ZIRNA LEH ADVENTIST – (Education and Adventism)

Ziaktu: Lalnilawma Colney

August 17 hi kan church calendar ang chuan Education Day (Zirna Ni) a ni a. Hemi ni hian zirna lam sawi uar tura beisei kan ni. Seventh-day Adventists pumpui hian zirna hi kan tuipui hle tur a ni. C T p 162.

Kohhran member-te tih tur hnaivai ber chu naupangte leh thalaite ngaihsak a ni. Naupang zawkte hi kan ngaihsak satliah mai tur a ni lo va, a bik taka ngaihtuahna hi Krista khawngaihna changtute chuan kan nei ngei ngei tur a ni. Satanan a len thanga awk turin bumna tinrengin thalaite a veh reng a. Tun hun hmawrah hian kohhran chu a nguaina atanga tho va, eng ang rawngbawlna nge neih tur tih ngaihvena tho chhuak turin Pathianin a kohhran hi a phut a ni. C T p 196.

Eng hun leh dinhmunah pawh thalaite chu tangkai thei tur leh mite chunga malsawmna thlen thei tur dinhmuna awm turin kaihhruai tur an ni. Zirna hi nitin khawsaknaa kan tih turte kan tih thiam nan a pawimawh a. Chu bakah, kawng tinrenga mi tangkai hmantlak kan nih nan a pawimawh bawk a ni. Tharau Thianghlim kaihhruaina hnuaiah, heng kan thalaite hi, Pathian rawngbawlna thilpek an dawn ngei theih nan zirtir leh khaihruai an ngai a ni. C T p 534 dawn ngei theih nan zirtir leh khaihruai an ngai a ni. C T p 534

Tun dinhmuna kan zirna in tehna pawimawh ber chu khawvel hmaa Pathian chawimawina tur entawn tur (example) siam a ni. Vantirhkohte chuan mihring kaltlangin chung hna chu an vil ang a, kawng tinrenga a rawngbawlna chuan Pathian dikna leh thatna a chawi nung tur a ni. C T p 57.

Khawvel hun tawp, buaina hnuhnung chu kan hnaih zual deuh deuh lai hian kan zirna inte’n a pek chhuah zirnate chu khawvel zirna a pekte atangin an danglam tur a ni. C T p 56.

Seventh-day Adventist-te chuan rawngbawlna hma an lak tan tirh atang rengin Kristian zirna hi an lo sawi uar tawh a. Kum 1850 tawp lamah Battle Creek, Michigan-ah chuan zirna in din tum a lo ni tawh a. Kum 1872 khân G H Bell chu church school hawng tura fuih a lo ni tawh a. Hemi kum vek hian E G White-i chu zirna chungchangah zau takin inlarna hmuhtir a ni tawh a.

 Tun hma lama Kristian zirna an kalpui dan (Principle)-te leh in lamah leh school-ahte he hna pawimawh tak mai kalpui dan tur kaihhruaina (Principle & Policy) chu hmuhtir a ni a. Kristian zirna kalpui tur thuziakte Testimonies For The Church Vol. 3-ah ziak a ni.

Kum 1874-ah Battle Creek College chu din a ni a. Kum rei lo te chhungin United States Kum 1874-ah Battle Creek College chu din a ni a. Kum rei lo te chhungin United States leh ram dangah pawh college te din a lo ni ve ta a ni.

Zirna kalpui dan tur chungchang thuziakte chu Testimonies for the Church leh Review And Herald-ah te tihchhuah thin a ni a. Chung chu la khawmin kum 1894 khân Christian Education tih bu chhuah a ni a.

Kum 1903-ah Mrs Whitein Education tih bu chu a chhuah leh a. Kum 1913-ah Counsels to Parents, Teachers and Students tih bu chhuah leh a ni bawk. Kum 1923-ah Mrs White-i thuziak Review and Herald-in a chhuahte chu la khawmin Fundamentals Of Christian Education tih bu chhuah a ni leh a. Mrs White-i thuziakte chu a hmasak dan indawtin dah an ni. Heng bu thumte hi nu leh pate’n in lama fate enkawl nan te, zirtirtuin school-a a zirtir nan te, school enkawltu (Principal/Headmaster)-te’n an hnathawha entawn tur blueprint pawimawh tak an lo ni ta a ni.

Kumin 2024 hi Battle Creek College din a lo nih atanga kum 150-na a lo ni ta reng mai a. Hemi lawmna angreng deuh hian program te siamin Educating For Mission tih thupuia neihin seminar te neih a ni a. Division panga leh China Union Mission (ESD, NSD, SPD, SSD, SUD leh CHUM) tan Adventist University of Indonesia, Bandung-ah May 18-14, 2024 chhung khân seminar neih a ni.

Chu seminar-a an sawi tam ber chu rawngbawlna (mission) hi kohhran din chhan leh zirna inte kan din chhan a ni a, mission hi kan nihna (identity) a ni an titawp a nia. Mahse, vawiinah hian kan zirna in tam tak hian kan identity kan hloh a, rawngbawlna lam hi kan hlamchhiah a, tan kan lak nasat a ngai a. Adventist school-te Adventist leh zuala siam hi kan tihmakmawh a ni.

A ziaktu: Upa Lalnilawma Colney hi Mizo Conference Executive Secretary hna lo chelh reng \hin a ni a. Tunah hian Education Department Director hna a chelh mek a ni.