ADVENTIST KHUALBUK HAWN A NI

Vawiin June 14, 2024 khan Falkawn hmuna Adventist kohhran ten Khualbuk an sak chu Pastor Tawkthanga, President Northeast India Union chuan a hawng. Zoram Medical College a damlote tan leh a mamawh apiangte atana buatsaih a ni.

Pastor Tawkthanga chuan damlo tinte leh a mamawhtu tinte tana malsawmna ni turin he Khualbuk hi Pathian hnenah a hlan a. Pastor Biakzidinga Renthlei – President, Mizo Conference chuan he Khualbuk buatsaih tan a nih dan leh buatsaih a nih chhante a sawi a. Damlo leh a awmpuitu thlenna baihvaite tana thlenna tura buatsaih a nih thu leh Adventist kohhran memberte tana buatsaih a nih rualin kohhran member-te ni kher lo pawhin an chhawr tangkai theih tur thu a sawi a ni.

He Khualbuk-ah hian double room pathum leh dormitory pakhat a awm a. Room khat luah man hi Rs. 300/- a ni ang a, Dormitory hi Rs. 100 a ni thung ang.