2024 4th Quarter Kindergarten Zirlai 5-na

November 2, 2024

Chângvawn: “Amâ mîte \anpui tûrin Pathian a lo kal ta,” Luka 7:16, NIV.

Chhiâr Tûr: Luka 7:11-17; Chatuan Nghahfâk, pp. 348-352.
Thuchah: Mi lungngâite kan \anpuiin Pathian rawng kan bâwl a ni.

Thil eng emaw vângin i lungngai viâu tawh ngai em? I lungngaih êm vângin i \ap chhuâk hiâl em? Vawiin thawnthûa nû pawh hi chutiang chu a ni!

Isuan Pathian chungchâng mîte hnêna hrilh leh an damlote tihdam sakin khaw hrang
hrang a fang lâwr a. A kalna apiangah A zirtîrten an zui vê zêl bawk a.
Mi dangte chuan Isuâ thil tih hmuh leh A thusawi hriat an châk avângin A kalna apiangah chuan mipuiin an zui dum dum reng mai a ni.
Ni khat chu Isua chu Nain an tih khuaa chuan a lo kal a. Chûng hun lai chuan khua rêng rêng hi kulhin an hung deuh vek a, kawngkapuiah mîte chu an lûtin an chhuak \hîn a. Chû khaw kawngkapui lam pana Isua a kal lai chuan, mîin kuâng an rawn zâwn chu a hmû a. Tlangvâl pakhat hi a thî a, khawpui kulh pâwn thlânmuâla phûm tûrin mipuite chun an rawn zui hi a lo ni a. Kuâng zâwngtûte chu a nû leh mipuiin an rawn zui nguâi nguâi a.
Isuan chû nû \ap rî chu a hria a, mi dangte pawh chuan an \ahpui bawk a. Chû nû chu hmeithai a ni a, hmeithâi chu a pasalin a thihsan tawh tihna a ni. Tûnah hian a fapa neih chhun chuan a thihsan vê leh ta a, mahni chauhin khawhar takin a awm dâwn ta a ni. A lungngâi hlê a ni tih Isuan a hria a. |anpuitu tûr tû dang mah a nei tawh lo. Chaw leina tûr pawisa hlawhtû tûr pawh an awm lo va. A dam loh châng pawhin enkawltu tûr pawh a nei lo vang. Amah thlamuântu tûr a nei lo va, a lo tar chak loh huna châwmtu leh enkawltu tûr pawh a nei dâwn lo a ni.
Isuan chû nû chu a khawngaih êm êm a, amah \anpui tûra eng emaw tihsak a duh a ni. Chû nû hnên lam chu ngâwi rengin A pan a. Mipuiin Isua an lo hmuh chuan, an zâ chuan an ding ta \hup mai a. |ah pawh an \ap tawh lo. Chû nû leh Isua an rawn din huâl tuâu tuâu lai chuan, “Isuan eng nge a tih dâwn lê?” tiin an in zâwt a. A ngaihna an hre lo va. Eng nge A tih theih ang?” tih hriat chu an châk hlê mai.
Hlim takin Isuan chû nû chu a nuih var var a, a hnênah, “|ap suh!” tiin a hnêm a. Tichuan kuâng chu a dek ta a ni.
Chutianga a ti lai mipuiin an hmuh chuan, ngâwi rengin an lo thlîr \huâp a. Eng nge Isuan a tih leh dâwn?
Chutah Isua lo \awng chhuakin, “Tlangvâl, tho rawh ka ti a che!” (Luka 7:14, NIV) a ti a. Chutiang thû Isuan a sawi lo hretu mipuite chuan mak an ti hlê ang! Tlangvâl chu a thi tawh tih mi tinin an hre \heuh va, mi thi tawh an tho ngai lo! Mahse, Isuan thû a sawi zawh chuan, tlangvâl chu a lo \hu chhuak a, a lo \awng \an ta mai a ni! Isuan a nû hnênah chuan a pe ta a ni. Ani chu a hlim em? Teh rêng mai! A \ap chu a bâng a, hlim takin Pathian a fak ta zâwk a ni!
Mipuite chuan mak an ti êm êm a! Thilmak thleng an mit ngêiin an hmû a ni. An makti lutuk chu an ka ho hlawm a! A hnûah chuan, “Pathian chu A mîte \anpui tûrin a ko kal ta a ni hî!” tiin an âu ruâl ta \hup \hup a. Khaw chhûngah an hâw leh ta thuai a, Isuâ hmangaihna avângin hlim leh lâwm êm êmin an awm tlâng ta a ni
Pathian min ngaihsak dân hi chu maktak a ni! Keini pawh hi mi lungngaite hnêm a, \anpui tûrin min duh a. Mî tûte emaw dam lo leh khawhar, hlauh nei kan hmuh chângin, thlamuân a, thu ngilnei takte hrilh \hîn tûrin Isuan min duh a. An lungngaih leh mangan thû an sawite ngaithlâk saka, thlamuân \hîn tûrin min duh. Isua ang khân keini pawhin kan hmangaih vê thei a. Chutianga kan tih chuan, Isuâ tâna tî kan nî!
Tìh Tûr leh Sawi Tûr
Sabbath Chàwhnû: Tûn kâr nî tinin Bible thawnthu zirlai hi chhiar ho \hîn ula, chângvawn sawi nân a hnuaia zaizìrna tûr târlan hi in hmang \angkai dâwn nia:
Amâ mîte. . . . . . Mi dangte kâwk kual la.
\anpui tûrin. . . . . Kut phar chhuak a tikum-kawp leh
Pathian . . . . . . . . Vân lam kâwk la.
a lo kal ta. . . . . . Lo kal tûra hûi
Luka 7:16 . . . . . . Kutphah thlawp a; lehkhabu kêu anga tih leh.
Sunday: Bible thawnthû Luka 7:11-17 thû chhiar tlâng ula, tichuan naupangten Bible thawnthû ngêi a ni tih an hre thei ang. Chutah inzawh zui tûr: Tû fâ nge thî kha? Ani khân amah \anpui theitu tûr fapa dang a nei em? Eng thu ngilnei tak nge Isuan khâ nû hnênah khân a sawi? Mi lungngai hnem nân eng thû nge in sawi vê theih ang?
Thàwh\annî: |henawm emaw \hian emaw lungngaihna tlâk buâk fuih phûr tûra naupangte nêna tih ho tûr ruâhman ula—mi lem ziah te, chhang ur te, phone hmanga biak te, hlasak ho te, pangpâr hlan leh thil dang dang pawh a ni thei e.
Thàwhlehnî: Naupang hote chuan hlim hmêl pu chunga an hmêl an ên chhuah tîr laiin “Jesus Wants Me for a Sunbeam” tih hlâ in sakpui dâwn nia. Ni-zung (sunbeam) awmzia leh in fâte chu Isuâ tâna ni-zung an nih theih dân hrilh ang che.
Nílâinî: In fâte nên zirlai hi lemchanah hmang ho ula. Chû mi hnûah in fâte mittui lem atân an mittui luânah tui awmtîr ula. Isua a lo kal leh huna mittui zawng zawng a hrûk fâi hun tûr chungchâng in hrilh dâwn nia. Tissue paper hmangin an mittui lem chu in hrûk hul sak leh dâwn nia.
Níngãnî: Thil eng emaw vânga in lungngaih a, in \awng\ai tâk leh, Isuâ \anpuina zâra in lo hlim leh tâk thû hrilh ula. In fâten chutiang thil tawn an neih chuan in sawitîr vê dâwn nia.
Zìrtâwpnî: Chhûngkaw worship neihnaah, Chatuan Nghahfâk, bûa hmeithâi leh a fapa chanchin chhiar ula phêk 349- 350. Zawh tûr: Engati nge mîte kha ring taka an \ah vak vak? Isuan hmeithâi nû hnênah khân eng nge a sawi? A fapa hnênah eng nge Isuan a hrilh? A fapa khân eng nge a tih? Mipuite khân \ah zêl âiin eng nge an tih tâk zâwk? Tihdam theihna a neih vângin Isuâ hnênah lâwmthû sawi ang che u.