Zirlai-8 2024 2nd Quarter Primary Zirlai
ZIRLAI 8 MAY 25, 2024
DAWHTHEI TAKA NGHAH MAW?
CHÂNGVAWN: “Thil \ha tih i ning lovang u khai, kan inthlahdah loh zawngin ahun takah kan seng
dâwn si a.” (Galatia 6:9, NIV).
Chhiar Tûr: Genesis 8:1-14; Thlahtubulte leh Zâwlneite, pp. 98, 105.
A Thu Zirtîr: Pathian chhungkaw zînga mîte chuan dawhthei takin an nghâk ho fan fan \hîn.
Ni tam tak chhûng ruahsur vanga inchhunga i tawm reng a ngaih chang a awm tawh em? Ruahsur
a ban hnuin lei chu a diak em? “Lawng pindan hri” (“Cabin fever”) an tih \awngkauchheh hi i hre
tawh ngai em? Hun rei tak chhûng pindan chhunga tangte chunga thleng \hin a ni a. Thil reng reng
hi an nghakhlel êm êm a, an awm hle hle thei lo. An thinchhia a. Thil eng emaw en leh thil eng emaw
tih hrim hrim hi an duh tut tut \hin. Nova leh a chhûngte phei chu chung aia nasa chu an ni thei ang.
NOVA leh a chhûngte leh nungcha zawng zawngte lawnga an luh ni a\ang khan thil ngah an nei \an a.
Pathianin lawng kawngkhar khar turin vantirhkoh a tir a, chumi hnu chuan engmah thleng lovin nisarih
chhûng an awm a. A tawpah thil a han thlen meuh chuan, a rapthlak thei angber hi a ni ringawt mai!
Bible chuan, “tui thûk zau tak hna zawng zawngte chu a lo sah ta vek a, vân tukverhte pawh a lo inhawng ta bawk a,” a ti (Genesis 7:11, NIV). Van a\angin tui a lo baw tlawrh tlawrh a, lei a\angin a chik chho bawk a!
Chutiang tuilet rapthlak karah chuan Sai te khan lawng an rui nge rui lo tih chu Pathian chauh lo chuan
tuman an hre lo. Novan a hre lova. A nupui leh a fa te pawhin an hriatpui hek lo. Tuman Sai lawngah an
la chuan tir ngai lo reng reng.
Lung chhungah chuan hna thawh tur a tam hle mai. Ransa zawng zawngte chu enkawl vek an ngai a, chaw pek an ngai a, chumi hnuah tihfai an ngai leh bawk a. Chutiang tih chu tuilian so bulh bulh chnga lawng chhunga tih atana harsa tak tak te an ni hlawm. Khawhawi a fiah lo viau bawk a, a rim lah chu a tui lo êm êm bawk si.
Mahse Pathian chuan Nova hnênah tuilet chhûng zawng lawng a venhim tur thu a tiam a. A venghim
reng bawk a. A vantirhkohte chuan lawng chu chetsual theihna lak a\angin anveng tlat a (a let thei a, a pil thei bawk).
Ni 40 hnuah chuan ruah sur chu a bang ta hram a. Nova leh a chhûngte chuan him taka lawng an
chhuahsan hun tur chu an nghakhlel viau maithei. Mahse thli a la thaw vuk vuk reng a, thla nga chhûng
vel lawng chu tuifawnah chuan a la invawrh kawi zak zak a. Tichuan LALPA chuan lawng chu Ararat tlanga
hmun a ruahmanah chuan a hruai ta a. Tui la tling pung mai tikam turin Pathianin thli na tak a tleh tir a.
Thlahnih leh a chanve hnuah chuan Nova leh a chhûngte chuan lawng kiang vela tlang chhipte chu an
hmu thei ta a.
Tichuan lawng chhungah chuan thlariat vel an awm ta a. Nitin ran chaw pek leh an ek thenfai chu an hne
viau tawhin a rinawm. Mahse an hna chu pelh lovin an thawk ziah a – dawhthei takin an nghak fan fan a.
“Engtikah nge lei charah kan chhuah vah leh theih I rin?” tiin an inzawt an inzawt ngeiin a rinawm.
“Pathianin min la hriattir mai ang,” tiin Nova chuan a chhang hlawm \hinin a rinawm hle bawk.
Khawvel chu a ro tawh em tih hriat nan Nova chuan choak a thlawh chhuah tir a. Nghakhlel tak a
chu choak han thlawk kual vel chu lawng chhunga chuangte chuan an thlir dan tur chu I suangtuah thiam
mai a nga. Mahse a tawpah chuan lawngah bawk a rawn kir leh a. Chawlhna hmun tur a hmu zo lo a ni.
A hnu lehah chuan Nova chuan \huro a thlawh chhuah tir leh a. Chu pawh chu, fukna tur hmu zo lovin lawngah chuan a rawn thlawk kir leh a. Kar khat a liam leh hnu chuan Nova chuan \huro chu a thlawhchhuah tir leh a. Hemi \um hi chuan a hmuia Olive hnah tharlam tak puin a rawn thlawk haw ta a.
Tunah zet zawng, lawng an chhuahsan dâwn hnai tih an hre theita!
|hurovin fukna tur thin va hmu tawh mahse, mirhing tan lei chu a la dum lutuk a. Chu chu Pathianin a hre
vek a. Chuvang chuan lawng kawngka hawng turin vantirhkoh a la rawn tir rih lova. Nova leh a chhûngte
chuan kar nga zet an nghak leh a! Lawng chhunga hna thawh tur hrang hrang la awmte tiin chung kar nga chhûng chu buai takin hun an hmang a.
Lawng chhûng khawi lai mah chu a awl lo. Hna thawh tur tam tawk leh ransa rim mak tak tak hlirin a khat a. Chuti chung chuan Nova leh a chhûngte chuan Pathian thu awih a lawnga an chuan avang chuang an
lawm êm êm tho va. An awm ho theih avang leh inrinchhan tawn theia an la awm avangin an lawm a.
Nova leh a chhûngte chuan Pathian thutiam hlawhtlinna hmu turin an nghak rei hle mai. Keini pawh
Pathian thutiam lo thleng famkim hmu turin kan nghak a. Filipi 3:20-ah chuan, “Van khua leh tui kan ni a.
Chumi hmun a\ang chuan, min chhanchhuak tu tur, Isua Krista nghakhlel takin kan ngak a ni,” a ti (NIV).
Kan nghak rei tawh vang vang hle mai ti raw u?
Kan nghah chhunga min \anpui turin Pathianin chhungkua leh Kristian \hiante min pe a. Kan nghah chhunga kan hnathawh tur min pe bawk. A Chanchin |ha midangte hnena hrilh ve turin min duh. A thutiam lo thleng famkim tura kan nghah chhûng hian, in fuih tawnin I thawk hovang u khai.
TIHTÛRTE
Sabbath
- In chhûngte nen Genesis 7 hi chhiar in sawi ho teh u. Thlipui chanchin sawi ho ula, engtia rei nge a awh? Ruah a tawp khan ti nge mi zawng zawngin lawng an chuahsan loh ?
- In chângvawn kha in chhûngte zirtîr ve rawh u. Hriat thiamtheih tur si mahse rang takin sawi teh u. Noah leh a chhûngte kha an beidâwng mai em?
- In thil nghahhlelh êm êm kha ziak chhuak teh{i birthday emaw, nipui chawlh emaw, i len hun tur}. In
chhûngte in entir ve dâwn nia.
Sunday - In zirlai ah thawnthu kha in chhûngte nen chhiar ho ula, Pathian in kawngkhar a khar hnu ah lawngah awm ang khan in suangtuah teh u. Ni sarih ruah a sur hma khan enge in ngaihtuah? Kum khat tawp lawngah awm chu enge a an a in rin?
- Sabbath school ah \huro emaw choak i siam kha mi tu emaw entir teh u. Noah leh a chhûngten lawngah dawhthei tak ah an nghah fan fan dan sawi ula, nang pawn Isua lo kal leh tur i ngah dan in hrilh bawk dâwn nia.
Thawh\annî - Vanram in kal hun ah noah hnênah khan enge in zawh ang? Zawhna in chhûngte bulah inkhawm hunah in zawh tur han ziak chhuak teh u.
- Mi tu emaw hun rei tawh tak a\anga thil eng emaw lo nghak i hria em? Vawi in hian in ngaihtuah a ni tih hriattir teh u.
Thawhlehnî - Genesis 8:1-14 hi chung inkhawm na ah chhiar in sawi ho teh u. Ruah a tawp hnu khan eng thil nge thleng? Khawi hmun ah nge lawng kha a in ngah leh? Chu hmun chu khawvel map ah en rawh u. Khawi ram ah nge awm?
- In chhûngte hnênah khan rei tak a\anga thil an lo nghah tawh han zawt teh u. Nghah a manhla em?
- Tunlai hian khawvel ah hmun engzat hi nge tui in chim? (enclyclopedia emaw internet en rawh)
Nilâinî - Genesis 7 leh 8:1-14 hi in chhûngte nen chhiar ho leh teh u. Ni engzat nge noah leh a chhûngte kha lawngah an awm hriat tum teh u. Chu ni zat chu thla in engzat nge?
- Choak leh \huro chanchin mi tu emaw in enpui tir teh u. Choak hi enge a lar na? |huro hi tunlai in eng chhinchhiah nan nge an hman?
- Simon an a ti tih khan in chhûngte nen in fiam ula, mahse muang changin tih tur kha sawi ang che u.
Zìrtâwpnî - Lawngah an nun dan kha in chhungin chang teh u. Nî tin engte nge tih tur ni ang?
- Noah leh a chhûngte khan lawngah sabbath ni engzat nge an hman?
- Tun hnai mai ah tih emaw Isua a lo kal leh dâwn tih hla hi in chhûngte nen zawi muangin sa ula, chu aia muang pawh in. Muang taka sak chu an ning em zawt ula, chuan Isua lo kal tur nghah hi an ning tawh em tih i zawt pah dâwn nia. Isua lo kal tur dawhthei tak a nghak thei turin \annpuina dil rawh u.