Zirlai-8 2024 2nd Quarter Kindergarten Zirlai

ZIRLAI 8-NA May 25, 2024
LâWMTHU SAWI NACHâNG HRIA

Chângvawn: “Pathian, kumkhuâin lâwmthu ka hrilh ang che,” (Sâm 30:12, NIV).

CHIBAIBÛKNA: Kan thiltih hmangin Pathian chibai kan bûk \hîn.
Chhiâr Tûr: Luka 17:11-19; Chatuan Nghahfâk, pp. 240-243, 328.
Thuchah: Isuâ hnêna lâwmthû kan sawi hian chibai kan bûk a ni \hîn.
Zìrlai Tùm: Naupangte chuan:
· Isuâ hnêna lâwmthu sawi hi A lâwmzâwng a ni tih hriain,
· Isuâ hnêna ‘Lâwmthu Sawi’ an ngai pawimawh ang a,
· Nî tina Pathian hnêna lâwmthu sawiin an fak \hîn ang.
Tû hnênah emaw thil \hâ eng emaw tak i pêka lâwmthu sawi nachâng an hriat loh i tawng tawh ngai em? |um khat chu Isuan mi eng emaw zât a tidam a. Engtin nge an tih i rin le?
Isua leh a zirtîrte chu Jerusalem lam
panin an kal a. Kal kawngah chuan
thingtlang khaw lian vak lo an thleng a, chuta mipa 10 lo awmte chuan hla tak a\angin an lo âu va. “Isu, Zirtîrtu min khawngaih rawh!” an ti a.
An hmâiah te, an kutah te leh an kêahte chuan pân an neih avângin, Isua chuan phâr natna an vei a ni tih a hre nghâl a. An taksa chuan hriatna mûmal pawh a nei meuh lo. An kête leh kutte an tihpem pawh hian eng mah nâ an hre ngai lo. An kut zung\angte hi mei-alhah hliâu pawh ni se nâ an hre thei chuâng lo.
Chû pawh chu thil pawi ber a la ni lo cheu mai. Isuâ hun laite kha chuan phâr natna vei rêng rêng hi khaw chhûngah an chêng vê thei lo va, mi dangte chu phâr natna an kâi ang tih an hlauh avângin an chhûngte bulah pawh an chêntîr ngai lo. Khaw pâwna an awmna tûr an siamah chuan an chhêng a, an chhûngte chuan an eitûrte va pêin, an tlânchhiatsan lehnghâl daih \hîn a ni. Hre lâwk lova tûten emaw an awmna kiang an va kal hnaih chângte pawhin, “Mi bawlhhlawh ka ni! Mi bawlhhlawh ka nî!” tiin an lo âu zêl tûr a ni bawk. Chutiang chuan an kalsan thuai \hîn.
Hêng phâr sâwmte hian Isuâ chanchin an lo hre vê tawh a. Mi tam tak a tihdam thûte pawh an hre bawk a. Anni pawh hi han tidam vê se an duh hlê a. Chuvâng chuan hetia râla an hmuh pawh hian a khawngaih dîlin an lo âu chiâm a ni.
Isua chuan hêng mîte pawh hi a hmangaih vek a, \anpui ngêi pawh a duh bawk. Chûvâng chuan an hnênah, “Kal ula, tempula puithiamte hnênah va inentîr rawh u,” tiin a tîr a.
Isua hunlaite kha chuan miin phâr hrî an vei leh vei loh sawi theitu chu puithiamte kha an ni a. An dam leh dam loh puâng theitu pawh anmahnî bawk chu an ni.
Khâng mîte khân phâr chu an la vei reng a, chuti chung chuan puithiamte awmna lam panin an tlâng nghâl a. An tlân lai chuan an phâr natna vei chu a lo dam ta daih mai a ni! An pânte kha a bo vek tawh a, an vunte pawh a pângngai vek a ni ta mai. An kête pawh chuan hriatna a nei a. Puithiamte hnêna inentîr tûr chuan an tlân nghâl vat mai a ni. Nakin lawkah mahnî in lamah an hâwng thei tawh mai dâwn a nih chû!
Isua leh a zirtîrte chuan an lo thlîr zui reng a. An zînga pakhat chu a ding chawih a. A lehhawi a, a lo tlân kîr leh vang vang mai. Ring taka âu chungin thil eng emaw ni hi a sawi a. “Bawlhhlawh! Bawlhhlawh!” a ti em ni ang le? Teuh lo mai, “Pathian chu fakin awm rawh se! Pathian chu fakin awm rawh se!” tia âu a ni zâwk. Isuâ hnên a lo tlân thlen chuan a ke bulah a bawkkhup rawk a, “Isu, i chungah ka lâwm e. Min tihdam avângin ka lâwm e!” tiin lâwmthû a hrilh mawlh mawlh a.
Isua pawh hlim takin a nui var var a. Chû pâ chu a lo dam leh tâk avângin a lâwmpui a. Chûbâkah a hnêna lâwmthû sawi tûra a lo kal avâng pawhin a lâwm bawk a. A zirtîrte lam chu hawiin, an hnênah, “Damlo kha sâwm an awm a, tûnah chuan an lo dam ta tih ka hria a. Pakaw dangte kha khawiah nge an awm tâk?” tiin a zâwt a.
Isua chuan mîte hlim taka siam hi nuâm a ti a. A hnêna lâwmthu sawi hriat pawh a châk bawk. Phâr natna vei lo dam ta zînga lâwmthu sawi nachâng hria ang khân, keinî pawhin Isuâ hnênah lâwmthu kan sawi \hîn dâwn nia.

TÌH TÛR & SAWI TÛR
Sabbath Chàwhnû: Zirlaia Bible thawnthû hi chhiar ho ula. Pathian hnêna lâwmthû in sawina tûr chhan hrang hrangte chu in fâte nên sawi tlâng ula. Lâwmthu sawina hlâte saho ula, chutah lâwmthu sawi \awng\aina in hlân dâwn nia.
Sunday: In fâte hnênah an chal emaw, kutzung\ang emawa ribbon awm chungchâng sawitîr ula. Tûn kâr zirlai chângvawn hi ‘Alleluia’ tih thlûka sakho in tum dâwn nia.
Thàwh\annî: Thil hmuh theih chi hrang hrang 10 zawng khâwm ula. In fâte chu eng zât nge tih in chhiârpui dâwn nia. Isuâ hnêna lâwmthú sawi tûr khân mi engzât nge lo kîr leh? In thil lâk khâwm a\ang khân pakhat la sawn ula. Zawh tûr: A khawi pâwl kha nge tam zâwk? Lâwmthu sawi nachâng hria nge, hre lo lam zâwk? Phâr zîngah khân lo tel ta ulang, Isuâ hnênah lâwmthû in sawi ngêi ang em? Eng thil vângin nge Isuâ hnênah lâwmthû i sawi ang le?
Thàwhlehnî: Nimin lama thil 10 in lâk khâwm kha ‘phâr’ 10 entîr nân hmang ula. Pakhat dang chu Isua entîr nân lâk belh bawk ula. Naupangte chuan kawng emaw in tê lem emaw an siam nân tihpui ula. Chû in tê phâr hote chênna in lem anga chanin, a vêlah phârte chu kantîr vêl ula, Isuâ hnêna lâwmthu sawi tûra pakhat lo kal angte pawhin in ti vêl dâwn nia. Chutiang chuan Zirtâwpni worship neihnaah in hmang \angkai dâwn nia.
Nílâinî: A huhovin, in zirlai Bible châng Luka 17:11-19 chhiar tlâng ula. In chhiar lai thû tak chu kâwk zat zat zêl ang che u. In chhiar ho lai chuan in fâten Bible chu lo chelh thung se la. In \awng\ai ho hmâin lâwmthu sawina lam hlâ in saho dâwn nia.
Níngãnî: Tûn kâr zirlai thawnthu hi a lem ziak tûrin in fâte chu tî ula. Mahnî \awng ni lo, \awng dang (Spanish: grácias; French: merci; German: danke; Chinese: shie-shie; Japanese: arigato) hmangin lâwmthû inhrilh tlâng teh u. Tû pualin emaw lâwmthu sawina card siam ang che u.
Zìrtâwpnî: In chhûngkaw worship neinaah Pathian tidamna chungchâng sawi ula, chutah Pathian enkawlna in dawn in hriat chu in insawi chhâwk liâm liâm dâwn nia. Zirlai Bible thawnthû hi lemchana hmang tûrin in fâte chu \anpui ula. In \awng\ai ho hmâin Pathian hnêna lâwmthu sawina lam hlâte in saho dâwn nia.