2024 4th Quarter Kindergarten Zirlai 3-na

October19, 2024

Inchung reh pawh

Chângvawn: “Ûnau âia nghet zâwk \hian an awm \hîn,” Thufingte 18:24, NIV.

Chhiâr Tûr: Luka 5:17-26; Chatuan Nghahfâk, pp. 285-291.
Thuchah: Mi dangte kan \anpuiin Pathian rawng kan bâwl.

Thil \henkhat mahnia in tih mai theih loh tûrte a awm. |anpui in ngaih chângin, nangmahni \anpuitû chungah in lâwm \hîn. In \hianten inchung an reh pawh sak vê che u ang em?

Thû chu a thang darh chak hlê mai a. Isuan damlote a tidam thei tih thû chu hmun
tinah a thang darh ta chiâm a.
A kal vêlna apiangah mipui tam takin a zui a, A thu zirtîr ngaihthlâk leh A tihdam nih duha lo kal khâwmte an ni.
Ni khat chu, Isuan inah mîte a zirtîr a. Mi tam tak a thusawi hriat duhin an lo pung khâwm a. An zînga mi tam tak chu ram hmun hrang hrang a\anga lo kal khâwm zirtîrtu pawimawh tak takte pawh an ni hlawm a. Isuâ thusawi hriat hmaih neih loh an duh avângin a bul hnâi takah an awm khâwm hlawm a.
Isua hmuh vê duh hrim hrima ko kalte pawh an awm bawk a. Tihdam nih duha lo kalte pawh tam tak an ni. Chûng mîte chu mi pawimawha ngaih pawh an ni vê lo. In chhûng chu a khah hneh êm avângin a chhûnga luh theih pawh a ni tawh sî lo. A \anpuina dawng tûra Isuâ bul hnâi thlen ngaihna pawh a awm tawh lo hiâl a ni.
Mi pakhat chuan zeng natna a vei a, kê pawhin a kal vê thei lo. Mahni chuan chêt sawn ngaihna pawh a awm lo. Chuvâng chuan Isuâ tihdam nih duhin a mutna zâmpher chawpin a \hianten an rawn zâwn tawp mai a ni. Mahse, mipui an khah hneh êm avângin in chhûngah an luhpui thei bawk sî lo! Engtin nge an tih tâk ang lê?
A \hiante chuan beidawnga hâwnpui leh chu an tum teuh lo mai. Isuâ bula hruai thlen ngêi ngêi chu an tum ruh tlat a. Kawngkâa luhpui thei lo pawh ni se, tih dân dang an zawng mai tûr a ni. An zînga pakhat chuan tih dân tûr a hre ta!
Tichuan zeng pa chu inchung zâwlah an zâwn chho va. A mutna zâmpher kil tinah chuan hrui an thlung a, tichuan inchung âwng a\angin an thlâk thla ta riâi riâi a. Inchhûng mipui zînga Isuâ hmazâwn takah chuan an zu thlâk ta chat mai a ni!
Isuan an thil duh chu a lo hriatsak nghâl mai a. A sualna lo ngaihdamsak leh tihdam chu a duh a. A \hianten eng nge an ngaihtuah tih pawh Isuan a hriatsak bawk a. An \hianpa chuan damna chang ngêi se an duhsak a ni. Isuan a tihdam thei ang tih pawh an ring bawk a. An \hianpa \anpui tûrin theihtâwp an chhuah a ni tih pawh Isuan a hre bawk.
Zeng pa chu mahni pawha \hu chhuak thei tawh lo a ni a, Isua chu a en rân mai a. Tihdam nih pawh a dîl vê chuâng lo. Isuan a hnênah, “I sualte ngaihdamsak i ni ta! Tho la, i mutna hi lâ la, hâwng rawh,” tiin a hrilh a.
Ani chu vawi leh khatah a lo zuâng tho nghâl zak mai a, a mutna chu têlin, Pathian fak mawlh mawlh chungin a chhuâk ta a ni.
Hmun tina mîte chuan Isuan natna A tidam thei tih chu an lo hre zêl a. Isuâ kalna apiangah chuan, A thuchah sawi ngaithla tûr leh tihdam duhin mipui an lo pungkhâwm luih luih zêl a. Ani pawhin an vâiin a lo \anpui zêl \hîn a ni.
Isuan mi dangte pawh \anpui zêl a duh a. Nangni pawh A \anpui zêl ang che u. |anpuitu atân Amah chu sâwm zêl ang che u.
Tìh Tûr leh Sawi Tûr
Sabbath Chàwhnû: Tûn kâr nî tinin Bible thawnthu zirlai hi chhiar ho \hîn ula, chângvawn sawi nân a hnuaia zaizìrna tûr târlan hi in hmang \angkai dâwn nia:
Unau . . . . . . Inkâwk tawn ula.
Âia nghet . . . . . . Kut pahnih insuih.
zâwk. . . . . Inhnaih lehzuala din.
\hian an awm \hîn…Naupang bân nêna inkaih zawm.
Thufingte 18:24 . . Kutphah thlawp a; lehkhabu kêu anga tih leh.
Sunday: “Three Blind Mice” tih hla thlûk khân hê hlâ hi sa ho teh u:
“One sad man, one sad man,
He couldn’t walk, he couldn’t walk.
Then Jesus came and healed his legs,
He jumped for joy. He no longer begs!
He shared the news of Jesus’ love!
One happy man, one happy man.”
Thàwh\annî: In fâ chu phone hmanga tû emaw biaktîrin, in ngaihsak a ni tih hrilhtîr teh u. Chû mî tân chuan in \awng\aisak nghâl dâwn nia.
Thàwhlehnî: Mahnî kê tinâ angin tider la. Engtin nge ke na chung chuan in kal tâk ang entîr la. Ke na chung chuan kal a harsa \hîn a, mahse i tui a hâl a, in i duh bawk sî a ni. Nangmah \anpui tûrin in fâ/naupang chu sâwm ang che. A \anpui che avângin lâwmthû hrilh la.
Nílâinî: A mamawhtûte hnêna la pêk atân (inkhualtelemna thil, silhfên, lehkhabu) angte la khâwm la. Mi dangte hnêna la pêk atân Community Service emaw, mi dang \anpuitu pâwl-a pêk atân \ha taka têlpui tûrin sâwm ang che.
Níngãnî: Sabbath Sikul lama “Helping Others” tih infiam nâna an zir tâk kha tihpui la. In \awng\ai dâwn hunah, mi dang tû emaw \anpui nâna thil in lo tih lâwk theih tûr chu ngaihtuah ang che u.
Zìrtâwpnî: Chhûngkaw worship neih hunah, tûn kâr zirlaia Bible thawnthû an zir tâk kha lemchana hmang tûrin \anpui ula. Thil dang tih theih tûrte pawh ngaihtuah ula. Mi dangte \anpui lai lem ziak chawp emaw, internet lamah enpui emaw ni se. Zawh tûr: Engtin nge naktûkah mi dangte kan \anpui theih ang?”