2024 4th Quarter Kindergarten Zirlai 4-na

October 26, 2024

“Tûnah ka hmu thei tâ!”

Chângvawn: “Thil pakhat ka hria, tûn hmâ khân ka mit a del a, tûnah ka hmuh thei tâ,” Johana 9:25, NIV.

Chhiâr Tûr: Johana 9:1-38; Chatuan Nghahfâk, pp. 528-535.
Thuchah: Pathianin thil min tihsak chungchâng mi dangte kan hrilhin Amâ rawng kan bâwl a ni.

I chunga thil mak deuh a lo thlenin, tû hnênah nge i hrilh \hin? Hmânlai khân mitdel chungah thil mak deuh mai a thleng a. Tû hnênah nge a hrilha in rin?

Ni khat chu Isuan tlangvâl pakhat, mitdel sâa piang hi a hmû a. Chû tlangvâl chu
kawng sîrah \hûin, mî khawngaihna dîlin, kut a lo dawh \hîn a. Mahse, Isua
chuan pawisa a pe vê miah lo. Pawisa âia \ha zâwk fê, thil dang a pe ta a ni!
Isuan leiah chil a chhâk a, chû chuan hlum a siam a, tlangvâl mitdel mitah chuan hlum chu a hnawih a. A hnênah, “Kal la, Siloam Dîlah va sil rawh,” a ti a.
Tichuan mitdel chu dîlah chuan va kalin, a va sil a. Thil mak deuh mai a lo thleng ta! A mit a\anga hlum a sil thlâk vêleh a hmu thei ta mai a nih chû! A hlim dân tûr chu ngaihtuah teh mah u. Ina a hâwn huna a chhûngten mak an lo tih dân tûrte pawh suângtuah chhin teh u.
Tûnah chuan mi dang daih a lo ni ta mai! An \henawm vêla chêngte pawhin amah kha a ni tih pawh an lo hre lo hiâl a nih chû! “Hê pa hi kawng sîra \hûa kut dawh \hîn kha a ni em?” tiin an inzâwt hlawm a.
Tû emaw chuan, “Aw ni e, khâ kha a ni,” a ti a.
Midangte chuan, “Ni lo, amah ang deuh mi dang a nih zâwk hi,” te an ti vêl a.
Chû tlangvâl chuan Isuan thil A tihsak chu hrilh hlân a nghâkhlel hlê mai thung a. Ani chuan, “Nî ê! Mitdel kha ka ni a. Mitdel sâa piang, vawiin thlenga mita khaw hmu ngâi rêng rêng lo ka lo ni. Khâ mî, Isua an tih khân hlum a siam a, ka mitah a hnawih a. ‘Siloam-ah kal la, va sil rawh,’ min ti a. Tichuan ka kal a, hlum chu ka va sil fâi a, tichuan ka lo hmu thei ta mai a ni!” a ti a.
|henawmte chuan ani chu Juda rorêltûte hnênah an hruai a. Mahse Juda rorêltûte chuan Isuan a mitdelna a tihdamsak tih lo rin vê an lo duh hauh lo mai thung a. Mî tû mahin Isuan a mitdelna A tidamsak tih ring bîk lo se an duh bawk a. Tichuan a nû leh pâte chu an kohtîr a.
An hnênah chuan, “Hei hi in fapa a ni em? Ani hi mitdel sâa piang rêng a ni em? Engtin nge tûnah a lo hmuh theih tâk?” tiin an zâwt a.
A nû leh pâte chuan Juda rorêltûte chu an hlâu sî a, an zawhna pawh chu an hriat dân ang pawhin an chhâng ngam lo a ni. Heti chauh hian an chhâng a: “Ani hi kan fapa a ni a, mitdel sâa piang a ni tih kan hria. Mahse, engtin nge tûnah a hmuh theih tâk, tûin nge a mit tihmensak kan hre lo. Amah zâwt ula, amâ chanchin chu amân sawi ang hmiang,” an ti a.
Mahse hê tlangvâl hian Juda rorêltûte chu a hlâu vê rêng rêng lo. Isuan thil \hâ a tihsak avângin a lâwm êm êm a, chuvâng chuan a ngawihpui hlê hlê thei lo. Rorêltûte hnênah chuan hlum chungchâng te, Siloam Dîla sil tûra A tirh thûte chu a hrilh hmiah hmiah mai a. Anni erawh chuan a inkhâwm vê phal lo vin, an sunagogue a\angin an ûm chhuak ta a ni!
Isuan chutiang chungchâng chu a lo hriatin, zawng chhuak tûrin A kal a. Chû pa chuan a vawi khatna atân amah Tidamtu chu a hmu vê ta a ni. Hlim taka Isua lo nui var var chu a hmû a, ani pawh chu hlim takin a nui vê var var bawk a. Chutah ani chua Isuâ hmâa \hing\hîin, A tihdam avângin lâwmthû a hrilh mawlh mawlh a.
Ani chuan hê nî hi a theihnghilh thei tawh dâwn lo! A tâna Isuan thil mak leh lâwmawm tak A tihsak chungchâng mi dangte hnêna hrilh pawh a bânsan mai mai dâwn lo a ni!
Tìh Tûr leh Sawi Tûr
Sabbath Chàwhnû: Tûn kâr nî tinin Bible thawnthu zirlai hi chhiar ho \hîn ula, chângvawn sawi nân a hnuaia zaizìrna tûr târlan hi in hmang \angkai dâwn nia:
Thil pakhat. . . . . Kut zungchal tipir la.
ka. . . . . . . . . . . . .mahni inkâwk la.
hria. . . . . . Chal bêng thak thak la.
tûn hmâ khân ka mit a del. . . . Kut pahnihin mit hup la.
tûnah ka hmuh theih tâ! . . Thil thlîr niâwm taka tih vêl tûr.
Johana 9:25 . . . . Kutphah thlawp a; lehkhabu kêu anga tih leh.
Sunday: Naupangin an zirlaia milem awm zât an chhiar theih nân \anpui la. Kan tâna Isuan thil min tihsak tâkte mi dangte hnêna hrilh dân tûr min zirtîr avângin lâwmthû sawi ang che u.
Thàwh\annî: “Three Blind Mice” tih thlûkin hê hlâ hi sa ho teh u:
“One blind man, one blind man,
He couldn’t see, he couldn’t see.
Then Jesus came and opened his eyes,
He saw new things, what a big surprise!
He shared the news of Jesus’ love!
One happy man, one happy man.”
Thàwhlehnî: An zirlaia milem awm zât an chhiar theih nân \anpui la, chutah mi dangte \anpui dân lehkhabu/chanchinbu hlui lama an hmuh theih ang ang zawntîr ang che. A remchân chuan chep thlâ a, la khâwmin, awmzenei takin in bel khâwm dâwn nia.
Nílâinî: Naupang chu khaw hmu thei lo lema changin, mit huptîr tlat ula. Mit chhîng chung chuan eng thil emaw khawihtîrin a hria em sawitîr ula; a nih loh leh pindan pakhat a\angin pindan dangah in hruai kuâl dâwn nia. ‘Mitdel’ nih chu eng angin nge an ngaih sawitîr ula. Thawh\annia hla awm kha sa ho leh ula. Khaw hmu thei mit in neih avângin Isuâ hnênah lâwmthû sawi ang che u.
Níngãnî: Paper plate hmang remchâng ula. Rawng cheina hmangin chei chhuak vek ula. Chutah rawng dum hmangin chei nawn leh ula. Thîrfian tê hmangin hlim hmêlpu lem ziak ang che u. Engtin nge lo ni ta? Rawng dum khân mitdel laia a awm dân, hmêl hlim khân khuâ a lo hmuh theih tâka a hlimzia a entîr dâwn a ni.
Zìrtâwpnî: In chhûngte nên zirlai hi lemchanah hmang ho teh u. Mitdel lemah chuan in inchan chhâwk dâwn nia. Thawh\anni tih tûra hlâ kha sa ho leh ula. Khuâ in hmuh theih avângin Isuâ hnênah lâwmthû sawi ang che u.