Zirlai-9 2024 2nd Quarter Kindergarten Zirlai

ZIRLAI 9-NA June 01, 2024
HMEITHAI RETHEI THAWHLâWM

Chângvawn: “Pathian chuan hlim taka petu a hmangaih a ni,” (2 Korin 9:7, NIV).

CHIBAIBÛKNA: Kan thiltih hmangin Pathian chibai kan bûk \hîn.
Chhiâr Tûr: Luka 21:1–4; Marka 12:41–44; Chatuan Nghahfâk, pp. 593 – 596.
Thuchah: Hlim taka kan pêk hian Pathian chibai kan bûk a ni \hîn.
Zìrlai Tùm: Naupangte chuan:
· Thil pêk hi Pathian chibai bûkna a ni tih hriain,
· Mîte hnêna thil pêk nuâm an ti ang a,
· Hlim leh lâwm takin an pe \hîn ang.

Biak Ina mîten thawhlawm an thawh lai hi i lo thlîr tawh ngai em? Thawhlawm pawisa chu ipah kan thlâk emaw, kan hnawh lût emaw pawh a ni maithei e. Isuâ hunlai khân engtín nge an tih \hin?

Isua leh a zirtîrte chu tempul-ah \hûin
miten thawhlâwm an rawn thawh lai chu an lo thlîr reng a. Khatih hun laite kha chuan
mîten an thawhlawm hi biakbûk tuâlah an rawn keng a, a thlâkna bâwm an siamah chuan an thlâk \hîn a ni.
Jerusalem khuaah chuan mi hausa pui puite pawh an awm nuâl mai a, in nuâm tak takah an chêng a. Silhfên mâwi leh manto tak takte an inbel a. Ei leh in tûr pawh an ngah êm êm bawk a. Chutianga an khawsakna sênso tûr an pêk vek hnû chuan, a la bâng chu tempul-ah an thawhlawm atân an rawn keng ta \hîn a. Silhfên mâwi tak tak an inbel a, mipui tam vânglai tak hian thawhlawm thawh tûrin an lo kal a. Mîten an lo thlîr deuh \huâpa an hriat lai tak chuan, an pawisa rawn ken chu thawhlawm bâwmah chuan an bun ri rum rum mai \hîn a ni.
Pawisa chu tûnlaia note (lehkha) kan hmang ang hi a lo va, tangkarua (thîr) a nih avângin bâwma han bun zâwng khân ring takin a ri rum rum a. A kiang vêla mi lo awmte tân pawh thlîr loh theih pawh a ni lo. Mipuite pawh chuan sum tam tak thawhtûte chu hmuh nuam an ti vê tho bawk a. Lo thlîrtu mipuiten, “En teh u, an va thawh tam kher êm! An thilphal hlê mai!” tia an fak rîte hriat an châk bawk a.
Isua lah chuan khâng mi hausa pui puite khân an sum neih chuâng liam, anmahni tâna an hman bâng chauh chu an rawh thawh a ni tih a hre reng sî a. An ei leh in leh silhfên man to pui pui, ngaihtuah hmasak chu an \hûlh phah chuang lo tih a hria a ni.
Chutah hmeithai pakhat, thawhlawm bâwm bula ding chu a hmû a. Hê nû hi a pasalin a thihsan tawh a, hmeithai mai a ni. Eng emaw chângte phei chuan ei leh in tûr mûmal pawh a nei ngai lo.
Chû nû chuan mîten an lo thlîr nge thlîr lo tih melh zak zak chungin a hawi kual vêl a, sum tlêm tê chauh thawh vê tûr a neih avângin a rilrû pawh a nuâm chiah lo. Mîten an en lova a hriat lai tak chuan pawisa nâwi tê pahnìh chu thawhlâwm bâwmah chuan a thlâk ru zauh va, rang takin a kal kiang leh nghâl a.
Mahse Isua chuan a lo melh ru reng a. Thawhlawm bâwma pawisa nâwi tê pahnìh a thlâk lai kha a hmû a ni. A insaseng leh nghâl te pawh a hmu a. A zirtîrte hnênah chuan, “Hê hmeithai rethei tê hian mi dang zawngte âi khân a thawh hnem zâwk. A neih zawng zawng a thawh a ni sî a,” tiin a hrilh a.
A neih zawng zawng! A pawisa zawng zawng! Chutianga Isua sawi rî a hriat chuan ‘lâwm lutuk avângin a hnuk a ulh \euh zâwk a!’
Zanriah ei tûr lei nân pawisa pawh a nei tawh lo. Mahse Pathian hnêna thawhlawm thawh tûr a neih avângin a hlim êm êm a. A thawhlawm thawh chu a tlêm hlê nain, mi dang zawng zawngte âiin a thawh hnem zâwk tlat mai! Pathian a hmangaihna leh lâwmna thinlung pu chunga a thawh vâng a ni.
Keinî pawhin thinlung hlim leh lâwm tak pu chungin Pathian hnênah kan thawhlawmte kan thawh vê \hîn dâwn nia.

TÌH TÛR & SAWI TÛR
Sabbath Chàwhnû: Nî tinin tûn kâr zirlai Bible thawnthû hi chhiar ho ziah ula, chutah chângvawn hlâ hi saho ziah bawk ang che u. Hlim taka petu nih awmzia in sawiho bawk dâwn nia.
Sunday: A huhovin Luka 21:1-4 chhiar ang che u. Zawh tûr: I tâna thil pawimawh ber enge ni? Pathian hnêna thilpêk anga hlan i phal a ngem? ‘Mahni-Inphatna’ bâwm siam tûrin in fâte chu \anpui ula, mâwi takin in chei dâwn nia. Mahni-inphat awmzia sawifiah ula. Tûn kâr chhûng hian mahnî-inphatna lantîr dân kawng zawngin, in bâwmah chuan pawisa in thlâk zêl dâwn nia.

Thàwh\annî: Zawh tûr: Hmeithâi nû khân a thawhlawm atân enge a pêk? Keini hian eng thil dangte nge kan pêk theih ang? (Ngilneihna te, thuâwihna leh thil dang dang pawh.) In fâte chu Pathian hnêna an pêk thei tûr pawisa ni kher lo sawitîr ang che u. Phun phun chung leh hlim hmêlpu tak chunga mîte hnêna thil pe lai lem chu han chang teh u. Zawh tûr: Isua khân eng anga pe tûrin nge min tih kha? Engati nge?

Thàwhlehnî: A huhovin Marka 12:41 -44 chhiar ula. In chhûng zînga tûte nên emaw chang ho teh u. In fâ chuan tû lema chan nge a thlan? Eng vâng nge? In fâte chu tûte hnênah emaw pawisa nâwi tlang pahnih pê a, Pathianin chûng mîte chu A hmangaih tih hrilh nghâl tûrin in ti dâwn nia.

Nílâinî: Pawisa nâwi chi hrang hrang la khâwm ula. An hlut zâwng \heuh chu in hrilhfiah dâwn nia. A lian leh hlâi deuh apiang hi a hlu zuâl deuh kher em? In ‘Inphatna Bâwmah’ khân pawisa nâwi chu thlâktîr ula, engtin nge a rîk. Pawisa in neih avângin Isuâ hnênah lâwmthu in sawi dâwn nia.

Níngãnî: Isuâ hun laia thawhlawm an khawn dân leh tunlai huna kan khawn dân danglamna sawi ula. In Inphatna Bâwma pawisa in thlâkte kha han chhiar tawh teh u. Engtìkah nge biak in lamah in thawh ang?

Zìrtâwpnî: In chhûngkaw worship neihnaah, hmeithai thawhlawm chungchâng, Chatuan Nghahfâk phêk 593-595 chhiar ho ula. Thawhlawm a thawh hmâ khân engtin nge a awm a, a thawh tâk hnû khan engtin nge a awm tâk thung? Pathian chibaibûknaa in chhûngkuain in tih ho theih tûr thil pathum ngaihtuah ula. In Inphatna Bâwma pawisa in thlâk kha naktûkah biak in lama thawh tûrin ruâhman lâwk ula. In fâte chuan thawhlawm dahnaah dah teh se.