Zirlai-9 2024 2nd Quarter Primary Zirlai

ZIRLAI 9 JUNE 1, 2024
THUTIÂMNA CHHIMBÂL

CHÂNGVAWN: “Chhûmahte khian ka chhimbâl ka zâmtîr a, chu chu nang . . . leh keimâ inkara chhinchhiahna a ni ang,” (Genesis 9:13, 15, NIV).

Chhiar Tûr: Genesis 8:15-22; 9:8-17; Thlahtubulte leh Zâwlneite, pp. 105-107.

A Thu Zirtîr: Pathianin enkawl tlat avangin A mîte chu an hlim êm êm.

I chenna lai velah khan ni tam tak chhûng ruah a sur tawh ngai em? Inchhunga infiam reng ringawt mai chu i ning tawh em? A tawp a tawpa ni lo chhuak i hmuh chuan engtin nge i awm? Pawhah i chhuak vak leh thei em? Chuti a nih chuan, Nova leh a chhûngten lawng an chhuahsana an awmdan tur chu i hriatthiampui thei ang.

KUM khat chuang zet lawng chhûnga an khawsak hnua han chhuahsan chu a nuam dangdai viau ang. Nova leh a chhûngte chu pawn boruak thiang leh rimtui takah chuan an pen chhuak thauh thauh va. Ni lum nuam tak maiah chuan an va ding vang vang a, an nui sang mai. Eng emaw zawng tak chuan a hlauhawm deuh roh bawk mai thei. Khawvel pian hmang chu a danglam vek anga, a reh tlawk tlawk dâwn bawk si a. Lawng a\anga chhuak mi pariatte chauh chu khawvel puma mihring dam awmchhun an ni tawh a. An mahni ho chauh chuan, a hu hovin bul an \an \ha dâwn ta a nih chu.

Nungchate chu an chhuah tir thuai a. Chung nungchate hlim zia leh phur zia chu Nova leh a chhûngte chuan a hmu thiam ang. Ransate an han in thin parh a, an han in theh kual velte chu an hlimpui ngawt ang.

Lawng an tih rual zawh ve leh a Nova thil tih hmasak ber chu maicham siama, chhûng inkhawmna neih a ni. Lawng chhunga mi ransa leh sava ei thiang zinga pakhat \heuh chu inthawi nan an hlan a. An chibai bukna chu Pathianin a lawm a, an chhungkua chu mal a sawm a. “Chi thlahin lo pung thur thur rawh u; lei chungah hian inthlah pung ula, luah khat rawh u,” A ti a.

Tichuan Pathianin Nova leh a fate leh a thlah lola awm zel turte hnênah thutiam a siam a. Rawng chi hrang mawi lutuk tak mai chu vanah chuan a inkham ruah mai a, khawvela chhimbal a zawnga mawi ber mai chu. Chu rawng mawi tak tak vana in kai kul dulh mai chuan chu chhungkaw tlemte chu ropui tihna leh mak tihnain a luahkhat zo ngei ang. Rawng mawi tar chhuah piah lamah awmzia thuk tak a nei. Chu chu thutiamna chhimbal a ni! Pathian chuan Nova hnênah chuan, “Vanah khian ka chhimbal ka zam tir a, chu chu kei leh khawvel inkara thuthlung chhinchhiahna a ni ang . . . Nunna zawng zawng tih chi mih nan tui a let leh tawh ngai lovang. Vanah chhimbal a zam a piangin, Ka hmu anga, lei chunga thil nung zawng zawng leh Pathian inkara kumkhuaa thuthlunna a ni tih ka hre chhuak \hin ang,” a ti a (Genesis 9:13, 15, 16, NIV).

Nakin hnuah chhum invial tup tup an hmuhin Nova leh a chhûngte chuan hlauhna an nei ang tih a hria a. Ruah fang tla a paingin he tuilet a him chhungkua hi a ti thlabar fo dâwn a. Tui a let leh dâwn em ni ang? Anni pawh tih chimih an ni ve dâwn ta em ni? Tih te an ngaihtuah \hin ang. Mahse chutiang a ni lovang. Engmah lungkham tur an nei lo. Pathianin an hnênah thu a thlung tawh a ni.

Hemîte chhungkua hian hun khirh tak an lo paltlang za tawh a. Kum khat chuang zet lawng chhungah chuan hna an thawk hova. Ni tam tak leh zan tam tak tuifinrian tawp nei lovah len kawiin an lo awm za tawh a. Khang nungcha zawng zawngte enkawl khan rim takin an lo thawk tawh a. Tunah chuan khawvelh tharah inbeng belin bul an \an \ha leh dâwn ta. Pathian chuan thil hlu tak an tan a pe a. Chhimbal chanchin midangte hnena hrilh tur an nei. Chu chu an tan leh kan tan kumkhua a malsawmna leh thutiam an roh êm êm tur a ni.

Keini pawh chhungkaw pawimawh tak zinga mi kan ni a. Ringtu chhungkua zingah hian biak ina kan lawipui te, school kan kalpui te, leh kan ina kan chhûngte pawh an tel. Kei ni pawh hna thawh tur chanpual kan nei \heuh va. Kum lo la awm zel turah hna thawh ho tur tam tak kan nei ang. Tin kan thiltawn hrang hrang te hian in pawh zawka awm turin min suih khawm ang.

Tichuan Pathianin “chhimbal” min pe \heuh va – malsawmna te leh thutiam te. Ti tura min tihte ti turin min pui ang. Lawng chhungah leh a pawhah pawh khan Nova leh a chhûngte chu uluk taka enkawl an ni a. A hmangaihna leh a venhimna avangin Pathian chungah an lawm hle.

Chhimbal i hmuh apiangin, Pathianin a hmangaih zia che kha ngaihtuah chhuak \hin ang che u. Chhimbala a thutiam-leh a thutiam dang zawng zawng pawh, a vawn tlat avangin lawmthu hrilh ang che u

TIHTÛRTE

Sabbath

• In chhûngte nen Genesis 8:15-22 hi chhiarin sawi ho teh u. Nova kha lawng a\anga lo chhuah vel khan enge a tih? Pathianin chu thil chu enge a ngaihdan? Noah leh keimah ni hnênah eng thu tiam nge a siam tak?

• Vawi in hian chaw sen te, eng te leh hring te ei rawh u.

• Ni sat \hat ni a nih chuan tui ah in phuh vel dil ula, chuan chhimbal siam in tum dâwn nia.

Sunday

• Genesis 9:8-17 hi chhûng inkhawm laiin chhiar in sawi ho teh u. Isuan chhum ah nidangah kan la hmuh ngai loh eng thil nge a dah? Eng nge awmzia?

• Thuthlung tih awnzia hi dictionary ah en ula, eng nge awmzia a neih?

• Sabbath school ah chhimbal i siam kha midang entir ve teh u. Noah leh a chhûngte a ngaihsak zia in hrilh tel dâwn nia.

Thawh\annî

• Chhûng inkhawm laiin In zirlai ah thawnthu awm kha in chhûngte hrilh ula, chhimbal lem an mahni hmuh tur siam bawk rawh u.

• Zanriah buatsaihpui rawh le. Chhimbal ang a rawng chi hrang in chaw in siam dâwn nia.

• Rawng chi hrang kan khawvel chhun mawi tu Pathian in min pek avangin lawmtnu sawi ang che u.

Thawhlehnî

• Paper chhip ah chhimbal tih ziak ula, chuan ruah, tlan, aih leh chak tih hmang hian in chhûngte kha thu an siam theih ang a tam siam tir teh u.

• Rawng chi hrang hrang hmangin chhimbal in room ah dah tur siam ula, chuan in chângvawn kha lehkha them ah ziak in chepbet rawh u. Pathain in chhimbal a\anga thu tiam min siam avangin lawmthu sawi rawh u.

Nilâinî

• Thupuan 4:2, 3 hi chhûng inkhawm atan chhiar in sawi ho teh u. He chang hian enge a sawifiah? Eng in nge a lalt\hutphah chu hual? Bible ah Pathian thutiam dang te sawi ula, a awmzia sawi fiah bawk ang che u.

• In \awng\ai hma in a hmangaihna in ka chungah thla a zar tih hla in sa dâwn nia.

• Chhimbâl chanchin hriat belh han tum teh u.

Ningânî

• Vawi in chhûng inkhawm chu rawng chi hrang thlîr in pawn emaw in chhungah han tei kual teh u. Mi tu emaw ber khan rawng a duh zawng sawi se, chu mi chu in zawng dâwn nia. Tiang chuan rawng hrang hrang in ti dâwn nia.

• Rawng langsar deuh deuh ho kha an hming sawi rawh u. Chhimbal ah rawng engzat nge awm?

• Isuan kawng engkim ah a ngaihsak che a ni tih hriatreng nan bur ah be emaw pawisa nawi dah rawh u. Pawisa in dah \hin chuan thawhlawm atan in thawh dâwn nia

Zìrtâwpnî

• Vawi zanriah chu chhinbal lem chhang in ei thei ang em zawt ula, theih chuan siampui in in chhawp dâwn nia.

• Chhûng inkhawm atan chuan in zirlai ah thawnthu kha han chang ho teh u. Tu nge noah lemah te, ransa lemah te chang ang? Eng ang ri te nge in siam dâwn le?

• Pathian fakna hla sa ula, chuan pathianin in chhungkua a lo enkawl tawhnaah hlim takin lawmthu sawi ang che u.