CHILDREN’S SABBATH HMAN A NI:
July 27, 2024 (Sabbath) ni khan khawvel pumah Adventist kohhran ten naupangte puala chawlhni bik, Childrens Sabbath an hmang. He Childrens Sabbath ah hian thupui atan hian AGAPE – Isuan Engtik Lai Pawhin min hmangaih reng tih chu thlan a ni.
Mizo Conference of Seventh-day Adventist-te pawhin Mizoram chhunga kohhran hrang hrangah he ni bik hi an hmang a. Bial thenkhat Serchhip Bial, Lunglei South te chuan he ni hi a huhovin an hmang a ni. Bial tam zawk erawh chuan kohhran mal angin he hun hi an hmang thung.
Naupangten zaipawl, skit leh program hrang hrangte an hman bakah naupangte puala sermon-te ngaihthlakna hun neih a ni bawk a ni.
Khawvel pumah hian Adventist Children’s Ministries hnuaiah hian naupang million sarih vel an awm a. Mizo Conference hnuaiah hian naupang sang li vel an awm bawk a. An Director hi Pi Lalthangmawii Ralte a ni.
