2024 4th Quarter Primary Zirlai 4-na

   OCTOBER  26

A   TÂWPAH    CHUAN     INAH

Chhiar tûr : Genesis 32 leh 33. Thlahtubulte leh Zawlneite  pp 195–198.

Chângvawn: “Pathianin min khawngaih avângin ka mamawh zawng zawng ka nei” (Genesis 33:11,NIV)

Thuchah : A malsâwmna mi dangte kan sem ve hian Pathian rawng kan bâwl a ni.

            Henrique–a chuan a sandwich zatve chu Andy–a a sem ve a. Chu mi tuk tho chuan Andy–a chuan Henrique–a thu lam rik dân \henkhat chu a lo nuihsawh tawh a. Henrique–a rilru chu a na viau nain Andy–a chu a ngâidamin a thian atân a la duh reng a ni tih entîr a duh a ni. Pêk ve hi Tu emaw laka kan rilru put dân lantîrna chi khat a ni, Vawiin kan thawnthu ngaihthlâk tûrah hian Jakoban a ta chu Esauva a sem ve a ni.

Jakoba chuan a in lam a pan mek a, Pathianin chutianga ti tûr chuan a hrilh a ni. Mahse a zam deuh hlek. Esauva pianpui hamthatna bumna hmanga a laksak dân kha Jakoba chuan a la hre reng a. Esauva malsâwmna dâwn tûr a pa buma aman a dâwn khalh dân pawh kha a la hre reng. Esauva chu a lakah a la thinur reng ang em?

Jakoba chuan Pathian \anpuina a ngên a. Pathian chuan a kianga awm tûrin a vântirhkohte a tîr a. Jakoba chuan Esauva hnênah zualkote a tîr a. “Heti hian ka lalpa Esauva hnênah in sawi tûr a nI: ‘I chhiahhlawh Jakoba chuan heti hian a ti….’’ tiin a Thuchah chu a hrilh a. Esauva chu ‘Ka lalpa “ ti tûrin a chah a, chu chu roluah tûr engmah chuh a tum lo tihna a ni.

Mahse zualkote chuan thu \hînthawng tak an rawn thlen a. Esauva chu mi 400 hruaiin a lo kal tih chu a ni. Esauva chuan a rawn bei dâwn ta mai em ni tiin Jakoba chuan a ngaihtuah a. Pathian lam a hawi leh a.

Thuchah thawn lehin ranrual tam tak thilpêk atân a thawn bawk a. A thuchah kengtu hnênah chuan “I chhiahhlawh Jakoba chu kan hnungah sawn a awm” ti tûrin a chah bawk a.

Chumi zân chuan Jakoba chuan a chhûngte leh a neih zawng zawng chu Jabbok lui a kantîr a. Ani erawh chu a kam lehlamah amah chauhvin a awm a. Chutah chuan Pathian a tawk a. Zânkhuain vântirhkoh a buan a. Malsâwmna a ngên a, a dawng ta bawk.

A tukah chuan Jakoban a u Esauva leh a mi hruai 400 te lo kal chu a hmu a. A chhûngte chu a sem darh vat a. A fate chu an nute bulah theuh a awmtîr a. An hma a hruai a, hla deuhva a la awm lâi a\angin lei siin chibai bûkin a kun a. An rawn hnaih thlengin lu kunin vawi sarih chibai a bûk a.

Mahse Esauvân Jakoba a hmuh chuan a tlân a, a pawm a, an tap dun ta a. Jakoba chu a thaw huai ang le. Rei lote hnuah Esauva chuan, “I rawn hruaite saw tutenge ni?” a ti a. Jakoba chuan, “Heng hi Pathianin min pêk chhûngkua an ni e” a ti a.

Chutia an inhrilh hnu chuan Esauva chuan, “Ranrual i rawn thawn zozaite kha eng tizia nge ni” a ti a. Jakoba chuan, “Ka thil pêk che a ni e, ka u. I zahngaihna leh i ngaihdamna ka mamawh a ni tih hria la ka duh a ni” a ti a. Esauva chuan, “Kei pawhin ka ngah e Jakob. I thil neih chu i ta ni rawh se”a ti a.

Mahse Jakoba chuan, Ni lo ve, khawngaih takin ka thilpêk hi min pawmsaak zâwk rawh. Min ngâidam takzet a ni tih ka hre dâwn nia. Pathian ka chungah a tha a, ka mamawh zawng zawng chu ka nei e” a ti a. A tâwpah chuan Esauva chuan a pawmsak ta a. “Khai le i kal tawh ang. Hma ka hruai sak ang che” a ti a. Jakoba erawh chuan, “Ka lâwm e, mahse naupangte leh ranrualte hi an la tet deuh avângin zawi deuhva kan kal a ngâi a ni e” a ti a. Esauva chuan, “Ka mite \henkhat hi ka hnutchhiah ang che chu” a ti leh a. “A ngâi lo ve, ka lâwm e, ka lalpa. I mit tlun hi ka duh mai a ni e” Jakoban a ti a. Tichuan Esauva chuan a kalsan ta a. Jakoba leh a chhûngte leh ranrual chuan zawi tein an zui a. A tâwpah chuan Jakoba awmna ram Kanaana Sekem khua chu an thleng ta a. Chutah chuan Jakoban ram a lei a. Kum 20 hnuah chuan a chhûngte leh a ranrualte awmna tûr in chu a thleng ta a ni.

Jakoba chuan Kanaan thlen a nghâkhlel hle chungin a chhûngte mamawh chu a dah pawimawh hmasa a. Mi dangte rinawm taka rawng kan bâwlsak a nih chuan an mamawh pawh kan ngaihtuah tel ngei ang.

Tihtûr te :

Sabbath :

• A theih chuan in chhûngkuain hla deuh kal ula. Jakoba zinpui angah inchan la. Engte nge i hmuh ang? Eng nge i hriat ang? Ni khatah engtia hla nge in kal ang? Hmun reh deuhvah in zirlâi hi chhiar ho ula.
• I chhûngte hnênah chângvawn hi hrilh la.
• Sabbath Sikula Malsâwmna Bawm in siam kha sem ve la. A nih loh leh lehkha puanah malsâwmna i dâwn i hriat theih apiang ziakin bawm cheimâwiah thlâk la. Chu bawma tla thenkhaat chu in chhûngte hrilh ula.

Sunday

• In chhûngkuain Genesis 32:1–12 chhiarin sawi ho ula. Jakoban eng nge a hlauh?  Eng tin nge a tih? Nâng eng nge i hlauh? Engtin nge i tih ang? Puitlingte hnênah an naupan lâia an hlauh zâwt la. Eng tin nge an hneh?
• Sam 91:11 zawng la. A thil sawi chu a lem ziak la. Chu milem chu i chhûngte entîr rawh.
• Pathianin a ngaihsakzia che sawina hla sa la, lâwmthu hrilh ang che.

Thawhtânni

• Genesis 32:13–21 in chhûngkuain chhiarin sawi ho ula. Enga ti nge Jakoban a unaupa hnênah thilpêk a thawn? A mi tirhten engtin nge Esauva an koh ang? I mi tawhte zahna eng tin nge i lantîr \hîn?
• I unaupa emaw unaunu emaw thilpêk pe duh la, eng nge ni ang? Eng vângin nge thil i pêk ang? Pathian hnênah anmahni avângin lâwmthu sawi ang che.

Thawhlehni

• Genesis 32:22–31 chhiarin sawi ho ula. A theih chuan he chanchin hi Thlahtubulte leh Zawlneite phek 196,197 chhiar ang che. Tu nge zânah Jakoba hnêna lokal? Jakoban eng hming nge a dâwn? Eng nge a awmzia? Kha zân khân eng malsâwmna nge Pathianin Jakoba a pêk? (Thlahtubulte leh Zawlneite pp198)
• Pathianin malsâwmna leh talent a pêk che ziak tlar la, eng tin nge chungte chu mi dang i sem ve theih ang? In chhûngkuain ruahmânna siam ula, hlen bawk ang che u.
• A malsâwmna avângin Pathian hnênah lâwmthu sawi ula, mi dangte in sem theih nân a \anpuina dîl ang che u.

Nilaini

• In chhûngkaw inkhâwmnaah Genesis 33:1–11 chhiarin sawi ho rawh u. Eng tin nge Jakoba leh Esauva an inlâwm ? Enga ti nge Jakoba leh a chhûngte Esauva hmaa an kun? Esauvân Jakoba a ngâidam em? Eng tin nge i hriat?
• In chhûng zînga Tu emaw nêna in intih thiam loh ngâituah la. Siamtha leh tûrin eng nge i tih? Anin eng nge a tih? In chhûng zînga Tu emaw hnêna ngaihdam i dîl dân tûr puitling zâwk nên han châng teh u. \anpui tûr chein Pathian ngên la.

Ningani

• Vawiin chhûng inkhâwmah Genesis 33:12–20 chhiarin sawi ho teh u. Esauvân Jakoba eng tin nge a tih? Enga ti nge Jakobate kha zawi muanga an kal a ngaih? Eng vângin nge Jakoban Esauva vênhimna a mamawh loh?
• In chhûngkuain hmun hla takah kal chhuak ta ang ula khawiah nge in kal ang? Chutah chuan eng tih nge in duh ang? In zinvahnaah chu tu vênhimna nge i mamawh?
• Fakna hla \henkhat sa la, i kalna apianga a awmpui che avângin Pathian hnênah lâwmthu sawi ang che.

Zirtawpni

• Zânin chhûng inkhâwmah Jakoba leh Esauva lem châng ula. Tu nge Esauva, tu nge Jakoba, tu nge Leaii, tu nge Rakili châng ang? A dangin an ran hmuh hram dân lo zir bawk se.
• Chângvawn sawi ho ula. Mi mal theuhvin tûn kâra Pathian khawngaihna an dâwnte sawi sela.
• \awng\âi hmain fakna hlate sa ula, Sabbath malsâwmna avângin Pathian hnênah lâwmthu sawi rawh u.