2024 4th Quarter Craddle Roll Zirlai 2-na

ISUAN INNEIHNA A HMANPUI

Bible Châng: Johana 2:1-11.

Zirlai Tum: Isuan min hmangaihna chu \anpui kan ngaih huna min \anpuiin A târlang \hîn a ni.

Nu & Pate Tân: Naupang rilru hrisêl chuan mahni a inzahthiam \hîn. Hmangaih theih leh hlutna nei a ni tih chu rilru chhûngril takah a inhre \hîna, midangte tân thil pêk tûr engemaw a nei \hîn. An vêla boruak awmdân a zirin chutiang mahni hlutna an neihdân chu a châwmin, a ti\huanawp thei a ni. Zahawm taka kan cheibâwl chuan mahni an lo inngaihluthiam anga, rinhlelhna leh mahni tlâwm lutuk anga an inngaihtheihna tûr anga kan tih \hîn chuan, chutiang rilru chu an pu mai ang. Mahni inngaihhlutna hrisêl neihna chuan midangte ngaihsakna leh, nitin khawsakna lama chona hmachhawnin, mahni a intheihnghilh thei hial a ni.

Hetianga mahni hlutna pawimawh tak neihtîr tûr hian i hmangaih reng tih leh tiamkam awm lo a ni tih hriattir la.  I ngaihhlut ang zêlin mahni hlutna chu a hre dâwn a ni.  Hetiang atân hian thilpêk (presents) âiin awmpuina/awmchilhna (presence) chu a pawimawh zâwk ang.  Mamawh tamtak zîngah nu leh pate ngaihsakna hi an mamawhber a ni.  Harsatna neia an rawn pan chein, lo chiauâu vat la, thlamuan ang che.  Chutiang taka i ngaihsakna a zârah chuan i hmangaih tih a inhre mai ang.

BIBLE THAWNTHU

Inneihnaah in kal tawhin, monu leh moneitu hmêlte in hmu tawh em?  Pangpâr thehtu-ahte in \ang tawh em?  Thawmhnaw thar mawi takin in inthuam tawh hlawm ang mâw?  Inneihna hman hi thil hlimawm tak a ni rêng a ni.

Monu leh moneitu hi an inhmangaih êm êma, chhûngkaw hlim leh nuam tak din an duh \hîn a ni.  Naute neih pawh an duh a, an neih phei chuan an hlim thei êm êm a ni.

Nikhat chu Isua-te awmna kiang khuaah inneihna a awm dâwna, Isua leh A zirtirte pawh an sâwma, an kal vê a ni.  Monu leh moneitute an hmu a.  Midang pawh an tam hlê mai.  |henkhat an zaia, \henkhat an nuia; ruai te an \heha, nuam an ti hlê mai a ni.  Chaw ei tûrte, grape tui in tûrte leh ei tûr thil dang dangte an sema, nuam an ti hlawm hlê mai a.  Isua nu pawh a tel vea, fatuhote thiltihdân a enpui ve \hîn a ni.  Nakin deuhah chuan Isua nu chu a lo kal a, a rawn hrilh ru ta a, "Grep tui a zo ta tlat mai.  Engtin nge kan tih tâk ang le?"  a rawn ti a.  Fatute chu an mangang rilru viau tawh a ni.

Mi zawng zawng chuan grep tui tuitak in tûr an la duhin, an la kham lo êm êm mai sî a.  A awm chhun lah chu fatuhoten an sem zo ta bawk si.  Dâwr lamah lei tûr a awm bawk si lo.  Khawi a\angin nge an hmuh belh tâk ang le?  |henkhat chuan, "Isua hian min \anpui thei a ngem âw?" an ti nauh nauh a.  Mahse an sawi ngam chiah si lo a ni.

Isua nu chuan Isua hnênah chuan a rawn hrilh tawha, Isua pawh hian mi \anpui hi nuam a tih zâwng tak a ni a.  Mahselang tûnhma lam chuan thilmak chu A la ti ngai si lo.  Isua chuan inneihnaa lo kal mipui zawng zawng chu hlim tak leh nuam taka an awmtheihna tûra \anpui a duh a, mi \anpui hi a hlimna zâwng tak a ni rêng a ni.

In lehlamah chuan tuibêl lian pui pui mai hi an dah khup mai a.  An bêl chu a lian khawpa, nangni ang hi chu a chhûngah in leng êm êm dâwn a ni.  Chûng bêl lian pui pui chu tuia chhûngkhat tûrin Isua chuan fatuho chu a hrilh a.  Thuawih takin an chhûngkhat ta veka; a vai chuan tam tham tak mai a ni.

Isua chuan, "Ti khân thâl chhuak ulang, inneihnaah chuan va sem tawh rawh u le" a ti a.  A thu ang chuan an thâl chhuaka, an va sem taa, mite chuan an han in chuan, "Ê, khai! A va tui kher êm"  Engtin nge tun thlenga hetiang grep tui deuh hi in la sem theih reng mai le?  A va mak êm!  A thlum bawk sî" an ti a.  Isua khân grep tui tuiber chî-ah A lo chantîr reng mai a lo ni.  Mite chuan tuisik mai mai emaw an tih kha, grep tui thlumtui berah Isuan a lo chantîr a nih chû!  A lâwmawm viau ang ti r'u?  A hmaa, moneitupain a neihsa, an sem hmasak ai khân a tui zâwk daih a nih chu!

Isua hian \anpui in ngaihna apianga \anpui che u leh, in hlim theihna tûr hi A duhsak êm êm che u a ni.  A hnênah \anpuina in dîl phawt chuan A lo ngaithla zêl anga,  A \anpui zêl dâwn chê u a ni.  In nu leh pâ te, pi leh pute âi pawhin Isua chuan A hmangaih zâwk mah che u a nih chû!  A hmangaih che u avâng hian \anpui in ngaih hun chuan a \anpui zêl dâwn che u a nih chu, in lâwm em?
Isua chu a nêlawm êlm êm a, a hnênah engmah kan thlen hreh tur a ni lo.