2024 4th Quarter Primary Zirlai 3-na

OCTOBER 19

TLÂN BO   LEH     TA

Chhiar tûr : Genesis 30:25–43; 31; Thlahtubulte leh Zawneite pp 190–194

Chângvawn : “Engpawh in tih apiang chu in thinlung zawng zawngin ti \hîn ang che u”. (Kolosa 3:23 NIV)

Thuchah : Hmangaihnaa rawngbâwl hi lâwmman tel lo pawhin tha taka tih a ni.

In chhûngkuain restaurant–ah chaw in ei tawh em? An ei siam a tui chuan in chhûngkuain a viltu che u chu lâwmman in pe em? Chu mi chuan lâwmman a beisei em? Mi i \anpui hian lâwmman dâwn lam i ngaihtuah \hîn em?

Jakoban an in leh chhûngte a kalsan a\ang khân kum 20 lâi a lo liam ta. Kum 20 chhûng chuan a pu Labana tân hna a thawk \hîn a. Tûnah chuan fapa sâwm leh  fanu pakhat a nei ta.

Josefa a lo pian leh chuan Jakoba chuan a pu hnênah Kanaan rama kir leh a dîl a. Mahse Labana chuan “Khawngaih takin la cham rih rawh. Nângmah avângin Pathianin mal min sâwm tih ka hria e” a ti a.

Jakoba chuan cham leh rih chu a remti a. A hna thawh lâwmman pêk Labana chuan a tiam a. Berâm leh kêl zînga rawng dangin a kah chik nuk leh a kah phoh phoh te chu Jakoba hlawh tûr a ni. Chumi hnuah chuan Jakoba chuan ran rual tam tak a nei ta a. Tûnah chuan Jakoba chu pa hausa tak a lo ni ta a, hemi avâng hian Labana fapate chu an lâwm lo. Jakoba ran rual te chu an ta tûrah an ngâi tih Jakoba chuan a hria a. Chu bâkah Labana rilru ngei pawh chu a lakah tûn hma angin a tha ta lo tih Jakoba chuan a hria.

Pathianin Jakoba hnênah, “I pa in lamah haw leh tawh rawh” a tih chuan Jakoba chuan chhuah a hun tih a hria. Labana hnênah engmah hrilh lovin a nupui te, a fa te, a ranrual te chu hruaiin Kanaan ram panin a chhuak ta a.

Ni thum hnuah chuan Labana Jakoba chu a kal tawh tih a hre ta a, a um nghâl a. Ni sarih hnuah chuan Jakoba chu a umphâk ta a. Chumi zân chuan Pathianin Labana chu a bia a, “Jakoba hnênah a chhia a tha engmah sawi lo tûrin fimkhur rawh” a ti a.

A tukah chuan Jakoban Labana leh a mi hruaite chu a han hmu a, an lo hnaih zêl chuan Jakoba chuan a chal chuarin a han thlir vâng vâng a. Labana chu a chungah a lâwm lo tih a hria.

“Enga tinge engmah min hrilh lo va i tlân bo dâih mai? Ka fanute leh ka tute pawh inthlah nân min fawhtîr lo va. Tichhe thei che ka ni asin. Nimahsela nizânah Pathianin i hnêna a chhia a tha engmah sawi lo tûrin min ti a ni” a ti a.  Jakoba chuan, “Ka nupuite leh ka fate min laksak ka hlauh vângin engmah hrilh lo chein ka chhuak a ni” a ti a.

“Ka pu Laban, kum 20 chhûng i rawng rinawm takin ka bâwl a, chutih chhûng zawng chuan i ran rual te ngun takin ka vêng a. Chhûna ni sa leh zân khawvawtin min tihrehawm êm êm chungin ka phunnawi ngâi lo. I fanute pahnih nei tûrin kum 14 i rawng ka bâwl a. Kum 6 chhûng i ran rual hlawh tûrin i rawng ka bâwl leh a. Chumi chhûng zawng chuan ka hlawh vawi 10 lâi i tidanglam a, mahse Pathian ka hnênah a awm a; kut ruak mâia min hawtîr thei i ni a, mahse Pathian chuan i hna thawka ka rimzia a hmu a, nizânah chuan a zilh che a nih chu” a ti a.

Labana chuan, “kawng khat ngaihtuah chuan i neih zawng zawng hi ka hnêna mi a ni asin. Heng hi ka fanute leh ka tute an ni a, i ranrual pawh hi ka ran a\anga i neih a ni. Mahse ka fanute leh an fate ka hren zawng a dik lo vâng.” tiin zaidam zâwkin, “Tûnah chuan inremna thu i thlung ang.” a ti a, Jakoba pawhin a remti ta a. Lung an tiang khâwm thur a, “Heng lungte hi kan inkâra hriatna lo ni rawh se. Nângmah tichhe tûrin he lung tian khâwm hi ka rawn pel lo vâng a, nâng pawhin min tichhe tûrin i rawn pel  bik lo vâng” Labanân a ti a. Jakoban thutiam chu a chham ve a. “Ka tina lo vâng che a, nâng pawhin min tina lo vâng” tiin chhûngkaw hnihte chuan chaw an eiho ta a ni.

A tuk zîngah chuan Labanân a fanute leh a tute chu a fâwp a. Labana chu a kir leh ta a, Jakoba leh a chhûngte chu Kanaan panin an kal ta zêl a.

Kum tam tak hnuah chu lâi hmun chu Mizpah vuah a ni ta a, chu chu malsâwmna hmun tihna a ni. Chu lâi hmunah chuan Labanân Jakoba hnênah “Inhlata kan awm hnuah Pathianin nâng leh kei min vêng tawn rawh se” a ti a.

Tih tûr te :

Sabbath

• A theih chuan in chhûngkuain berâm emaw kêl emaw hmu tûrin  kal ula. Ran zîngah chuan rawng danga ze phoh phoh te, rawngin a kah chik nuk te, chhiar ula, Jakoban a tam zâwk nge a chan ang a tlem zâwk? Engtin nge i hriat theih?
• Sabbath Sikula thinlung lem coupon in siam kha puitling pe ve ula. (A nih loh leh lehkha puanin thinlung lem siam ula, chutah chuan lâwmman beisei lova i tih duh ziak ang che)

Sunday

• Vawiina chhûng inkhâwm nân Genesis 30:25–36 chhiarin sawi ho ula. Labanân eng inremna nge a siam? Châng 40–43 chhiar leh ula, Jakoban eng nge a tih? Eng vângin nge a tih?
• Inchhûng sekrek khawih pahin in chângvawn sawi sawi mawlh mawlh rawh.
• A theih chuan in nausên lâi thlalak en ula. I nausên lâia enkawltu che hnênah lâwmthu sawi la, Isua hnênah sawi bawk ang che,

Thawhtânni

• In chhûng inkhâwmnaah Genesis 31:1–13 chhiarin sawi ho ula. Pathianin Jakoba kha eng ti tûrin nge a hrilh? Ran te kha ze tial tûrin tuin nge siam? Eng vâng nge?
• Ransa rang lem siam la, chutah chuan in chângvawn ziak ang che. Hei hi i chhûngte chângvawn zirtîr nân hmang ang che. Ransate avângin Pathian hnênah lâwmthu sawi ang che.

Thawhlehni

• In chhûng inkhâwmnaah Genesis 31:14–21 chhiarin sawi ho ula. Labana fanute khân Labana kha eng angin nge an ngaih? Engatinge? Rakilin eng nge a tih? Jakoban Labana engtinnge a bum? Hei hi a dik em? Eng vângin? I chhûngte awm bosan la, engtin nge i awm ang?
• Mi dangte hriat lohvin an tân thil tha tih tûr han ngaihtuah teh. Tûn kârah ti chhin la, an hria nge hre lo? Lâwmman dâwn beisei kher lo la.

Nilaini

• In chhûng inkhâwmnaah Genesis 31: 22–43 chhiarin sawi ho teh u. Labanân Jakoba hnênah eng nge a sawi Engtin nge Jakoban a chhan? Rakili thiltih kha eng tin nge i ngaih? Lâwmman beisei lovin tuin nge rawngbâwlsak? Jakoban tuin nge enkawl nia a sawi? Labana eng tih nge a rawt?
• Tûn hnâiah Tu emaw hnialpui i nei em? Emaw tu chungah emaw dik lo taka tih i nei em? Chumi chin felpui tûr chein Isua sâwm la., muang suh ang che. Vawiinah ti nghâl la, Chu mi tân chuan \awng\âi ang che.

Ningani

•  Genesis 31:44–55 vawiin chhûng inkhâwmnaah chhiarin sawi ho ula. Jakoba leh Labanân eng thuthlung nge an siam? An thuthlung hriatpui tûrin eng nge an siam? Chu hmun chu eng vângin nge Mizpah an vuah? Labana leh Jakoba inthen dân kha eng engin nge i ngaih?
• Genesis 31:49 chhiar leh la, i chhûngte chu Mizpa sawi rualtîr rawh.
• Fakna hlate kha sa la, A enkawl vek che u avângin Isua hnênah lâwmthu sawi la.

Zirtawpni

• In Bible thawnthu zir kha a lem han châng teh u. Tu nge Jakoba ni ang a, tu nge Rakili emaw Labana châng ang? In chângvawn en nawn la. Tûn kârah tu emaw \anpui tûrin eng nge i tih tiin inzâwt theuh rawh u
• Dictionary–ah thuthlung tih zawng ula. A awmzia in chhûngte hrilh la. Thuthlung chungchâng sawina sentence siam rawh.

Matthâia 6:3,4 chhiar rual ula. Mi tlakchham nei \anpui nân in chhûngkuain eng nge in tih theih? Ruahmânna siamin tûn kâr tâwpah tiho rawh u. Lâwmman beisei lovin hlim taka in tih theih nân Isua dîl ula