrilh a. Chutiang rilru tluâng tak a pu thei reng mai chu mak ka ti khawp mai.

Khawpui kan thlen chuan sipai zahotu Julius chuan lalber tânina Paula tântîr vê lova, sipai pakhat lek vênna hnuâia inluah hawha chên a phalsak a. In luahlâi pakhat min hmuhsak a, chutah chuan Paula chu tlêma nuâmsa zâwk deuhin a awm thei dâwn a. Tlân bo thei lo, a hminga tâng ang lek a ni. Chutiang chu sipai nêna khâidiâta thlun zawm, mahse a hnêna lo lâwi lût duh apiangte hnêna duh duha Pathian thu sawithei tihna ang deuh a ni.

Ni Thum Hnûah Chuan

Paulan Rome khawpui a lo thlenin chuta Juda awmte chanchin a zâwt a. Juda mi \hahnem tham tak an awm tih a hriâ a. A \hiân hnâi tak pahnih Priskili leh Aquila-te, Rome khawpui a\anga hnawhchhuahte kha a ngaihtuah chhuâk a. Khawi hmunah pawh Pathian rawng hi a bâwl theih zêl tih a ngaihdânte pawh a sawichhuâk leh a. A ngaihdân chu ka pawmpui a ngâi tlat a ni.

Vawiin chu Paulan Juda hruâitûte hmuh \ûl tlatin a hriâ a. Jerusalama thilthleng nih dân dik tak an hriât \ûlin a hriâ a. An lo thlen khâwm tâkah chuan, a tân chhante fimkhur leh tluâng thei ang berin a sawichhuâk a. A chanchin Jerusalem lam a\anga an lo la hre lo chu mak a ti angreng khawp mai.

A thurin a târlana, an Nghahfâk Messia lo kal tawh anga a sawi chu mak an ti deuh a. Man leh tântîr a nih chungchâng lam zâwt ta vak lo chuan Isua chu an Nghahfâk Messia niâwma a ngaihna chhan an zâwt zâwk a. Ni hnih chhûnga amah rawn hmuh leh tûrin Paulan a thlah a.

Ni Hnih Hnûah Chuan

Paulan Nazareth Isua chu zâwlneiten a chanchin an lo sawi Messia chu a ni tih huâi takin a sawi a. Roman Judate chuan zawhna fing tak tak an zâwt a. |henkhat chuan an âwih deuh nâin, a tâwpah chuan a tam zâwkte chuan an âwih duh ta lova. Paula chuan Isaia hrilhlâwknaa* an âwih lohna thû a kawhhmuh a. A tâwpah phei chuan ‘Chhandamna hi Jentailte hnênah pêk a ni tih hre rawh u’ a ti deuh ta phiâr phiâr a. A thu ngaithlatûte chuan eng hûah tehvak an ngâi lo.

Paula chu a beidawng fû a ni tih ka hriâ a, mahse ani chuan a pawi tih vak loh thû a sawi a. Remchânna a neih ang apiang chu a thu hriat puân nâna a hmang chu \hâ a tih thû a sawi zâwk a.

“Hê in lah hi i chhuahsan thei bawk sî lova?” tiin ka’n zâwt a.

Chuta min chhânna chu engtikah mah ka theihnghilh tawh lovang. Kawlbun chunga \hûin, engang harsatna pawhin chîm vêl mah se amah tichaktu chu Krista a nih tlat avângin Kristá chanchin chu a puâng zui zêl dâwn tih a sawi a. Amah vêngtu sipai pawh chu ka’n en a, Paula thusawi chuan a hneh vê hlê tih a hmêl a\ang chuan ka hmu thei a ni.

Kum Hnih Hnûah Chuan

Vâwiin chu Jerusalem a\angin Judate an lo thleng a. An lo thleng chu a pawi hauh lo chu a ni chiah lo. An lo kal har deuh avâng khân hnâ chu hmun tinah chak taka kalpui a ni hman tawh tho sî a. Paulan kohhran a din hrang hrangte hnênah fuihna lehkha a thawn kim vek hman a. Chûng hmunah chuan thawktûte tîrin, an tlawh remchân lohna hmunah pawh lehkha chu a thawn tho a ni. Hotupaber chu kawlbunin a awm tlat sî! Tûnah chuan a hmâ kum hnih vêl kal tâa Paulan engkimah lungâwi zêl ka zir tawh a tih awmzia kha ka hrethiâm vê ta deuh a. A hrisêlna a \ha vak lo chungin hnathawhna atâna LALPAN a tihchak dânte ka hmû a ni.

Timothea te, Marka te, Dema te leh Tukika-ten min awmpui \hîn a. Marka pawh a lo danglam nasa tâin, LALPÂ zârah a lo puitling ta hlê a ni. Paula tân pawh a inpezo hlê a. Paulan amah âia pên khata kal hmâ tûra a lo tih chhante pawh tûnah chuan a manthiâm tâ!

Paula chuan tlawhtu a nei deuh reng a. Eng emaw chângte phei chuan an lo kal zin leh an \hathnem deuh avângin \ha lo ka tihsak deuh hiâl zâwk \hîn a. Ram hruâitu lûte meuh pawhin ani âiin tlawhtu an ngah chuâng âwm love! Eng emaw chânga châwl tûra ka tih loh phei chuan, zan khuâ khuâ hian thû a sawipui mai \hîn a! Phun deuh niah niah hian mi â a nih bîk loh thûte a sawi a, mahse kei chuan doctor thurâwn a pawm loh chuan a la â thei mai ang tihte ka hrilh \hîn a ni.

Vawiina chutiang thû ka’n sawi leh chuan min hniâl a tum deuh a ang hlê mai. Mahse inbengdâiin, “Nang zawng doctor satliah mai pawh i ni lova, \hiân rinawm tak pawh i ni bawk a ni,” min ti ta zâwk a. Nakin hnû deuhah phei chuan, ‘doctor duhtak’ min ti vê ta hiâl a ni. Hei leh chen ka awmpui thei hi lâwmawm ka ti hlê a. Pathian rinchhanna kawngah hian a lakah thil tamtak ka zirchhuâk a, harsatna tlâkbuâkna hnuâiah pawh A rawngbâwl zêl dânte pawh ka zir bawk a ni.