2024 4th Quarter Primary Zirlai 2-na

OCTOBER    12

  TUINNGE    BUM ?

Chhiar tûr: Genesis 29 : 15–28. Thlahtubulte leh Zawlneite pp 188–190

Chângvawn: “Hmangaihna chu a dawhthei a, hmangaihna chu a ngilnei bawk”.  (1 Korinth 13:4 NIV)

Thuchah : Pathianin rinawm leh dawhthei taka mi dangte rawng bâwlsak tûrin min \anpui.

Mi Tu emaw i hmangaih tak tân rei tak hah takin i thawk tawh em? In sak that leh thing chhepa puih pawh a ni thei. Nilengin i nu huanah i \anpui a ni thei. Amah i hmangaih avângin i thawh zawhah pawh lâwmin manhla i ti viau mai thei.

Jakoba chu Labana hnênah thla khat chu a awm ta. Ni khat chu Labana chuan, “Jakob, ka tupa i ni a, mahse hlawh nei lova ka hna thawhtîr reng che hi i tân a fel chiahin a lang lo. Eng nge i hlawh ang min hrilh the?” a ti a.

      Jakoba chuan a pu hnêna awm chu lâwmawm a ti a. A hna thawhsak pawh a hreh lo. Chu bâkah a pu Labana fanu naupang zâwk Rakili chu a duh viau bawk si. “Ka pu Laban, ka duh tak chu Rakili neih hi a ni. Ka neih i phal chuan kum sarih i rawng ka bâwl ang e” a ti ta a. Labana chuan a remti a. “Ka tân pawh inremna tha tak a nih dâwn chu. Aw le, hetah awmin ka hna chu min thawhsak mai rawh le” a ti ve a.

      Chung hun lâi chuan mipa chuan nupuia a neih duh hmeichhe pa chu pawisa an pe \hîn a, a fanu hnênah pa chuan a pe leh \hîn a ni. Tichuan a ta a lo ni \hîn. Mahse pa \henkhat chuan an nupui man tûr pawisa an neih loh chuan hun tiam chhûng hna an thawhsak \hîn a, chutiang chu Jakoban a tum chu a ni.

      Tichuan Jakoba chuan a nupui tûr Rakili man atân chuan kum sarih chhûng hna a thawk ta a. Labana tih tûr a tih chu ni tinin rinawm leh dawhthei takin a ti \hîn a. Rakili a hmangaih em avâng chuan hun chu rei lo hlein a hria a. A tâwpah chuan kum sarih chu a lo liam ta a. Rakili a neih hun a lo thleng ta. Mahse Labana chu Jakoba lakah a rinawm lo. Hlawh pêk ngâi lova Jakoba chhawr chu a duh a. Jakoba chuan phunnawi lovin hah takin a thawk tih a hria. Pathianin Jakoba chu hnathawktu rinawm tak ni tûrin a \anpui tih a hre bawk. Labana tân phurrit reng a awm lo. Thil dik lo tih a tum ta a. A tha chu a thlâwna a chhawr zêl theih nân bum a tum ta a. Chung hun lâi chuan inneihna sawngbâwl lâiin mo chu hmaikhuhna chhah deuhvin an khuh \hîn a. Tu ma’n an hmel an hmu thei lo. Chumi zân chuan Jakoba pawhin a mo hmai khuh tlat chu a puan inah a hruai lut a. Rakili ni lovin Leaii zâwk a ni tih a hmu lo. Zîngah chuan thil rapthlâk chu a hmu ta. A lâizawnnu zâwk a lo nei reng a nih chu. Jakoba chu a thawngin a \hîn a ur hle bawk. Engtinnge a pu chuan chutiang chu a tih theih?

      “Pu Laban, eng vângin nge min bum? Rakili ka neih nân i hna hah takin ka thawk a, engatinge hetia min bum mai?” a ti a.. Labana chuan dawt sawiin  “Kan ramah hian a u âia a nau zâwk kaltîr hi dân a ni lo. Heti hian i ti mai ang, Rakili hi i nei bawk ang a, kum sarih rawng min bâwlsak leh mai rawh” a ti a.

      Chu ramah chuan chung hun lâi chuan pa tam takin nupui pakhat âia tam an nei \hîn. Chutiang chuan Leaii nên an inneih kâr tâwpah chuan Jakoba leh Rakili chu an innei leh ta a. Jakoba chuan kum sarih atân Labana rawng a bâwl tân leh ta a.

      Rakili nei tûrin hlawh dang nei lovin kum 14 zet, hun rei tak chu Jakoban hna a thawk ta a. Chung chhûng zawng zawng chuan Labana rawng chu dawhthei takin a bâwl a ni. Rakili nei tûra chutianga thawh pawh chu man a ti a ni. Hna hautak hle mah se Pathianin rinawm taka thawk tûrin a \anpui a ni. Mi kan hmangaih takzet a nih chuan rinawm leh dawhthei takin kan thawk ve thei ang.

Tih tûrte

Sabbath: 

• I nu leh pa emaw, nupa dang pawh an inneih chanchin hrilh tûr chein ngên la. Jakoba nupui neih dân nên khaikhin la, eng nge a Inânna? Engtin nge a danglam?
• In Sabbath Sikula chêt dân in zir angin in chângvawn i chhûngte zirtîr  rawh. A awmzia i nun leh pate hrilh la.

Sunday

• In chhûngte nên Genesis 29:15 chhiarin sawi ho teh u. Mi dangte hna an thawhsakin engatinge a man an pêk \hîn?  In chhûngkuaah tu nge hna thawh avânga hlawh an pêk? Tu nge hlawh nei lo? Ina mi dang i \anpui avângin hlawh i nei nge nei lo? Eng vâng nge?
• Sabbath Sikula in pawisa khawlna i chhûngte entîr la (a nih loh leh lehkha khawngin khawl bawm siam chawp la) Sabbath Sikul rawngbâwlna atâna pawisa khawl chungchâng sawi ang che.

Thawhtânni

• Genesis bung 29:16,17 chhûng inkhâwmnaah chhiarin sawi ho ula. Leaii leh Rakili chanchin sawi ula, tu nge hmeltha zâwk? Hmeltha zawng zawng hi an ngilneiin an ngâinatawm vek em? Pawn langa duhawm nge tha zâwk chhûngril lama that le? Eng vângin?
• Thil tha titute lem hmuh tumin chanchinbu hlui leh magazine hluite zawng la, chep thlâin lehkhapuanah bel teh. An hmeltha vek em?
• Mi ngilnei leh dawhtheite avângin Isua hnênah lâwmthu sawi ang che. Nâng ngei pawh ngilnei leh dawhthei ni tûra \anpui tûr chein dîl ang che.

Thawhlehni

• Vawiina chhûng inkhâwm lâiin Genesis 29:18–20 chhiarin sawi ho ula. Jakoba leh Labanân eng inremsiamna nge an neih? Eng hna nge Jakoban a thawh? An inremna chu eng angin nge i ngaih?
• Nupa upa deuh hnênah an intawn dân leh inneih dân zâwt la. Engtia rei nge an inneih tawh? An innei thuai nge rei deuh an nghâk? An inhmangaihnain zaidam leh dawhthei tûra a \anpui dân zâwt ang che.

Nilaini

• In chhûngte nên Genesis 29:21–23 chhiarin sawi ho teh u. An inremna chungchâng Jakoban a sawichhuah khân Labanân eng nge a sawi? Tu nge inneihnaah chuan lo kal? Leaii khân Labana ruahmânna kha a hriat i ring em? Engatinge chutianga a tih?
• Pawisa khawl i duh chhan mission project lem ziak la. I chhûngte pawh hrilh ve la. I hriat reng theih nân i pindânah khai ang che.
• Mi dangten amah an hriat theih nâna pawisa i pêk theih avângin Isua hnênah lâwmthu sawi ang che.

Ningani

• I chhûngte nên Genesis 29:25–28 chhiarin sawi ho ula. Eng vângin nge Labanân Jakoba a bum? A upa zâwkin pasal a neih hmasak a ngaih thu a sawi khân Labana thudik a sawi em? Rakili a neih theih nân engtia rei nge Jakoban a nghah? Chumi hnuah Labana tân engtia rei nge a thawh leh? Rakili a hmangaihnain Jakoba kha Labana laka dawhthei tûrin a \anpui em?
• In chhûngkuaa Tu emaw i laka a dawhtheih viau \hîn kha ngaihtuah la. Ngilnei tûrin an pui che em? Chu mi avâng chuan Isua hnênah lâwmthu sawi ang che. Ama hnênah pawh lâwmthu sawi ang che.

Zirtawpni

• In chhûng inkhâwmnaah Jakoba chanchin tam zâwk hre tûrin Thlahtubulte leh Zawneite phek 188–190 chhiar ula. Chu zirlâi chu a lem han châng teh u. Tu nge Jakoba ni ang a, Rakili, Leaii  leh Labana pawh?
• A theih chuan in nu leh pate inneih thlalak en ula. Jakoba hun lâi nên a inâng nge a danglam?
• In chângvawn sawi rual ula. Tûn kâr hian tu nge i laka ngilnei leh dawhthei? Chu mite avâng chuan Isua hnênah lâwmthu sawi ang che.